Tokaut June 2015 - Catholic Diocese of Mendi

Tokaut June 2015 - Catholic Diocese of Mendi

†OKAUT
Tokaut Nius Leta
Ol evens i kamap long
peris o autstesin, o yu gat
sampela toktok o toksave, o yu gat sampela
komens long dispela nius
leta salim i kam long Fr.
Isaiah Timba long Mendi o
email:timbaisaiah014@g
Tokaut bai
mail.com
kam aut long yupela bihain long olgeta tupela
mun. Long Kumin eria
mipela bai salim long 50
toea. Husait i gat
“facebook” yupela mas
opim “Tokaut Catholic
Diocese of Mendi” na ritim
na wokim komens na
postim piksa tu.
INSAIT
...manmeri i kisim
Konfirmasio
2
2
2 Wik Kos
bilong Ol Katikis
GRAUN EM I PLES
BILONG YUMI OLGETA.
2
Ol Luteran Kam
3
Insait long Katolik
Ol Pris na Diken
i Ritrit
3
Haus Lotu Blesing 3
long
Williame
*Planti ol arapela kantri
i lusim death penalty,
na tu em i no gutpela
pasin long bihainim
insait long Kristen kantri olsem PNG/SI. Yumi
mas larim stretpela
pasin na pasin marimari
i mas so aut kila long
PNG/SI.*
Ol Bisop bilong PNG/SI.
CATHOLIC DIOCESE OF MENDI
BI-MONTHLY NEWS
JUN 2015, ISSUE NO. 14.
BISOP I TOK...
Long Mun Epril 2015, Ol Bisop bilong PNG/SI i bung
long Mosbi. Dispela em i
wanpela pas ol i raitim long
“Death Penalty”, kilim dai
man o meri i mekim rong.
Long yia 1991 Papua Niu Gini
Palamen i wokim gen lo bilong
kilim indai manmeri i mekim
rong. Long 2013, ol i senisim
kriminol kod na tok orait long
kilim man o meri olsem: hangamapim long rop, mekim em i
sot win, kukim em long pawa,
sutim long gan, o posinim long
marasin. Ol bisop i raitim dispela pas bilong banisim laip,
na bilong askim gavman long
rausim dispela lo bilong kilim
man o meri i mekim rong. 1.
Kilim man o meri i no save
stopim bikpela rong. Em i
save mekim rong i go bikpela
moa. Na tu em i no save givim
sans long em i senisim pasin
na tingting. 2. Em i bagarapim
laip. Laip em i holi na i kam
long God. Maski man o meri i
mekim bikpela sin, God i save
laikim na marimari long ol.
Gavman i no papa tru bilong
laip. 3. Em i sot-kat rot bilong
stretim hevi. Ol man i mekim
rong bikos ol i nogat sans long
skul gut na kisim wok bikos ol
politisen i poketim olgeta moni,
ol kampani i kisim ol resoses
na i nogat luksave long ol pipol.
Stretim as bilong trabel, i no
long kilim indai laip. 4. Nogut
gavman i kilim man nating.
Sampela taim gavman i no
lukim gut na kilim man husait i
no mekim rong long en. 5. Em i
bekim bek pasin. Kilim indai
man em i wankain tru olsem
bekim bek long pait. Olsem na
mipela ol Katolik Bisop bilong
PNG/SI i tok “nogat” long Death
Penalty. Taim gavman i kilim man,
ol manmeri bai kisim tingting olsem
bagarapim manmeri i gutpela samting long mekim. Mipela i pre olsem lusim Death Penalty bai givim
gutpela eksampel na helpim ol
manmeri long stopim famili vailens
na ol arapela vailens insait long
kantri tu. Planti ol arapela kantri i
lusim death penalty, na tu em i no
gutpela pasin long bihainim insait
long Kristen kantri olsem PNG/SI.
Yumi mas larim stretpela pasin na
pasin marimari i mas so aut kila
long PNG/SI.
Stap wanbel wantaim Sios.
Blesing bilong Nupela Pastoral Senta long Kutubu
Fransis Yarogi em i man Kutubu na marit long Erave. Taim
em i stap long Erave em i
kamap kuk bilong ol misinari.
