Vakiana manontolo - Hafatry ny lanitra

Transcription

HO AIZA IANAO
RAHA MIALA ETY
NY ANY ANKOATRA NY FAHAFATESANA :
Ny Paradisa sy ny Afobe
FANOROAM-PEJY
TENY FANOLORANA ............................................................................................ 3
NY OLOMBELONA ....................................................................................................................... 4
NY PARADISA .............................................................................................................................. 4
NY HELO ..................................................................................................................................... 4
NY ANY AN-DANITRA ................................................................................................................................ 5
NY ZAVA-MITRANGA EO AMIN’NY FOTOANA AHAFATESANA............................................................................................. 5
NY DIAN’NY OLOM-BOAAVOTRA ...................................................................................................................................... 5
NY VAVAHADIN’NY LANITRA ............................................................................................................................................. 6
NY BOKY MIRAKITRA NY FIAINANAO ETY AN-TANY............................................................................................................ 7
NY BOKIN’NY FIAINANA .................................................................................................................................................... 8
NY FITSENANA NY OLOM-BOAAVOTRA ............................................................................................................................. 9
NY TANANA ................................................................................................................................................................... 10
NY TRANO...................................................................................................................................................................... 10
NY TRANO NATOKANA HO AMIN’NY FAMPAKARAN’NY ZANAK’ONDRY............................................................................ 13
NY LAPAN’NY FIDERANA ................................................................................................................................................. 13
NY ZAZAKELY MATY ........................................................................................................................................................ 14
NY ANJELY...................................................................................................................................................................... 15
NY AKANJO FOTSY .......................................................................................................................................................... 16
NY SATRO-BONINAHITRA ............................................................................................................................................... 16
NY FIHAONANA TAMIN’IREO OLON’NY LANITRA ............................................................................................................. 17
NY SEZA FIANDRIANANA ................................................................................................................................................ 18
NY TOERAM-PITSARANA................................................................................................................................................. 18
NY FIDERANA ................................................................................................................................................................. 19
NY HELO .......................................................................................................................................................19
NY TOERAM-PIJALIANA .................................................................................................................................................. 19
NY FAHATONGAVANA ANY AMIN’NY HELO ..................................................................................................................... 20
NY FITIAVAM-BOLA ........................................................................................................................................................ 21
NY MPILOKA .................................................................................................................................................................. 21
NY MPANGALATRA......................................................................................................................................................... 21
NY MPANDAINGA........................................................................................................................................................... 22
NY MPISOTRO TOAKA..................................................................................................................................................... 23
NY MPIFOKA SIGARA / NY MPIHINANA PARAKY .............................................................................................................. 24
NY MPIJANGAJANGA / MPIVAROTENA............................................................................................................................ 24
IREO LEHILAHY MANAMBADY LEHILAHY SY VEHIVAVY MANAMBADY VEHIVAVY .............................................................. 25
NY MPIHIRAN’IZAO TONTOLO IZAO ................................................................................................................................ 25
www.hafatrynylanitra.com
Page 1
NY MPANDIHIN’IZAO TONTOLO IZAO.............................................................................................................................. 26
NY TSY MAMELA HELOKA ............................................................................................................................................... 26
NY MANANA TROSA ....................................................................................................................................................... 27
NY MPIAVONAVONA / MALOTO FO / RATSY FANAHY / MASIAKA .................................................................................... 27
