doa

Transcription

doa

Rapsodi
Realiti
...Pinganang Tapa Tiap Ndu
Chris Oyakhilome
LOVEWORLD PUBLISHING
(Believers’ LoveWorld Inc.)
Unless otherwise indicated, all Scripture quotations are taken from the King Jakob
Version of the Bible.
A Key for other BIBLE Translations Used:
NKJV
-New King Jakob Version
AMP
-The Amplified Bible
TANT
-The Amplified New Translation
TLB
-The Living Bible
CEV
-Contemporary English Version
NASB
-New American Standard Bible
ISV
-International Standard Version
NIV
-New International Version
MSG
-The Message Translation
WEB
-The World English Bible
TNLT
-The New Living Translation
ASV
-American Standard Version
TEV
-Today’s English Version
RSV
-Revised Standard Version
GNB
-Good News Bible
WNT
-Weymouth New Testament
NRSV
-New Revised Standard Version
MOFFAT -Moffatt New Translation
Rapsodi Realiti ...Pinganang Tapa Tiap Ndu
ISSN 1596-6984
Edisi Buran Mayi 2016
Copyright © 2016 LoveWorld Publishing; Believers’ LoveWorld Inc.
YUN SIKEN KAYUH KA YUN ODA BUK:
United Kingdom (UK):
Believers’ LoveWorld
Unit C2, Thames View Business
Centre, Barlow Way Rainham-Essex,
RM13 8BT.
Tel.: +44 (0)1708 556 604
Fax.: +44(0)2081 816 290
Usa:
Christ Embassy Int’l Office,
200 E Arrowhead Drive
Suite W-3 Charlotte, NC 28213
Tel.:+1 (0) 980 219 5150
kanada:
Christ Embassy Int’l Office,
50 Weybright Court, Unit 43B
Toronto, ON MIS 5A8
Tel.:+1 647-341-9091
Nigeria:
Christ Embassy
Plot 97, Durumi District, Abuja, Nigeria.
LoveWorld Conference Center
Kudirat Abiola Way, Oregun
P.O. Box 13563 Ikeja, Lagos
Tel.: +234-703-000-0927, +234-812-340-6791
+234-812-340-6816, +234-01-462-5700
Afrika Selatan:
303 Pretoria Avenue
Cnr. Harley and Braam Fischer,
Randburg, Gauteng
South Africa.
Tel.:+27 11 326 0971
+27 62 068 2821
Fax.:+27 113260972
Usa:
Christ Embassy Houston,
8623 Hemlock Hill Drive
Houston, Texas. 77083
Tel.: +1-281-759-5111;
+1-281-759-6218
kanada:
600 Clayson Road North York Toronto
M9M 2H2 Canada.
Tel/Fax:+1-416-746 5080
www.rhapsodyofrealities.org
email: info@rhapsodyofrealities.org
Buk ati inu hak cipta terpelihara di ribo Ukum Hakcipta Antarabangsa. Sopurug
isi nga/bait pinutu buk ati duh bisa dog fotostat darum ani ani cara, kambui duh
biyun surat adi bada angan ndai simunu so Penerbit LoveWorld.
Pengenalan
Y
eah! Buk kebaktian tiap ndu adi angan suka ati, ka-i
inu Rapsodi Realiti, madin mboh agi darum 743
bahasa, ka gibabu bagu bahasa bukun adi sadang dog
nambah. Kieh bisaya nang buk kebaktian edisi 2016 ati
re bada roh angan dog pakat ka bitimbu jadi rabis tuuh
darum pinyipuan Tapa. Ka-i re bada angan dapud jadi
bijaya ngga bragah darum ndi ndi sawa. Darum edisi ati,
buk ati biyun pikir kira adi re ngubah pimudip angan di diki
buk ati re ngyen asung bauh di angan, ngubah ka sidia
angan yun kinyam har adi munos atin angan, buan buwa
ka ngyen utung di angan ngga Pinganang Tapa.
-SIMUKI RE PAKAI BUK KEBAKTIAN ATI YUN NGYEN IMPAK ADI BAGA
Basa ka nakit pikir turup di buk ati. Kidaan doa nga pingaku
di adup angan tiap ndu, ka-i re sawu bada Pinganang Tapa
adi angan nang dog ndai darum pimudip angan.
Basa sopurug Kitab ngga plen pinyibasa 1 sawa bait ngga
plen pinyibasa 2 sawa
Angan tungang guh ngatur basa Kitab jadi duwuh bahagian
– pinyibasa san san nga pinyibasa ngumindu.
Pakai buk kebaktian ati yun bidoa ka nuris bara gol angan
tiap buran, ka nyukat pinyijaya angan kan-i angan mboh
ndai gol angan ndi per ndi.
Kieh ngajak angan suwa bigaun ngga bragah Tapa
ka ngga pimanang yun ndi ndi sawa, kan-i angan tambit
Pinganang Tapa birang ndu! Kieh rindu di sopurug
angan! Tapa berkat angan!
-Pastor Chris Oyakhilome
Informasi Adup
Adun
E’dress ramin
Nombor fon ramin
Henfon
E’dress Emel
E’dress bisnes
GOL YON BRAN ATI Rapsodi Realiti
...Pinganang Tapa Tiap Ndu
1
ndu senin
Dog Ngyen Bragah Ngga Kristus
Jadi meh ngara ati adi ayuh mboh mien
sibungas-i, ngara ati ayuh mboh bagan guh;
ka daya adi ayuh mboh bagan, ngara ati ayuh
mboh bada jadi tunggun guh; ka daya adi ayuh
mboh bada jadi tunggun, ngara ati ayuh mboh
dog ngyen bragah (Rome 8:30).
J
esus bikuasa darum sopurug kayuh. Pak
kitab Hebrews daan di ata pasar daya adi
dapud dog rupas, pak ngara-i abah dog rupas, amai-i
an dapud pinyimakat so kabus adi kana du (Hebrews
11:35). Jesus kambat pinyikabus di tunduh rigang.
Ayuh pirupas bragah-I, ka bijera yun ata. Kitab daan
nang Ayuh ngyen sopurug-i sabab ata (Philippi 2:7
CEV). Ndu ati di syurga, Ayuh dog na makota ngga
sopurug bragah ka pinyibas. Ayuh inu Kristus adi
mboh dog ngyen bragah.
1 John 4:17 daan di ata kayuh adi turup. Ka-i
nang, “…sabab nimun ayuh (Kristus adi mboh
dog ngyen bragah), simunu guh ta darum ong
ati.” Ka-i mating daan, “sabab nimun Ayuh jah-i,
simunu guh ata jah-i.” Ata nimun Ayuh MADIN!
Ayuh inu Adam numor duwoh nga skasun, amai
Ayuh inu pingubak sopurug kayuh adi mboh dog
napa bauh, di diki ata inu daya bauh. Haleluyah.
Jadi, angan duh inu so Adam numor ndi, amai
Kitab daan, “Ngapui-i, kambui tadu daya darum
bidayuh
Kristus, ayuh anu sawu bauh : anu adi amba
mboh mating; sopurug kayuh mboh jadi bauh”
(2 Corinth 5:17).
Ata sua dapu bragah-I, ka ata taban bragah-I
guh. Jesus ngyen bragah adi samah di ata, bragah
adi Sama mboh ngyen di Ayuh: “Ka bragah adi
kaam mboh ngyen di aku, aku mboh ngyen di
ngara; isa ngara bisa jadi ndi, nimun ata ati agi
ndi” (John 17:22). Ndu ati, angan mboh jadi jawa
bragah Tapa samah nimun Jesus. Kitab daan, “Amai
ayuh dapud so Tapa Sama stabi nga bragah, di
andu siruun dog kadingah adi mandug so Sianu
adi tunduh bragah, nang-i, Siati inu Anak nyirot
Ku, di Ayuh Aku raru gaun atin” (2 Petro 1:17).
Bada adup angan puan pasar rata adi bas ati,
adi Tapa mboh na darum adup angan. Ayuh duh
adu-i ngyen pimudip-I, damai-I nga pinunggun-I;
Ayuh ngyen bragah-I adi sawu kana di angan guh.
Pingaku
Samah nimun Kristus adi
mboh dog pakat so pinyikabus
b’da bragah Tapa, simunu guh
aku udip darum pimudip bauh
di sambu bua mandam, di
sambu bua nyakit, pinyiramah,
pinyimisakin nga umot. Aku
dog piguru samah ngga
Kristus di shorga, di diki aku
jadi raja ka mrentah ngga
Ayuh. Haleluyah.
1 sawa plen basa
kitab
Rome 6:1-14
Mazmur 56-59
2 sawa plen basa
kitab
Ephesus 5:1-8
Jesaja 52
Nyambung Brajar:
Colossae 1:26-27; 1 Petro 1:10-11; 2 Corinth 3:18
Leave comments on today’s devotional at www.rhapsodyofrealities.org
ndu duwuh
2
Kitab Inu Pinyisaksi Tapa
Sabab pinganang anu puun tibirik-i duh-i so
pinyiraan daya, pak nabi-nabi sawu minyu,
daan pinganang Tapa, sabab atin-i dog kies
b’da Roh Kudus (2 Petro 1:21).
B
agu daya, sabab b’da tibudo-i, ngara saka
nang Kitab anu samah ngga bara buk adi
bukun. Bara-i nang, “Simuki daya kambat idea
yun nuris Kitab, simunu guh William Shakespeare
kambat idea-i yun nuris pasar ‘Julius Caesar.’ Har
anu sarah. Agi bagu masam idea. Agi idea yun daya
patun, di diki har anu mating kaitan-i ngga pinyiajar
so Roh Kudus. Daya patun bisa tingga uang tarun
ka dapud idea, pak idea so Roh Kudus rabis gatung
du so sopurug kayuh; ka-i inu idea adi kudus.
Kitab inu ndi pinandung so Tapa; ka-i inu ndi
tikuruk asung pimudip Tapa; ka-i inu pinandung
Tapa adi dog ngyen darum pinganang. Yoh, ka-i
biyun sejarah, patun, pinganang Tapa nga kayuh
bukun; pak sopurug-i nanyam ka Roh Tapa nga
so pikir kira-I. Angan re dapud kiris ani Tapa mboh
daan darum Kitab; ani bara malaikat mboh daan; ani
Setan mboh daan; ani umot mboh daan; ani bara
nabi mboh daan; ani bara dari nga bara dayung
mboh daan, ka sabon ani kaldi mboh daan guh.
Pak, sopurug ngara ati inu pinyisaksi Tapa pasar
ani ngara-i mboh daan.
Ngapui-i, kan-i kieh nang Kitab inu Pinganang
Tapa, kayuh anu sawu, amai-i biyun pinyisaksi Tapa.
bidayuh
Ndi pinyisaksi inu ndi pinyidaan bait-i pingaku pasar
ndi har adi sawu. Darum ndi mahkamah undangundang, ka-i inu sopurug bukti adi dog kireen darum
ndi kes; pinyidaan ndi saksi.
Darum Kristen, ata bisaya ka ngaku nang Kitab
inu pinyidaan so Tapa adi taun-i sawu, pinyidaan
pasar kraja-I, plen-I nga pinuju-I, sabon pikir kira-I.
Asi asi duh bisaya di har ati kun inu daya Kristen.
Kitab daan nang sopurug injil adi dog nuris
nanyam ka Tapa (2 Timothy 3:16); daya kudus minyu
ngga pinganang adi dog nakit mien b’da Roh Kudus.
Ati rati-i Roh Kudus duh adu-i ngasung Pinganang
Tapa ke darum pimudip daya kudus ati, pak Ayuh
garak ngara-i bada nuris ani ngara-i patut nuris. Ati
bada Kitab bisa dog bisaya. Angan bisa bisaya di
bara kayuh adi dog nuris darum kitab anu, amai-i
rabis so buk agama; ka-i inu pinyisaksi Tapa.
Doa
Trima kaseh O Tuhan adi
birega, yun pinandung urah
mai, pinyiraan mai, pinuju mai
nga gayun raun mai darum
Injil. Pinganang mai nyakar
aranku ka ngajar aku darum
pimudip aku. Aku dog pakat
ka dog bada jadi cergai b’da
Pinganang mai yun pimudip
adi siraru manang nga bijaya,
darum Adun Jesus. Amen.
1 sawa plen basa
kitab
Rome 6:15-7:1-6
Mazmur 60-63
2 sawa plen basa
kitab
Ephesus 5:9-16
Jesaja 53
Nyambung Brajar:
2 Timothy 3:16; John 17:17; Mazmur 93:5
3
ndu taruh
Pinyabah Darum Pinganang
Ka-i nang di ngara, Sabab angan kurang
sabah: sawu aku nang di angan, Kambui
angan biyun sabah mati ruang sabi, angan
re bisa nang di darud ati, Sigen adup mu
kamajeh; ka-i re bisa trigen; ka mating
pinganai adi angan duh tungang ndai
(Matthew 17:20).
M
boh kah bun angan dingah asi asi nang,
“Aku sabah di Kitab?” Har anu duh inu
sawu batur darum kayuh rohani. Angan bisa sabah
nang Kitab anu sawu, ka-i biyun Pinganang Tapa,
pak kambui angan biyun sabah nang-i re grindung
angan kan-i angan na kitab anu di ribo batar angan
masa ngarom, kayuh anu duh re jadi.
Duhnyah na pinyabah angan di “Kitab” anu, pak
na pinyabah angan di Pinganang Tapa adi ruu darum
kitab. Natung pari, darum pinyiaajar ata miah, ata
brajar nang Kitab inu pinyisaksi Tapa; pak-i biyun
pinganang so manusia, setan, umot, ka sabon kaldi
guh. Jadi, kan-i angan biyun sabah di Kitab darum
pinyimrati biasa adu-i, ka-i duh re dapud ndai ani
ani.
Bang “logos” Tapa daan pasar pimudip (John
6:63), pak-i duh re ndai ani ani yun asi asi ndog ka
angan kambat-i ka ndai tunda-i. Suto-i, mungkin
angan biyun duwuh, taruh soket elektrik ngga kuasa
bidayuh
elektrik darum ndi bangunan, pak yun pakai kuasa
anu, angan perlu na ndi plag di soket elektrik anu yun
bada-i dapud kraja. Simunu guh ngga Pinganang
Tapa. Kitab daan nang, “Ka angan re puan puan
pinyawu, ka pinyawu ati re bada angan dapud
rupas” (John 8:32). Sopurug Pinganang Tapa inu
pinyawu, pak pinyawu adi rupas angan inu pinyawu
adi angan kambat; pinyawu adi angan puan ka udip
ngga-i.
Pinganang adi dog nuris anu dog biyun kuasa-i
ndog ka-i dog daan so beba daya adi biyun sabah;
diginu inu kuasa-i ruu. Jadi, ndai nanyam Pinganang
ka angan re jadi pimanang siraru.
