Hakha Post May 27 Final

Thawngthanhnak
Ks. (Kyats) tiah kan hman
tawn mi kha MMK
(Myanmar Kyats) tiah kan
rak hman cang lai.
Reg. No. 00138
Estd. 2012 www.hakhapost.com / hakhapost@gmail.com
Hakha ah phungning lo in inn a sa mi inn 600 leng an si cang
Hakha ah phungning loin
inn a sa i ralrin pek cang mi hna hi
600 leng
an si cang tiah
checkhlattu committee 3 hna nih an
chim.
Hi inn thar a sa mi le a inn
hmun lonh tiang in inn a sa mi,
pungsan 105,106 in a sa mi, vawlei
license (Mee Gram) a ngei ko nain
innsaknak nawl a hal lo mi hna hi
May 12 ah Chin Ramkulh cozah nih
thehter dih siseh tiah bia a khiah
cang mi a si nain zeitik in dah dantat thawk a si lai ti cu atu tiang biachahnak a um rih lo.
Hi bantuk in phungning lo
in inn a sa mi hna hi committee
pathum nih checkhlatnak kan tuah i
atu tiang a dih kho rih lo.
Hi ralrin kan pek hna ning
cu phunglut in ca kan pek hna i cu
ca chung ah na inn sak mi hi rak i
din rih tiah aa tel.
Cu aa tel
ko bu in an sak chih a si ahcun anmah an fak ko lai cozah lei nih dantatnak an tuah tik ah an theh dih
thiam lai i an thing le rua zong a
pam tiah tuanvo ngeitu pakhat nih a
chim.
“Hi phunglut lo in inn a sa
mi hna hi zeitik in dah dantat an
si lai ti cu cunglei nih an ceih
hmasa lai, cun zeitiang dah dantat
ding an si lai zong a fian rih lo ca
ah kei cu lam a dawnh mi le thanchonak a dawnh mi inn tu hi thehter dih siseh ti cu ka lung a tling
ko,” tiah Dawrthar khuabawi Pu
Hrang Kep nih a chim.
Atu bantuk in innthar an
sak mi checkhlat ning cu kum
hnih hrawng lawng a rau rih mi
inn thar deuh le an sakka mi
innthar deuh lawng checkhlat an
si. (By: James Neih Thang)
Thing-ah an tlaih mi cu hartong mi ca ah honpiak than a si lai
Hakha ah May 12 in thingah an tlaih mi hna cu May 26 thawk
in hartong mi hna ca ah honpiak
than a si lai i sang khuabawi hna nih
minthut in chuah piak than a si lai.
Thing-ah an tlaih hna ca ah
hartong mi innthar a sa lio mi zong
lungrethei in an um i khuachung ah
innthar a sa cuahmah lio mi zong
lungrethei in an um ca ah Chin
Ramkulh Thingramlei zohkhenhnak
Zung nih hartong mi ca ah khuabawi minthut tel in a rak sok mi
pohpoh cu ruahpiak than an si lai
tiah an thanh.
Hi inn sak nakding thingah an tlaih mi kong he pehtlai in
Dawrthar Khuabawi nih “Atu tiang
zong tlaih cuahmah an si rih ko, a
voi khatnak ah cozah nih a theih
cang mi thing a zuar mi hna kan
tlaih hmasa hna i a dang zong tlaih
Hakha ah Federal and Peace workshop an tuah
Federal an Peace, mahte in
tawlrel khawhnak le remdaihnak
cawnpiaknak cu Hanns Seidel Foundation hruainak in Carson Hall ah
May 25 in 27 tiang an tuah.
Hi cawnpiaknak a kai ding
mi hi peng kip in minung pathum
cio sawm a si i a kai mi dihlak ah
minung 50 an si. Cu i an sawm mi
hna cu Media, Political Party, CSO
hruitu hna, CNF pehtlaihnak lei
riantuantu le Nubu le mino hruaitu
hna sawm an si.
Cawnpiaktu ah sawm mi
hna cu Saya Za Ceu Lian (Center
for Humanitarian Dialoge), U Kyaw
Lin U (Myanmar forum Director) le
Michael Siegner (Programe Manager, Hanns Seidel foundation) hna
nih an cawnpiak hna.