NY MPIREHAREHA .......................................................................................................................................................... 28
NY MPANDOKO VOLO .................................................................................................................................................... 28
NY LEHILAHY MIKAVINA ................................................................................................................................................. 28
NY FITIAVANA FIRAVAKA SY RANOMANITRA MIHOATRA AN’ANDRIAMANITRA ................................................................ 29
NY MPANAO FANATANJAHAN-TENA ............................................................................................................................... 29
NY MPAMONO OLONA ................................................................................................................................................... 29
NY MPAMONO TENA...................................................................................................................................................... 30
NY MPANAO MAZIA – MPAMOSAVY ............................................................................................................................... 30
NY MPILALAO ODY RATSY............................................................................................................................................... 30
NY MPANOMPO SAMPY ................................................................................................................................................. 31
NY TSY MINO NY FISIAN’ANDIRAMANITRA ...................................................................................................................... 31
NY MANAO TSINONTSINONA NY FIVAVAHANA ............................................................................................................... 31
IREO MANDA AN’I JESOSY: menatra ny mitory an’i Jesosy ............................................................................................... 32
NY MPANIRATSIRA AN’I JESOSY ...................................................................................................................................... 32
NY MAMITAKA AN’I JESOSY ............................................................................................................................................ 33
IREO TSY NETY NANDRAY NY FILAZANTSARA................................................................................................................... 33
NY MPANAO TOMBON-KAVATSA (Tatouage) .................................................................................................................. 33
NY FAHAFOLON-KARENA ................................................................................................................................................ 34
IREO MIVAVAKA AMIN’NY MASINA SY SARY VONGANA .................................................................................................. 35
NY MPITONDRA FIVAVAHANA ........................................................................................................................................ 35
NY FANENENANA ........................................................................................................................................................... 36
TENY FAMARANANA .......................................................................................... 37
Page 2
TENY FANOLORANA
« Fa toy izao no nitiavan’Andriamanitra izao tontolo izao : nomeny ny Zanany lahitokana, mba tsy ho
very izay rehetra mino azy, fa hanana fiainana mandrakizay.» Jao 3. 16
Izany fitiavan’Andriamanitra tao amin’i Jesosy Kristy izany no nahazoako nanangona ireo fijoroana
vavolombelona voambaran’ireo nitsidika ny Paradisa sy ny Helo. Misy ny milaza fa tsy misy ireo toerana
ireo. Aza mihaino izany akory ianao fa anti-Kristy izany. Ny Baiboly milaza fa misy ireo toerana ireo. Izay
lazain’ny Baiboly ihany inoana. « Aza mety hofitahina hianareo. » Gal 6. 7a
Tsy tantara foronina izay voasoratra ato fa araka izay voalazan’ireo mpanompon’i Jesosy nentiny nitsidika
ny Paradisa sy ny afobe. Nasain’i Jesosy hambara izay hitany sy reny tany. « Koa izay hitany sy reny no
ambarany ». Jao 3. 32a
Aoka izay ny faharatsiana sy ny tsy fahamarinana rehetra fa izany no làlana mankany amin’ny helo. Katsaho
mihoatra noho ny fitadiavana volamena ny Paradisa. Jesosy Kristy irery ihany no làlana tokana ahafahanao
mankany, dia ilay niteny hoe : « Izaho no làlana sy fahamarinana ary fiainana » Jao 14. 6
Raha mamaky ity boky ity ianao dia aza ireo mijoro vavolombelona no jerena fa izay zava-dehibe tian’ny
Tompo ho fantatrao.
Ny paradisa dia Jesosy no nangataka izany ho anao : «Ray ô ! Tiako mba ho any amiko amin’izay itoerako
ireo izay nomenao Ahy, mba hahita ny voninahitro nomenao Ahy izy. » Jao 17. 24
« Fa izay tsy mino kosa dia efa voaheloka (fitsarana) rahateo satria tsy nino ny anaran’ny Zanaka
lahitokan’Andriamanitra. » Jao 3. 18
Ry rahalahy eo am-pelatananao ity boky ity, hoy ny Tompo : «Indro efa mitsangana eo am-baravarana
aho ka mandondona, raha misy mihaino ny feoko ka mamoha ny varavarana, dia hiditra ao aminy Aho. »
Apok 3. 20
Velona tra-mpamonjena ianao fa tsy maty tra-panenenana « Fa mahari-po aminareo Izy (ny Tompo), ka
tsy misy tiany ho very, fa mba ho tonga amin’ny fibebahana izy rehetra. » II Pet 3. 9b
Tsarovy fa « Samy hampamoahan’Andriamanitra, ny amin’ny tenany avy isika rehetra » Rom 14. 12.
« Aza mety hofitahiana hianareo ; Andriamanitra tsy azo vazivaziana, fa izay afafin’ny olona ihany no
hojinjainy. » Gal 6. 7
Ho an’ireo izay miteny hoe : Tsy misy mahalala ny fiainana aorian’ny fahafatesana dia tsy marina izany. Efa
voambara ao anatin’ny Soratra Masina izany. Ho hitanao ao anatin’ity boky ity ny toko sy andininy milaza
an’izany.
Tsy izay voasoratra anarana ao anatin’ity boky ity ihany akory no efa nentin’i Jesosy Kristy tany an-danitra
sy ny afobe fa efa marobe ary mino aho fa mbola ho maro any aoriana any.
Amin’ny anaran’i Jesosy Tompo no hanolorako ny fisaorana ho an’ireo rehetra izay nanampy ka nahavitana
ity boky ity : ara-panahy, saina, herim-po, vola ary ireo izay nitrotro am-bavaka izay tsy kely fa tena zavadehibe tokoa.
Rehefa voavakinao ity boky ity ka feno fifaliana ianao, dia atolory an’i Jesosy Kristy irery ihany ny fisaorana.
Fa ny valim-pitiantsika tsy ety an-tany fa any an-danitra.