Pingaku
O Sama, aku ngyen trima
kaseh amai ngyen Pinganang
mai adi dog nuris anu, di diki
aku udip ngga-i. Aku dapud
jadi mujur ka masang ngga
Pinganang ndu ati, ka pimudip
manang aku dog bada tatung,
1 sawa plen basa
kitab
Rome 7:7-25
Mazmur 64-67
2 sawa plen basa
kitab
Ephesus 5:17-24
Jesaja 54
Nyambung Brajar:
2 Corinth 4:13; John 15:7; Jakob 1:22-25
ndu pat
4
Ayuh Inu Anak Pinuai Dupan
Manak-Manak-I
Pimudip ngara ati mboh tatung di Tapa di
sibungas-i, ka ngara ati ayuh diu mien isa-i udip
nanyam atur anak-i, shiun anak-i jadi timbang ka
pinuai dupan manak manak-i (Rome 8:29).
N
imun daya Kristen, ata kun inu daya biasa;
ata nimun Jesus; adi dog ngyen bragah,
puno ngga pinyibake, kuasa, nga pengaruh. Ata kun
inu pengemis, urun, bait-i daya adi raru misakin; ata
inu anak dari nga anak dayung Tapa. Kada daya
Kristen ndai kayuh ka minyu nimun pengemis kan
ngara-i bidoa; ngara-i nang, “O Sama, kieh kun
inu daya bas di jawin mai…” Simuki ata kun daya
bas di jawin Tapa adi mboh taban ata jadi ndi ngga
adup-I?
Basa ayat injil pibuka ata pari; ka-i nang Tapa
mboh mien ata di sibungas-i yun jadi brimun nanyam
atur Anak-I, Jesus Kristus – anak pinuai dupan
manak manak-i – ka duh inu dupan bara urun.
Ata ngga Ayuh inu sude madis. Bada pinyimrati ati
ngubah cara angan pikir pasar Tapa, nga pasar adup
angan. So angan bidoa nang, “O Tuhan, turung aku,
ngyen berkat di aku, ndai ati, bait-i ndai anu yun
aku”; doa rah simunti, “O Tuhan, trima kaseh amai
aku dog berkat darum sopurug kayuh, ka dog berkat
ngga sopurug kayuh, amai aku sua samah samah
dapu ngga Kristus.”
O, simuki turup, simuki baga, ka simuki baga
idas pinyirindu-I, adi raru sangun-i yun taban ata jadi
ndi ngga adup-I! Sunggu baga stabi ati yun suwa
bidayuh
dapu pimudip-I, yun jadi daya adi taban bragah-I,
piragah berkat-I ka pinandung pinunggun-I! Plen-I
yun ata mboh dog na darum Kristus Jesus sobayuh
ong ati dog napa. Kitab daan nang ata inu anak-anak
Tapa (1 John 3:2); kun sundi ndu; kun kan-i ata ndog
ke shorga, pak-i MADIN! Haleluyah.
Ripas pinyipakat-I, Kitab mboh duh tuya nang
Jesus inu Anak Pinuai Sama. Pak-i, Ayuh mboh dog
bagan sebagai anak pinuai adi makat bauh so kabus
(Pinandung 1:5); yoh, Ayuh inu daya adi numor ndi
dog biranak bauh. Kan-i ata mboh dog biranak bauh,
ata jadi anak-anak pinuai Tapa samah nimun Jesus.
Ayuh inu anak pinuai dupan bangsa-bangsa spesil
adi nginga, ka ata kun inu anak numor duwuh-I.
Ata ndi ngga Ayuh. Samah nimun Ayuh, simunu
guh ata di ong ati (1 John 4:17). Kitab daan nang,
“Amai ayuh adi nyikudus samun ngara adi dog
nyikudus so duwuh-I mandug so ndi naan. Sabab
anu, ayuh duh manguh ngaku ngara dingan-i”
(Hebrews 2:11).
Doa
kaseh yun hak nga pinyistabi
yun puan nang Kaam rindu
adup ku. Di jawin mai, aku
kambat pinyirasi ka dapud
berkat darum masa aku perlu
pinurung. Sobayuh aku bagan,
Kaam mboh nam; ka aku gi
sadang minyu, Kaam mboh
dingah-i. B’da pinyirindu mai,
aku mboh dog bada panu
darum pinyigaun, pimanang,
nga pimujur siraru, darum
Adun Jesus. Amen.
1 sawa plen basa
kitab
Rome 8:1-17
Mazmur 68-69
2 sawa plen basa
kitab
Ephesus 5:25-33
Jesaja 55
Nyambung Brajar:
Ephesus 2:19-22; Matthew 28:10; John 20:17
ndu rimuh
5
Angan Inu Pinganang Angan Adi Dog
Bada Tatung
Amai Pinganang Tapa taun-i udip buang bisaa
guh, ka-i raja du so pedang adi agi duwuh siid,
pinganang anu tabuk biratos atin daya, ndog ka-i
nyiduru simangi nga roh daya, nyiduru guh bukuh
turang nga isin adi di darum turang, ka-i rasu
puan pikir nga pinyiraan atin daya (Hebrews 4:12).
P
ingangyen semula jadi adi paring biguna
dog ngyen di manusia inu pimandai yun
minyu. Tapa mboh ngyen pimandai spesil ati isa-i
ata bisa jadi nimun Ayuh. Pinganang kun inu ndi
bahasa; pinganang inu roh. Jesus daan, “Roh inu
adi ngyen udip; purung duh biguna : pinganang
adi aku minyu di angan sawu inu roh, sawu
ngyen udip” (John 6:63).
Pimudip angan inu gayun ruun pinganang angan.
Angan inu pinganang angan, idea angan, pikir kira
angan, nga pendapat angan adi dog bada tatung.
Ani angan kiris kan-i angan tingga adup “angan” tiap
ndu di ramin, di ofis, di uang aran, bait-i di pasar,
inu pinandung adi sawu so pinganang angan, idea
nga pendapat angan. Angan inu pinganang angan;
ka anu inu asi adup angan. Mating manusia pandai
jadi bukun so pinganang-i. Kambui pinganang daya
anu nyirusak, jadi urah-i re jadi rusak guh. Angan inu
pinganang angan adi dog bada tatung.
Darum Matthew 12:37, Tuhan Jesus nang,
bidayuh
“Amai so pinganang mu, kuu re dog ngitong
tunggun, ka so piminyu mu, kuu re dog nang.”
Ati rati-i kambui daya anu dog nyiramat, har anu jadi
sabab b’da pinganang-i, ka kambui daya anu dog
pangu, ka-i jadi sabab b’da pinganang-i. Ngapui-i,
sebagai anak Tapa, ka-i biguna yun angan minyu
ngga batur. Na Pinganang Tapa di beba angan ka
jaga adup angan darum pinyisehat, pinyisiramat,
pimujur nga pimanang.
Angan kun inu purung angan adi tatung. Gambar
adi angan kiris kan-i angan tingga siramin duh dapud
daan sopurug kayuh pasar angan. Angan inu roh,
ka purung angan adi tatung cuma ramin angan adu,
tepat ruu angan. Darum ong roh, kan-i Tapa tingga
angan, Ayuh tingga pinganang angan, ka duh inu
isin nga turang adu-i. Kan-i angan minyu, pinganang
angan panu ke ong roh, ka-i duh bisa kabus. Ndi ndu,
angan re kiris pinganang angan, ka angan re jadi
nginga kan-i angan tingga pinganang angan taun-i
samah nimun angan.
Doa
Jera aku inu tungun pimudip,
ka roh aku inu tepat yun
Pinganang Tapa. So darum
atin aku, ka so beba aku,
piin udip re aman, adi ngyen
impak di ong aku ngga berkat,
1 sawa plen basa
kitab
Rome 8:18-39
Mazmur 70-73
2 sawa plen basa
kitab
Ephesus 6:1-9
Jesaja 56
Nyambung Brajar:
Matthew 12:36-37 AMP; Jakob 3:2-6
ndu nom
6
Kayuh Nginga Pasar Pinganang-I
Jadi pinganang adi re ruah so beba ku : re-i
duh pari ke ku kosong, pak-i re ndai buak
kayuh adi an ku, nga-i re maju darum kayuh di
diki ku tud-i (Jesaja 55:11).
K
a-i re nimun duh batur sak-i yun pikir pasar
kada daya adi di ke gereja duh biyun masa
yun dingah Pinganang. Kada ngara-i suka dingah
muzik; ngara-i bigaun darum masa muzik dog main,
ka ripas anu, ngara-i panu bu so gereja. Ngara-i duh
kajun masa agah kana dog piagah, amai ngara-i duh
tambit bat di Pinganang.
Pinganang Tapa sawu inu penting. Ngyen rindu
di Pinganang samah nimun ngyen rindu di Jesus,
amai Jesus inu Pinganang adi udip. Kitab daan,
“Judah re digung sikud pinyipritah raja, ka bara
sesang-i re ari mritah. Bara bangsa re jugan ka
ayuh takud buang mutu ubak ngara amai nundok
di ayuh” (Tibirik 49:10). Kan-i Pinganang Tapa dog
ngajar di gereja, ka-i duh adu-i yun ata dapud brajar-i
bait-i yun ata bisaya ka ndai nanyam-i adu-i, pak
ka-i yun Pinganang buan adup-i pari darum adup
ata guh. Ka-i inu utung adi paring baga ata kambat
so Pinganang Tapa. Haleluyah!
Kan-i angan dingah, nga sabah di Pinganang,
kuasa adi kreatif darum-i re jadi bikuasa ka ngubah
pimudip angan. Anu inu rahsia Pinganang adi
bidayuh
mboh dog daan! Pinganang Tapa buan kayuh adi-i
daan darum adup angan. Pinganang Tapa biyun
kuasa kudus yun ndai ani-i daan. Ka-i bukun so
pinganang manusia. Asi asi bisa daan ani ani, pak
kan-i Pinganang Tapa, Pinganang Tapa biyun kuasa
yun nguasa roh manusia ata. Agi kuasa mukjizat adi
kraja darum-i.
Ngyen rindu angan di Pinganang. Bada-i jadi
masa pinyisuka angan kan tiap kari angan di ke
gereja. Kan-i angan kambat Pinganang, ka-i biyun
kuasa nga pimandai yun bada angan jadi ani-i daan.
Anu inu kayuh nginga pasar Pinganang Tapa.
Doa
kaseh yun kuasa ndai mukjizat
so Pinganang mai; ka-i pibua
daya adi mandam ka pakat
daya kabus. Pinganang kraja
darum adup ku ka kraja yun
aku siraru, adi buan buwa
pasar ani-i daan, darum Adun
Jesus. Amen.
1 sawa plen basa
kitab
Rome 9:1-29
Mazmur 74-77
2 sawa plen basa
kitab
Ephesus 6:10-20
Jesaja 57
Nyambung Brajar:
Mazmur 107:20; Joshua 1:8; Hebrews 4:12
ndu minggu
7
Pimandai Roh Manusia
Madin agi sabah, harap ka rindu, taruh ati:
darum taruh ati, adi rabis bas, rindu
(1 Corinth 13:13).
K
itab kireen di ata nang agi taruh urah kana
adi Tapa mboh ngyen di manusia. Bara
busing nga kesuang duh biyun bara urah ati, bara
umot duh biyun urah ati, bara malaikat duh biyun
urah ati guh; cuma manusia adu-i pinandung sotaruh
urah ati, adi dog terang daan di ata darum ayat injil
di sambu.
Pinyabah inu pimandai yun puan kayuh adi duh
tatung ka ndai nanyam-i, ka duh kira ani asung purung
ata daan. Harapan inu pimandai yun tingga kayuh
adi re jadi ka tingga masa adi re ndog. Pinyirindu inu
pimandai yun ngyen nga kambat kayuh adi birega,
sabah, nga ndi itong. Kambui angan nakit pirati
sotaruh rati urah ati, angan re puan nang bang adi
dog takan daan digiti inu “pimandai.” Sawu-i, sotaruh
urah ati inu pimandai; ka-i inu pimandai nga urah
kana adi biguna.
Tapa ngyen pimandai roh manusia di ata nimun
ndi alat. Kambui-i inu ndi alat, jadi ata patut pakai-i.
Jak ata tambit pinyabah nimun ndi suto: Jesus agi
ngga bara murid-I darum ndi arud ka buus di batar
arud anu. Ka guguh sabak ribut, ka girumbang
makat, ndog ka arud-i mboh re puno ngga piin.
bidayuh
Ngga atin gapang, bara murid-I kies Jesus, ka nang,
“Guru, duh kah kaam piduru ata mboh re kaum?” Pak
Ayuh nam ngara ka siken di ngara, “Di diki pinyabah
angan?” Darum rati-i adi bukun, “angan sopatut-i
pakai pinyabah angan.”
Masalah-i duh inu sabak ribut anu, ka duh inu
piin anu guh; masalah-i duh inu pasar simuki har anu.
Ani Jesus siken inu pinyabah ngara-i. Ayuh daan di
ngara-i, “Duh kira ani ani jadi di ong ndu ati, duh kira
ani ani angan bijawin, ani angan perlu inu pinyabah
angan. Bada-i siraru kraja.”
Ndi adu-i prinsip adi tatap agi darum ong adi
re, ka-i inu sabah, harap, nga rindu. Anu inu sabab
mai-i biguna yun ata mrati sotaruh urah ati ka bada-i
kraja. Ata dog ngyen pimandai adi tatap kuat, ka tan
adu adu siraru. Ka-i re siraru kraja nga buan buwa
yun ata.
Doa
Trima kaseh O Tuhan, yun
pingangyen adi raru bas-i nga
yun pimandai adi kraja darum
adup ku. Nimun pingingat adi
kana so berkat mai, aku dog
bada jadi sawu kana darum
sopurug kraja pinganai adi
kana yun ndai pinyiraan mai,
ka ndai kayuh adi munos
atin mai, darum Adun Jesus.
Amen.
1 sawa plen basa
kitab
Rome 9:3010:1-21
Mazmur 78
2 sawa plen basa
kitab
Ephesus
6:21-24
Jesaja 58
Nyambung Brajar:
Rome 5:5; Hebrews 11:1; Hebrews 6:19
Nota
Nota
bidayuh
Nota
Nota
ndu senin
8
Pinyibagan Ata Yun Jadi Ndi Itong
Tapa sawu sabah, ayuh inu mboh began angan
jadi ndi nga Anak-I Jesus Kristus, Tuhan ta
(1 Corinth 1:9).
K
ada daya siraru tingga adup ngara nimun
daya adi siraru perlu Tapa yun ngyen kayuh
di ngara-i, di diki ngara-i perlu bijiju mite masi so
Tapa yun dapud kayuh. Ngara-i pikir nang Ayuh
singaja nangguh masa amai Ayuh gi chek asi rabis
patut dapud turung so Ayuh. Ka idea anu inu sarah
pasar Jesus nga Sama ata di shorga. Anu kun inu
gambar-I so Kitab. Injil Jesus Kristus rabis gatung
so har dosa nga har pinyiramat so dosa. Pinuju adi
rabis gatung ka rabis biguna yun Injil Jesus Kristus
inu pinyibagan yun jadi ndi itong. Ani rati-i?