“Atu bantuk in workshop
kan tuah hnawh cchan cu Federal le
remdaihnak kan aupi lengmang mi
kong hi kan sawm mi hna tal nih
fiangfai deuh in kan theihpi hna
sehlaw cozah lei nih siseh, CNF lei
nih siseh, a kalpi ning hi fiang ve
hna sehlaw an pawngkam ah aupi
hna seh ti saduhthahnak he kan tuah
mi a si,” tiah programe Director
Salai Bawi Uk Thang nih a chim.
Hi lawng si lo in May 28
zong ah remdaihnak kong biaruahnak forum zong ngeih chih ding in
cuahmah a si rih lai,” tiah a chim.
Hi thing-ah an tlaih mi hna bantuk in zaan zong ah Thantlang
thing zong Motor pahnih nih a
rak phorh i an tlaih ve hna.
Atu tiang ah khuachung
um mi innthar a sa cuahmah lio
mi ca tu ah cun zeihmanh ruah
piak mi a um rih lo tiah Dawrthar
khuabawi nih a chimchih.
(By : James Neih Thang)
timhtuahnak kan ngei. Cu tik ah
kai a duh mi pohpoh kai khawh a
si lai i cawnpiaktu ah minung 6 an
si te lai.
Media nih zeitin dah
remdaihnak kan dirkamh lai, mizapi nih zei tin kan dir kamh lai,
Nubu lei nih tah, Khrihfabu lei
nih tah zeitin kan dirkamh lai ti
mi kong a bik in ceihmai cio a si
lai tiah a chimchap.
Hi cawnpiaknak hmun
ah Chin Ramkulh Sipin Minister
Isaac Khen zong nih thazaang
peknak le cawnpiaknak biatawi a
chimh ve hna.
(By : James Neih Thang)
Hlasakthiam Sarah Van Tin Hnem Hlaphel thar a chuak zau lai
Atu lio Pathian nih thangthatnak hlasak lei in ram le miphun
ca ah a hman cuahmah mi Mai
Sarah Van Tin Hnem sak mi “
Mopa he kan leng cang lai,” timi
thangthatnak
hlaphel
thar
cu a rauh hlan
ah a chuak
cang lai.
“Mopa
he kan leng
lai”
ti
mi
hlaphel
cu
Sarah Van Tin
Hnem i pumpak in a voi 2
nak aa chuah
mi hlaphel a si.
Hi thangthatnak hlaphel chung ah hla fung 12 aa
tel i DVD+CD in chuah a si lai.
Ramchung ramleng laimi sin kip ah
phawtzamh dih a si lai.
“Amah Sarah Van Tin
Hnem hi Pathian nih kan ram
Thlarau thanghnak ca ah a hman
lio mi zong a si i hmunkip ah Crusade singer dirhmun in dinh ni
ngei lo tiang in Bawipa rian ah aa
pumpe mi a si,” tiah Pastor pakhat
nih a chim.
Rev. Za Kian, Saya
Mathew Pasawng, Pu Tluang Za
Cung, Pu Lalrintluanga hna nih an
phuah mi a si i Yangon Music
House studio ah tuah mi a si.
Atu bantuk thiam in
2014 kum zong ah “Zion Ticket”
hlaphel cu Rev. Thomas Tial Uk
le an nu he an rak i schuah bal
cang i Pathian thawng in ramchung ramleng ah an phan kho
dih hna.
(By : James Neih Thang)
Hakha ah Zion Cup May 25 in 28 tiang tuah a si lai
Hakha ah kum khat voi
khat tuah tawn mi Zion Cup pumpalulh chuihnak puai cu May 25
in 28 tiang tuah ding a si i atu an
chuih cuahmah liopi a si.
Hi pumpalulh celhnak ah
sang in then a si i team 11 an i tel
kho hna. Cu team 11 hna cu
Keisih sang, Tita sang, EPC sang,
Jordan sang, Ketheibo sang,
Cherry sang, Tlangbo sang,
Taungzalat sang, Zion nih cawm
mi siangngakchia le Gethsemane
sang fonh, Bogyoke lam le Calvary sang fonh le Auto sang hna
an i tel kho. Atu tan pumpalulh
celhnak puai hi kum dang he aa
khat lo, kum dang ah cun Zion
member deuh lawng nih kan rak i
celh tawn nain atu kum cu bu dang
zong a si ah khrihfa a si lo mi
tiang hmanh celh khawh a si.