Rambelo Gaby
Page 3
NY OLOMBELONA
Andriamanitra no namorona ny olombelona, safidiny manokana izany hoy izy. « Andeha isika hamorona
olona tahaka ny endrintsika araka ny tarehintsika » Gen 1. 26. « Ary vovon-tany no namoronan’i
Jehovah Andriamanitra ny olona, ary nofofoniny fofonaina mahavelona ny vavorony ; dia tonga
olombelona izy » Gen 2. 7
Inona no ilain’i Jehovah ny olona ? « Ny hanao ny marina sy ho tia famindrampo ary ny hanaraka
an’Andriamanitra amin’ny fanetre-tena » Mika 6. 8b. « Fantaro fa tsy misy tsara amin’ny olombelona
afa-tsy ny mifaly sy ny manao tsara raha mbola velona koa izy. Ary koa, raha mihinana sy misotro ary
finaritra amin’ny fisasarany rehetra ny olombelona, dia fanomezan’Andriamanitra izany» Mpit 3. 12-13
« Ny olona tera-behivavy dia vitsy andro sady vontom-pahoriana » Joba 14. 1. « Fito-polo taona no
andron’ ny taonany ary raha tahiny mateza aza, dia valopolo taona » Sal 90. 10. « Fa vovoka ianao, ary
hiverina ho amin’ny vovoka indray ianao » Gen 3. 19b
NY PARADISA
Ny Paradisa dia fonenan’ny olom-boaavotra miaina ny fiainan-tsambatra mandrakizay. Jesosy no nilaza ny
fisian’io toerana io teo ambonin’ny hazofijaliana : « Lazaiko aminao marina tokoa : Anio no hihaonanao
amiko any Paradisa » Lio 23. 43. Miakatra ambony ny mankany am-paradisa : « Fa nakarina ho any amparadisa izy. II Kor 12. 4a
Iza no mankany ? « Izay maharesy dia havelako hihinana ny avy amin’ny hazon’aina, izay eo amin’ny
Paradisan’Andriamanitra » Apok 2. 7b. « Ary ny anankiray tamin’ny loholona namaly ka nanao tamiko
hoe : Iza moa ireo miakanjo akanjo fotsy lava? Ary avy taiza izy ? … Dia hoy izy tamiko : Ireo no avy
tamin’ny fahoriana lehibe, ary ny akanjony nosasany sy nofotsiny tamin’ny ran’ny Zanak’ondry. Ary noho
izany dia mitoetra eo anoloan’ny seza fiandrianan’Andriamanitra izy ka manompo azy andro
aman’alina eo amin’ny tempoliny.» Apok 7. 13-15b
Io ilay toerana nampanantenain’i Jesosy hoe : « Aza malahelo ny fonareo, minoa an’Andriamanitra, ary
minoa Ahy koa. Ao an-tranon’ny raiko misy toerana maro ; raha tsy izany, dia efa nilaza taminareo Aho,
fa handeha hamboatra fitoerana ho anareo Aho, dia ho avy indray ka handray anareo ho any amiko, ka
izay itoerako no hitoeranareo koa. Ary fantatrareo koa ny làlana ho any amin’izay halehako » Jao 14. 1-4
Valim-bavaka avy amin’i Jesosy ho antsika izay ao aminy ny Paradisa : « Ray ô, tiako mba ho any amiko
amin’izay itoerako ireo izay nomenao Ahy, mba hahita ny voninahitro nomenao Ahy izy.» Jao 17. 24
NY HELO
Ny fanahin’ny olona very no mankany. « Ny fanahy izay manota no ho faty» Ezek 18. 20 satria
« Fahafatesana no tambin’ny ota » Rom 6. 23. Ny tsy mino ny anaran’ny zanaka Lahitokan’Andriamanitra
dia mankany ihany koa (Jao 3. 18).
Hoy Jesosy : « Mialà amiko, ianareo izay voaozona, ho any amin’ny afo maharitra mandrakizay, izay
voavoatra ho an’ny devoly sy ny anjeliny.» Mat 25. 41
Midina ambany ny helo : « Eny, midina ho any amin’ny efitranon’ ny fahafatesana » Oha 7. 27. « Midina
any amin’ny vavahadin’ ny fiainan-tsy hita izany » Joba 17. 16.
Tobim-pijaliana tsy misy indrafo sy fiantrana ary fahoriana tsy misy toy izany mandrakizay ny any. « Any no
hisy ny fitomaniana sy ny fikitroha-nify » Mat 25. 30b. Ary afo tsy ho levona mandrakizay (Mat 25. 41).
« Any ny Kankana tsy maty, ary ny afo tsy vonoina » Mar 9. 48. Kankana no itafiana sy ilafihana, olitra no
mandrakotra (Isa 14. 11). Hetaheta tsy misy farany (Lio 16. 24).
