docKumvwa? - jw.org / official website of jehovah`s witnesses
download 
Report Transcription
Kumvwa? - jw.org / official website of jehovah`s witnesses
Labainga! APRIL 2015 Mambo ka Baana o Babena Kubujila Kumvwa? Labainga! BI JI MU UNO 3 MUTWE WA PA NKUPIKO s BI BABA BI KWABO BIJI PA INTANETI Mambo ka Baana o Babena Kubujila Kumvwa? 8 BANYIKE BEPUZHA’MBA ˜ Nanyi Bintu byo Nafwainwa Kuyuka pa Kukaya Makayo a ˜ ˜ Kwingijisha Binambanamba? BYALO NE BANTU Kufwakesha Kyalo kya Honduras 10 r BYA KUKWASHA KISEMI Kino kibaba kyakonsha kwimukwasha kuyuka biji mu makayo a pa kompyuta ne kimye kyo mutaya na kukaya ano makayo. (Chintai panembwa’mba BIFUNJISHA BAIBOLO ˛ BANYIKE) Bya Kuba Inge Mumvwa Mukose MAVIDYO 12 BYAMBAPO BAIBOLO IKALA MULUNDA NA YEHOBA Forgive Freely Banyama 14 Nanchi Mubena Kwingijisha ˜ ˜ Bulongo Binambanamba Bingijisha Intaneti Nyi? 16 Mu uno vidyo wa Kizungu wa baana, monai Sofiya byo oba inge nkasanji wamulume wamuzhingijisha. ˜ ˜ BINAMBANAMBA BINGIJISHA INTANETI (Chintai panembwa’mba BIFUNJISHA BAIBOLO ˛ BAANA) r NANCHI KYALENGELWE NYI? Mwingilo wa Ntomombo ya Tumenshi ˜ ˜ Vol. 96, Na. 4 / Pa Nondo pa Nondo / KIKAONDE Unembwa pa Kimye Kimo: 51,788,000 mu Milaka 101 Uno buku kechi wa kupotesha ne. Ke wa kwingijishatu mu mwingilo wa ntanda yonse wa kufunjisha Baibolo na bukwasho bwa mibingu. Baibolo ye twaingijisha muno ke Baibolo Binembelo bya Ntanda Ipya. Awake! (ISSN 0005-237X) is published monthly by Watchtower Bible and Tract Society of New York, Inc.; L. Weaver, Jr., President; G. F. Simonis, Secretary-Treasurer; 25 Columbia Heights, Brooklyn, NY 11201-2483, and printed by Watch Tower Bible and Tract Society of South Africa NPC, 1 Robert Broom Drive East, Rangeview, Krugersdorp, 1739. 5 2015 Watch Tower Bible and Tract Society of Pennsylvania. Printed in South Africa. Abya mubena kukeba kuyukilapo byavula nangwa lufunjisho lwa Baibolo lwa pa nzubo nyi? Yai mu keyala wa www.jw.org nangwa nembai ne kutuma kwingijisha keyala uji kwipi na ko muji uji panshi po. JEHOVAH’S WITNESSES: SOUTH AFRICA: Private Bag X2067, Krugersdorp, 1740. ZAMBIA: PO Box 33459, 10101 Lusaka. Umvwe mubena kukeba makeyala a byalo byavula mwaya ntanda, monai www.jw.org/kqn/isambai. M UT WE WA PA NKUPI KO Mambo ka Baana o Babena Kubujila Kumvwa? Pa myaka yapitapo, bisemi bya ku byalo bya bazungu byapimpulwa bingi. Kala, bansemi bo batangijilanga baana, kabiji baana bebakookelanga. Pano luno, mu bisemi bimo, kyamweka baana bo babena kutangijila bansemi babo. Akilangulukai pa bimweka byalondelapo. ˙ Kalombwana wa myaka ina wa˙ Kashimbi uji na myaka ya ku˙ James uji na myaka 12 bamupejinga ne bainanji mu shitolo, kabiji semwa itanu wachibikizha mwisambo lemo mambo a kupachila mufunjishi wakebelenga kutoola kamotoka kawa bashanji ye babena kwisamba na wanji ku sukulu. Bashanji James bakukayisha. Bainanji baesekele kumubalunda nabo. Waamba’mba: “Amiwa zhingijile mufunjishi. Baamba’mba: kanya’mba: “Tumyotoka to uji nato nakooka, mbena kukeba kuya ku nzu“Awa mufunjishi watemwa bingi kukutwakukayisha twavula, ukikeba ne kabo!” Bashanji baleka byo babena kwamanyika. Mbena kuya na kumulobela kwabo nyi?” Pa kuba’mba bainanji mba, babandama ne kumwambila na ku bakulumpe banji!” bakavulukenga’mba Kechi bafwainwe jiwi jakooka amba: “Katatakatu tuyekumwipuzha bwipuzho ne, bintu byanga, waumvwa nyi?” ya kala munsunya. Mwana watendeka kujila’mba: “Kanatu mumpotele!” Na mambo a kuba’mba bainanji bachiine’mba mwanabo usakutendeka kuba kazaByo twaambapo peulupo ke bya kufwanyikizhatu, pano bino, bimweka. Kabiji binga byonka byo oba kimye bena kumwesha lukatazho luji mu bisemi muji bansemi bakosamika baana, kyonse, bainanji bamupoteboba byonse bikeba baana babo, kabiji “bapokolola” baana babo mu bintu jile kano kamotoka ka kubyatama byakonsha kufumamo mu byubilo byabo byatama. Buku wa kuba’mba kayisha. The Narcissism Epidemic waamba’mba: “Ano moba bansemi babena kupana luusa lwabaya ku baana babacheche. Myaka ya kunyuma, baana bayukile kuba’mba bansemi bo baji na luusa kechi abo ne.” Labainga! April 2015 3 Ibyo kuba’mba bansemi bavula babena kwibikako kufunjisha baana babo