Sang mino thazaang a
thawn khawh nakhnga ding tiin
ruahchannak he cu tin kan tuah
mi a si,” tiah Mino lei tuanvo
ngeitu upa pakhat nih a chim.
Hi pumpalulh celhnak
puai ah laksawng an tuah mi cu
pakhatnak ah MMK 50,000 le
pahnihnak cu MMK 40,000 tiin
laksawng an tuahpiak hna.
(By : James Neih Thang)
Vol. 5
No. 80
2016 May 27
U Zin Maung Oo : Motorcycle le motor
ciitnak kongkau ah Motor PK nih kan
rengh thluahmah cang lai
Chin Ramkulh Hakha
khua ah Motor PK zung nih siikaan ngei loin motor le motorcycle khalh (mawngh) a hmang mi
cu kan rengh thluahmah cang hna
lai, tiah thawng an thanh.
“Pehtlai in kan rengh
thluahmah cang lai. Cu hlan zong
rengh ding kan ti ko nain meeting
le timhtuahnak pawl nih a kan
tlaiter ca ah a si.
Atu hnu cu luchin chinh
lo ruang ah le minung 3 aa phirh
mi cu MMK 30,000, Driving
License ngeih lo le siikaan ngei
loin an khalh (mawngh) ahcun
MMK 50,000 in MMK 100,000
tiang dantat an si lai,” tiah PK
bawi U Zin Maung Oo nih The
Hakha Post ah a chim.
“Motor PK nan kan tih
ruang ah luchin chinh te hna hi a
phung zong si lo. Tih ding zong
kan si lo, kanmah le kan nunnak a him nakhnga ca ah kan i
chinh awk tu khi a si,” tiah U
Zin Maung Oo nih a chimchap.
Atu bantuk in motorcycle ciit kong ah rengh an timh
mi le nawl an chuah mi cu;
Luchin i chinh ding, break le
mei a tha mi motorcycle lawng
i ciit ding, minung 2 lawng i ciit
ding, hnulei zohnak thlalang a
um mi a si lai, thil phurh mi kha
liang cung nakin sang deuh
tiang thiltom phurh lo ding, kut
khat lawng in khalh lo ding le
ding tein khalh ding, tibantuk in
ralrin peeknak nawl caang 18
an chuah.
Chin Ramkulh ah
motor le motorcycle khawndennak hi 2016 May 20 tiang ah
voi 144 tiang a cang.
(By : Salai KB Laikhal)
Hakha Keisih sang um mi hna nih
Keisih Mino Bu an dirh
Hakha Dawrthar,
Keisih sang um mi mino hna nih
Keisih mino bu tiin May 22
zaan ah mino zapi lungtling in
an dirh i hruaitu zong thimnak
an tuah.
Hi bu nih aa tinh mi cu
Sang le veng ah chiatthat kan
ton tik ah i tawlrelpi ding, sang
chung um mino pakhat le pakhat
hawikomh khawh ding, sang
chung ah thianhlimnak a bik in
tuah ding le sang le veng dai le
rem in an um khawh cio
nakhnga security tuah ding tiah
tinhnak an ngei. Hawikomhnak
sawhsawh si lo in sang le veng
ca ah rian a tuan ding taktak a si
i bu thleidannak zong zei hmanh
a um lo, khrihfa a si lo mi tiang
an i tel kho dih. Asinain Khrihfa
mi kan si ca ah thla khat ah voi
khat pumh tinak cu kan ngei lai
tiah tuanvo ngeitu pakhat nih a
chim.