Ka numor ndi-i, rati- inu pinyibagan yun jadi
ndi, ndi hubungan rawang, ndi roh, ndi pinyikosi, di
diki sopurug kayuh tung Ayuh inu tung angan, ka
sopurug kayuh tung angan inu tung Ayuh. Dapud kah
angan pikir nang Tapa bagan angan jadi ndi itong
di diki sopurug kayuh tung Ayuh inu tung angan,
ka simunu guh sopurug kayuh tung angan inu tung
Ayuh guh? Ka-i inu pinuju Jesus adi mboh ndog yun
ndai-i yun ata.
Paring biguna-i, ata duh bisa jadi ndi itong kambui
ata duh kambat pimudip bauh. Ayuh mboh kabus
yun dosa ata isa-i ata dapud biyun-i. Pinyiramat so
dosa, ngapui-i, inu cara yun dapud pinuju adi paring
bidayuh
skasun, ka pinyiramat so dosa kun inu pinuju-I adi
paring biguna sabab mai Ayuh mboh ndog. Pinuju-I
adi skasun inu yun ata jadi ndi itong.
Agah ata darum Kristen kun inu, “Ayuh mboh
ndog yun kabus yun dosa-dosa ata”; pak-i inu,
“Kambat meh pimudip adi Jesus mboh taban ka
panu darum pimanang.” “(Pingudip anu mboh dog
pinandung, ka kieh mboh kiris-i, ka madin meh
kieh minyu pasar-i, ka kidaan di angan pasar
Pingudip anu, adi tan adu adu, adi ruu samah
nga Sama ka mboh dog pinandung di kieh)” (1
John 1:2).
Injil Tapa inu pinyibagan yun jadi ndi itong. Ayat
injil di sambu, walaupun-i mun sanang gaya-i, pak-i
inu kayuh adi paring biguna yun asi asi adi dapud di
ong ati. Taun-i inu kayuh adi paring biguna; amai-i
sabon sopurug Injil Jesus Kristus. Ka-i inu sabab
mai Jesus mboh ndog.
Doa
Trima kaseh O Tuhan, amai
bagan aku bada jadi ndi itong
ngga Roh Kudus, ka ngga
Anak mai Jesus Kristus! Aku
bisyukur amai aku ngga Kaam
jadi ndi, b’da Jesus Kristus;
ngapui-i, kayuh duh re pandai
kurang yun aku, amai Kaam
mboh ngyen hak spesil di
aku yun dapu sopurug kayuh
adi Kaam biyun, darum Adun
Jesus. Amen.
1 sawa plen basa
kitab
Rome 11:1-24
Mazmur 79-81
2 sawa plen basa
kitab
Philippi 1:1-8
Jesaja 59
Nyambung Brajar:
1 John 1:3; John 17:22-23
ndu duwuh
9
Prentah-I Mboh Agi Digiti
Jesus nam, ka nang di ayuh, Sawu, sawu, Aku
kidaan di kuu, kambŭi daya dŭh dog biranak
bauh, duh-i tungang kiris Pinyipritah Tapa
(John 3:3).
P
irati oh darum ayat injil pibuka ata, Tuhan
Jesus mating daan, “Kambui daya duh dog
biranak bauh, ayuh duh dapud murud ke Pinyipritah
Tapa.” Ayuh nang, “ayuh duh tungang kiris….”
Darum rati adi bukun, Ayuh daan nang Pinyipritah
Tapa mboh agi digiti madin. Angan duh dapud kiris-i
ndog ka angan dog biranak bauh, ka kambat pimudip
Pinyipritah. Pinyipritah Tapa mboh agi digiti madin
ngga ata; ka-i inu pinyipuno kuasa Tapa adi nguasa
sopurug ong nga shorga. Ka-i agi di diki diki, pak
pinandung-i duh tatung di sopurug tepat.
Tapa mboh tud Jesus yun ndai Pinyipritah
Shorga. Pinyipritah Shorga inu ndi so bahagian
Pinyipritah Tapa di diki Jesus pingubak-i, ka-i dog
ndai di ong b’da Injil. Angan inu ndi so bahagian
Pinyipritah kan-i angan kambat Jesus jadi Tuhan
angan, isa-i angan dog biranak bauh. Kan-i angan
dog biranak bauh, angan re “kiris” kayuh ngga bukun.
Angan kiris ani daya bukun duh kiris. Angan dingah
ani daya bukun duh dingah. Angan puan ani daya
bukun duh puan, walaupun angan mungkin ruu di
tepat adi samah ngga bara-i di ong ati.
bidayuh
Natung oh, kan-i Tapa minyu ngga Jesus di
Rigang, daya bagu nang-i inu sak dudu. Daya
bukun nang, “Malaikat minyu ngga Ayuh” Ngara-i
duh mrati, pak ata mboh dog ngyen pinyimrati pasar
pinganang anu.
Jadi, sawu-i, “kambŭi daya dŭh dog biranak
bauh, duh-i tungang kiris Pinyipritah Tapa”; ayuh duh
bisa dingah bait-i puan-i. Pak, kan angan dog biranak
bauh, angan biyun piningga yun tingga misteri nga
rahsia kudus. Kan angan basa Kitab, angan re
dapud mrati-i, amai Roh Tapa darum adup angan
kireen Pinganang anu di angan. Ayuh ngajar pasar
rahsia Pinyipritah di angan, amai-i dog nuris nang,
“….Sabab di angan mboh dog ngyen kuasa yun
mrati rusia prentah shorga….” (Matthew 13:11).
Doa
kaseh amai taban aku
murud ke darum Pinyipritah
Anak mai, adi Kaam rindu,
nanyam ka pinyirasi mai,
b’da pinyibiranak bauh ngga
pimudip bauh so Roh Kudus.
Aku bisyukur yun Prentah
Mai adi ruu di atin aku, ka
aku bisyukur yun Roh Kudus
adi agi darum aku, adi kireen
rahsia-rahsia Pinyipritah di
aku, nga pimandai yun pakai
pinyawu roh anu, darum Adun
Jesus. Amen.
1 sawa plen basa
kitab
Rome 11:25-36
Mazmur 82-84
2 sawa plen basa
kitab
Philippi 1:9-14
Jesaja 60
Nyambung Brajar:
Ezekiel 11:19-20; Luke 17:20-21
ndu taruh
10
Ata Inu Anak-Anak Janji Anu
Angan ati pinanak nabi nabi, ka pinanak payu
adi Tapa mboh ndai nga sumbuk babai angan,
nang-i di Abraham sakati, Darum bine mu
sopurug daya di ong re dapud berkat
(Pinganai 3:25).
N
di watak so Kitab adi mboh sukup nang
popular-i ka penting ndog setui-tui inu
Abraham. Ani bada ayuh mboh jadi biguna darum
plen Tapa? Ka-i inu janji adi Tapa mboh ndai di
Abraham. Abraham inu dingan janji Tapa. Aku puan
nang agi daya Kristen daan nang ngara-i biyun janji
ngga Tapa. Duh, angan duh biyun janji ngga Tapa.
Abraham inu adi biyun janji ngga Tapa, ka ata mating
darum janji anu. Jadi asi ata?
Ata inu sesang Abraham: “Amai sopurug
angan anak Tapa b’da sabah darum Jesus
Kristus. Angan mboh dog baptisa ka darum
Kristus ka madin mboh dog barui darum Kristus.
Mboh mating katun Jahudi bait Greek, urun
puan kah tuan mating guh, nga mating tia dari
nga dayung, amai sopurug angan agi ndi darum
Kristus Jesus. Jadi meh, kambui angan tung
Kristus, rati-i angan sawu anak Abraham adi re
dapu bisaka nanyam janji-i” (Galatia 3:26-29).
Nimun sesang Abraham, ata inu anak-anak janji
adi Tapa mboh ndai ngga Abraham. Har ati sunggu
bidayuh
nginga! Jak aku daan har ati ngga rabis jelas-i.
Bayangkan ndi pasang benuh sewon adi ndai janji
kahwin. Bara anak ngara-i re jadi ndi so bahagian
darum janji kahwin anu kah duh? Taun-i duh! Anak
ngara-i inu buwa so janji anu.
Bara buk mboh nuris pasar janji ata ngga Tapa,
pak sobatur-i, ata mating ndai janji anu ngga Tapa.
Pinyiajar sarah ati bahaya amai kan angan bidoa
ka suba re dapud kayuh nanyam pinyipuan adi
nang angan ruu darum janji anu ngga Tapa, angan
sobatur-i suba re dapud kayuh adi angan mboh
biyun. Ka angan duh re dapud kayuh anu ngga cara
simunu. Agi daya bidoa ka bisusah payah yun dapud
kayuh ka ngara-i duh patut jadi simunu; kambui
rah bara-i puan asi adup ngara, ka na adup ngara-i
darum Kristus. Ata inu anak-anak janji anu!
Pingaku
Aku inu sesang Abraham, ka
ngapui-i, aku sua dapu janji
anu! Nimun Abraham adi
raru kaya ngga bara natang,
pirak, ka mas, simunu guh
aku jadi raru mujur ka kaya
darum sopurug kayuh! Aku
dog ngyen sopurug kayuh
so shorga, ka udip darum
pinyibagu siraru. Bragah ka
Tapa!
1 sawa plen basa
kitab
Rome 12:1-16
Mazmur 85-88
2 sawa plen basa
kitab
Philippi
1:15-22
Jesaja 61
Nyambung Brajar:
2 Petro 1:4; Rome 8:17
ndu pat
11
Duhnyah Piduri Pinyitaru
Duhnyah taru, Aku agi ngga angan, Aku ati Tapa
angan, duhnyah bada ani ani pitaru angan: Aku
re bada angan bake ka turung angan; Aku re
grindung angan ka nyiramat angan
(Jesaja 41:10).
K
ada daya Kristen mboh siken, “Kambui agi
setan samah samah janji re rawan aku,
patut kah aku mite ‘pinyiramat’?” Duh, angan duh
perlu mite pinyiramat, jiroh Pinganang! Daya Kristen
duh perlu pinyiramat so Setan bait-i so ani ani kuasa
karum. Kambui rah ayuh brajar, ka pakai Pinganang
Tapa, ayuh re siraru manang, duh kira kudu bagu
umot di sepa anu. Pikir pasar har ati: Kudu bagu
babu re samah-samah situju di nyerang ndi busing?
Agi pinyitaru adi semula jadi yun busing darum bara
atin babu anu.
Ngapui-i, duhnyah taru ani ani, ka taru asi asi.
Tapa mboh bagan angan, ka tud angan, sebagai
duta-I di ong angan; angan inu pelayan damai.
Sopurug kayuh perlu nam ka pinyibagan anu. Angan
biyun ndi tanggungjawab so shorga, di diki angan
perlu ndai-i; duhnyah bada ani ani nagah angan,
amai angan rabis baga, rabis kuat, ka rabis bas so
pinganyu angan.
Tapa daan di bara anak Israel kan ngara-i
bigandon so ndi rais ka ndi rais, so ndi pritah ka ndi
pritah, “Piguru so ndu ati, Aku re na pinyiganas
bidayuh
nga pinyitaru di angan yun sopurug bangsa di
ong. Barang naan daya adi dingah pasar angan
re kimutur ka ruu darum pinyitaru sabab angan”
(Ditronomi 2:25 NIV). 1 Kronikel 16:20-22 daan
guh, “Ngara bigandon so rais ndi ka rais ndi,
so pritah ndi ka pritah ndi. Pak Tapa duh bada
daya kinanyuh ngara; an grindung ngara, Ayuh
bakan bara raja: Duhyah ida ida ngga bara urun
adi mboh Aku mien; duhnyah bada bara nabi Ku
kinaman.”
Duhnyah biyun atin taru darum adup angan.
Kristus Jesus rabis bas so bara sopurug kayuh. Ayuh
nang, “….amai raja ong ati mandug, ka mating
ani ani dapu-i darum aku” (John 14:30). Setan duh
biyun ani ani hak di tunduh angan. Duhnyah ngyen
tepat di ayuh. Duhnyah jadi taru.
Doa
O Sama di shorga, aku ngyen
trima kaseh yun pimanang
adi aku biyun di tunduh umot,
ong, nga sopurug har. Setan
duh biyun ani ani pinyibake
di tunduh aku, amai aku dog
biranak so Pinganang, ka aku
panu darum Roh. Pinyitaru,
atin duh pasti, duh bisaya,
nyakit, pinyiramah, per, nga
pinyimisakin kun inu kayuh
darum pimudip aku, darum
Adun Jesus. Amen.
1 sawa plen basa
kitab
Rome
12:17-13:1-14
Mazmur 89
2 sawa plen basa
kitab
Philippi
1:23-30
Jesaja 62
Nyambung Brajar:
John 16:33; 1 John 4:4
ndu rimuh
12
Ata Biyun Pimudip Kudus
Sabab upah dosa anu inu pinyikabus; pak
pingangyen Sama, anu inu udip adi tan adu adu
darum Kristus Jesus Tuhan ata (Rome 6:23).
D
arum ndi itong ata ngga Sama, ka Anak,
Jesus Kristus, ata mboh dog ngyen kayuh
adi duh bibayar, ka-i inu pimudip adi tan adu adu:
“Jadi ati inu saksi-i, Tapa mboh ngyen di ata udip
adi tan adu adu, ka udip ati agi darum Anak-i.
Daya adi biyun Anak, ayuh biyun udip; daya adi
duh biyun Anak Tapa duh biyun udip” (1 John
5:11-12). Ani anu pimudip adi tan adu adu? Ka-i inu
pimudip nga urah Tapa – kualiti pimudip kudus. Di
ong ati, agi pimudip natang, pimudip tungun kayuh.
Agi guh pimudip manusia biasa. Pak, nanyam Injil,
agi ndi masam pimudip Tapa, ka anu inu pimudip
adi Ayuh ngyen di ata.
Kan angan mboh dog biranak bauh, agi kayuh
jadi darum ong roh. Pimudip manusia angan mboh
dog gati nga pimudip kudus. Ka-i inu pinyawu. Ka-i
inu ndi so sabab mai Kristen kun inu ndi agama;
dog biranak bauh inu ndi pinyiubah adi sawu; ndi
pinyibiranak roh adi sawu: “Ngapui-i, kambui tadu
daya darum Kristus, ayuh anu sawu daya bauh
: anu adi amba mboh mating; sopurug kayuh
mboh jadi bauh” (2 Corinth 5:17).
Bang “daya bauh” taban rati “pimudip adi
nginga”; kayuh adi dog dapud dog daan; ndi
spesis ka ndi masam pimudip bauh dog biranak so
bidayuh
Tapa; anu inu asi adup angan. Kitab daan, “So ka
pinyiraan atin adup-i ayuh mboh napa ata b’da
pinganang pinyawu, shiun ata jadi mun jangut
so kayuh adi-i mboh napa” (Jakob 1:18). “Jangut”
rati-i “numor ndi ka paring kana.”