Page 4
Ny setroky ny fijaliana dia miakatra mandrakizay (Apok 14. 11), any ny farihy mirehatra afo sy solifara, izay
fahafatesana faharoa (Apok 21. 8b). Ary « Ny fiainan-tsy hita sy ny fandringanana tsy mety voky. » Oha
27. 20
NY ANY AN-DANITRA
- Ny lanitra dia lehibe lavitra in-90 heny noho ny tany. Io Planeta goavana io no efa
nomanin’Andriamanitra ho an’ireo olom-boavonjy mba hiainany mandrakizay. (Collet Percy)
- Ny tanàna dia mivelatra eo ambonin’ny efajoro, mitovy ny sakany sy ny halavany. Ny haavony ihany koa
dia mitovy refy. Ny tanana dia toy ny kioba efajoro mirefy (12 000 Stades d’arête). Tena lehibe ny tanàna
lovantsika, hoy Bohémond ! 12 000 Stades, izay 1500 miles amin’ny refin’ny tany (na 2 400 Km). Izay, hoy
ny fanambaran’ny loholona. Ary misy fizarazarana 400 000 eo ho eo ny tanàna, izay eo anivon’ny faritany
be velarana tsy misy fetra ao am-paradisa. (Senéca Sodi)
« Ary ny tanàna dia efa-joro, ka mitovy ny lavany sy ny sakany, ary nandrefy ny tanàna tamin’ny
volotara izy, ka roa arivo sy iray alina stadio. Mitovy ny lavany sy ny sakany ary ny hahavony. »
Apok 21. 26
NY ZAVA-MITRANGA EO AMIN’NY FOTOANA AHAFATESANA
« Ao ny andro ahaterahana ary ao ny andro ahafatesana » Mpit 3. 2. Rehefa tonga ny fahafatesana dia
tsy misy aina intsony ny olona satria miala ny aina. Miampatra izy ka tsy mihetsika intsony. « Fa ny olona
kosa maty ka miampatra. Eny miala aina ny olona, ary aiza izy ? » Joba 14. 10. Manomboka eo ny
fiainan-tsy hita, izany hoe ny tsy hitan’ ny mason’olombelona fa hitan’ ny masom-panahy. Io no mahita ny
fialan’ny fanahy ao amin’ny vatana. Hoy ireo mpijoro vavolombelona mitantara ny fialan’ ny fanahy :
- Tena nahare fanaintainana mafy aho, niala tamin’ny vatako ny fanahiko. (Angelica 1er voyage)
- Tsapako nivoaka ny vatako ny fanahiko. (Collet Percy)
- Ny fanahiko dia nivoaka tao amin’ny vatako. (Jennifer Perez)
- Nizara roa ny vatako, nahita ny vatako natory teo am-pandriana aho. (Ra-Tiana)
- Hitan’ny masoko fa niala ny vatako ny fanahiko. Nihakely tsikelikely ny vatako ary tsy hita intsony avy eo.
(Yves)
« Amin’ny indray mipi-maso monja no idinany any amin’ny fiainan-tsi-hita » Joba 21. 13.
« Ary rehefa levona ny hoditro, izao simba izao, sady afaka amin’ny nofoko aho, dia hahita
an’Andriamanitra. Eny, izaho no hahita Azy, ary ny masoko no hijery, fa tsy an’olon-kafa. Efa matimpaniriana ny saiko ato anatiko » Joba 19. 26-27
NY DIAN’NY OLOM-BOAAVOTRA
- Nahita tonelina mazava be avy any an-danitra aho. Nisy Anjely roa tonga nitondra ahy hiakatra any andanitra. Rehefa lasa ambony izahay dia teboka kely sisa ny tany. (Ra-Tiana)
- Nisaraka tamin’ny vatako ny fanahiko dia lasa izahay niakatra tany amin’ny habakabaka ka namakivaky
ny lanitra ho any amin’ny Tompo, rehefa niherika aho dia teboka kely sisa ny tany. (Fabiola)
- Niakatra ambony aho, ary nentiny niakatra ambony be, ary tonga tamin’ny toerana iray midadasika tsy
misy na inona na inona izay mazava be ohatra ny andro atoandro lohataona, tsy misy masoandro nefa
dia mazava be. Tsy mafana na mangatsiaka ilay toerana fa antonona ny rivotra, ohatra ny hoe manitra
izany. Nampahitana ahy fa ireny misy olona maro milahatra manao akanjo matroka sy mainty lahy sy
vavy. Ny ankamaroany dia olona efa nahazo taona. Hita fa olona manao dia lavitra izy ireo nefa tsy
reraka, ary mamindra milamina. Hita soritra ety ivelany amin’ny endriny fa olona feno fanantenana izy
Page 5
ireo, tsy miresaka na mihorakoraka fa feno fahanginana. Ery afovoany dia misy tetezana voninkazo
mitsingevana ary voatemotra voninkazo ny sisiny roa. Efa misy fanahin’olona mandeha ilay tetezana ary
mbola samy handeha amin’io tetezana io ireo fanahin’olona ireo. Eo ambonin’io tetezana io dia misy
anjely anankiray ngezabe mitafy rahona fotsy ny akanjony ary mamiratra ohatra ny volamena ny
tarehiny. Manara-maso an’ireo olona mandeha amin’ilay tetezana ny ataony. (Rambelo Gaby)
- Ary talohan’ny nidirana ilay tanàna mahafinaritra, indro misy tetezana izay tena tsara ary volamena ka
nandalo teo izahay. Rehefa afaka ilay tetezana, dia misy vavahady volamena. Vao nosokafany dia indro
nisy Anjely anankiroa izay nanan’elatra lavabe. Ary ny elan’izy ireo dia nanjary nanao “Arc” ka niditra teo
afovoany izahay ary niakatra tamin’ny tohatra izahay. (Yves 2ème voyage)
- Rehefa niala ny vatako ny fanahiko dia lasa niakatra. Alaivo sary an-tsaina ny zavatra atrehana ho tonga
aminao rehefa maty ianao : avy hatrany ny fanahinao dia hampakarina ho any an-tranon’Andriamanitra.
Nisy Anjely roa niaraka tamiko, ary dia nandeha tamin’ny fantsona iray lehibe izay namakivaky ny kintana
sy ny manodidina ny masoandro izahay. Ary nilaozanay any aoriana ny masoandro sy ny volana. Nahita
kintana an-tapitrisany mitodika manandrify ny lanitra aho, ary izy ireo dia mihira ny voninahitry ny Ray sy
ny fahalebiazany ary ny fiandrianan’ilay mpahary dia Andriamanitra velona.