“Hi bu kan dirnak
thawng in atu hmanh ah that
hnemnak a um cang mi cu pakhat le pakhat kan i hawikom kho
deuh cang. Hmailei ah atu bantuk in kan kal khawh ahcun sang
i chiatni thatni hna ah mino kan
tawlrel khawh lai i nu le pa zong
an tha a dam deuh lai. Keisih
sang hi Hakha khua lai a si
bantuk in thianhlimnak hi a
biapi tuk ca ah mino hna nih a
bik in thianhlimnak rian hi
kan tuan lai,” tiah KMB President Salai Bawi Ram Ceu nih
a chim. Hakha khuachung a
thianhlim nakding ca ah cun
khualai deuh a si mi nih hin
kan thianhhlimh hmasa a hau.
Hmailei i phaisa hna kan
ngeih deuh a si ahcun lampi
hna ah hnawm bawm chiah
ding zong timh tuahnak hna
kan ngei. Cun sang le veng ah
nu le pa dai le rem tein an um
khawh nakhnga security zong
tuan ding kan timh. Aruang cu
sang ah fir ti bantuk i sik i
velh ti bantuk hna a um tawn
tik ah nu le pa cheukhat an it
kho tawn lo ca ah security
zong biatak tein kan tuan chih
lai tiah a chimchap.
Hi bu an dirh thar mi
ah hruaitu minung 13 thim an
si i ruahnak petu minung 4
zong an thimchih hna. Bu
chungtel dihlak hi min cazin
an lak cuahmah lio a si i minung 100 leng kai an si.
(By: James Neih Thang)
Hakha ah ngakchia covo dirkamh ning (Child Right
Reporting and Feature writing) workshop an tuah
Hakha ah Chin Media
Network (CMN) le The United
Nations Children's Emergency
Fund (UNICEF) i bawm in ngakchia covo dirkamh ning le feature
news tial ningcang cawnpiaknak
cu HBA hall ah May 26 in 27
tiang an tuah.
Hi cawnpiaknak ah Chin
Ramkulh chung um mi Media
pawl dihlak auh dih a si i cawnpiak tu ah Mariana le Bangladesh
in Mohammad Badrul hna sawm
an si. Cu hna nih ngakchia nih an
covo tlamtling in an ngah khawh
nakding ah media nih zeitin dah
kan dirkamh hna lai ti mi a bik in
an cawnpiak hna.
“Atu bantuk in cawnpiaknak kan tuah hi Chinram ah
sianginn a kai ding mi ngakchia hi
sianginn kai kho lo in rian a
tuan mi an tampi ca ah hi bantuk ngakchia sining a thei biktu
cu media kan si bantuk in anmah le covo tlamtling tein an
hmuh nakding ah media nih
zeitin dah kan bawmh khawh
hna lai ti mi cawnpiaknak hi
kan herh tuk mi a si, cu pin ah
Chin Ramkulh chung media nih
hin feature news hi kan ti kho
tuk lo ca ah hi training kan tuah
hi a si,” tiah field Coordinator
Salai C Lian nih a chim.
Hi bantuk cawnpiaknak hi Chin Ramkulh chung
ah a voi khatnak an tuah a si i
hmailei zong ah tuah than kho
peng ding in timhtuahnak an
ngei.
(By : James Neih Thang)
2
Hakha khua ah Chin Cozah nih a
tuah ding tampi lak ah a herh thil 4
Mizapi Zunput (Public Toilet) tuah a herh : Zunput hi Kawlhoh
in “အိမ္သာ” (Inn-nuam) ti a si. Kan zunpi le kan zunte a chuah tuk lio i zunput
kan kal ahcun zeitluk in dah a nuamh. Inn vialte lak ah “Inn-nuam bik” cu a si ko lo
maw? Hei pehsauh ahcun, “Zunpi zunte na kal khawh ca ah Bawipa thangthat” tiah
Mizoram zunput cheukhat ahcun ca an tial. Hakha khua cu zeiti a va si hmanh ah
Chin Ramkulh khualipi pakhat a si ve. Mizapi Zunput saknak hmunhma belte cu a
harsa ngai hnga. Asinain, mizapi ca a si bantuk in a herh ning poh in nawlngeitu le
tuanvo ngeitu Chin cozah nih a tawlrel awk a si. Hakha khua ah hin kanmah Hakha
khuami lawng khuasa mi kan si lo. Ramchung in Ramleng in mi tampi an luutchuak
cang i hi hnu kum 5 ahcun Mizapi Zunput um lo ruang ah harnak tampi a kan peek te
lai, a fiang ko.