Pinyuruh John daan darum 1 John 5:13, “Kayuh
ati aku muko nuris di angan, isa angan puan
adup angan biyun udip adi sawu adi tan adu adu,
angan adi sabah di adun Anak Tapa.” Mani-i raru
penting yun ayuh daan di ata nang ata biyun pimudip
Tapa? Sabab-i inu angan duh bisa dapud utung,
kuasa, ka pengaruh so pimudip anu kecuali kambui
angan biyun-i, ka puan nang angan biyun-i.
Philemon 1:6 nang, “Aku sambahyang
mite pinyabah angan di Jesus bitambah b’da
pinyipuan sopurug kayuh kena adi angan
biyun darum Jesus Kristus.” Bada adup angan
puan ka ngaku nang angan biyun-i, ka bisa udip
darum pimudip Tapa, pimudip pinunggun, pinyipuji,
pinyikuasa, nga pinyibragah. Haleluyah.
Pingaku
Aku sua dapu urah kudus-I;
aku biyun isi nga urah kudus
– pimudip Tapa adi dog bisa
kabus, pimudip adi dog bisa
dog kinaman, ka pimudip
adi dog bisa arah agi darum
adup aku. Sabab anu, aku
mboh dog bada udip ngga
nginga, piragah pinyawu nga
pinunggun pasar Prentah
Tapa. Bragah ka Tapa!
1 sawa plen basa
kitab
Rome
14:1-23-15:1-4
Mazmur 90-93
2 sawa plen basa
kitab
Philippi 2:1-11
Jesaja 63
Nyambung Brajar:
John 10:10; John 3:16; 1 John 5:11-12
ndu nom
13
Nyikun Pinganang Darum Adup Angan
“Amai angan mboh dog biranak bauh, duh so
puris asar adi bisa kabus, pak so puris asar
adi duh re bisa puan pinyikabus, anu inu so
Pinganang Tapa, adi udip, adi babu ndog setui
tui (1 Petro 1:23).
P
inganang Tapa inu adi ngyen kayuh di
angan, ka plen Tapa inu yun angan dog
grindung ka dog jaga b’da pinganang Tapa. Angan
duh inu dog biranak so puris adi bisa kabus, pak so
Pinganang Tapa adi udip ka tan adu adu. Dapud kah
angan kiris mani angan duh bisa arah? Mating ani
ani bisa pirabu angan, amai angan inu sesang so
Pinganang. Pak, angan mesti bijiju ngyen pinguman
di Roh angan ngga Pinganang.
Kitab daan, “Bada Pinganang Kristus ruu
darum angan ka kaya nga sopurug pinyibijak;
ngajar ka nyaduh dingan dingan angan darum
mazmur nga nyanyi nga patun roh, nyanyi ka
Tapa nga berkat darum atin angan” (Colossae
3:16). Angan jadi Pinganang Tapa adi angan kambat
da marud darum roh angan. Kan Pinganang Tapa
nguasa adup angan, ka-i re buan buwa pikir kira
pimanang nga pinyikuasa darum angan. Kan angan
bijawin ngga pinyisusah, angan duh re jadi kimutur
taru, amai Pinganang Tapa inu pinyibake darum
angan.
Duh kira ani jadi di uang tarun angan, duhnyah
jadi gapang. Roh adi agi darum adup angan rabis
bas du so roh adi agi di ong. Rome 8:28 daan,
bidayuh
“Ka ata puan nang Tapa ngatur sopŭrŭg kayuh
pijadi kana yun daya adi rindu Ayŭh, daya adi-I
ko bagan nanyam ka pinyiraan-I.” Kambui angan
puan pasar har ati, angan duh patut jadi taru bait-i
ramah nimun daya adi mboh arah darum pimudip.
Pinyisiken-i: Angan rindu Tapa ka duh? Kambui
angan nam “aku rindu”, angan duh patut taru ani ani.
Duh kira ani ani jadi, ka-i re birubah yun pinyikana
angan.
Kitab daan, “….nyirundeng adup angan
sanang kan angan dog bagu masam pisuba”
(Jakob 1:2). Bada adup angan bijiju senyum ka
tawuh; angan rabis so daya adi manang. Nyikun
Pinganang darum adup angan. Tarun ka “nok”
Pinganang anu; Bada-i murud ke darum adup
angan ngga sukup kaya, ka pimudip angan re aman
piin pimanang nga mukjizat adi duh biyun skasun.
Haleluyah.
Doa
O Sama, aku ngyen trima kaseh
yun berkat so Pinganang
mai, adi ndai pimudip aku ka
pakat pinunggun, pimanang,
bragah, nga pimujur darum
adup ku. Aku nga Pinganang
inu ndi; ka-i timbu ngga bake
darum adup aku ka ngarah
sopurug nyakit, pinyikabus,
kayuh adi per nga sopurug
kayuh adi arap. Pinganang
kies ka bada aku kraja ngga
sawu kana darum sopurug
pinganai kraja aku, darum
Adun Jesus. Amen.
1 sawa plen basa
kitab
Rome 15:5-13
Mazmur 94-98
2 sawa plen basa
kitab
Philippi
2:12-18
Jesaja 64
Nyambung Brajar:
Pinganai 20:32; 2 Timothy 2:15
ndu minggu
14
Ayuh An Angan Jadi Bisemangat Nga
Kuat
Dingan ku adi aku rindu, aku sambahyang mite
shiun sopurug kraja mu maju, ka isa-i adup mu
udip darum bua sanang, sawu mun simangi mu
sanang guh (3 John 1:2).
di so cara yun bada angan bitambah
N
sehat inu bada adup angan biyun sukup
rehat yun purung angan, ka buus adi sukup biyun
tanggungjawab darum har ati. Ata dog nasehat yun
buus kiang kudu-kudu jam ndi ndu. Pak kada daya
nang, “Agi ndu aku buus ndi ndi ndu; ka ndu adi
bukun, aku duh buus.” Har anu kun inu gaya pimudip
adi kana. Kambui angan ndai simunu, siraru duh
sukup buus, angan perlu ngatur pari gaya pimudip
angan.
Angan duh patut bijiju duh buus yun kiang kudukudu ndu, ka ngarap nang angan re gati-i sundi ndu
ngga buus duwuh puruh pat jam. Ka-i duh re jadi
kana. Kraja rabis masa, duh dapud buus adi sukup
re teruk nyirusak purung angan. Tapa mboh napa
sandu nga singarum sabab ndi pinuju. Ngarom biyun
kesan madud adi semula jadi yun purung angan.
Kesan biologi di masa ngarom bada angan bisa
buus, adi bada angan an buus, pak kada daya duh
an buus. Gaya pimudip simunu duh raru kana yun
purung angan, ka-i re ngyen kesan arap di batuh
angan guh.
Kitab daan, “…Ayuh ngyen ruu-paya ngga
saduh di sopurug angan, pak angan abah dingah
Ayuh” (Jesaja 28:12). Dapud kah angan kiris-i?
Ayuh an angan jadi bisemangat, sehat ka kuat.
Ngapui-i, Ayuh daan di angan nang rehat adi kana
inu ndi cara yun bada purung angan jadi bitambah
bidayuh
sehat nga tatap sehat; ka-i inu ndi cara yun jaga
purung angan. Kada daya tinge tanggungjawab yun
jaga purung ngara-i di Tapa; pak purung angan inu
ramin angan, ka angan inu pijaga-i. Jadi, angan perlu
jaga purung angan.
Bagu daya mandam amai ngara-i duh jaga
purung bara-i; ngara-i duh tambit bat di kayuh adi
shu nimun dapud rehat adi sukup, ka pigagah purung
angan. Kitab kireen di ata nang pigagah purung duh
pauh biguna; ka-i duh daan nang-i batur-batur mating
guna-i. Ka-i biguna yun angan brajar jaga purung
angan isa-i sehat nga kuat: nakit jaga pinyibisig
angan, ka duhnyah bada purung angan jadi kawuk
sabab angan duh kua kua kraja. Jaga purung angan
isa-i siraru sehat, bijiju pakai Pinganang Tapa yun
ndai simunu, ka ndai kada pretis yun pigagah purung
angan. Bada purung angan sehat isa-i angan bisa
layan Tapa ngga rabis kana!
Pingaku
Pinyikudus kraja darum adup
aku, darum sopurug isin purung
aku, darum sopurug sel deya
aku, ka darum sopurug turang
purung aku! Aku duh bada 1 sawa plen basa
bara nyakit nguasa purung
kitab
aku amai purung aku inu ramin
Tapa adi udip, ka Roh adi Rome 15:14-33
samah adi mboh pakat Jesus Mazmur 99-101
so kabus ruu darum adup ku!
Aku dog ngajar b’da pinyibijak
yun bada purung aku jadi 2 sawa plen basa
kitab
pingangyen adi kudus, ka duh
inu pingangyen adi bisa kabus Philippi 2:19-30
di Tapa! Aku udip ngga sehat
Jesaja 65
ndu ati, ka siraru! Haleluyah!
Nyambung Brajar:
1 Corinth 6:19-20; Mazmur 4:8; Mazmur 127:2 (ESV)
Nota
Nota
bidayuh
Nota
Nota
ndu senin
15
Pretis Pinyabah Angan
nanyam ka pinyabah adi Tapa mboh ngyen di
angan (Rome 12:3).
P
inyabah angan inu pingangyen so Tapa
ka-i dapud kraja. Jesus nang, “Sawu aku
nang di angan, Kambui angan biyun sabah mati
ruang sabi, angan re bisa nang di darud ati, Sigen
adup mu kamajeh; ka-i re bisa trigen; ka mating
pinganai adi angan duh tungang ndai” (Matthew
17:20). Pirati oh ani Ayuh daan: “Sawu aku nang di
angan, Kambui angan biyun….”, sabab masa anu
bara murid-I duh biyun pinyabah. Masa anu, Ayuh
siken di ngara-i, “…Mai angan duh biyun sabah?”
(Mark 4:40). Pak, yun ata, daya bauh, ata mboh dog
biranak ngga pinyabah darum roh ata.
Mating daya Kristen duh biyun pinyabah. Tapa
mboh ngyen sopurug ata “pinyabah”, ka duh ini
“ndi, duwuh bait-i taruh pinyabah.” Ayuh mboh
ngyen bine pinyabah adi samah sukat-i, pak angan
perlu nambah pinyabah angan ka bada-i jadi rabis
bikuasa. Agi takah adi bukun bukun darum har nga
pinyisusah pimudip, ka-i perlu takah pinyabah adi
bukun bukun. Agi pinyabah adi shu, ka agi pinyabah
adi baga, agi pinyabah adi ramah, ka agi pinyabah
adi kuat. Angan nambah pinyabah angan kan-i
angan dingah Pinganang Tapa ngga rabis bagu
(Rome 10:17), pak yun nambah kualiti pinyabah
angan – ka-i inu kudu kuat-i – angan mesti pretis
pinyabah angan; angan perlu pakai-i.
Suto-i, daya adi biyun purung baga nga isin
daging adi bagu, duh rati-i bara urat-i kuat; angan
bidayuh
bada urat jadi kuat kan-i angan pakai urat angan ka
pigagah urat angan. Bijiju pakai pinyabah angan ka
pretis pinyabah angan, ndai nanyam Pinganang;
pinyabah angan re siraru bijaya. Kambui angan ndai
kayuh ngga pinyabah angan, ka-i mun duh re jadi,
pari di ke Pinganang ka brajar-i ngga rabis bagu,
komunu suba pari.
Ka-i nimun ndi anak shu adi gibabu brajar panu;
pimanu re jadi rabis kana kan bijiju panu. Ka-i sarah
yun daan simunti di anak shu adi gibabu brajar panu,
“Sabab anak shu anu mboh rabu taruh kari, aku
duh re bada ayuh panu pari.” Anak shu anu re bijiju
ndai-i ndog ka urat-i jadi sukup kuat, ka anak shu
anu re stat kaduh.
Bijiju ndai-i ka pakat pinyabah angan b’da brajar
Pinganang Tapa ngga rabis bagu, ka pakai ani angan
mboh brajar. Jadi raju yun kambat, bisaya ka ndai
Pinganang. Ngaku ka daan piragah Pinganang, duh
kira ani ani har. Simunu inu cara-i yun bada pinyabah
angan kuat nga manang.
Doa
O Sama, aku bigaun yun
Pinganang mai adi kraja
darum adup aku, adi pakat
roh aku ngga bisaa! Aku dog
bada panu di aran pimudip,
dog ngajar b’da Roh mai
darum bragah nga pimujur adi
tan adu adu. Aku udip darum
pimudip adi bragah darum
pinunggun, prentah, berkat,
nga kuasa, ndu ati ka siraru,
1 sawa plen basa
kitab
Rome 16:1-27
Mazmur 102-103
2 sawa plen basa
kitab
Philippi
3:1-12
Jesaja 66
Nyambung Brajar:
Matthew 21:21; Pitas 24:10; 2 Corinth 4:18
ndu duwuh
16
Hak Angan Yun Purung Adi Sehat
Adup-i mboh kabis dosa ta nga purung adup-i
di atuh rigang, isa ata, adi mboh kabus ka
dosa, bisa makat bauh ka pimudip tunggun.
Angan mboh dapud bua b’da tawan-i
(1 Petro 2:24).
K
adang-kadang, daya bisaksi pasar pinyisehat
bara-i ka nang, “Aku batur-batur bisyukur di
Tapa amai ngyen pinyisehat di aku. Duh ku dapud
pikir ani re jadi di adup ku kambui Ayuh duh ngyen
bua sehat di aku?” Bara-i pikir nang Tapa tingga uang
tarun dawu-i ka daan di daya ati, “Aku ngyen buwa
sehat di kuu,” ka daan di daya bukun, “Aku kadi buwa
sehat so kuu.” Har anu kun inu Tapa, ka tatu-i kun
gaya Tapa adi Jesus mboh daan di ata.
Darum Matthew 8:16, Kitab daan nang Jesus
pibua sopurug daya adi birandam, ka kireen di
ata nang pinyiraan Sama duh inu yun asi asi jadi
birandam. Pinganai 10:38 daan, “Munki Tapa
mbŭh ren di tunduh Jesus so Nazareth ngga
Roh Kudus ka kuasa: Ayŭh panu ka barang yŭn,
ndai pingandai kana ka pibua sinadan daya adi
dog nguasa Siarap; amai Tapa agi ngga Ayŭh.”
Pinyisusah anu ndog so setan, pak Sama mboh
ngyen kuasa di Jesus yun pibua sopurug daya adi
dog nguasa.
Tapa mboh ngyen pinyisehat kudus di angan
amai Ayuh rindu angan. Ayuh duh kajun asi asi
bidoa yun dosa dog ampun sobayuh Ayuh tud Jesus
bidayuh
Kristus yun kabus yun angan; Ayuh tud Jesus amai
Ayuh rindu angan. Darum cara adi samah, Ayuh
taran ruah bua andam nga bua nyakit so angan,
ka bada pibua kudus ka pinyisehat jadi rata angan
darum Kristus. Ngapui-i, angan biyun hak yun jadi
sehat, amai Jesus mboh bayar-i. Ayuh mboh kabus
yun ngyen pinyisehat kudus di angan.