Rehefa niverina ho ety an-tany ka nandao ilay varavaran’ny lanitra tsara tarehy dia nanomboka nidina
izahay. Ny Anjelin’ny Tompo dia mbola niaraka tamiko. Nahafinaritra tokoa fa teny an-dalam-piverenana
dia nifanena tamin’ny fanahin’olona maro ho any an-danitra izahay. Nijanona izahay ary niresadresaka
tamin’ny sasany tamin’izy ireo. Nisy lehilahy iray izay nanontaniako hoe : « Inona no nataonao teny antany », dia namaly izy hoe : « Izaho irery no kristiana tao amin’ny fianakaviako. Oh ! Raha hidina any
ianao dia lazao amin’ny olona eny an-tany ny zavatra hitanao ary nomeny ahy ny anarany ».
Nanohy ny dianay hidina izahay ary mbola nifanena tamin’ny fanahy maro, ora enina no nanaovany ny
dia niala teny an-tany ka hatraty an-danitra. Samy nandeha tsirairay izy ireo fa tsy miaraka,
mifanarakaraka araka ny ora izay nahafatesan’ireo mpino ireo tao amin’i Jesosy. Toy izany ireto
tovovavy roa : ny iray mainty ny volo ary ny iray mena volo. Nijanona izahay ka nanontany azy ireo : « Ry
tovovavy, nahoana amin’izao fahatanoranareo izao dia efa miakatra aty an-danitra sahady
ianareo ? » Dia hoy ny navaliny « Tratra ny lozam-pifamoivoizana tao amin’ny Autoroute Californie ny
vatanay izay tao anatin’ny fahafenoan’ny Fanahy Masina. Faly izahay fa miakatra ho aty
amin’Andriamanitra ». Isan’andro dia misy fanahy vaovao miala ety an-tany ho any amin’Andriamanitra.
Rehefa misy fanahy ho any amin’Andriamanitra dia maneno ny lakolosy. (Collet Percy)
- Teny am-pandehanana dia naheno lakolosy naneno aho. Dia nanontany ilay anjely aho hoe : « Nahoana
no maneno ny lakolosy ? » Dia namaly izy, fa « rehefa misy olona tonga dia ampanenoana ny lakolosy
». (Brani Duyan)
- Rehefa nijery ny lanitra tamin’ny masom-panahiko aho dia nahita ny lanitra nisokatra dia niteny aho hoe
« Tompo ô ! Ianao no tonga » (Angelica 1er voyage)
« Ho hitanareo ny lanitra misokatra sy ny anjelin’Andriamanitra miakatra sy midina eo ambonin’ny
Zanak’olona » Jao 1. 51
NY VAVAHADIN’NY LANITRA
- Nentiny tany amin’ny toerana iray aho. Rehefa nijery tsara aho dia hitako fa any an-danitra io. Ny zavatra
hitako voalohany dia rindrina ngezabe. Fotsy lava ilay izy sady tsy voafaritra ny haavony. Eo afovoany dia
misy vavahady iray, lehibe io varavarana io ary mikatona. (Jennifer Perez)
- Nanoloana rindrina fotsy iray avo be aho. Tsy voafaritry ny
maso ny haavony ambony sy ambany, satria tsy hita ny farany.
Eo afovoany dia misy vavahady iray mamiratra be,
mahafinaritra ny mijery azy. Nitsingevana nanoloana ilay
rindrina sy ilay vavahady aho, sanganehana aho nahita ilay
Page 6
vavahady nihidy dia nanontany hoe : Ao ve ny anarako ? Nisy feo avy any ambadik’ilay vavahady namaly
hoe : « Ato, fa ataovy aloha ny asa ». Ny fiverenako tany fanindroany mbola teo ilay rindrina fotsy fa ilay
vavahady nisokatra ary rahona nitambolombolona no teo.
Rehefa manoloana ny vavahadin’ny lanitra dia ianao irery no eo fa tsy misy olona hafa sady mangina
tanteraka. (Rambelo Gaby)
- Nanantona vavahady lehibe iray izay nisy rindrina lehibe izaho sy ny Anjely. Ao anaty rindrina lehibe dia
nahita Anjely tena lehibe roa mitondra sabatra izahay. 15m ny halavan’ireo Anjely ireo ary ny volony dia
toy ny kofehy volamena. Avo dia avo ny vavahady ka tsy hitako ny tampony. Tsy mbola nahita asa kanto
sy tsara toy izany aho. Misy sikotra natao tànana manome toy ireny ridô mihorongorona ireny eo aminy,
ary mihaingo perla, diamondra, rubis, safira, sns... (Mary Baxter)
- Rehefa nandeha izaho sy ny Anjely dia niditra tamin’ny vavahady iray tena mamiratra toy ny masoandro
ny heriny. (Fabiola)
- Tonga nanoloana vavahady vy lehibe anankiray izahay, volamena be, nosokafan’i Jesosy ilay vavahady.