Traffic-point or Traffic-jam or Traffic-light ti mi lamkham asiloah lam hmuhsaktu meiceu tuah a herh : Ka chim
cang bantuk in Hakha khua cu khualipi pakhat a si ve. Atu ca lawng in ruah ding a si
lo, hmailei kum tampi ca in ruah ding a si. Kan ram cozah a that poh ahcun kan lamsuul a that deuhdeuh rual in motor, motorcycle a khat te lai. Atu hmanh ah zeitluk in
dah mizapi hna a kan hnawh cang. I khawndennak voi tampi a cang i sii-inn phanh
siseh, cun nunnak tiang liam in khawndennak a tam lengluang cang. A fiang, tuah a
herh hringhran, kan Motor PK pawl nih le a herh tluk in caan an pe lo. Cucaah,
Hakha lamtonnak (lann-sone), Sii-zung lampial, Chin Oo Si, Kohkun lampial, Falam
lampial le Palek sakhaan hmai hrawnghrang tal ahcun tuah a herh. Hmailei ahcun
Motor dinhnak (Bus-stand) zong tuah a herh te lai. Taxi, Line-bus, le motorcycle keri
zong a um te lai i atu ning hin cun tihnung taktak kan si. Cucaah, Traffic-point or
Traffic-jam or Traffic-light (mi-puanh) tuah hrimhrim a herh.
Hmunthar sak mi innhmun minsak a herh :
2015 kum tlangmincimh ruang ah harnak tong in Chin cozah nih a sakpiak mi hna innhmun pawl khi
nihin tiang min an sa rih rua lo, tiah ka ruah. Atu tiang ahcun “Hartong inn sakpiak
mi, Hartong hmun, Hmunthar sakpiak mi, Hartong camp,” tiah mizeipoh nih kan auh
peng. Hihi a phung zong a si lo. “Hartong” biafang hi a kum le khua in kan hman,
kan chim peng ding zong a si lo. “Sang le Veng” min pakhatkhat kan sak awk a si.
Platform cung kal, lam tan le khuachung umkal rengh
deuh kan hau : Chin Ramkulh Sipin zung nih nawl zong an chuah cang nain
nihin tiang kan zuul kho lo. Platform cung ah a kal mi kan tlawm. Kan platform zong
cu a bi, dawr tuahtu nih an thilri an chiah peng rih fawn, dantatnak taktak an tuah
fawn lo. Motor le motorcycle rianrang emem in kan khalh (mawngh) peng rih. Ka
chim cang bantuk in Hakha khua ah Hakha khuami lawng khuasa kan si lo. Khuate
in, ramchung in le ramleng in mi luutchuak kan tam lengluang cang tik ah siikaan
ngei in umkal kan thiam nakhnga rengh deuh le tlaih deuh cu kan herh.
Biafunnak :
Hi kong hi a ngaingai cu Hakha khuachung ca lawng ah a si lo i
Hakha khua lawng ah tuah ding zong a si fawn lo. Chin Ramkulh khuapi kip ah tuah
ding a si. A bik in Chin Ramkulh khualipi a si mi Hakha khua ah tuah hmaisa a herh.
Amah belte, cozah thar a kaika lawng a si bantuk in hnawhhnam in tuahchuah khawh
cu a si lai lo nain hihi huamsam in kan tuan te lai, zeidang hi kan tuah hmaisa lai, tiin
rianchiah le i chiah awk rian cu a si ve lo.
DASSK le UN General Secretary i Myanmar ram ruahnak petu
V.J. Nambia he an i ton hnu ah Ramdeihnak kong an i ceih
Ministry of Foreign Affairs Ministry DASSK cu UN General Secretary -1
Myanmar ram kong ah a hleice in ruahnak
petu V.J. Nambia he an i ton hnu ah Myanmar ram ramdeihnak rian hluhchuah
khawh nakding ah tuantinak an i ceih te lai.