Kutubu long dispela taim em i
ples bilong lotu Evanjelikol Sios
bilong Papua (ECP). Nogat
Katolik Sios i bin stap long Kutubu. Fransis i sori long ol pipol
bilong em, na em yet i go bek
long Kutubu na kirapim liklik
komuniti long ples Tugiri. Fr.
Roja Wait, OFM Cap i bihainim
em i go na mekim nambawan
Misa long 1969 long ples
Yogobo. Stat long dispela taim
Katollik Sios i gro. Nau ol i gat
4-pela stesin olsem Tugiri yet,
Yogobo, Wesami na Sirage.
De 15-17 Mei 2015 i bikpela
de bilong blesim na opim nupela pastoral senta bilong ol.
Peris pris Fr. Pita Seo, KMS., i
bin hatwok tru wantaim ol pipol
long kirapim dispela haus. Ol i
wokim tupela haus: wanpela
em i bikpela na i bilong slip.
Narapela em i bilong kukim
kaikai na ples bilong kaikai tu.
Em i gutpela haus tru bilong
holim in-sevis, woksop,
semina, ritrit na arapela bung
bilong strongim bilip bilong ol Katolik pipol. Bisop Don i go pas long
blesim dispela tupela haus long
Sarere na long Sande em i givim
sakramen bilong konfirmasio long
planti ol yangpela. Fr Pita na ol
manmeri i amamas tru long welkamim ol visita i kam long Mendi,
Moro na arapela hap tu. Kapenda
Toni bilong Pureni i wokim dispela
tupela haus. Toni i no nupela long
Kutubu, pastaim em i wokim haus
pata, haus lotu na haus sik long
Tugiri. Em i gutpela kapenda man
tru. Bisop Don i amamas tru na
tenkim Fr. Pita na ol pipol long
kirapim dispela pastoral senta.
†OKAUT
CATHOLIC DIOCESE OF MENDI
BI-MONTHLY NEWS
JUN 2015, ISSUE NO. 14.
PG 2
Bikpela lain manmeri i kisim Konfirmasio
GRAUN EM I PLES BILONG
Spirit Bilong God i kamapim Sios bilong Jisas i go moa yet long dispela YUMI OLGETA. Pop Fransis i raitim entaim. Bikpela lain manmeri i kisim konfirmasio long Wara Lai Pastoral Eria.
Bisop Donald Lippert i givim sakaramen bilong konfirmasio long moa long
150 manmeri long Wara Lai Pastoral Eria long Santu Maikel Sios long Kurumb. Ol pastoral tim na olgeta Kristen bilong Wara Lai i bung long Kurumb
inap long wanpela wik olgeta na redim dispela bikpela de. Plenti wok man
bilong daiosis i kam givim skul bilong stretim laip bilong ol manmeri. Mr.
Mak Kolandi, Famili Laip Kondineta bilong daiosis na Fr. Elias, peris pris
bilong Lowa Mendi, na moa yet peris pris bilong Karinz na Wara Lai Fr.
Alex Remba em yet. Seminerian Anthony Paul i bin go pas long liturji na
musik bilong dispela taim bilong sande de 7 Jun long Konfirmasio Misa.
Long tupela de ol i bilas na singsing na kilim pik bilong selebretim dispela
de. Moa long 40-pela i kisim baptais na 3-pela marit na 15pela i kisim
Santu Kominio namba wan taim. Moa long
150-pela manmeri i kisim konfirmasio. Wok
bilong Holi spirit i strong long dispela taim
nau na planti manmeri i kam bek gen long
Mama Sios na plenti save stap autsait i wok
long kam insait long Sios.