mafunde awama, kupichila mu byubilo byabo ne kwibololako umvwe batamisha. Byonka byaamba buku ye twaambapo kala, bansemi bayuka buwame buji mu kuba bino, “babena kuba bintu bimona bantu bamo amba kechi byayilamo ne.” Ki ka kyalengela’mba bintu bipimpulwe? Mambo ka baana o babena kubujila kumvwa? Bansemi babena kukankalwa kufunjisha baana Bamo bamba’mba bansemi batendekele kupana luusa lwabaya ku baana babo mu myaka ya mu ma 1960 kimye bantu bo batela’mba bashayuka kyo batundaikilenga bansemi kulama baana butotwe. Baambanga’mba: ‘Bansemi bafwainwa kwikala balunda na baana babo, kechi kwikala na luusa pa baana ne.’ ‘Kutakaika mwana kwawama kukila kumujimuna.’ ‘Kechi mwafwainwa kololako baana pa byatama byo boba ne, bino, mwafwainwa kwibasanchilanga pa byawama byo boba.’ Bashayuka kechi bakwasha bansemi kuyuka pa kupelela pa kutakaika baana ne pa kwibololako ne, bino, bamba’mba kunena baana kwakonsha kwibazhingijisha kya kuba pa kukoma bashikwa bansemi babo. Kabiji bashayuka batundaikilenga baana kwinemeka bene. Kyajingatu nobe bataana jishinda jawama ja kukomeshamo baana ja kuba’mba: Mwafwainwa kulengela baana benu kumona’mba banemekwa. Ibyo kuba’mba kyanema kukwasha baana kwiketekela. Pano bino, bano bashayuka bakijishemo kutundaika baana kwinemeka kupichila mu kubuula bansemi amba: ‘Chinuzhukainga byambo nabiji bya kuba’mba ine nangwa’mba kyatama.’ ‘Mwafwainwa kubuula baana benu amba mwibanemeka bingi kabiji bakonsha kwikela monka mo bakebela.’ Kyajingatu nobe kwimona kunema kwanema kukila kwikala na byubilo byawama. Onkao mambo, bamo bamba’mba kutundaika baana kwinemeka bene kwalengela baana kwimona kunema bingi kya kuba bamona nobe ntanda iji mu maboko abo. Kabiji buku wa kuba’mba Generation Me waamba’mba kuba bino kwalengela banyike bavula kubula “kwinengezha bulongo ku bintu byatama bimweka mu bwikalo.” Nsemi wamulume umo wanembwa mu yenka uno buku waambile’mba: “Bantu ku nkito kechi batako muchima ku kwinemeka obe- Nanchi bansemi Kechi babena kufunjisha baana mu jishinda jawama nenyi? Fwanyikizhai amba mubena kupita mu bino bintu byalondelapo. ˙ Mwi bansemi babakazhi kabiji mwatemwa kutwala baana benu na kukaya bisela byapusana pusana. Inge baana benu bafuma ku sukulu, ne ku mpelo ya mulungu, mwibatwala na kukaya makayo apusana pusana nabiji kupama mpila kabiji ne makayotu akwabo ebalengela kumvwa bulongo. Panyuma ya bino mwaamba’mba, ‘Nakooka bingi, pano bino, baana bami bayuka kuba’mba yami nafwainwa kwibobila bintu byonse byo basaka. Nanchi bino kechi byo byafwainwa kuba nsemi wa mukazhi wawama nenyi?’ ˜ Langulukai pa kino: Nanyi mafunjisho o mubena kufunjisha baana benu inge kya kuba kimye kyonse mukooka bingi na mambo a kukeba kusangajika baana benu? Mu kuya kwa kimye, nanchi baana benu kechi bakalangulukanga’mba bakulumpe, kikatakata bansemi baikelakotu kubila baana babo byonse byo bakeba nenyi? Jishinda jawama: Baana benu bafwainwa kuyuka’mba ne anweba kuji bintu byanema byo mukeba. Kuba bino kukebafunjisha kulangulukilako bakwabo, kubikapotu ne anweba bansemi. ˙ Bemukomeshe ku bansemi babalume bashinta, onkao mambo, anweba mubena kukeba kupusanako na bashenu pa kukomesha baana benu. Kimye kyonse mutakaika baana babalume babiji, nangwa kya kuba kafwako kyawama kyo bauba kya kwibatakaikilapo Kutundaika baana kwinemeka bene kwalengela baana kwimona kunema bingi wa mwine ne. . . . Inge waleta sawakya watama ku nkito, mukulumpe wobe wa nkito kechi ukamba’mba, ‘Natemwa musombelo wa kipepala kyo wasala ne.’ Kukomesha baana mu jino jishinda kulengela baana kubula kukoma bulongo.” Kupimpulwa kwa ndangulukilo Pa myaka yavula yapitapo, mashinda a kukomeshamo baana apimpulwa bingi. Ronald G. Morrish wanembele’mba: “Mfunjishisho ya baana ibena kuyatu na kupimpulwa, kabiji kino ‘kibena kumwesha bintu byo bibena kupimpulwa mu bwikalo bwa bwa bantu.’1 Kyapeela bingi bansemi kwikala byonka byaamba Baibolo amba, “awa ulondela mafunjisho a 1 Bino byambo byafuma mu buku wa kuba’mba Secrets of Discipline: 12 Keys for Raising Responsible Children. ne. Mwaamba’mba, ‘Kyawama bingi baana kumvwa bulongo. Inge bamona’mba banemekwa, beketekela kabiji bekala bulongo.’ ˜ Langulukai pa kino: Nanyi lufunjisho lubena kufunda baana benu pa kwibatakaika pabula ne kintu kyawama kyo bauba ne, kubatu’mba bomvwe bulongo? Kukizhamo kunemeka baana benu kwakonsha kwibatamishisha byepi bwikalo bwabo pa kino kimye ne kulutwe? Jishinda jawama: Mwafwainwa kwikalatu pakachi mu kuba bintu. Kechi mwafwainwa kukizhamo kunena baana benu, kabiji bubela a bantu bajimbaika bakwabo, uji nobe bwato bukumpaulwa ne kulelaulwa na manyaki.”—Efisesa 4:14. Kya kine, kubula kufunjisha baana bulongo mwafuma bintu byatama bingi. Luusa lwa bansemi pa baana lwakooka kabiji kafwako wakutangijila baana pa kufuukula bulongo bya kuba mu bwikalo ne. Nanchi kujipo jishinda jawama ja kufunjishamo baana nyi? mwafwainwa kwibatakaika umvwe paji kyawama kyo bauba. ˙ Mwi bansemi babakazhi kabiji muji na baana babakazhi babiji, umo uji na myaka itanu na umo, mukwabo uji na myaka itanu. Mwanenu wa mukulumpe uzhingila bukiji kabiji kechi ulangulukapo pa bintu byo oba ne. Juba jimo wazhingila kya kuba wapuma nkasanji lupi pa mukoko. Mwalanguluka pa byo mwaubile pa kuba’mba mupwishe luno lukatazho. Mwavuluka’mba, ‘Nafuukwilepo kwisamba nanji mu meso anteka kwa kubula kumukajipila. Nalangulukilenga’mba inge namwambile’mba watamisha, nanchi kechi kisakumukozha kumuchima nenyi?’ Langulukai pa kino: Nanchi kwisamba mu meso anteka na mwana uji na myaka itanu na umo kokonkatu kukebewa nyi? Nanchi kine kyatama kwambila mwana amba “watamisha” pa kupuma nkasanji nyi? Jishinda jawama: Mwafwainwa kwibakambula baana benu inge batamisha. Inge ke mufunjishe baana mu jishinda jawama, lujimuno lwenu lukebakwasha kupimpula byubilo byabo. Labainga! April 2015 5 Bya Kufunjisha Baana Mafunde Awama KINE, mwingilo wa kukomesha baana ke mwingilo wabaya bingi. Nangwa byonkabyo, kubula kujimuna baana inge kibena kukebewa kulengela uno mwingilo kukatazha bingi. Mambo ka? Mambo kubula kwibajimuna (1) kulengela baana kutwajijila kubula kumvwa, kabiji kino kikookesha bingi bansemi, (2) kulengela bansemi kwalauka alauka pa kutangijila baa˜ na babo, kabiji kino kivulananya baana. Pano bino, kujimunako baana mu jishinda jawama kukwasha baana kulanguluka bulongo ne kwikala na byubilo byawama. Kabiji kwibalengela kukoma bulongo ne kwikala bantu balumbuluka. Pano kwepi ko mwakonsha kutaana lutangijilo lwawama pa kufunjisha baana benu? Buneme bwa Mafunde a mu Baibolo Bakamonyi ba kwa Yehoba banemba uno magazini, baitabila byaamba Baibolo amba Binembelo “bikwasha bantu pa kwibafunjisha, pa kwibakajipila, pa kwibololako.” (2 Timoti 3: 16) Baibolo kechi buku waambatu pa bya kukomesha baana ne, bino mafunde ajimo akwa- sha bingi bisemi. Akilangulukai pa mafunde alondelapo. BAIBOLO WAAMBA’MBA: “Kukosama kwakakachila mu muchima wa mwana.”—Byambo bya Maana 22:15. Nangwa kya kuba baana bamweka kwikala na maana ne lusa, kimye kimo boba bintu byabula kufwainwa. Onkao mambo, baana bakebewa kwibafunjisha. (Byambo bya Maana 13:24) Kuyuka kino kishinka kukemukwasha kwingila bulongo mwingilo wenu wa bunsemi. BAIBOLO WAAMBA’MBA: “Kange ubule kufunda mwana ne.”—Byambo bya Maana 23:13. Kechi mwafwainwa kuchina’mba kujimunako baana kukebalengela kubula kwikala bulongo nangwa kwibalengela kwimushikwa inge bakoma ne. Inge mwajimunako baana benu mu jishinda jawama, lujimuno lwenu lukebakwasha kwikala na muchima wa kutambwila lujimuno, kabiji kino kikebakwasha bingi inge bakoma.—Bahebelu 12:11. BAIBOLO WAAMBA’MBA: “Kyonka muntu kyo abyala, kyo kyo akanowa.”—Ngalatiya 6:7. Mwayilatu kisemwa, bansemi bakeba kuzhikijila baana babo, kabiji kuba bino kwane- Ikalai na butemwe, kwalauka alaukanga ne, kabiji balangulukilaingako ma bingi. Pano bino, kyanema bingi kuyuka pa kupelela. Kechi mukwasha baana benu ne, inge kya kuba ke “mwibazhikijile” ku bintu byatama bifuma mu byubilo byabo byabula kufwainwa nangwa kwibazhikijila inge bafunjishi nangwa muntu mukwabo wakoma wimubuula byatama byauba mwanenu. Mwafwainwa kumonanga bano bantu amba balunda nenu babena kwimukwasha kukomesha baana benu bulongo. Inge ke mube bino, mukafunjisha baana benu kunemeka bakulumpe, kubikapotu ne anweba bene.