Duhnyah jadi birandam. Duhnyah nang, “Agi
andam adi biasa”; mating andam adi biasa. Simuki
tadu tadu andam dapud jadi biasa? Sabab-i har
biasa, duh inu rati-i har anu biasa. Kambui duh, mani
daya perlu kadi “kayuh adi biasa?” Kajit angan inu
biasa; anu inu sebab-i angan duh suba re kadi-i.
Daya cuma kadi kayuh adi duh kana so purung
ngara-i, suto-i kanser adi timbu; ka-i kun inu kayuh
adi biasa.
Tapa tambit bat pasar angan ka an angan udip
darum pinyisehat ka jadi kuat birang ndu. 3 John 1:2
daan, “….aku sambahyang mite shiun sopurug
kraja mu maju, ka isa-i adup mu udip darum bua
sanang, sawu mun simangi mu sanang guh” (3
John 1:2).
Doa
Biberkat Sama, aku ngyen
trima kaseh amai aku udip
sehat nga kuat b’da Roh
Kudus. Pimudip kudus kraja
darum aku. Aku pinandung
pinunggun mai adi kana ka
sawu sangun, ka panu darum
bragah nga kuasa Roh, darum
Adun Jesus. Amen.
1 sawa plen basa
kitab
1 Corinth 1:1-31
Mazmur 104-106
2 sawa plen basa
kitab
Philippi 3:13-21
Jeremiah 1
Nyambung Brajar:
Jesaja 33:24; Rome 8:10-11
ndu taruh
17
Yakin….Bisaya….Ka Ndai Nanyam
Pinganang
Sabab anu, sak adi nang Roh Kudus: Kambui
angan dingah siruun-i, Duhnyah bada atin
angan jadi karas tangyek (Hebrews 3:7-8 NIV).
K
an-i Pinganang Tapa ndog ke angan, kayuh
numor ndi ka biguna adi angan patut ndai
inu kambat-i. Ka-i mun sanang gaya-i yun kada daya,
pak kayuh pasar Tapa sawu-i sanang; Ayuh gibun
bada kayuh jadi susah. Kambui Ayuh pinandung
adup-I di ata ngga pinyisusah, mating daya re bisa
dog siramat. Ayuh re adu adu jadi rahsia. Jadi,
kambat Ayuh darum pinyisanang-I, ka kambat
sopurug kayuh adi Ayuh mboh ndai yun angan. Ati
inu ani angan perlu ndai.
Ayuh bagan angan jadi ndi itong ngga Ayuh;
kambat-i. Ayuh ngyen pimudip adi tan adu adu di
angan; kambat-i. Ayuh bada angan jadi tungun, kuat,
bisemangat, sehat, mujur, ka bikuasa; kambat-i!
Kambui angan duh kambat ani Ayuh mboh ndai yun
angan, ani Ayuh mboh ngyen di angan, ka ani Ayuh
mboh bada angan jadi – ka udip nanyam-i – angan
re jadi mangsa darum pimudip. Agi daya daan nang,
“Kambui Tapa anu sawu agi, Ayuh re ndai kayuh
pasar har aku.” Ayuh mboh ndai-i, ngapui-i, duhnyah
kajon. Bada adup angan puan ani Pinganang daan
pasar har anu, ka kambat-i, nga udip nanyam-i.
Rome 1:16 daan, “Amai aku duh manguh ngarun
injil Kristus : sabab-i inu kuasa so adup Tapa yun
nyiramat sopurug daya adi sabah; bangsa Jahudi
dawu-i, komunu bangsa Greek guh.” Injil Kristus
bidayuh
inu agah kana adi kraja yun daya adi bisaya adu-i.
Kambui angan duh bisaya, ka-i duh re ndai ani ani,
walapun-i inu kuasa Tapa. Bisaya ka kambat nang
Tapa mboh berkat angan. Ayuh duh inu gi sadang
plen yun ndai-i, Ayuh mboh ndai-i: “Puji ka Tapa,
Sama Jesus Kristus Tuhan ta, adi mboh ngyen
sopurug berkat roh di ata so shorga darum
Kristus” (Ephesus 1:3).
Ka madin guh, kambui agi har darum pimudip
angan adi angan an ngubah, angan bisa kambat
mukjizat ka nang, “An” di Pinganang! Duhnyah
pikir, “Aku biyun harap kah duh?” Yoh, Kristus inu
harapan angan. Pinganang-I inu pinyinam. Agi bagu
daya nimun angan adi mboh bijawin ngga har adi
samah ka ngara-i mboh dapud ngubah har anu.
Kambui Pinganang bisa buan buwa di ngara-i, ka-i
re tatu ndai kayuh adi samah yun angan. Bisaya di
Pinganang. Ndai nanyam Pinganang.
Pingaku
Aku bigaun darum Pinganang
Tapa, amai-i sukup kana; ka-i
bada pimudip aku jadi sukup
kaya ka sangun. Pimudip
adi bragah inu tung jeku
kan-i aku puan nga kambat
sopurug kayuh adi kana tung
jeku darum Kristus Jesus,
ka panu darum jawa nga
pinyawu pasar asi adup aku
darum Kristus. Pinunggun,
pinyigaun, damai, pimujur,
pinyisehat, nga pinyibake inu
tung jeku, darum Adun Jesus.
Amen.
1 sawa plen basa
kitab
1 Corinth
2:1-16
Mazmur 107-108
2 sawa plen basa
kitab
Philippi 4:1-7
Jeremiah 2
Nyambung Brajar:
Philemon 1:6; 1 Timothy 6:12; Jakob 1:22-25
ndu pat
18
Pinandung Pinyigaun
Kambui agi di ruang angan daya adi jera, isa-i
ayuh sambahyang. Kambui agi daya adi gaun,
isa-i ayuh biragu mazmur (Jakob 5:13).
P
ikir oh, asi asi adi dapud agah nang agi daya
tinge ndi rata pusaka adi kiang-i siratus juta
dolar di ayuh; simuki urah-i re kan ayuh kambat agah
anu? Aku sawu yakin nang ayuh duh re kambat agah
anu ngga siruun adi ramah ka nang, “Trima kaseh.”
Ayuh re pinandung pinyigaun adi ngga atin raru gaun
yun kayuh adi ayuh mboh kambat. Ngapui-i, kan
angan bidoa pasar ndi har, mungkin har pinyisehat,
ka angan bisaya nang Tapa mboh nam doa angan,
ndai meh simunu. Pinandung pinyigaun!
Ndi ndu, kudu kudu sawa adi ripas, aku jadi
pingubak darum ndi pelayanan di gereja ka aku
bagan sopurug daya di ke jawin yun bidoa. Ngara-i
ndog ka maning mija-sambah ka bidoa. Ripas bidoa,
ngara-i bu pari ke tepat guru ngara ka-i nimun
ngara-i bauh dog mesut, ka Tapa daan di aku,
“Ngara-i duh kambat pinyinam yun doa ngara.” Ayuh
mating daan, “Aku duh nam doa ngara-i,” amai Ayuh
siraru nam kan-i ata bidoa. Pak, ngara duh kambat-i
amai ngara-i ndai urah nimun daya adi duh kambat
pinyinam yun kayuh adi ngara-i doa.
Agi daya adi kambat pibua bait-i mukjizat darum
ndi tikuruk, ka kan-i ngara bauh re panu bu so tepat
anu, sopurug kayuh pari jadi nimun di sibungas-i.
Ngara-i kanyap pibua anu. Pibua anu inu ndi tanda;
Tapa mboh nam ngara-i, ka bijaya nam ngara-i, pak
bidayuh
ripas anu, Ayuh harap ngara-i yun ndai nanyam
pinganang ngara-i. Ayuh an ngara-i bigaun, bisaksi,
ka birami ngga ani adi mboh jadi, ka ndai simunu
bada mukjizat ngara-i tan adu adu, pak ngara-i duh
ndai simunu.
Bagu daya duh puan nang pinandung adup
ngara-i inu ndi agah. Pinyabah dog pinandung darum
pinganang nga pinganai. Kambui pinganang nga
pinganai angan duh kireen pinyabah angan, jadi
mating pinyabah. Tiap kari daya kambat kayuh so
Tapa darum Kitab, ngara-i kireen pinyigaun ngara-i,
ka sabab anu, berkat ngara-i tan adu adu. Kada
daya sawu-i kambat rabis bagu berkat sabab ngara
pinandung pinyisaksi nga atin syukur ngara-i adi
puno ngga gaun; suto-i, pasar daya andam supah
(Luke 17:11-19).
Kitab daan nang pinyabah adi sadi-i ka duh
biyun pinganai – kraja adi patut dog ndai – inu kabus.
Kambui angan kambat ani Tapa mboh daan pasar
angan, angan perlu ndai nanyam-i.
Doa
Aku ngyen trima kaseh O Sama 1 sawa plen basa
kitab
adi Birega, amai bada pimudip
aku puno ngga pinyigaun nga
pinyirami. Pimudip aku inu 1 Corinth 3:1-23
pinyisaksi pasar pinyikana Mazmur 109-112
mai. Aku panu masang darum
bragah mai ndu ati, darum 2 sawa plen basa
pinunggun, damai, nga
kitab
pinyigaun, b’da Roh Kudus,
Philippi
4:8-13
Jeremiah 3
Nyambung Brajar:
Philippi 4:4; 1 Kronikel 16:9; Mazmur 27:6
ndu rimuh
19
Ata Inu So Rawang Adi Samah
Jadi meh, kambui angan tung Kristus, rati-i
angan sawu anak Abraham adi re dapu bisaka
nanyam janji-i (Galatia 3:29).
T
apa mboh mien yun kireen adup-I darum
Injil, duh inu jadi Tapa yun sopurug manusia,
pak Tapa Abraham, Isaac, nga Jacob. Darum
pinyiruah 3:15, Ayuh daan di Moses, “….Kidaan
di bara daya Israel nang Aku, adi TUHAN, adi
Tapa tayung-babuk ngara, Tapa Abraham, Isaac
ka Jacob inu adi pait kuu ka ngara. Anu inu dun
Ku ndog situi tui; anu inu dun adi turap bauh re
pakai ngga kadun Aku.” Ayuh daan di Moses nang
pinandung pasar adup-I adi Ayuh ngyen di ngara-i re
jadi pinyipuan adi biguna darum hubungan bara-i.
Angan bisa bagan Ayuh Tapa Elijah; mating
masalah-i; Sawu-i Ayuh mboh berkat Elijah ka ndai
bagu kraja adi bas ngga Elijah, pak Ayuh bun daan
adup-I Tapa Elijah. Angan bisa bagan Ayuh Tapa
Moses, Joshua bait-i Samuel, pak Ayuh bun daan
adup-I simunu. Ayuh daan adup-i Tapa Abraham,
Isaac nga Jacob.
Angan mungkin daan, “Pak-i har anu ndi har
rawang: sama, anak, sukuh.” Yoh, pak kayuh adi
ramus inu ata so rawang adi samah. Ata inu so
Abraham, Isaac, nga Jacob. Angan inu so rawang
adi mboh agi di sibungas-i, ka-i inu rawang adi paring
bidayuh
bragah, mujur, kaya ka dog berkat. Galatia 3:16
daan, “Jadi meh Tapa mboh bijanji ka Abraham,
ka di taris bine-i. Duh-i nang, di anak sukuh,
nimun ka bagu sasang; pak nimun ka ndi taris
bine adu, di taris bine mu, anu inu Kristus.”
Pirati oh, ka Tapa mating daan “bine-bine,” adi
bagu sak-i, pak Ayuh nang “bine” adi daan pasar
Kristus. Ka Kitab daan nang, “Jadi meh, kambui
angan tung Kristus, rati-i angan sawu anak
Abraham adi re dapu bisaka nanyam janji-i”
(Galatia 3:29). Ata inu tung Kristus. Ata ruu darum
Kristus. Ragipun, Rome 8:17 daan nang ata sua
dapu samah-samah ngga Kristus, sua dapu sopurug
kayuh ka kambat berkat Abraham.
Ata so grup adi samah; so sesang nga tungun
rawang adi samah. Tapa duh adu-i daan adup-I di
ata, ka Ayuh taban ata jadi ndi ngga Ayuh guh. Ata
ruu darum ndi itong ngga Ayuh. Ata kabih adun-I, ata
sua dapu urah-I adi kudus, ka ata taban bragah-I.
Pingaku
1 sawa plen basa
Aku inu sesang Abraham ka
kitab
ngapui-i, aku inu sesang janji
anu. Aku so rawang adi paring 1 Corinth 4:1-21
kaya ka paring bas, ka aku Mazmur 113-116
panu darum berkat adi raru
bas. Aku dog ngyen kuasa yun
jadi mujur, ka dog bada buan 2 sawa plen basa
kitab
buwa ka buan buwa ngga bagu,
Philippi 4:14-23
Jeremiah 4
Nyambung Brajar:
1 Corinth 12:13; 1 Corinth 6:17; Ephesus 3:14-15
ndu nom
20
Angan Inu Daya Adi Tapa Mboh
Berkat
Puji ka Tapa, Sama Jesus Kristus Tuhan ta, adi
mboh ngyen sopurug berkat roh di ata so shorga
darum Kristus (Ephesus 1:3).
P
irati ayat di sambu, Rasul Paulus duh bidoa,
bait-i mating mite, bait-i mite masi so Tapa
yun berkat roh, duh! Ka-i inu ndi nyambah adi kuat,
turup, ka bisemangat! Ayuh ngyen bragah di Tapa
adi mboh berkat ata ngga sopurug berkat roh so
shorga. Ayuh biyun pikir kira adi puan nang adup-i
mboh dog berkat ngga sopurug berkat roh adi agi di
shorga, ka jadi daya patun darum-i ngyen puji. Ka
ati patut jadi saksi angan!
Ngyen puji ngga sipuno di Tapa amai-i mating
kayuh adi angan duh biyun, ka mating ani ani angan
duh bisa ndai! Angan mboh dog berkat ngga berkat
roh, ka dog berkat ngga sopurug kayuh. Mai Paul
pakai pinganang “berkat roh”, ka-i inu sabab kambui
angan biyun berkat roh, jadi angan biyun sopurug
berkat ong guh, amai kayuh so roh napa kayuh adi
tatung. Kayuh adi shu sua dog meson ke darum
kayuh adi rabis baga.
Ong ati ndog so roh. Kitab daan nang di
sibungas-i Tapa napa rangit nga ong (Tibirik 1:1).
Tapa inu Roh; jadi, ong roh mboh awar agi sobayuh
ong adi tatung. Jadi, berkat roh rabis bas so berkat
ong adi tatung. Jadi angan duh perlu mite masi di
Tapa yun ngyen berkat di angan; sopatut-i, jadi rah
bisemangat darum angan ngyen puji di Ayuh amai
bidayuh
Ayuh mboh berkat angan ngga sopurug berkat
roh.
Ayuh mboh ngyen sopurug kayuh di angan (1
Corinth 3:21), ka bada angan sua dapu urah-I adi
kudus (2 Petro 1:4). Ayuh mboh bada angan bisa
ndai kayuh ngga pimandai-I yun buan buwa ka ngyen
buwa kraja ngga bagu darum sopurug kraja adi kana.