(Yves)
- Hitako nanoloana ny varavaran’ny lanitra aho, izay tsara be tsy misy toy izany. Tsy haiko ny ilazana azy.
Ary nisokatra nidanadana ilay izy ahafahanay miditra. Teo no nanomboka niaina ny lanitra voalohany
izahay. (Collet Percy)
- Atoa B. koa dia maty, satria tonga tany an-danitra izy raha nandao izany toeran-tsambatra izany aho ary
hitako ireo vavahady tsara tarehy natosika hivoha hidanadana mba handraisana azy. Ary reko ireo maro
be ny lanitra niantsoantso hoe : « Arahaba tonga soa ry mpivahiny sasatra ». (Misionera Robert Young)
- Ary farany dia nanoloana vavahady iray lehibe izahay izay nipetaka amin’ny rindrina miloko fotsy. (Choo
Thomas)
- Nanoloana rindrina avobe vita tamin’ny volamena sy vato sarobidy aho, ary varavarana roambinifolo vita
amin’ny perla. Isaky ny varavarana misy Anjely miambina. Ny varavarana tsirairay nisy ny anaran’ny
fokon’ny Israely. (Bernarda Fernandez)
NY BOKY MIRAKITRA NY FIAINANAO ETY AN-TANY
- Nisy anjely iray nitondra ahy tany an-danitra ary nampiseho ahy efitra goavana rakotra rindrina
volamena. Misy abidia voasikotra etsy sy eroa mipetraka amin’ilay rindrina. Mitovy amin’ireny tahirimboky faran’izay lehibe ireny. Ny boky dia miraikitra ao anatin’ilay rindrina fa tsy mipetraka amin’ny
talantalana. Misy anjely manao akanjo lava mamoaka ny boky amin’ny rindrina ary mandinika tsara
an’izany. Fantatra mihitsy fa nahazo toromarika hentitra izy ireo amin’ny fanatanterahana ny asany.
Mahita boky mifono volamena aho ary ny pejy sasany dia mena. Tena tsara ireo boky. Hoy ilay anjely
tamiko hoe: ireo boky ireo dia misy ny horonan-taratasy mirakitra ny fiainan’ny zanak’olombelona teraka
tety an-tany. Ary nambarany ahy fa mbola misy efitrano hafa feno boky noho ity hitako ity. Matetika dia
misy arikanjely mitondra ny boky eo anatrehan’ Andriamanitra mba hanomezany fanekena na tsia. Ao
anatin’ireo boky ireo ny vavaka, ny faminaniana, ny fihetsika, ny fitomboana ara-panahy, ny fanahy tonga
eo amin’i Jesosy, ny vokatry ny fanahy sy zavatra maro samihafa. Izay rehetra ataontsika ety an-tany dia
voarakitry ny anjely ao amin’ireo boky ireo. Indraindray dia maka ny boky ny anjely ary manadio izany
amin’ny lamba malefaka dia malefaka. Ny pejy voadiony dia lasa mena. (Mary Baxter)
- Nijery ny boky lehibe izay mirakitra ny lasa sy ny ho avy izahay. Tsy ny anaranay ihany no voasoratra tao
fa teto ambany dia nisy zavatra maro mitanisa ireo asan’Andriamanitra nataonay tety an-tany. Tsaroako
ny tenin’Andriamanitra izay nampilazainy ny Mpaminany. “Ary nisy boky nosoratana teo anatrehany ho
fahatsiarovana izay matahotra an’i Jehovah sy mihevitra ny anarany. Ary ho rakitra soa ho Ahy ireny
amin’ny andro izay hotendreko, hoy Jehovah, Tompon’ny maro...” Mal 3. 16-17 (Seneca Sodi)
Page 7
- Ary dia nisy vata sarihina (tiroir) teo, nisy boky lehibe tokony ho iray metatra tora-droa ny habeny ary 10
cm ny hateviny. Inty, hoy Jesosy ny bokinao aty an-danitra izay ny anjely no manoratra azy itony.
Dia nosokafany teo amin'ny pejy voalohany ka feno tsipitsipika (pointage) tokony ho 1 cm ny halavan'ny
tsirairay ary misy mainty, ary misy koa mena: Ny tsipika mainty dia ny ratsy nataoko ary ny tsipika mena
dia ny tsara. Kanefa ny mena teo amin'io pejy voalohany io dia valo monja, fa ny sisa mainty avokoa, antapitrisany no isany.
Tao amin'ny pejy faha-2 dia 3 no mena ;Tao amin'ny pejy faha-3 dia 1 no mena, ny rehetra mainty
avokoa. Tao amin'ny pejy faha-4 dia tsy nisy mena intsony, fa mainty daholo. Tao amin'ny pejy faha-5
dia notakosonan’ny anjely ranomainty ny pejy manontolo fa izy hono tsy maha-isa intsony. Izao no
voasoratra tao: "VERY".