—Kolose 3:20. BAIBOLO WAAMBA’MBA: “Mwana ye balekelela ulengesha bainanji bumvu.”—Byambo bya Maana 29:15. Nangwa kya kuba bansemi kechi bafwainwa kuyanjishanga baana babo ne, bino bafwainwa kuchinuzhuka kulama baana butotwe. Buku wa kuba’mba The Price of Privilege waamba’mba: “Bansemi balama baana butotwe balengela baana babo kubula kuyuka kuba’mba bakulumpe mu kisemi bo baji na luusa.” Inge kechi mumwesha’mba yenu muji na luusa ne, mwanenu ukalangulukanga’mba ye uji na luusa pe anweba. Kino kikamulengela kubanga bintu bikamulengela aye mwine ne anweba kwikala na bulanda.—Byambo bya Maana 17:25; 29:21. BAIBOLO WAAMBA’MBA: ‘Mwanamulume ukalamachila ku mukazhanji ne abo bakekala ke mubiji umo.’—Mateo 19:5. Kwesakana na Baibolo, mwanamulume ne mwanamukazhi bafwainwa kwisongola saka bakyangye kwikala na baana, kabiji basema baana saka baji pamo kabiji bafwainwa kutwajijila kwikala pamo ne kimye baana kyo bakakoma ne kufuma pa nzubo. (Mateo 19: 5, 6) Kino kibena kilumbulula’mba masongola o atendekelapo, bino baana balondelapo. Inge mwanemekesha mwanenu kukila benakwenu, mwanenu naye ‘ukalangulukanga kukila po afwainwa kwilangulukila.’ (Loma 12:3) Banse- mi batatu muchima mwanabo, masongola abo kechi ekala bulongo ne. Byakonsha Kukwasha Bansemi Pa kuba’mba mwingile bulongo mwingilo wenu wa kukomesha baana, mwafwainwa kulondela ano mafunde pa kufunjisha baana benu. Ikalai na butemwe. “Kange muzhingijishenga baana benu ne, pa kuba’mba babule kupopomenwa.”—Kolose 3:21. Kwalauka alaukanga ne. “ ‘Ee’ wenu ekale ee, ne ‘Ine’ wenu ekale ine.”—Mateo 5:37. Balangulukilaingako. “Nkakujimuna monka mo kyafwainwa.”—Yelemiya 30:11.1˛ 1 Pa kuba’mba muyukilepo byavula, yai pa jw.org/kqn. Chintai panembwa’mba BIFUNJISHA BAIBOLO ˛ BANSEMI NE BAJI MU MASONGOLA, po paji mitwe ya kuba’mba “Kufunjisha baana,” “Bya Kuba na Mwana uji na Kazanga,” “Funjishainga Baana Benu Byubilo Byawama,” ne mutwe wa kuba’mba “Bya Kufunjisha Mwana Kulondela Mafunde a mu Kisemi.” Labainga! April 2015 7 BYALO NE BANTU HONDURAS Kufwakesha Kyalo kya Honduras YAMBO kya Honduras kilumbulula mu Kisipanishi amba “Kuzhika,” kyo kyambo Christopher Columbus kyo aingijishe pa kulumbulula mema aji ku kitulu kya Kalunga ka Atlantic. Bamo bamba’mba ko kwafumine jino jizhina ja kyalo kya Honduras. Bena Honduras banemeka bingi bukishinka mu ki˜ semi ne lumvwanano. Pa kufuukula kuba bintu byanema mu bwikalo, nabiji bya kwingijisha mali nangwa bya kufunjisha baana, javula bonse babiji bamulume ˜ ne mukazhi bomvwanana. Bena Honduras bavula bashakulu babo bajinga bena Europe besongwelenga na bena America. Mutundu wa bantu bene bena kino kyalo ke ba ´ Chortı. Bakwabo ke ba Garifuna, bano nabo kuji ko bafumine. Ba Garifuna bajinga baana ba bena Africa ne bena India baikalanga pa jikuji ja St. Vincent. Nobe mu K MAKUJI A BAY H O N D U R A S Kizhiba kya Yojoa TEGUCIGALPA Mujima utoka wa mu Honduras walepa masentimita 5. Uja tumikotakota twa mabula a bichi kufikatu ne kimye mabula kyo aponako ku kichi kabiji ulaala pa ano mabula. ˜ Nomba mwina Garifuna ubena ˜ kwimba noma Ereba, shinkwa wapapakana ye balenga na bunga bwa makamba Mijima5 Minden Pictures/SuperStock Kizhiba kya Yojoa mwaka wa 1797, bena Garifuna bafikile pa makuji a Bay. Mu kuya kwa kimye baikele ku kitulu kya Kalunga ka Caribbean ku Central America. Kufuma kuno, ˜ bano ba Garifuna bapalanejile mu mapunzha onse a mu Central ne North America. Ba Garifuna batemwa kwimba maoma ne kuzha. Bisho byabo byavwangamo kuvwala bivwalo biji na misombelo yakema, kushimikizha bishimi ne kuja kajo nabiji ko batela’mba eraba (shinkwa watobala ye balenga na bunga bwa makamba). Mu kyalo kya Honduras muji bipwilo bya Bakamonyi ba kwa Yehoba 400. Kupwila kwikalako mu mulaka wa Garifuna, Kisipanishi, Kizungu, Mandarin Chinese, Miskito ne Mulaka wa Kwamba na Maboko wa bena Honduras. ˛ BYO M WAKONS H A KU YU KA PA KYALO KYA H ONDU RAS Bantu bonse: 8,111,000 Muzhi mukatampe: Tegucigalpa Kafulumende: Kafulumende wa kwisajila bene bantu Mulaka ye bengijisha: Kisipanishi Nkiilo: Mu kino kyalo kechi mwaubisha mashika nangwa kutwisha kyuya ne Kyalo byo kiji: Mpunzha yabaya iji na mitumba. Muji ne misanza ne