Ayuh mboh ngyen Roh Kudus di angan yun nguru
ka ngajar angan darum pinyibijak yun ndai nanyam
takdir angan darum Ayuh, ka bada angan jadi ani
Ayuh mboh tatap yun angan. Har ati sopatut-i jadi
pikir kira angan, pinyisaksi nga pinyambah angan.
Brajar ka nang, “Biberkat ka Tapa, adi mboh
berkat aku darum sopurug kayuh, ka bada aku jadi
saksi yun bragah-I, ka bada aku jadi pinandung
berkat nga pinunggun-I.” Angan inu daya adi mboh
dog berkat Tapa, ka duh inu anu adu-i, angan inu
daya adi taban ka ngyen berkat-berkat-I di daya
bukun.
Doa
O Sama di shorga, aku
nyambah ka ngyen puji di
pinyibas mai ndu ati, sabab
Kaan mboh berkat aku
ngga sopurug berkat roh so
shorga darum Kristus. Aku
puan nang aku inu daya adi
taban berkat mai, ka ngyen
bara berkat so Pritah mai di
bara turap aku, darum Adun
Jesus. Amen.
1 sawa plen basa
kitab
1 Corinth
5:1-13
Mazmur 117-118
2 sawa plen basa
kitab
Colossae 1:1-8
Jeremiah 5
Nyambung Brajar:
Galatia 3:7-9; 2 Peter 1:3; 1 Peter 3:9
ndu minggu
21
Kan-i Angan Kiris, Angan Re
Birubah
Isa-i ata tingga ka Jesus, ayuh adi puun nga
pinubun sabah ta (Hebrews 12:2).
S
opurug kayuh pasar Sama ka ani Ayuh
dapu agi darum Jesus. Colossae 2:9 nang,
“Amai darum atur gayun purung ong ati, pinyiraan
Tapa mboh abo tatung darum Kristus.” Jesus inu
pinyiraan Tapa adi abo tatung. Sabab anu, angan
bisa mrati sabab mai Ayuh nang, “…..Asi asi adi
kiris Aku mbŭh kiris Sama….” (John 14:9). Darum
ayat numor simung ndi, darum bab adi samah, Ayuh
nang, “Sabab meh aku, Aku agi darum Sama, ka
Sama agi darum Aku….” (John 14:11).
Ngapui-i, kiris Tuhan inu nimun kiris Sama. Ndu
ati, ata tingga Ayuh darum Pinganang, amai Ayuh
inu Pinganang adi udip. Ayuh inu Tapa adi sangun.
Ndi kayuh adi sangun guh inu, simakin bagu angan
tingga Jesus, di diki simakin bagu angan tingga
Ayuh darum Pinganang, ka b’da Pinganang, jadi
simakin bagu angan puan nga tingga adup angan,
amai angan agi darum Ayuh. Kambui angan puan
Jesus, ka-i duh patut angan duh puan adup angan.
Kitab daan nang simunki Jesus, simunu guh ata di
ong ati (1 John 4:17). Jadi, kan-i angan puan Ayuh,
angan puan adup angan guh.
Duh heran rah Kitab daan nang, “Pak sopurug
ta, nga jewin duh bitaub timang ka siramin, amai
ata kireen bragah Tuhan, re merui ka ru’un adi
samah mun Ayuh jadi bitambah darum bragah,
bidayuh
b’da Roh Tuhan” (2 Corinth 3:18). Bragah Tapa
inu Jesus Kristus; Ayuh inu jawa bragah Tapa adi
nyakar, ka pinandung Tapa adi sawu (Hebrews 1:3).
Ngapui-i, kan-i angan tingga bragah Tapa darum
siramin Tapa (Pinganang-I), angan re merui so ndi
bragah ka ndi bragah adi bukun. Simakin bagu
angan tingga Ayuh darum Pinganang, simakin bagu
angan tingga adup angan sawu inu batur-batur mun
Ayuh; gambar bragah Tapa ka pinandung bragah
Tapa adi sawu kana.
Jadi, bijiju na batuh angan di Ayuh ka du du
birubah so ndi bragah ka ndi bragah. Jakob 1:25
daan nang asi asi du du tingga Ayuh re dog berkat.
Darum rati adi bukun, daya anu re jadi nimun tungun
adi dog purun di pang sungi, ka buan buwa ndog
setui tui, ka buan buwa ngga bagu, ka sopurug kayuh
adi ndai-i jadi mujur.
Doa
kaseh yun Pinganang mai adi
ngubah aku so ndi bragah ka
ndi bragah adi bukun. Kan-i
aku brajar ka tingga turup
di Pinganang mai, aku dog
merui, ka dog natap yun udip
rabis gatung, ka-i inu pimudip
adi bragah nga bijaya, puno
ngga pinyibake, pinutud,
pinyabah nga pinyabah yun
ndai sopurug pinyiraan mai,
ka ndai kraja tunda takdir aku
darum Kaam, darum Adun
Jesus. Amen.
1 sawa plen basa
kitab
1 Corinth 6:1-20
Mazmur
119:1-112
2 sawa plen basa
kitab
Colossae
1:9-18
Jeremiah 6
Nyambung Brajar:
Jakob 1:22-25
Nota
Nota
bidayuh
Nota
Nota
ndu senin
22
Na Dun Angan Diginu
So aku Nyamba Eklisia, nuju dingan ku Gaius
adi aku rindu, adi aku sawu rindu. Dingan ku
adi aku rindu, aku sambahyang mite shiun
sopurug kraja mu maju, ka isa-i adup mu udip
darum bua sanang, sawu mun simangi mu
sanang guh (3 John 1:2).
P
inyuruh John daan nang, di tunduh sopurug
kayuh, Tapa an ata jadi mujur darum
sopurug kayuh: har roh, har simangi, har purung, nga
har kayuh adi tatung. Pinyiraan Tapa inu yun angan
siraru jadi sawu kana ka udip darum pinyisehat
kudus. Daya mungkin nang, “Pak kayuh adi dog
daan darum ayat injil pibuka ata dog nuju yun Gaius
sadi adu-i, jadi-i duh yun ata ndu ati.”
Sawu-i, 2 Timothy 3:16 daan nang, “Sopurug
injil adi dog nuris nanyam pinganang Tapa…”
Ngapui-i, kayuh kana adi ramus ati, adi John nuris
inu pinganang so pikir kira Roh Tapa, ka-i gibabu
sah madin. Gaius mboh di ke shorga, bara Pinyuruh
mboh di ke shorga; ata inu daya adi agi ndu ati.
Matthew 24:35 nang, “Rangit nga ong re manyap,
pak pinganang ku duh re manyap.” Pinganang-I
inu gibabu ndog madin; jadi, 3 John 1:2 duh inu yun
Gaius adu-i ndu ati, ka-i yun angan guh, nanyam
Injil Kristus.
Angan bisa basa ayat injil pibuka ata pari, ka
bidayuh
angan duh pakai dun Gaius, angan gati ngga dun
angan. Anu inu ani angan patut ndai ngga Pinganang
Tapa; angan bada-i jadi yun adup angan, amai
Pinganang Tapa inu yun adup angan. Kan angan
dingah ka brajar Injil, terutama-i bara Surat anu,
tambit bara Pinganang yun adup angan; na dun
angan. Suto-i, duhnyah basa Philippi 4:13 mun-i yun
Pinyuruh Paul adu-i. Kambui dun angan inu Smith,
daan nang, “Aku Smith, bisa ndai sopurug kayuh
b’da Kristus adi nagap aku.”
Tambit hak angan darum Pinganang; mrati-i ka
bada-i jadi tung angan. Duhnyah daan, “Ayuh minyu
ngga ata”; duh. Daan nang, “Ayuh minyu ngga AKU!”
Pinganang Tapa inu yun angan udip darum-i ka udip
ngga-i. Siraru bada Pinganang anu jadi tung adup
angan isa-i angan jadi mujur nga berkat angan.
Doa
O Sama di shorga, aku ngyen
adup aku di Pinganang, adi
nguasa pimudip aku, adi bada
aku jadi masang adu adu ka
panu darum bragah mai. Aku
jadi sanang darum roh aku,
simangi nga purung aku,
1 sawa plen basa
kitab
1 Corinth 7:1-40
Mazmur
119:113-176
2 sawa plen basa
kitab
Colossae
1:19-29
Jeremiah 7
Nyambung Brajar:
Pinganai 20:32; Mazmur 119:162
ndu duwuh
23
….Duh Perlu Tambit Bat Pasar
Bara-i
Simuki teruk-i kambui sopurug daya muji
angan; amai tayung babuk ngara-i daan kayuh
adi samah pasar nabi nabi adi kadong
(Luke 6:26 GNB).
apa an sopurug ata jadi bijaya. Bigatung
T
di takah pinyijaya angan, automatik angan
re jadi daya adi kada daya duh suka; angan bada
pinganyu tingga adup angan. Har ati duh inu har adi
heran. Dunyah gapang, duhnyah kinyam manguh,
kinyam sadi bait-i sedih kambui daya rawan angan,
bait-i kambui agi daya duh dapud trima ka bisaya di
pinyijaya angan.
Sawu-i, kan angan puan asi rawan pinyijaya
angan, angan sopatut-i jadi gaun! Sabab ong ati raru
baga-i, puno ngga bara daya rabis so ju billion naan.
Daya adi rawan angan tinge sopurug kayuh sabab-i
an rawan angan adu-i; ati kireen nang angan inu
daya adi raru biguna. Jadi, bigaun meh kan-i angan
dog kisiis b’da pinganyu angan.
Agi kayuh adi sukup ngyen semangat darum
ani T.L Osborn daan kudu kudu sawa adi ripas;
ayuh nang, “Kan aku tingga ndi naan dari nga bara
pinganyu-i adi bagu ka bikuasa, pirati oh dari anu,
ka-i re jadi daya adi bijaya.” Sunggu batur har ati!
Angan nyukat pinyikuat dari anu, kudu birega-i bait-i
kudu kiang-i, duh inu so kudu bara dingan-i, pak-i
nanyam kudu kuasa bara pinganyu-i. Angan nyukat
pinyibas nga kuasa dari anu nanyam kiang nga
kuasa bara pinganyu-i.
Siragi angan tatap bijaya, bara daya adi kisiis
angan re tatap tingga angan. Ripas angan mboh
duh tuya nyakar ka bijaya nanyam ka simuki ngara-i
pikir, ngara- mboh duh re piduri. Pak angan sopatut-i
bidayuh
duh piduri bara-i, amai angan duh patut tambit bat
pasar bara-i. Kan bara-i ndog nyerang angan, bara-i
re sikak ka rabu, amai Tuhan inu pinyiramat angan.
Duhnyah pikir ka tingga Setan, nga bara pinganai
daya arap, ka bara daya tibudo adi suba re pirabu
angan.
Mrati har ati: pimudip birang ndu angan inu
kayuh adi mboh dog ndai nanyam kayuh adi mboh
dog nuris. Pimazmur ngaku ka nang, “….Kan daya
arap nyerang aku ka suba an siu, ngara sikak ka
rabu” (Mazmur 21:1-2). Yun asi asi adi bada adup
ngara-i jadi pinganyu angan, takdir ngara-i mboh
dog natap: ngara sikak ka rabu.
Ngapui-i, duhnyah jadi birisut. Bijiju tingga di
kayuh adi angan mboh dog bagan yun ndai. Angan
duh perlu bidoa pasar pinganyu angan; pak, angan
rindu ngara-i nimun ani Jesus mboh daan, “…..
Pak aku nang di angan adi dingah, Rindu meh
pinganyu angan, ndai kana di ngara adi tiru
angan, ngyen berkat di ngara adi mangu angan,
sambahyang yun ngara adi kinarap angan” (Luke
6:27-28).
Pingaku
Damai Tapa jaga atin nga
pikir kira aku darum Kristus,
duh kira asi asi pinganyu nga 1 sawa plen basa
kitab
pinyisusah adi maning aku.
Atinku tatap tingga ka Tuhan, 1 Corinth 8:1-13
Ayuh inu batuh nga kuta ku
Mazmur 120-127
adi tagap, pinyigrindung aku,
nga pinyiramat aku. Madin
ndog setui tui, aku panu 2 sawa plen basa
kitab
darum pimanang, nga darum
kuasa Pinganang, mrentah
Colossae 2:1-7
ngga berkat b’da pinunggun.
Jeremiah 8
Haleluyah!
Nyambung Brajar:
Mazmur 27:1-3; 1 Corinth 16:8-9; Rome 8:35-37
ndu taruh
24
Tingga Ka Pinandung Bragah
Makat, ka nyekar; amai jawa mu mboh ndog,
ka bragah Tuhan mbŭh nyekar di tunduh
angan. Bangsa bangsa bŭkŭn re dog nutu
karŭm,Pak di tunduh mu jawa Tuhan re nyekar,
Jawa bragah-I re agi nga kuu (Jesaja 60:1-2).
N
imun daya Kristen, kan-i agi har nimun
angan bijawin ngga pinyisusah di tepat
kraja, bait-i agi ripot duh kana so doktor pasar
pinyisehat angan, bait-i akaun bank angan jadi
teruk, duhnyah sien; duhnyah komplen. Duhnyah
gapang bait-i jadi ramah. Pak, murud ke birik
angan ka tingga turup di bragah Tapa. Kambui-i inu
pinyisuba darum duit, kidaan nang angan inu sesang
Abraham. Sesang Abraham duh re jadi pokai bait-i
misakin! Angan inu daya adi dapu sopurug kayuh,
amai angan inu waris Tapa, adi sua samah samah
dapu ngga Kristus.
Darum masa pinyisuba, ka-i kun inu masa
yun angan kaduh bu di jiroh pinyigrindung, jiroh
pinurung so manusia, duh; bisaya meh di Tuhan!
Ayuh inu pinurung angan. Kambui angan perlu duit
suto-i, ngaku nang, “Aku biyun sopurug duit adi aku
perlu darum Adun Jesus; ka-i re raju ndog ka aku.”
Ndai pingaku simunu ngga pinyabah, atin birani ka
yakin, ka har anu re jadi nanyam pinganang angan.
Duhnyah bada ani ani da angan jadi gapang.
Angan dog bagan yun pinandung bragah Tapa.
bidayuh
Walau agi karum nga pinyisusah di ong ndu ati,
angan inu rabis so daya adi manang. Angan inu
pimanang darum Kristus Jesus. Angan duh re jadi
daya adi kurang nasib kana. Kristus inu harapan yun
bragah. Tingga adup angan darum bragah. Tingga
adup angan panu darum bragah; daya adi taban ka
pinandung bragah Tapa darum skorah angan, darum
kraja angan, pinyisehat, rawang, duit angan, ka tadu
tadu kayuh. Tingga bragah darum pimudip angan.
Kitab daan pasar Kristus mboh jera birasa
ka pasar bragah adi ndog so susah anu (1 Petro
1:11). Ripas pinyisusah Kristus, pimudip adi bragah
bikuasa. Ayuh mboh bisusah yun angan isa-i angan
dapud udip darum bragah. Ngapui-i, udip ka panu
darum jawa pinunggun, pimanang, pinyijaya, kuasa,
pinyisehat, nga pimujur angan darum Kristus Jesus,
ka daan “duh” di pinyiarah, per, pinyiramah, nga
pimudip urun.