An i tonnak hi Nay Pyi Taw Foreign Minister zung a si tiin an thanh. UN a
hleice ruahnak petu Mr. Nambia hi UN
General Secretary Baan Ki Mon nih
Myanmar ram daihnak kongkau ah i
tel ding in tuanvo a pek mi a si i ram
pumpi kahngolnak cahreen NCA ah aa
telchih mi a si.
DASSK zong ramleeng lei
Minister tuanvo a laak hnu ah UN in a
hleice ruahnak petu he a voikhatnak i
tong in an i ceihti mi a si. (DVB)
Pharkent suikhur a cim mi ah 70 leng an ruak hmuh a si rih lo
May 23, Pharkent suikhur a cim
mi ah 70 leng an ruak hmuh an si rih lo.
“Hi miruak 70 leng hmuh an si
rih lonak kong hi May 25, Waikha khua
ah hi suikhur cimhnak kong kan hlat lio
ah theih mi a si,” tiah Seikmo khua
NLD chungtel U Hmui Kyi nih a chim.
“Hi vawlei cim ah an ruak hmuh
rih lo mi 73 an si. Hi kong ah riantuantu
company le uknaklei zong an daithlang
tuk. An hmuh khawh hna lo hmanh ah ni
hnih/thum tal cu an kawl hna awk a si.
Kawl loin cu ti an chiahta ko mi
hna cu vanchiat tong mi chungkhar
ca ah zaangfak tuk an si. Peng
uknaklei ka hal hna tik ah lamsuul a
that lo ca ah a hnu bik thil umtuning
hi kan thei kho lo tiin an ka leh. May
25 i hmuh khawh mi ah a thimi 12 le
hma a pu mi 14 hna cu Myitkyina sii
-iin ah an kalpi hna,” tiah acunglei i
langhter mi nih a chimchap.
A luancia May 5 zong ah
Seikmo ohsu Bayanchoak khua ah
atu bantuk suikhur cimh ruang ah
minung 13 an thi bal cang. DVB)
The Hakha Post thawngzamhca nih
Fakthanh ca ah le neknawi ca ah “Tlaapchap” (Extra-paper) kan rak chuah
than cang. Na thil, na dawr, na company le na rian kong tampi in rak thanh
khawh a si cang—The Hakha Post chungkhar.
Min
Chuak kum
Nu le pa
Khua/umnak
Cawn mi
Tuan mi
Tial Par Sung
12 July 1992
Pu Ral Lan le Pi Khin Sung
Hakha
BA(Geo)/ LCCI Level 3(UK)
Chin General Administration
Department (LD)
Mitung
5’-4”
Taang-an (lehmah)
34’
Tai
29’
Tawk
38’
Duh mi rawl
Buti
Zuam phun
Movie zoh le carel
Thiam phun
Thiam tuk mi cu a um lem lo
Pawcawmnak
Cozah riantuan
Muici duh mi
Asen le anak
Comment!
Sam pungsan
A sau, a ding
Mi Sung hi 2014
Mitmu muici
Kawfi muici (Brown)
kum, Chin Miphun Ni
Takvun muici
Asen
(Hakha) ah khuangFashion uar phun
Free Style
cawi mi ngaknu
Chuahpi unau
Pathum
Tel
09-442000201
pakhat a si—Editor
Facebook
Tial Par Sung
E-mail
tpsungss@gmail.com
Post : The Hakha Post Chin Miss Universe (Fidi Ianghlei) ah thim
mi na si mi cung na feeling?
Miss : The Hakha Post Chin Miss Universe-2 ah thim mi ka si mi
cung lunglawmhnak tampi ka ngei ko.
Post : Muidawh pakhat si nakding ah thuamthil (Fashion) maw a
biapi deuh, nuhrin dawhnak dah?
Miss : Then awk an tha lo, an biapi veve tiah ka ruah.
Post : Chanthar Lai mino kan fashion na hmuh ning? Aa
dawh ko or a luan deuh?
Miss : Chanthar Lai mino fashion hi cu aa dawh tuk ko ka ti, a
luan tuk deuh mi cu ka hmu lem lo.
Post : Fashion ah a seksi (leer) tuk deuh mi kan i hrukaih ruang ah kan lungput le kan ziaza aa thleng deuh, tiah na ruat
maw? Biakinn chung kan i hrukaih mi khi tah?