Dia niteny aho hoe: Maty aho izany Jesosy, tahaka izay aho tsy niaraka taminao nahita izao zava-doza
izao. Very any amin'ny afobe izany no anjarako. Nitomany namoy fo mihitsy aho, ary dia nijery tsara ahy
ny Tompo nandritra izany fitomaniako izany. Olon-dratsy aho izany, ka inona intsony moa ny amiko, ary
ataonao inona moa ny olo-maloto toa ahy ? Dia naverin’ i Jesosy ny teniny tany am-piandohana hoe: Raha
manaiky hanao ny sitrapoko ianao, dia hodorako ity boky ity. Akory ny hafaliako fa ho voavela ny heloko.
Teny tokana, feno fifaliana no nataoko: "Inty aho Jesosy, hanao izay sitraponao indrindra". (Past Joseph
Randrianatoandro)
NY BOKIN’NY FIAINANA
- Nahita olona miakanjo fotsy teo anoloako aho izay niangavy ahy hiaraka aminy. Nanontaniako izy hoe :
iza moa ny anaranao ? Tsy namaly ahy izy. Rehefa nanontany in-enina ny anarany aho, dia izaho no
nambarany : IZAHO NO MITANA NY LAKILE NY PARADISA. Ny Paradisa dia toerana faran’izay tena
mahafinaritra, tsy afaka ny miditra any ianao aorian’ny fahafatesana raha tsy manaraka an’i Jesosy
Tompo. Petera no anaran’io lehilahy io. Nasainy niverina ho ety an-tany amin’izay aho, ary hijoro
vavolombelona ny amin’ireo zavatra efa hitako. Tsy te-hiverina ety an-tany aho fa ho any am-paradisa.
Nisy Anjely nanokatra ny boky. Nojereny tao ny anarako hoe Thitpin, anarana fiantsoana ahy taloha. Tsy
voasoratra ato ny anaranao hoy Petera fa ndeha aloha miverina sy mitory ny anaran’i Jesosy Kristy
amin’ireo Bouddhiste. (Moine Bouddhiste iray)
- Ilay Anjely kosa nikaroka ka nampidina boky iray lehibe. Ary raha namadibadika ny pejy izy dia niato
tampoka ka nitodika tany amin’ny Nenitoa Maria no niteny hoe : « Tsara izany, mahazo mitoetra aty
ianao, jereo fa voasoratra ato ny anaranao ». (Past Renus Olson)
- Rehefa nanao famotorana tao amin’ny boky ny Anjely dia nanambara tamiko tamin’ny fihetsika hoe
afaka miditra aho. Ry mpamaky, tsy afaka miditra ao an-danitra ao ianao raha tsy voasoratra ao
amin’ny bokin’ny fiainana ny anaranao. (Mary Baxter)
- Nahita Anjely roa aho, Mikaela sy Gabriela, nitondra horonantaratasy lehibe izay tena tsara ary
mamirapiratra. Nanontany tamin’i Jesosy aho hoe : Inona io ? Dia hoy Izy : Tianao ve ny hahalala ny
soratra voarakitra ao ? Eny hoy aho mantsy ny Tompo.
Sokafy ny boky ry Mikaela hoy Izy. Rehefa nosakafan’ny
Anjely Mikaela izany dia indro fa nahita soratra volamena
mitovy endrika amin’ny marika aho, nefa tsy nisy azoko.
Nieritreritra izay mety ho dikany aho. Namaly ahy ny
Anjely Mikaela hoe : Ny soratra sy marika voarakitra ato
dia ireo olona eny ambonin’ny tany izay nanaiky ny
Tompo ho hany Mpamonjy azy. Ny boky izay hitanao dia
ny bokin’ny fiainana hoy ny Anjely Mikaela. Nosokafako
ary nodinihako ny voarakitra tao. « Ity ny boky mirakitra
ny anaran’ireo olona izay mibebaka ary nanolotra ny fiainany ho an’Andriamantira » hoy Mikaela. Ato
Page 8
ve ny anarako hoy aho ? Atrakao ny masonao dia ho hitanao hoy izy. Somary natahotra aho ary niteny fa
tsy hitako ny anarako, fa aiza ?
Ity ny anaranao hoy ny navaliny ahy. Faly aho nahita izany, voasoratra tamin’ny fiteny hafa ilay izy ka tsy
haiko ny namaky azy. Nahita anarana mamirapiratra sy mipipika aho ka nanontany ny mety ho
dikan’izany. Navaliny ahy fa ireo anarana mipipika ao anatin’ny bokin’ny fiainana ireo dia ireo olona eny
ambonin’ny tany mibebaka amin’ny fahotany ary mitady ny tavan’Andriamanitra amin’izao ora sy
fotoana iresahantsika izao. Misy koa anefa anarana efa mila tsy ho hita intsony ary ny sasany dia efa ho
voafafa izay efa maro ny toy izany ka tsy hita intsony. Ireny dia ireo olona niala tamin’ny
làlan’Andriamanitra. (Angelica 2ème voyage)
NY FITSENANA NY OLOM-BOAAVOTRA
- Naheno feo-na mozika avy lavitra izahay. Rehefa nitopy tany amin’ny toerana nihavian’io feo io izahay
dia indro fa nahita Anjely maro nanao andiany tamy avy hanantona anay niaraka tamin’ny kalesy afo
namirapiratra. Rehefa nahatsinjo lavitra io seho io izahay dia maro no nametra-panontaniana.