Pingaku
Aku inu ani Tapa daan pasar
aku! Aku udip ka panu darum
jawa pinunggun aku nga
darum pimudip bragah darum
Kristus Jesus. Pinyabah aku
kuat ka bikuasa. Aku manang
darum tiap har, ndai kayuh
da masang ka du du masang!
Sopurug kayuh inu tung jeku
amai aku inu anak Tapa, adi
sua dapu samah samah ngga
Kristus. Haleluyah.
1 sawa plen basa
kitab
1 Corinth 9:1-27
Mazmur 128-134
2 sawa plen basa
kitab
Colossae 2:8-15 Jeremiah 9
Nyambung Brajar:
Jakob 1:25; Hebrews 13:5-6; 2 Corinth 4:17-18
ndu pat
25
Pakai Pinganang Tapa Yun Ngubah
Kayuh
Sopurug injil adi dog nuris nanyam pinganang
Tapa, ka-i biguna ngga ngajar, ngga nyara ka ngga
nyibatur, ka ngga ngajar pasar pimudip tunggun
(2 Timothy 3:16).
imun daya Kristen, ka-i biguna yun angan
N
bijiju jadi masang, ka pakai Pinganang Tapa
yun bada urah angan jadi rabis kana. Angan sopatut-i
dapud ngyen saksi pasar kayuh adi birubah darum
urah angan madin, kan angan pakai Pinganang
Tapa. Sopatut-i agi kayuh adi kana ka sawu nang
angan mboh bada urah angan jadi bitambah kana
bait-i pasar angan mboh taran kayuh adi arap so
urah angan, kan-i angan pakai Pinganang Tapa.
Ngyen adup angan di Pinganang yun bada kayuh
birubah darum roh nga simangi angan.
Ngubah purung angan adi tatung sawu inu har
sanang; pak madin inu pasar kayuh adi duh tatung
darum adup angan. Angan biyun tanggungjawab yun
ndai ka bada pimudip angan bitambah kana ngga
Pinganang Tapa; mating daya re dapud ndai har ati
yun angan. Agi daya gibayuh birubah ripas kudu
kudu sawa. Kayuh adi samah bada atin ngara-i baji
kudu kudu sawa adi ripas, ngara gibabu baji ndog
madin. Daya adi ngara-i duh suka kudu kudu sawa
adi ripas, ngara gibabu duh suka daya anu ndog ndu
ati. Har adi samah ngara-i bijawin kudu kudu sawa
adi ripas, gibabu agi ndog madin. Sama ada ngara
duh birubah bait-i ngara gibayuh jadi tuuh; har ati
raru sedih-i.
Pinyisiken-i, mboh kah daya simunu kambat
rabis bagu pinyipuan? Tatu-i mboh, ngara mungkin
mboh puan; pak ngara duh ndai nanyam pinyipuan
bidayuh
anu. Ngara-i mboh dingah ka mboh brajar Injil
anu, pak ngara duh ngyen adup ngara-i di kuasa
Pinganang Tapa adi bisa bada kayuh birubah ka
tan adu adu darum urah-i. Ka-i duh inu sukup yun
dingah ka nguruk pinyipuan injil adu-i; angan patut
ndai nanyam Pinganang.
Agi daya kan ngara di gereja, ngara nuris
sopurug kayuh adi dog piagah ka dog ngajar. Ngara
tambit CD agah kana anu, ka dingah-i, pak ngara
jadi mboh raru biasa ngga siruun anu ndog ka-i
duh taban ani ani rati di bara-i, ka duh bisa ngubah
urah ngara-i. Ngara jadi raru biasa ngga Pinganang.
Duhnyah jadi simunu. Bisaya di kuasa nga pimandai
Pinganang Tapa yun ngubah pimudip angan so ndi
bragah ke ndi bragah adi bukun. Pakai Pinganang
yun ngubah kayuh. Aku duh minyu pasar ngubah
kayuh adi duh tan, pak-i ngubah kayuh bada jadi tan
adu adu yun urah angan.
Pinganang Tapa mboh dog ngyen di angan
nimun ndi kayuh adi kreatif. Ani ani kayuh adi angan
an ngubah darum pimudip angan re bisa jadi; pakai
Pnganang yun bada-i jadi. Angan bisa ndai rabis
bagu pimanang ka bada adup angan bijiju udip
darum pimudip nginga ngga Pinganang.
Pingaku
Pinganang Tapa inu pimudip
aku, ka-i ngyen sopurug
kayuh di aku; aku jadi masang
ka manang tiap ndu ngga
Pinganang. Ndu ati, pimudip
aku dog pakat ka bitambah
kana kan-i Pinganang Tapa
nguasa roh aku; adi ngubah
kayuh so ndi bragah ke ndi
bragah adi bukun, darum
Adun Jesus. Amen.
1 sawa plen basa
kitab
1 Corinth
10:1-13
Mazmur 135-138
2 sawa plen basa
kitab
Colossae
2:16-23
Jeremiah 10-11
Nyambung Brajar:
Rome 12:2; Ephesus 4:22-23; Hebrews 4:12
ndu rimuh
26
Ayuh An Angan Jadi Bijaya
Ngapui sakati angan sambahyang : Sama ami
di shorga, kudus adun mai. Mandug prentah
Tuhan. Jadi raan mai, darum ong nimun darum
shorga (Matthew 6:9-10).
B
ahagian ayat adi dog raen di sambu sawu inu
sunggu nginga. Kambui kayuh ati duh dog
nam, Jesus duh re ngajar bara murid-I bidoa simunu.
Ka-i kireen pinyiraan Sama isa-i pinyiraan-I dog ndai
di ong nimun di shorga. Ka rati-i inu pinyiraan-I yun
ata jadi mujur, sehat nga kuat, bisemangat, bijaya,
buan buwa, ka buan buwa ngga bagu, amai sopurug
kayuh nanyam ka urah-I.
Mating kayuh re ngaso angan, mating kayuh re
nagah angan, mating pinyikurang bait-i pinyisusah di
shorga. Ngapui-i, mating ani ani dapud bada angan
duh dapud ndai kayuh; angan duh patut bijera yun
ani ani darum pimudip angan! Angan dog bagan
yun mrentah ka kraja ngga sanang. Kambui angan
bijawin ngga pinyikurang bait-i bijawin ngga kayuh
adi nyusah angan, duhnyah putus asa. Bada pikir
kira angan adu adu tingga Pinganang, ka panu
darum jawa-I, ka Ayuh re taban angan di ke takdir
angan darum Kristus.
3 John 1:2 daan, “Dingan ku adi aku rindu,
aku sambahyang mite shiun sopurug kraja mu
maju, ka isa-i adup mu udip darum bua sanang,
bidayuh
sawu mun simangi mu sanang guh.” Angan
mungkin daan, “Aku duh dapud kinyam pinyirindu
Tapa; aku duh puan Tapa rindu aku kah duh.” Ayuh
mboh pinandung pinyirindu-I di angan darum cara
adi paring bragah: “Pinyirindu adi bas du so ati
mating daya biyun, kan daya taran asung adup-i
yun bara dingan-i” (John 15:13). Sabab anu Ayuh
an pinyiraan-I dog ndai jadi sawu kana darum
pimudip angan.
Pimudip angan kun inu yun pinyimisakin, per,
bait-i arah; ka-i inu yun bragah Tapa. Ong ati puno
ngga daya misakin ka arah, pak ata inu daya adi
re ndog ke ngara-i nga nyapai ngara-i. Angan jadi
tukang ngyen berkat Tapa di ong angan; anu inu
sabab-i mai Ayuh an angan bijaya, buan buwa, ka
buan buwa ngga bagu.
Doa
O Tuhan, pinyibas, kuasa, nga
bragah mai inu tung Kaam,
1 sawa plen basa
amai sopurug kayuh di shorga
kitab
nga ong inu tung Kaam. Berkat
1 Corinth
mai taban pinyikaya, ka aku
10:14-11:1
duh perlu bisusah payah yun
dapud-i; ngapui-i, aku duh re Mazmur 139-141
bisusah payah darum pimudip,
amai aku ruu darum tepat 2 sawa plen basa
kitab
pinyiruu mai. Aku mujur ka
bijaya darum sopurug kraja Colossae 3:1-11
Jeremiah 12
kana, darum Adun Jesus.
Amen.
Nyambung Brajar:
2 Corinth 8:9; Joshua 1:8; Jeremiah 29:11
ndu nom
27
Duhnyah Mite Kayuh So Tapa
Puji ka Tapa, Sama Jesus Kristus Tuhan ta,
adi mboh ngyen sopurug berkat roh di ata so
shorga darum Kristus (Ephesus 1:3).
S
abab ata bidoa kun inu yun ata da Tapa ndai
kayuh yun ata. Sawu-i, angan puan kah duh
nang Samamu di shorga duh an angan mite kayuh?
Kada daya mungkin re gegoh ka heran dingah har
ati, ka mungkin re siken, “Pak Jesus nang, ‘Mite
meh, ka-i re dog ngyen di angan” (Matthew 7:7,
Luke 11:9).
Sawu-i, Ayuh agi daan sakno, pak anu sobayuh
daya dog biranak bauh. “Mite meh, ka-i re dog ngyen
di angan” inu ajar-I pasar pinyabah nga atin yakin
di Tuhan sobayuh pinyikabus-I adi jadi waker ata,
sobayuh pinyipurun-I, pinyimakat-I, ka duh tui ripas
anu, Ayuh maad ka tepat Sama ka dapu sopurug
kayuh yun ata. Madin, Ayuh mboh bada angan sua
dapu samah samah ngga Ayuh (Rome 8:17). Kitab
daan, “…..So kuasa Tapa, ata mboh dog ngyen
sopurug kayuh adi taban ka udip…” (2 Petro
1:3).
Ripas angan puan pasar kayuh adi sawu ati, ani
ragi angan batur batur an mite so Tapa? Ata mboh
basa darum ayat pibuka ata nang ata mboh dog
ngyen sopurug berkat roh di ata so shorga darum
Kristus. Ngapui-i, bada adup ko mite kayuh so Tapa
darum doa. Pakai doa nga hak bidoa yun sabab adi
rabis gatung, nimun ndi itong ngga Sama. Angan
dapu ong ati. Sopurug kayuh inu tung angan (1
bidayuh
Corinth 3:21), amai angan inu sesang Abraham.
Tapa mboh puan sopurug kayuh adi angan
perlu, ka sobayuh angan ndog ke tepat anu, Ayuh
mboh sidia kayuh yun angan. Ayuh mboh berkat
angan ngga sopurug kayuh. Ndu ati, mating kayuh
adi angan an biyun, angan duh dapud biyun-i. “Yoh,
Pastor Chris, aku puan Kitab daan nang sopurug
kayuh inu tung aku, pak sabab aku duh dapud inu
sabab aku batur batur duh biyun pinyabah.”
Duh; angan biyun pinyabah kambui angan
mboh dog biranak bauh. Angan cuma perlu ndai
nanyam Pinganang. Kitab daan, “….nanyam ka
pinyabah adi Tapa mboh ngyen di angan” (Rome
12:3). Kiang pinyabah adi samah mboh dog ngyen
di sopurug angan kan ata kambat Injil Kristus.
Ragipun, kiang pinyabah adi ata trima darum masa
Pinyibiranak Bauh mboh sukup yun sigen darud
(Matthew 17:20). Pakai ani angan biyun. Pretis
pinyabah angan.
Doa
kaseh amai ngyen sopurug
1 sawa plen basa
kayuh adi aku perlu yun udip
kitab
bijaya yun bragah mai, ka puno
1 Corinth
ndai nanyam takdir aku darum
11:2-34
adup mai! Aku duh re jadi Mazmur 142-145
gapang bait-i bisusah payah
yun ani ani, amai Kaam mboh
taban aku ke tepat pinyiruu 2 sawa plen basa
kitab
nga tepat pinyibagu, di diki
Colossae
sopurug kayuh adi aku perlu
3:12-25
mboh dog sidia, darum Adun
Jeremiah 13
Jesus. Amen.
Nyambung Brajar:
Philippi 4:19; Matthew 6:7-8
ndu minggu
28
Na Pinganang Darum Adup Angan
Ka Pinganang jadi manusia, ka-i ruu nga ata
( ka ata ko kiris bragah-i, bragah anak tamu
Sama), puno nga berkat ka pinyawu
(John 1:14).
J
esus inu pinandung Pinganang Tapa ka
pinandung pikir kira Tapa, ani-I pikir, pumuh-I,
ka pasar adup-I. Ayuh inu Pinganang Tapa darum
ruun manusia ka Ayuh raru pandai minyu. Kitab
daan di ata simuki pijaga-pijaga Ramin Tapa dog tud
yun nakap Jesus, ka ruu yun dingah pinganang-I,
ka ripas dingah pinganang-I, ngara-i pari ka duh
nakap Ayuh.
Kan-i bara imam nga daya Pharisee siken sabab
mai ngara-i pari duh taban Jesus, bara pijaga anu
nam sakati, “Gi-bun daya minyu sak daya ati!”
(John 7:46 NKJV). Pinganang-I taban pibua di
bara daya birandam, pibua batuh daya adi karak,
pibua daya adi bangam, ngyen kaja bauh di daya
adi bajang isa-i panu, ka pakat daya so kabus.
Pinganang-i sawu bukun. Kitab daan nang Ayuh
pibu umot ngga pinganang-I (Matthew 8:16). Ayuh
jadi raja ka mrentah ngga pinganang-I. Ayuh kireen
kuasa pinganang di ata; kudu kuat pinganang anu
ka simuki re pakai-i.
Duhnyah minyu kosong adu-i; daan Pinganang
anu. Ngajar adup angan. Pakat roh angan ka bada
adup angan jadi bukun. Bada pinganang angan
jadi bukun ka jadi daya adi sawu kana. Pak, har ati
duh re jadi ndog ka angan ngyen pinguman di roh
bidayuh
angan ngga pinyipuan adi batur – ka-i inu Pinganang
Tapa. Kitab daan, “….Amai anu adi ruai bagu di
atin daya, anu inu ruah so beba-i. Daya kana so
buat rata-i adi kana pijadi pinganai kana : ka daya
arap so buat rata-i adi arap, pijadi pinganai arap”
(Matthew 12:34-35).
Tapa mboh ngyen Pinganang-I di ata isa-i
ata dapud kambat-i, tingga turup di Pinganang,
ka bada-i jadi ndi so bahagian pimudip ata. Jesus
nang, “Manusia duh udip b’da ruti adu, pak b’da
sopurug pinganang adi ruah so beba Tapa”
(Matthew 4:4). Ingat oh, pinguman jadi ndi so
bahagian purung angan kan-i angan man-i. Simunu
guh, kambui angan tingga turup di Pinganang Tapa,
angan re buan pinganang Tapa. Kambui angan duh
biyun-i darum adup angan, angan duh re bisa buan
pinganang-I.