Miss: Kan thil hrukaih mi ruang ah kan lungput le kan ziaza cu
aa thleng dih lai ti cu ka zum lo nain Biakinn chung tu ahcun
zoh a co mi le mit a kem lo mi thuamthil kan i hruk awk a si.
Post : Nangtah, fashion ah zeiban tuk design le fashion pawl
dah na uar i naa hruk tawn?
Miss : Free-style deuh khi ka uar i ka siarem bik ko.
Post : Dawhnak, takvun le taksa ca ah ei le din na hrial mi a
um maw? E.g. a thak mi, a thur mi, a thlum mi tbk. le eidin
dangdang?
Miss : Eidin ka hrial mi cu um lo. A thur mi le a thak mi hoihna cu cu ka vun uar ngai mi a si i ka hrial kho lo. Hrial
khawh ahcun ngandamnak ca zong ah a va tha chinchin.
Post : Tamhmoihnak (beauty salon) or make-up phun ah
zeibantuk hna dah na hman bik?
Miss : Atulio cu Oriflamme ka hmang i cu thengtheng ka hman lai, ti cu a um lem lo.
Post : Lainu hi muidawhnak lei in rampum a huap khotu kan si ve te ko lai, tiah na ruat maw?
Miss : Lainu hi muidawh lei in rampum kan huap cang ko rua tiah ka ruah. Atu nakin hmailei ah
thangthar mino hna hi cawisan in thazaang pe hna usihlaw kan thangcho chinchin ko lai.
Post : Khah, biadang deuh seh kan hun in hal cang. Atu hi a lawng maw lawng lo, ti theih le
hngalh kan duh tuk ko, an ti len ko hih!
Miss : Heee..., hi kong hi cu theih le hngalh a duh mi nih pumpak in i hal sisehlaw… :)
Post : Zeitik ahdah pasal na ngeih te lai?
Miss : Hmailei thil a si bantuk in ka chimchung kho lo, Pathian nawl a si te lai cu...
Post : Tlangval na uar phun le na huat phun?
Miss : A fel mite ka uar hna i bia-al a thawng tuk mi beltte ka uar lem hna lo.
Post : Chin Miphun Ni ah khuangcawi mi ngaknu pakhat na si mi cung ah kan in lawmhpi.
Zeitik kum ah dah an rak in cawi i zeiruang bik ah dah khuangcawi mi ngaknu na si khawh
ning na kan chim kho lai maw?
Miss : Kei hi 2014 (66th CND) ah khan khuangcawi mi ka si. Zeiruang ah cawi mi ka si cu ka thei
lo. Khuangcawitu Committee biachahnak in cawi mi ka si.
Post : Mi cheukhat nih Khrihfa chan ahcun hlanchan phung le phai pawl, khuangcawi te hna
hoi cu kan tuah awk a si ti lo, tibantuk a ruat mi an um, cucu zeitindah na ruah, na pom ning?
Miss : Hlanlio Pathian theih lo chan i phorhlawt ruamkainak le minthan duh ah khuangcawi mi a si
ti lo i, chanthar mino nih kan nunphung kan theih caamcinnak a si ko, tiah ka ruah.
Post : Lai tlangval le nungak pawl ca ah na saduhthah?
Miss : Lai tlangval le nungak hi Ram le Miphun ca ah anmah le an zawnka cio in bochan awktlaak
mi pasaltha nusaltha tampi in chuak kho hna sehlaw, tiah saduh ka that!
Post : Caan peek in bia na kan ruah ca ah kan i lawm.
Biaruahtu : Salai KB Thawng
Miss : Tuanvo ngeitu le careltu nan dihlak cung ah kaa lawm tuk.
Note : The Hakha Post Chin Miss Universe hi thla 1 voi 1 in tuanvo ngeitu nih a thim lai i kum a dongh tik ah careltu
nih Ca, Online le Phone in MISS (Muidawh bik) cu thim a si te lai. Pakhatnak le pahnihnak cu Lunglawmhnak Roca te
he laksawng peek an si te lai—The Hakha Post chungkhar.