makuji Labainga! April 2015 9 BYA KUKWASHA KISEMI BANYIKE Bya Kuba Inge Mumvwa Mukose LUKATAZHO Maria1 waambile’mba: “Najinga na balunda nami babakazhi babiji, pano bino, baubanga bintu bubiji bwabo kwa kubula kumbuulako. Javula naumvwanga bintu byawama byo beyowanga. Juba jimo natumijile mulunda nami foni mu nzubo saka aji na mukwabo, kabiji muntu mukwabo byo akumbwile foni, nebomvwinenga bonse babiji saka besamba ne kuseka mingalalela. Naumvwinenga saka baleta bisela, kabiji kino kyandengejile kumvwa bingi mukose kukila ne byo kyajinga saka kyangye kutuma foni.” Nanchi ne anweba mwakyumvwapo kala mukose nyi? Inge byo byo kiji, mu Baibolo muji mafunde akonsha kwimukwasha. Patanshi akilangulukai pa bintu bimo byo mwafwainwa kuyuka pa mukose. 1 Mazhina amo mu kino kibaba apimpulwa. r BYO MWAFWAINWA KUYUKA Kafwako muntu ubula kumvwa mukose ne. Ne bantu bamweka nobe bayukanyikwa bingi nabo bomvwa mukose. Mambo ka? Mambo javula kechi kwikala na balunda bavula ko kulengela muntu kubula kwikala na mukose ne, bino, kilengela ke biji balunda bo uji nabo. Muntu umweka nobe wayukanyikwa wakonsha kwikala na bantu bavula, pano bino, inge kya kuba kechi uji na balunda ba kine ne, wakonsha kumvwa mukose. Mukose wakonsha kubika bumi bwenu mu kizumba. Bashayuka bataaine kuba’mba kubula kwisamba na balunda ˜ kwakonsha kulengela muntu kufwa bukiji, kukila bipayanana “kikola kya kukizhamo kubaya,” kabiji “kwaesakana pamo na kupeepa tusanga twa fwanka 15 pa juba pa juba.” Mukose wakonsha kwimulengela kupelelwa. Kino kyakonsha kwimulengela kwisampa bulunda na muntu yense ye mwataana. Mwanamulume wa jizhina ja Alan waambile’mba: “Mukose wakonsha kwimulengela kutendeka kulanguluka’mba kwimuta muchima ku muntu uji yense kwawamapo kukila kubula kwimuta muchima. Mu kuba bino mwakonsha kufuma bintu byatama bingi.” Makompyuta ne Mafoni Kechi Bipwisha Mukose Ne. Mwanamukazhi wa jizhina ja Natalie waambile’mba: “Nangwa kya kuba nakonsha kutumina bantu bavula tubyambo twa pa foni wa mulupi mukose kechi upwa ne.” Mwanyike wa jizhina ja Tyler waambile’mba: “Kwitumina tubyambo pa foni kwawama bingi, pano bino, kwisamba kanwa na kanwa kwakilamo kuwama.” Byambo bikwabo bya kukwasha kisemi mwakonsha kwibitana pa www.jw.org/kqn BYO MWAKONSHA KUBA Tai Muchima pa Byawama. Inge ke mutambe bipikichala bya bakwenu bayile ku mpunzha imo ko babujile kwimwitako, mwakonsha kutendeka kumona nobe bemulengulula pa kubula kwimwitako nangwa paji bimo byalengejile kubuula kwimwitako. Inge kya kuba kechi mwayuka bishinka byonse byalengejile ne, mambo ka a kutendekela kulanguluka’mba bemulengulula? Bino, byo mwakonsha kuba ke kulangulaka pa byawama byalengejile kubuula kwimwita. Javula kechi bimweka byo bilengela’mba mwikale na mukose ne, bino byo mulanguluka byo bilengela.—Jifunde ja mu Baibolo: Byambo bya Maana 15:15. Nchinuzhukainga Kwikala na Muchima wa Kwilengulula. Inge mwaumvwa mukose mwakonsha kutendeka kulanguluka’mba, ‘Kafwako nangwa umo ungitako ne’ nangwa’mba, ‘Bantu banchinuzhuka bingi.’ Pano kuno kwilengulula kwafwainwa kwimulengelatu kukizhamo kumvwa mukose. Kulanguluka bino kwakonsha kwimulengela kumona nobe bantu kechi bemuta muchima ne. Kino nakyo kyakonsha kwimulengela kwipatula ku bakwenu ne kwimulengela kwikala na mukose, kabiji mukose wakonsha kwimulengela kumona nobe bantu kechi bemuta muchima ne.—Jifunde ja mu Baibolo: Byambo bya Maana 18:1. Ikalai na balunda bakoma kwimukila. Baibolo waamba pa bwikalo bwa kwa Davida wajingatu mwanyike kimye kyo ˜ amonanene ne Yonafwanyi, mwanamulume wamukijileko na myaka 30. Nangwa kya kuba bapusene mu myaka, Davida ne Yonafwanyi baikele balunda bawama. (1 Samwela 18:1) Ne anweba kyakonsha kwikala byonkabyo. Nsongwakazhi uji na myaka ya kusemwa 21 aye Kiara waambile’mba: “Katatakatu papo, nataana kuba’mba kyawama bingi kwikala na balunda bakoma kunkila. Nji na balunda baji na myaka yavula bingi kunkila, kabiji nebasanchila bingi pa jishinda jo bamwenamo bintu ne kushikimana kwabo.”