Na Pinganang darum adup angan, “Bada
Pinganang Kristus ruu darum angan ka kaya
nga sopurug pinyibijak; ngajar ka nyaduh dingan
dingan angan darum mazmur nga nyanyi nga
patun roh, nyanyi ka Tapa nga berkat darum atin
angan” (Colossae 3:16).
Doa
1 sawa plen basa
kitab
Pinganang Tapa agi darum
1 Corinth
atin aku ka di beba aku, ka
12:1-31
kan-i aku daan-i, aku kireen Mazmur 146-150
pinyikana Tapa di ong aku,
adi ngyen kesan adi kana,
ka ngatur aran pimudip aku 2 sawa plen basa
kitab
darum bragah. Biberkat ka
Colossae 4:1-9
Tapa!
Jeremiah 14
Nyambung Brajar:
Joshua 1:8; 1 Timothy 4:15; 2 Timothy 3:14-15
Nota
Nota
bidayuh
Nota
Nota
ndu senin
29
Bada Pinganang Mrentah Angan
Sabab kambui angan tunda pinyiraan purung,
angan re kabus: pak kambui ngga roh angan
siu pinganai purung, angan re udip
(Rome 8:13).
N
imun anak Tapa, angan inu duta Kristus.
Simunu inu simuki Ayuh tingga angan.
Angan inu waker-I. Anu inu sabab mai-i penting
yun urah angan tunda Pinganang. Bada Pinganang
mrentah angan. Duhnyah udip tunda pinyiraan
purung angan. Duhnyah bada adup angan dog
nguasa b’da asung atin angan. Duhnyah ngyen
tepat di tibiat manusia darum pimudip angan. Jadi
daya adi bipikir roh. Ngyen masa di Pinganang ka
ngyen adup angan di Roh Kudus isa-i Ayuh dapud
kraja ngga angan.
Natung oh, Ayuh tingga atin angan, kambui
angan raru an Tapa; kambui angan gruwun ka
bisemangat yun Ayuh, nga piragah Injil, Ayuh re
tingga har ati ka bada angan jadi daya adi bijaya
darum pimudip. Jadi, angan perlu ngatur adup angan
tunda pikir kira-I. Duhnyah bada ani ani nagah angan
so udip darum pimudip adi munos atin Tapa. Bada
pimudip angan jadi puji nga bragah yun Ayuh adi
mboh bagan angan.
Panu tunda Roh; Kitab daan nang, “Ati nang
ku, Udip meh darum Roh, ka angan duh re
bidayuh
nyiraja tunda pinyiraan purung adi arap” (Galatia
5:16). Panu tunda Roh inu panu tunda Pinganang;
udip tunda Pinganang. Siragi angan gi-babu biyun
pinyipe’it darum atin angan, angan duh panu tunda
Roh; siragi angan gi-babu sua ndai tibiat purung,
jadi angan duh panu tunda Roh.
Duhnyah bada adup angan dog mrentah b’da
tibiat purung angan. Udip so sepa asung atin angan,
amai Kristen inu pimudip tunda Roh. Duhnyah udip
tunda asung atin angan; udip tunda Pinganang.
Angan duh inu so ong ati; angan dog biranak so
Pinganang. Jesus daan, “Aku so sambu,” ka simunu
guh angan; angan so sambu. Ngapui-i, bipikir kayuh
adi di sambu, ka duhnyah bipikir di kayuh ong
(Colossae 3:2). Duhnyah bipikir, minyu bait-i ndai
nimun daya ong. Bada Pinganang Tapa nguasa pikir
kira angan ka jaga pimudip angan.
Pingaku
Aku dog biranak so Roh, ka
aku ngyen adup aku ngga
1 sawa plen basa
sipuno di pinguru-I, pinyiajar-I,
kitab
nga pinyigrindung-I. Aku duh
1 Corinth 13:1-13
ndai pinyiraan purung. Aku
Pitas 1-2
ndai pinyiraan adi sawu kana,
ka udip ndai tunda takdir aku
darum Ayuh. Aku ngyen roh
aku di Ayuh adu-i, isa-i aku 2 sawa plen basa
kitab
dog ngajar ka dog nguru
Colossae
darum pinyibijak yun munos
4:10-18
atin Tuhan darum sopurug
Jeremiah 15
kayuh. Amen.
Nyambung Brajar:
Galatia 5:22-25; Rome 8:6-9
ndu duwuh
30
Nakit Jaga Adup Angan So
Pinyigaur Adi Arap
Duhnyah da daya nyibudo angan: biayo ngga
dingan adi arap re pirusak urah adi kana
(1 Corinth 15:33).
S
o Pinganang Tapa, ata pretis ka dog ngajar
ngga urah adi kana ka kudus, pak kada daya
bisa nyirusak urah angan adi kana b’da piminyu
ngara adi duh sehat ka sarah. Bigaur ngga dingan
simunu bisa nyirusak urah adi kana. Ani ani piminyu
adi duh ngaku, nurak bait-i cabar kuasa Pinganang
Tapa inu piminyu adi arap. Ngapui-i, nakit jaga ngga
dingan simunu.
Kitab daan, “Biayo ngga daya adi bijak ka
kuu re jadi bijak: pak kambui kuu bidingan
ngga daya adi budo, kuu re rusak” (Pitas 13:20).
Mazmur 1:1 nang, “Sanang inŭh ngara adi turak
pinyitayan daya arap, adi dŭh tunda urah-rakah
daya bidosa puan kah sua tunda ngara adi napat
Tapa.” Bidingan ngga daya adi arap bisa nguasa
angan yun ndai kayuh adi sarah.
Suto-i, Kitab daan, “Kiren adup nuuh biradat
di daya adi mboh minyamba ka stabi di ngara…”
(Leviticus 19:32). “Stabi di ndo sama angan”
(Ephesus 6:2). Suba pikir kambui angan biyun
dingan adi daan nang angan duh patut ndai simunu.
Kayuh anu ajar adi sarah.
Pinganang daan, “Adu adu sambahyang” (1
Thessalonica 5:17). Pak dingan angan nang “Perlu
kah angan bidoa tiap masa?” Pinganang daan di
angan bada tambit bat di har tikuruk gereja pak
dingan angan daan kayuh adi bukun. Duhnyah
tunda nasehat daya adi sarah, pak ndai Pinganang
bidayuh
siraru.
Darum 1 Corinth 5:11, Kitab daan “….duhnyah
angan bidingan ngga tadu daya Kristen adi
pinanggah, pinyibut, adi nyambah tibudo, adi
pimise, pimabuk, puan kah pinaku. Duhnyah
bidingan, duhyah sua man ngga daya adi mun
anu.” Ka-i samah ngga nasehat so Roh darum
Philippi 3:2, adi bada ata nakit jaga ngga bara
kesuang, jaga daya adi an ndai arap, jaga daya adi
sita adat sunat. Ka-i inu pingingat adi Tapa takan
daan. Kan angan kiris tanda adi dog nuris di tiban
ramin daya, ka-i nang, “Nakit jaga ngga kesuang,”
ngara-i kingat angan pasar kesuang darum tiban
anu; ka duh inu kesuang di sepa.
Simunu guh, ka-i daan nang jaga ngga “daya adi
an ndai arap,” ayat anu darum bahasa Greek sobatur
rati-i inu “daya adi pirusak”; daya adi biyun atin arap.
Kitab duh re kingat angan kambui daya simunu duh
bahaya. Ngapui-i, kambui daya adi angan stabi daan
kayuh adi duh samah ngga Pinganang, angan duh
perlu kambat-i. Bada adup angan dog nguru ngga
Pinganang darum sopurug kayuh adi angan ndai, ka
pimudip angan re ngyen bragah di Tapa.
Doa
O Sama, aku panu darum
aran adi Kaam mboh sidia
yun aku di sibungas-i, jah-i
sobayuh ong ati dog napa.
Aku dog nguru b’da Roh mai
yun panu darum pinyibijak
nga pinyimrati, puno ngga
pikir kira pinunggun. Aku
dog nguru ka dog jaga b’da
Pinganang, ndu ati ka siraru,
1 sawa plen basa
kitab
1 Corinth
14:1-40
Pitas 3-4
2 sawa plen basa
kitab
1 Thessalonica
1:1-10
Jeremiah 16
Nyambung Brajar:
Mazmur 1:1; Matthew 5:29-30; Mazmur 26:4-5
ndu taruh
31
Adu Adu Ngaku Pinganang Angan
Kan kuu mutas rawŭt adi tŭrŭp, Aku re agi
ngga kuu;pinyusah mu re dŭh ngarah kuu. Kan
kuu mutas apui, kuu re dŭh sau (Jesaja 43:2).
K
an-i angan brajar Pinganang Tapa, masalah
ekonomi ngga bara kayuh susah di ong
ndu ati duh re jadi ndi har adi heran di angan. Har
ekonomi di ong ndu ati duh patut ngatur simuki
angan re udip. Ka-i duh patut ngatur pinyabah ata
darum Pinganang Tapa. Kitab daan nang, daya adi
puan Tapa, ngara-i re tatap kuat ka ndai-i (Daniel
11:32).
Nimun anak Tapa, masalah di ong duh inu
dog natap yun rawan angan. Pimujur angan, duh
inu bigatung di har rega barang maad, pinyisusah
nga pinyimuun ekonomi. Angan duh inu so ong ati.
Angan inu sesang Abraham. Duhnyah jadi birisut
ka gapang, amai kambui angan putus asa darum
har pinyisusah ati, jadi pinyibake angan sawu inu
siit (Pitas 24:10). Pak, Tapa inu pinyibake angan.
Bada adup angan bijiju kuat darum Ayuh, ka darum
pinyibake kuasa-I.
Basa ani Ayuh daan pasar angan darum
masa apag, pinyikurang, nga pinyisusah: “Pak
Aku re nyiberkat ngara adi bisaya di Tapa, ka
na pinyabah ngara di Tapa. Ngara-i inu tŭngŭn
tŭngŭn kayuh adi timbu sindŭk anak sungi ka
uat-i prijireu ndŭg piin. dŭh-i taru tipuh paras,
bidayuh
sabab dawŭn-i adu adu barŭm; dŭh-i bipito
kan andu dŭh ujen; ka-i marar buān” (Jeremiah
17:7-8). Bragah ka Tapa! Bada har ati jadi pinyisaksi
angan ndu ati ka siraru, amai-i inu Pinganang Tapa
pasar angan. Angan inu pimanang ka daya adi bijaya
darum Kristus Jesus, duh kira ani pinyisuba bait-i
pinyisusah adi jadi di ong ndu ati.
Karŭm duh- i re bu, amai Kitab daan nang,
“Bangsa bangsa bŭkŭn re dog nutu karŭm”; pak
injil duh ko diginu adu-i; ka-i nyambung daan nang,
“….Pak di tunduh mu jawa TUHAN re nyekar;
Jawa bragah-I re agi nga kuu” (Jesaja 60:2). Di
tengah-tengah karŭm, angan re nyakar ngga terang.
Sawu-i, makin karum tepat anu, makin terang jawa
angan re nyakar. Ngapui-i, bigaun meh amai Tuhan,
Tapa angan inu pimujur angan. Mating kayuh adi per
yun angan, jadi angan duh patut taru ani ani. Bijiju
tanang, ka bijiju ngaku Pinganang angan.
Doa
O Sama, Kaam inu pingiban
nga pinyigrindung aku. Aku
sabah ka Kaam adu-i; aku
1 sawa plen basa
puan nang darum Kaam, aku
kitab
biyun pimudip nga sopurug
kayuh adi aku perlu yun udip 1 Corinth 15:1-34
ngga bragah, yun bragah
Pitas 5-7
Adun mai. Aku udip di sambu
har ekonomi di ong ati; aku
jadi mujur ka jadi masang 2 sawa plen basa
kitab
so ndi bragah ke ndi bragah
adi bukun, b’da Pinganang 1 Thessalonica
2:1-9
nga kuasa Roh, darum Adun
Jeremiah 17
Jesus. Amen.
Nyambung Brajar:
Joshua 1:8-9; Matthew 19:26; Hebrews 13:5 AMP
DOA YUN PINYIRAMAT
K
ieh bisaya nang angan mboh dog berkat ngga
buk kebaktian ati.Kieh ngajak angan yun bada
Jesus Kristus jadi Tuhan darum pimudip angan, ngga
bidoa simuti:
“O Tuhan Sama, aku bisaya ngga sipuno atinku
darum Jesus Kristus, Anak Tapa adi udip. Aku
bisaya nang Ayuh mboh kabus yun aku ka Tapa
mboh pakat Ayuh so pinyikabus. Aku bisaya Ayuh
gibabu udip ndu ati. Aku ngaku ngga beba aku nang
Jesus Kristus inu Tuhan darum pimudipku ndu ati.
B’da Ayuh nga darum Adun-I, aku kambat pimudip
adi tan adu adu. Aku mboh dog biranak pari. Trima
kaseh Tuhan, amai nyiramat simangiku! Madin, aku
inu anak Tapa. Haleluyah!”
Tahniah! Angan madin mboh jadi anak Tapa. Yun
puan ngga rabis bagu kayuh pasar simunki re udip
nimun daya Kristen, angan tungang kol kieh so tadu
tadu nombor fon ami di ribo ati :
united kingdom (uk):
Tel: +44 (0)1708 556 604
nigeria:
Tel:+234-703-000-0927
+234-812-340-6791
+234-812-340-6816
+234-01-462-5700
kanada:
afrika selatan:
Tel: +27 11 326 0971
+27 62 068 2821
+27 11 3260972
usa:
Tel:+1 (0) 980 219 5150
+1-281-759-5111;
+1-281-759-6218
Tel:1 647-341-9091;
Tel/Fax:+1-416-746 5080
bidayuh
BIODATA PINURIS
Rev. Chris Oyakhilome, Presiden Believers’
LoveWorld Inc. inu pelayan Pinganang Tapa
adi sawu tutud, di diki pinyipasan-i mboh
bada pimudip kudus jadi sawu darum atin
bagu daya.
Juta-juta daya mboh trima kesan so program
TV-i, “Amosfera Yun Mukjizat”, ka trima
kesan so bara pinganai program yun
nyapai daya, program evengelis, majalah,
sabon bara buk nga CD, adi ngyen ajar
pasar Pinganang Tapa adi sawu batur,
ka-i sanang dog mrati pak sawu bikuasa.
Yun puan rabis bagu kayuh pasar
Christ Embassy bait pasar
Believers’ LoveWorld Inc
di ka e-mel ati
www.christembassy.org
Nota
Nota
bidayuh
Nota
Nota
Nota
Nota
bidayuh

doa

Transcription

Similar documents

Kerford Investments

imp. dicembre 2001 - ADI - Associazione Italiana di Dietetica e

Copertina e indice - Urbanistica informazioni

Eksistensi Bali Guitar Club

jerky suck - Soulmate Bali

TOSA INU - un cane splendido e poco conosciuto

Storage cataloque

Cover Poh Kong 2012 OP