Tupela Wik Kos bilong Ol Sentrol Dinari Katikis i
bin kamap long DPC, Mendi. Ol Katikis husait i no bin kam skul long Mendi Katikis Trening Senta (KTS) i bin kam kisim kos long DPC. Ol i bilong ol peris na pastoral eria olsem Apa Mendi, Karinj, Wara Lai, Lowa Mendi, Det, Kutubu, Nipa na
Sumi. 36 man na meri katikis i kisim kain skul olsem *Introdaksen long Nupela
Testamen, PNG Sios Histori, Sios i wanem samting, prea, evanjelaisesen, homiletics, helt na lukautim gut bodi, famili laip, strongim bilip, stretpela we bilong lida
na minista, wok bilong katikis, na sakramen.* Planti bilong ol i tren long Erave na
sampela ol i no bin tren. Olgeta i no bin kisim reneuol kos longpela taim tru. Ol i
amamas tru long kisim dispela kos. Wan kain kos ol DPC staf bai redim bilong ol
katikis bilong Isten Dinari long mun Ogas na Westen Dinari long mun Septemba.
Ol seminarian bilong yumi
long Good Shepherd Seminari i kam long holide na stap raun long ples.
Fr. Nelsen, vokesen dairekta wantaim ol i laik i
go mekim vokesen promosen long Isten Dinari.
na ol stap. Long de 13 Jun ol i bin go long ples
Muli long Kewabi Peris. I gutpela yumi ken pre
olgeta de long ol seminarien bilong yumi stap
long Kap Madang, Banz, na Bomana. Yumi pre
bai ol i ken kamap gutpela pris bihain.
Nupela Santu Viani Studio Haus i Kirap
Santu Viani Sound studio i kirapim nupela studio haus long daiosis na ol wok
man i wok i stap. Fr. Alex Remba husait i go pas long musik na liturji bilong daiosis i wok hat long kamapim dispela haus. Dispela musik studio em I bilong rekotim na wokim CD bilong
singsing. Em tu bai helpim
musik na liturji bilong Sios
hia long Mendi na kamapim
gutpela musik bilong givim
ona na biknem long God.
Narapela Nius, Issue No. 15. bai kam long Ogas 2015
siklikol pas ol i kolim “Laudato Si”, I Litimapim Yu.
Dispela het tok, pastaim i kam long Santu Fransis
bilong Aisisi we em i lukim ol samting bilong graun i
olsem mama na susa bilong yumi na i litimapim
nem bilong God. Long dispela pas Pop Fransis i
tok aut olsem graun em i ples tru bilong yumi olgeta manmeri. Ol samting olsem diwai, wara, ston,
graun, bus, na win i bilong helpim manmeri. Pop i
lukim olsem bikpela bagarap i kamap long graun,
san i wok long hot tumas na mekim ais i kamap
wara na wara i kamap bikpela na karamapim planti
graun. Planti bus i wok long paia o katim tumas, na
ol diwai, gras, animal na pisin i dai pinis o i wok
long dai. Planti kantri i wok long yusim planti samting na lusim rabis bilong ol nabaut nabaut. Yumi
mas save graun em i wanpela gutpela na bikpela
presen God i givim long ol manmeri. Yumi manmeri
i no papa o mama tru bilong graun. Yumi i stap
bilong lukautim na yusim long liklik taim yumi stap
long graun. Olsem na yumi mas yusim ol samting
long skel bilong yumi na tingim na putim sampela
bilong ol pikinini i kam bihain. Pop i singaut i go
long ol biknem kantri, ogenasesen na arapela lotu
grup long wol long senisim pasin na tingting bilong
karim aut ol polisi bilong lukautim ol samting bilong
graun. Na tu em singaut long yumi long no ken
gridi o mangal long holim o yusim ol samting bilong
tingim yumi yet tasol. Olgeta manmeri i gat rait long
stap laip, kisim kaikai, kisim wara, na kisim planti
arapela samting bilong sapotim laip. Yumi mas
lukautim, yusim na skelim gut ol samting. Planti i
wok long bagarapim bus long wokim gaden tumas,
katim timba tumas, wokim bus paia tumas, na rausim wel, ges, gol na kopa tumas. Yumi tingting
long yumi yet na i laik yusim ol samting hariap na
pinisim gut tru. Tasol yumi mas save ol pikinini
bilong yumi bai no inap wanbel long yumi. Bagarapim i min olsem bagarapim gutpela presen bilong
God. Taim yumi bagarapim ol presen bilong God,
yumi mas save olsem God bai no inap amamas
long yumi. Yumi ol Kristen mas tingim gut dispela
tok na yusim graun, bus, wara, diwai, animal, welges na ston gut. Bikos ol dispela samting i save
soim bilas, biknem na strong bilong God long yumi.