—Jifunde ja mu Baibolo: Yoba 12:12. Kwikala bunke kimye kimo kwawama bingi. Bantu bamo batendeka kumvwa mukose inge baikala bunke. Pano bino, kwikalako bunke kechi kwafwainwa kwimulengela kumvwa mukose ne. Akilangulukai pe Yesu. Yesu wisambanga na bantu, pano bino, wamonangapo kimye kya kwikala bunke. (Mateo 14:23; Mako 1:35) Ne anweba mwakonsha kuba byonkabyo. Kwikala bunke kechi kwatama ne, bino mwafwainwa kumonanga kimye kyo mwikala bunke amba ke kimye kya kulanguluka languluka pa bintu byawama bimubila Lesa. Kuba bino kukemulengela kwikala na balunda bavula.—Byambo bya Maana 13:20. ˛ B I N E M B E L O B YA KO N S H A KWI M UKWASHA “Moba onse a muyanji ekala atama, pakuba awa uji na muchima wa lusekelo utwajijilatu na kusangalala nobe uji na kijiilo.”—Byambo bya Maana 15:15. “Yense wipaatula ku bakwabo . . . ukana maana onse alumbuluka.” —Byambo bya Maana 18:1. “Nanchi maana kechi aji na boba bakoma, ne milangwe kechi iiya na mambo a kwikala moba avula nenyi?”—Yoba 12:12. MICHAEL “Nataana kuba’mba banyike bavula bomvwa mukose, pano bino bafya. Inge betumina tubyambo pa foni na bakwabo nangwa kwisamba nabo kwi˜ ˜ ngijisha binambanamba bikwabo bingijisha intaneti, ‘balunda’ bo besamba nabo kechi bekala nabo pamo ne, kabiji kino kibalengela kumvwa mukose.” ABIGAIL “Bonse tuji na balunda baviluka nangwa kampe paji bimo byalengela kuba’mba tubulenga kwisamba nabo. Nataana kuba’mba kyawama bingi kwisamba nabo nangwa kya kuba baji kwalepa. Kwisamba na mulunda nobe wa kala kutundaika bingi.” Labainga! April 2015 11 BYAM B AP O B AI B O LO B A N YA M A BANYAMA Banyama bakwashako bwikalo bwa bantu mu bintu bimo. Nanchi jishinda jo tulaminamo banyama jakonsha kwitulengela kwikala na mambo nyi? Bantu Bafwainwa Kulama Byepi Banyama? BYAMBA BANTU Bantu bamo balanguluka’mba bantu bakonsha kwingijisha banyama mu jishinda jo bamona’mba jafwainwa. Bakwabo balanguluka’mba banyama bakebewa kwibalama byonka byo balama bantu. ˙ Muntu umo ulwilako luusa lwa banyama waambile’mba “bantu bafwainwa kunemeka luusa lwa banyama, kechi kwibamona nobe bipe bya kumwenamo mali ne.” Wanungilepo’mba: “Kechi twafwainwa kumonanga banyama nobe bipe ne.” ˙ Mwanamukazhi wanonkele bingi aye Leona Helmsley washile mali a kina America 12 milyonyi a kulaminamo kabwa wanji kabiji walayile ne kuba’mba inge uno kabwa wafwa, bakamuzhike pepi na kilende kyanji. Kya kulangulukapo: Mulanguluka’mba banyama bafwainwa kulamwa byepi? BYAMBA BAIBOLO Mulenga wa bumi, Yehoba Lesa, wabuujile bantu kuba’mba bakekala na “bunkambo pa masabi a mu kalunga ka mema ne pa bilengwa bipita mwiulu ne pa bilengwa byumi byonse byenda pa ntanda.” (Ntendekelo 1:28) Onkao mambo, twakonsha kupwisha kuba’mba Lesa umona bantu amba banema kukila banyama. Mambo a kuba’mba bantu balengelwe ‘mu kipasha kya Lesa,’ tumwesha byubilo bya Lesa, nabiji maana, bunchibamambo bwaoloka ne butemwe. Bantu basemwa na bulume bwa kwikala na byubilo byawama ne kukeba kwikala na bulunda bwawama na Lesa. Banyama kechi baji na buno bulume bwa kumwesha bino byubilo ne, mambo kechi balengelwe ‘mu kipasha kya Lesa’ ne. Banyama kechi baesakana pamo na bantu ne, onkao mambo, kechi twafwainwa kwibalama byonka byo tulama bantu ne. Nanchi kino kilumbulula’mba bantu bafwainwa kumanyikanga banyama nyi? Ine. ˙ Mu Mizhilo yo apele bena Isalela, Lesa wibabuujile kuba’mba banyama bafwainwa kukokoloka, kuja kajo, kwibakwasha inge paji bibena kwibakatazha ne kwibazhikijila.—Kulupuka 23:4, 5; Mpitulukilo ya mu Mizhilo 22:10; 25:4. “Mu moba atanu na jimo, mwafwainwa kwingila mingilo yenu; bino pa juba ja butanu na bubiji kechi mwafwainwa kwingila ne, pa kuba’mba ˜ nombe wenu mulume ne mbongolo Byambo byatendekelapo mu kinembelo kyo twaambapo kala bikosesha kino kishinka. wenu bakakokoloke.”—Kulupuka 23:12. Baibolo waamba’mba “Lesa walengele muntu mu kipasha kyanji, mu kipasha kyanji mwine mo mo amulengejile; walengele mwanamulume ne mwanamukazhi.”—Ntendekelo 1:27. r Taanai mikumbu ikwabo ku mepuzho akumbulwa mu Baibolo pa www.jw.org/kqn Nanchi kyatama kwipaya banyama nyi? BYAMBA BANTU Ba bibinda bamo ne bakwata masabi bomvwatu bulongo kupangisha banyama ne kwibepaya nangwa kumwesha’mba baji na bulume kukila banyama. Bakwabo bakonsha kwitabizha byaambile mwina Russia wanembanga mashimikila aye Leo Tolstoy amba kwipaya banyama ne kuja nyama “kwatama.” BYAMBA BAIBOLO Lesa waswisha bantu kwipaya banyama pa kuba’mba bazhikijile bantu ku banyama bakaji nangwa kufumyako bya kuvwala. (Kulupuka 21:28; Mako 1:6) Kabiji Baibolo waamba’mba bantu bakonsha kwipaya banyama ba kuja. Pa Ntendekelo 9:3 paamba’mba: “Byumi byonse byenda bikekala ke kajo kenu.” Yesu naye wakwashishe baana banji ba bwanga kukwata masabi o bayile na kuja.—Yoano 21:4-13. Nangwa byonkabyo, Baibolo waamba’mba Lesa “washikwa muntu yense watemwa bukapondo.” (Salamo 11:5) Kino kibena kumwesha kuba’mba Lesa kechi ukeba’mba tumanyikenga nangwa kwipaya banyama kipaye ipaye ne. Baibolo umwesha kuba’mba Lesa wanemeka bingi bumi bwa banyama. ˙ Baibolo waamba’mba kimye kyo alengelenga bintu, “Lesa watendekele kulenga banyama ba mungye monka mwayila mitu- ndu yabo ne banyama ba kulela monka mwayila mitundu yabo ne byonse bikalaba panshi monka mwayila mitundu yabyo. Kabiji Lesa wibimwene’mba byawama.”—Ntendekelo 1:25. ˙ Baibolo waamba pe Yehoba amba: “Upa banyama kajo.” (Salamo 147:9) Lesa walengele bijimwa bipana kajo ku banyama ne mwa kulaala. ˙ Mfumu wa bena Isalela Davida waambile mu lulombelo lwanji amba: “Anweba Yehoba, mulama bantu ne banyama.” (Salamo 36:6) Kimye kya Muyulo, Yehoba wazhikijile bantu batanu na basatu ne mitundu yonse ya banyama saka akyangye konauna babi.—Ntendekelo 6:19. Kya kine, Yehoba wanemeka banyama, kabiji ukeba’mba bantu balamenga banyama bulongo. ˛ “Muntu waoloka ulama bulongo banyama banji bo alela.”—Byambo bya Maana 12:10. Labainga! April 2015 13 NANCHI MUBENA ˜ KWINGIJISHA ˜ BULONGO BINAMBANAMBA BINGIJISHA INTANETI NYI? Ba Jenni banonkwa buzha ku makayo a pa kompyuta. Baambile’mba: “Nkaya ano makayo pa maola atanu na asatu pa juba pa juba, kabiji luno lukatazho lwabaya.” Ba Dennis baesekele’mba bekale moba atanu na abiji ˜ ˜ kwa kubula kwingijishapo kinambanamba kingijisha intaneti. Pano bino, baikeletu maola 40. Ba Jenni ne ba Dennis kechi banyike ne. Ba Jenni baji na myaka ya kusemwa 40, kabiji baji ne na baana bana. Ba Dennis baji na myaka ya kusemwa 49. ˜ ˜ NANCHI mwingijisha binambanamba bingijisha intaneti nyi?1 Bavula bakonsha kukumbula’mba ˜ ˜ 1 Mu kino kibaba byambo bya kuba’mba “binambanamba bingijisha intaneti” bibena kulumbulula makompyuta ne mafoni. Mwavwangwa kwitumina makalata a pa intaneti, kwitumina mafoni, kwitumina tubyambo twa pa foni, mavidyo, nyimbo, makayo ne bipikichala. ˜ ˜ ee, kabiji kwingijisha bino binambanamba kechi ˜ ˜ kwatama ne. Bino binambanamba bingila mwi˜ ngilo wanema bingi pa makito, kumvwanenamo na bakwetu ne mu bya kisangajimbwe. Pano bino, byonka byaamba ba Jenni ne ba Dennis, kyatanwa kuba’mba bantu bavula ˜ ˜ bengijisha bingi bino binambanamba bingijisha intaneti. Nicole uji na myaka 20 waambile’mba: “Nangwa kya kuba kechi keba kwibyamba bino byambo ne, bino, amiwa ne foni wami wa mulu˜ pi tujitu nobe twi balunda. Kabiji nendatu nayo konse ko mbena kuya. Inge naya ku mpunzha ˜ kubula kufika foni, kechi numvwa bulongo ne. Kechi nakonsha kwikala jiola jimo kwa kubula kumona tubyambo to bantumina pa foni ne. Kikatazha bingi kwikala kwa kubula foni.” Bantu bamo bakisha na kutanga byambo bya pa foni. Bamo bakonsha kukolwa inge ba˜ ˜ bula kwingijishapo binambanamba bya ku- Kange muleke intaneti ‘imunonke buzha’ ne. ˜ mvwanenamo. Bashayuka baamba’mba kuba ˜ ˜ bino ke kunokwa buzha ku binambanamba bingijisha intaneti byapusana pusana nabiji mafoni. Bakwabo nabo bakana kwingijisha byambo bya kuba’mba “kunokwa buzha” pano bengijisha byambo nabiji bya kuba’mba kwikala na lukatazho lwa foni nangwa kwikala na kyubilo kya ˜ ˜ kukizhamo kwingijisha binambanamba bya ku˜ mvwanenamo. Nangwa kya kuba bengijisha byambo byapusana pusana kulumbulwilamo kino kyubilo, kishinka ke kya kuba’mba kukizhamo kwingijisha ˜ ˜ bino binambanamba kuleta makatazho. Kino kyalengela bisemi kubula kwisamba. Nsongwakazhi uji na myaka ya kusemwa 20 waambile’mba: “Batata kechi bayuka byo nguba ne. Bekalatu mu kibamba kya kukookolekalamo na kunemba byambo bya pa foni akwe saka besamba ne amiwa. Kechi batula foni panshi ne. Kyamweka banta bingi muchima, pano bino, kimye kimo