Na tu ol i save onarim God long we bilong ol yet.
†OKAUT
CATHOLIC DIOCESE OF MENDI
Ol Luteran Kam Insait long Katolik
Sios. Samting olsem 7-pela manmeri bilong Luteran Sios long
Imane long Sumi Pastoral Eria i jonim Katolik. Longpela taim ol
Luteran long Imane i no bin i gat pastor na ol sipsip i raun raun
nabaut. Dispela 7-pela i panim we na kam jonim Katolik. Ol i go
bek na kisim sampela moa i kam. Long Pestode bilong God Triwan Sande, Fr Aisaia i kisim ol i kam insait long Katolik Sios.
Long dispela de tu, 5-pela pikinini i baptais na 3-pela kapol i marit.
BI-MONTHLY NEWS
JUN 2015, ISSUE NO. 14.
PG 3
Ms Anne-Katrin G,
i bin
kam long Mendi olsem lei misinari. Em i bin
kam long las yia. Anne i bin stap wanpela yia
long daiosis na mekim sampela wok olsem:
helpim Sr. Lukas long DPC, risepsenis long
opis, helpim Mr. Bill Bret long fainens opis,
meri bilong kisim poto, na memba bilong komunikesen tim. Em i strongpela meri tru
bilong wok na isi tru long toktok wantaim
kainkain manmeri. Em i lusim Mendi long de
25 Jun na go bek long asples kantri bilong
em long Jemeni. Tenkyu tru Anne, na God i
ken blesim yu long narapela wok yu kisim.
Haus Lotu Blesing long Williame Peris. Las
Kumin Praimeri Skul i opim nupela Edmin Opis. Long de 28 Mei, bikpela
bung na selebresen i bin kamap long Kumin Skul Eria. Ol i
bin wokim nupela edmin opis we ol tisa bai sindaun na
redim lessen na putim ol samting bilong ol long tis. Peris
pris Fr. Robert Gigmai na Het Masta Mr. Raymond Panga
tupela I hatwok tru long kamapim dispela de i nais tru.
Planti manmeri i bilas na singsing. Planti i kam lukluk raun.
Sampela ol bikman bilong gavman na edukesen lain i bin
kam witnesim dispela de. Wanpela bikman, Mr. Augustine
Mano, Menejin Dairekta bilong MRDC kampani i bin kam na
givim sampela komputa olsem presen i go long ol sumatin.
Wiru em i stap “las” long planti samting. Peris pris, Fr. Frensi em i
man bilong India na kam misinari long PNG long 2004. Samting olsem 11-pela yia em i stap raun wantaim ol pipol bilong Las Wiru.
Insait long dispela yia, planti kainkain divelopmen i bin kamap. Long
de 1 i go inap long de 7 mun Mei, Bisop Don i go raun long Williame
bilong blesim ol divelopmen. Long wan wan de, bisop i blesim ol dispela samting: Mei 1: blesim haus pata long Ambu Autstesin. Mei 2:
blesim Santu Jon Baptais Wanu Haus Lotu. Mei 3: blesim Santu Pita
na Pol Haus Lotu long Payama. Mei 4: blesim wad bilong mama na
ples bilong kisim marasin long Williame Haus Sik. Mei 5: blesim
Santu Padre Pio Wire Haus Lotu. Mei 7: blesim Santu Maikel Haus
Lotu long Karape. Ol 4-pela autstesin olsem: Payama, Wanu, Wire,
na Karape i bin gat kunai haus lotu bipo, na nau ol i amamas tru long
wokim na blesim nupela haus kappa nambawan taim we ol bai lotu
long God planti moa yia. Long ol dispela selebresen, ol pipol bilong
Las Wiru i amamas, singsing, danis na kilim pik. Fr. Frensi i amamas
tru na tenkim God na pipol bilong mekim ol dispela de i kamap gutpela tru. Bisop Don tu i amamas tru long lukim hat wok bilong pata na
ol pipol. Em i tenkim Fr. Frensi long givim 11-pela yia olgeta long
sevim ol pipol long bodi na spirit wantaim. Em i tenkim ol pipol tu
long gutpela wokbung long kirapim haus lotu na ol kainkain projek
long ples. No ken larim dispela selp-rilaiens pasin i dai hariap.
Ol Pris na Diken long Hailans na Madang i Ritrit long Banz, Jiwaka
Moa long 50-pela pris na diken long ol daiosis olsem Mt Hagen, Wabag, Mendi, Kundiawa na Mandang i bin bung long Good
Shepherd Seminari long Banz. Dispela ritrit i bin stat long de 21 i go inap long de 26 Jun, 2015. As tok bilong ritrit em i
“Teoloji bilong Bodi.” Planti taim yumi save lukim “bodi” bilong yumi long kranki we. Na tu yumi save wokim baret namel long
bodi na sol. Bodi na sol em i save wok bung insait long olgeta man na meri. Tupela wantaim em presen i kam long God. Tupela wantaim yumi mas lukautim. Planti pris husait i bin kisim dispela ritrit i amamas tru na i laik kisim moa skul long “Teoloji
bilong Bodi.” Long Mendi Daiosis ol pata olsem: George, Robert, Alberto, John, Alex, Nelson, Elijah, Isaiah, Elias, Diken Pita
na Diken Allen i bin go long dispela ritrit. Ol tu i amamas tru. Sapos sampela i gat laik long kisim dispela skul, askim ol?
†OKAUT
CATHOLIC
CATHOLIC DIOCESE
DIOCESE OF
OF MENDI
MENDI
JUN 2015, ISSUE NO. 14.
YIA BILONG KONSEKRETET LAIP
SOTPELA NIUS
Go Holide: Fr. Pita Seo KMS., husait i peris pris bilong Kutubu i
go holide long asples kantri, Korea. Em bai kam bek long mun
Septemba. Fr. Kris Sokol MSF long Imbongu Peris tu i go holide
long Poland. Em bai kam bek long Oktomba. Fr. Joice Paickal
CST i go holide na kam bek pinis na stap yet long Hedemari.
 Woksop: Sampela ol nes i save wok long VCT senta bilong lukautim ol HIV/AIDS prens long Hela na SHP i kam wan wik kos long
DPC, Mendi. Dokta Aaron na ol arapela dokta i givim kos long ol.
 Fr. Pais Hal: Em i bin i gat bikpela problem long lewa bilong em.
Ol dokta long Amerika i helpim em, na em i orait gen na i go bek
long skul. Sapos em i no bin go long Amerika, em i inap dai long
hat problem. God yu gut tumas!
 Kisim Wok: Fr. Shijo Josep HGN, i nupela peris pris bilong Irawi.
Fr. Johnson Antoni HGN, i nupela peris pris bilong Komo. Fr.
Thomas Nedunkanal CST i nupela peris pris bilong Magarima.

Ol Toksave
Julai, 2015: CHW entry test stat nau. Em bai kamap long
olgeta Tunde na Fonde long mun Julai. Ol sumatin mas pinis
gret 12 tasol na kisim gutpela mak i ken wokim test.
 Julai 5-10, 2015: Hailans Yut Rali bai kamap long Wanepap
Peris long Wabag Daiosis. Fee bilong wanwan yut em i K40.
Bas pe bilong i go na i kam bek em yupela yet mas panim
rot. Wanwan daiosis long hailans bai salim 70-pela yut tasol.
 Ogas 10-21, 2015: Tupela wik woksop bilong ol Isten Dinari
Katikis bai kamap long DPC, Mendi. Ol Westen Dinari Katikis long Ogas 31—Septemba 11. Ol help katikis na ol katikis husait i kisim trening bipo long Erave i mas kam long dispela woksop. Ol KTS tren katikis i no ken kam. Plis, kam
wantaim K50 fee moni, tawel na sop bilong wasim klos.
 Ogas 11-13, 2015: Pris Senate Miting bai kamap long
Mendi. Olgeta pris long Mendi Daiosis bai bung.