kechi bamwesha’mba banta muchima ne.” ˜ ˜ Kinambanamba kikwashako bantu kubula kukizhamo kwingijisha intaneti Pa kuba’mba bakwasheko bantu kubula kukizhamo kwingijisha intaneti, byalo bimo nabiji China, South Korea, United Kingdom, ne ˜ ˜ United States balenga binambanamba bimo bikanya bantu kwingijisha intaneti pa moba amo. Langulukai pa nsongwalume wa jizhina ja Brett. Uno nsongwalume waambile’mba pa kimye kimo wakayanga makayo a pa kompyuta maola 16 pa juba pa juba. Waambile’mba: “Inge natendeka kwingijisha intaneti, kyaikalangatu nobe mbena kwingijisha bizhima.” Kimye Brett kyo ˜ ayile na kumona byo engijisha intaneti pa kina˜ ˜ mbanamba kibuulanana bimye muntu byo engijisha intaneti, wataaine kuba’mba kafwako mingilo ikwabo yo aingijilenga ne, kechi wateleko muchima ku butooto ne, kabiji walekele kwi- kala na balunda. Mwakonsha kuba byepi pa kuba’mba mubule kwibika mu luno lukatazho? ˜ ˜ YUKAI BYO MWINGIJISHA BINAMBANAMBA. Yukai bintu byatama bifumamo mu kukizhamo ˜ ˜ kwingijisha binambanamba bya kwisambilamo. Ishikishai anweba bene mepuzho alondelapo: ˜ ˙ Nanchi numvwa bibi, kampe ne kuzhingila inge ˜ ˜ nabula kwingijishapo kinambanamba kya intaneti nyi? ˙ Nanchi ntwajijila kwingijisha intaneti nangwa kimye kyo nebikila kya kulekelapo kyafika nyi? ˙ Nanchi kechi ndala ne na mambo a kutanga tubyambo to bantumina pa foni nyi? ˙ Nanchi kwingijisha intaneti kubena kundengela kubula kuta maana ku kisemi kyami nyi? Nanchi ba mu kisemi kyami bakonsha kuswisha byo nakumbula bwipuzho butanshi nyi? Inge intaneti ibena kwimulengela kulubako “bintu byanemesha” kubikapotu ne kisemi kyenu ne mingilotu ikwabo yanema, mwakonsha ˜ kupimpula ningijisho yenu ya intaneti. (Filipai 1: ˜ 10) Mu nanyi jishinda? YUKAI PA KUPELELA. Kukebesha bintu byavula kuletelela. Mwakonsha kukepeshako kimye ˜ ˜ kya kwingijisha binambanamba nangwa kya kuba mwibingijisha mu bya kisangajimbwe nangwa mu bya busulu. Byakonsha kwimukwasha: Londelainga bimukwasha balongo benu ne balunda nenu. Baibolo waamba amba: “Bantu babiji bawama kukila uji bunke, . . . mambo inge umo wapona, mukwabo ukamwimanyapo.”—Musapwishi 4: 9, 10. ˜ ˜ Na mambo a kuba’mba binambanamba bya kwisambilamo bya katataka bibena kupezhako mwingilo wa kutuma byambo pa intaneti, kubula kwingijisha bulongo intaneti kubena kuyilakotu palutwe. Kange muleke intaneti ‘imunonke buzha’ ne. Inge “saka mwingijisha kimye kyenu bulongo,” kechi mukengijisha intaneti mu jishinda jatama ne.—Efisesa 5:16. ˛ Labainga! April 2015 15 NANCHI KYALENGELWE NYI? Mwingilo wa Ntomombo ya Tumenshi UMENSHI twatemwa bingi kwenda bufuku. Ntomombo itukwasha kuyuka bintu biji pepi ne kukwata bintu byo kaja kimye kya bufuku. T Langulukai pa kino: Ntomombo ya tumenshi yakwatankana na tumaselo tulengela amba twingilenga bulongo. Tuno tumaselo tulengela ntomombo kwingila bulongo, to tulengela kamenshi kuyuka bulongo bibena kwenda mwela. Kino kilengela tumenshi kuyuka bulongo bintu biji kipi kipi kwa kubula kwibimona kikatakata kimye kya bufuku. Na mambo a kuba ntomombo ikwashako tumenshi kuyuka bibena kwenda mwela, tumenshi twingijisha ino ntomombo pa kuyuka paji kintu ne byo kibena kwenda. Ntomombo ikwashako kamenshi kupima byabaya kipenze kyo kakeba kupichilapo. Buku wa Encyclopædia Britannica waamba’mba “bashayuka kechi bayuka mingilo yonse ingila ntomombo ya tumenshi ne, bino kyatanwa kuba’mba inge bachibako ino ntomombo ku tumenshi, bulume bwa kwingila bulongo bupwa.” Bashayuka ba bya sayansi babena ˜ ˜ kulenga tubinambanamba twa mu minkinyi twingila nobe ntomombo ya tumenshi pa kukwashako minkinyi kuzhokoloka bulongo mu binkobwankobwa byakatazha. Ali Javey, mukulumpe wa bafunjishi ba sayansi pa sukulu mukatampe wa mu Califo˜ rnia, Berkeley waambile’mba, tuno tubina˜ mbanamba tutelwa’mba e-whiskers, “twafwainwa kwingila mingilo yapusana pusana mu minkinyi ne mu bya sayansi.” s n o Kopololai kyatutu uno magazini ne akwabotu a kunyuma p Pa intaneti Baibolo uji mu milaka kukila pa 100 Ingijishai keyala wa www.jw.org/kqn, nangwa scan code g15 04-KD 141231 Mwalangulukapo’mba Ka? Nanchi ntomombo ya tumenshi yaishilekotu ine nyi, inyi yalengelwe? ˛