VOCATION PROMOTION
Long Kisim Moa Toktok
400 Yia lapun Baibel kam long Mendi long Rait I Go Long:
de 26 Jun 2015. Planti manmeri long Mendi na PNG i wok
long tingting olsem dispela Baibel i gat narakain Tok bilong
God o em i wan kain olsem ol arapela baibel yumi i gat pinis
long en. Yumi mas save Tok i stap long baibel em i wan kain
tasol. Yumi ken holim tingting olsem Tok bilong God em i no
baibel tasol. Baibel i stori long Tok bilong God. Yumi mas lotu
long God. Yumi no ken lotu long “buk baibel.” Yumi mas kila
gut pastaim long “Tok bilong God” i min wanem? “Tok bilong
God” i min olsem: 1. ol tru tru samting God i bin kamapim
bilong sevim ol pipol. 2. ol tok maus man (profet,anglo) bilong
God i bin autim long ol pipol. 3. Jisas em yet i Tok bilong
God. 4. Tok skul bilong ol Kristen. 5. God yet i toktok wantaim
ol pipol. 6. Baibel. Ol man i raitim baibel na ol tok i stap long
baibel em God i yusim tok bilong man long autim Tok bilong
em. Yumi no ken paul long dispela. Maski 400 yia lapun o 1
yia yangpela baibel, tupela i wan kain tasol Tok bilong God.
Tok bilong God i no bilong “harim” na “bilasim het” tasol. Em i
bilong “harim” na “bihainim” long laip bilong yumi wanwan.
Fr. Nelson Matthew
Vocation Director
P. O. Box 69,
MENDI
SHP
Papua New Guinea
Ph.72061749/ 73741073
Fax. 549 1169
E-mail: nlsnmathew@gmail.com
Long Hela Provins, Rait I Go Long:
Fr. George Makaja
St. Francis Catholic
Church
P. O. Box 14
TARI
Hela Province.
Ph: 72591272
SAPOS GOD I SINGAUTIM
YU LONG KAMAP PRIS…
POP FRANCIS I MAKING NUPELA YIA 2015 I KAMAP
YIA BILONG KONSEKRETET LAIP
Dispela yia i stat long Fraide, 21 Novemba 2014 long
olgeta kantri, long olgeta daiosis, long olgeta peris, na
long olgeta komuniti. Na bai em i pinis long 21 Novemba 2015.
Sampela toktok bilong Pop
Francis:
Mi laik singaut long olgeta
manmeri wanpela spesol tok;
em i tok bilong amamas. Lain
man o meri husat i bin givim
laip long God (konsekretet
pipel), ol i mas stap amamas
moa yet. Ol lain pris, brata na sista husat i givim laip
bilong ol long God, ol i save harim ‘Tok bilong Gut
Nius’ na ol i traim long bihainim laip bilong Jisas Krais.
Bai amamas bilong Gut Nius i pulmapim olgeta bel
na hat na spirit bilong ol na bihain long ol pipel tu. Jisas
i tok: “Mi lalik bai amamas bilong mi i ken i stap long
yupela, na bai dispela amamas i ken pulap tru long bel
bilong yupela. Jon 15:11 Amamas i mak na prut bilong
ol manmeri i pulap long Spirit bilong God. Em i mak
bilong Kingdom bilong God i stap. Amamas i stap,
sapos man o meri i pulap long bel isi na wanbel pasin.
Belhevi, bel kros na pret i no save fit wantaim bel isi
bilong Jisas. Olsem, ol pris na relijis, husat i laik bihainim Jisas, ol i mas soim dispela amamas insait long
laip na wokabaut bilong ol. Jisas i tokim ol: Mi nidim
yupela. Amamas bilong yupela i mas go aut long
olgeta manmeri. Tasol dispela laip i no isi tumas. Ol i
nidim prea na sapot bilong olgeta Kristen manmeri na
bilong Komuniti bilong ol. Olsem Pop i makim dispela
yia i kamap spesol yia long pre na sapotim olgeta relijis: Pris, Brata na Sista.
QUARTERLY
NEWS
BI-MONTHLY NEWS
Yu kam …
na Kamap
Pris