Nanontany an’i Abrahama aho hoe : Ny Tompo Jesosy izay efa nandrasanay hatry ny ela ve iny ?
Kalesin’Andriamanitra iny hoy Abrahama ary ny Anjely no mitondra azy. Ho avy tsy ho ela ho eto
amintsika izy ireo, mitondra ireo olom-boaavonjy efa aty an-danitra hitsena anareo alohan’ny hitondrana
anareo any amin’ny tanàna masina ka hatrany amin’ny seza fiandrianana. Tsaroanareo ve fony mbola
teny an-tany fa rehefa misy namana tonga avy lavitra dia manao dia lavitra koa isika mba hitsena azy.
Izaho dia nandeha lavitra hatrany Hebrona mba hitsena an’i Lota sy ny zanany. Isaka ihany koa dia nanao
dia lavitra teny an-tsaha mba hitsena an’i Rebeka izay tonga niaraka tamin’ny ramevany.
Amin’izao vaninandro izao kosa, dia eny amin’ny gara sy ny toeram-piantsonana ianareo no mamonjy
ireo sakaizanareo. Voatahiry aty an-danitra izany fombafomba izany.
Vetivety dia tonga teo aminay izy ireo ary toa nihoatra anay aza ary indro fa nanao faribolana
nanodidina. Nangataka i Abrahama mba hihataka ireo vondrona teo mba hanome làlana ireo fiara.
Nivondrona ho andiany roa nitandahatra teo amin’ny andaniny sy ny ankilany izahay, ka zary nisy
malalaka teo afovoanay handehanan’ireo fiaran’ny lanitra. Tao anatin’ny haravoana tanteraka izahay
nahita ny zavatra miseho. Ny fiara sy izay teo afoavoanay dia namirapiratra fatratra ary feno voninahitra
izay fantatray fa taratry ny seza fiandrianan’Andriamanitra. Nijanona tamin’izay izy ireo ary ny mpandeha
rehetra tao anatiny dia nihika mafy hoe Haleloia ho an’Andriamanitra. Tonga ny olom-boavonjy ! Hitanay
tao anatin’ny fitaterana ireo olona faly marobe ary mamirapiratra fatratra izy ireo, ary indro fa nivoaka
avy hanantona anay. Tsy hafa ireo fa ireo Ray aman-dreny, namana sy havana akaiky izay fantatray tsara
fony teny an-tany ary nahalala ny fahatongavanay. Fifaliana re izany, izay tsy mbola hitako hatramin’izay.
Tao anatin’ireo olona maro ireo ny reniko izay efa maty an-taonany maro. Namonjy ahy faingana izy ary
fantatro fa ny reniko. Nifamihina teo izahay. (Seneca Sodi)
- Ampahafantariko anao fa raha misy olona tonga aty an-danitra, dia Jesosy sy ireo Anjely marobe no
mitsena azy. Misy Anjely irahin’ny Tompo maka azy any ambonin’ny tany ho entina any an-danitra.
Milahatra daholo ireo Anjely rehetra. Jesosy eo aloha fa ireo olom-boaavotra kosa any aoriana sady
midera an’Andriamanitra. Rehefa tonga dia raisin’i Jesosy ka fihininy mafy eo an-tratrany no sady
safosafoiny ka ilazany hoe : Midira amin’ny fifalian’ny Tomponao. Matetika anefa dia izao no mitranga,
raha mbola ery lavitra ilay olona entin’ny Anjely ary vao mahita ny tavan’ny Tompo dia mitomany izy
sady milaza hoe : Jesosy Tompo malalako a ! Hitako ihany ianao, sady miantoraka no mitomany mafy
saingy ranomasom-pifaliana, raha mahita an’izany ny Tompo dia faly ka mamihina mafy ka fafany ny
ranomaso. (Fabiola)
« Fa ny Zanak’ondry Izay eo afovoan’ny seza fiandrianana no ho Mpiandry azy ka hitondra azy ho
amin’ny loharanon’ny ranon’aina ; ary hofafan’Andriamanitra ny ranomaso rehetra amin’ny masony »
Apok 7. 17
Page 9
NY TANANA
- Raha nitsangana teo aho nibanjina ilay tanàna
masina, tsikariko koa Nenitoa Maria variana
nijery izany. Ny hafatratr’ilay tanàna sy ny
fanjelatry ny hatsaran-tarehiny dia tsy hay
tanisaina. (Past Renus Olson)
- Nandehandeha tany an-danitra niaraka tamin’i
Jesosy aho, nasehony ahy ny toerana
mahafinaritra izay misy karazan-kazo maro ary
renirano. Tiako hosoritana manokana fa
renirano velona io, ary mitsororoka avy eo amin’ny seza fiandrianan’Andriamanitra. Hoy ny Anjely « Ity
no Paradisa, ho an’izay efa nohamarinina sy novonjena ary namindrana fo, ary ho an’ ireo izay mino
ny ran’i Jesosy ».
Efa in-16 aho no nentiny tany an-danitra, ary mampiseho zavatra manokana ho ahy foana Izy. Nandalo
tamin’ny tetezana volamena izahay. Ny hatsaran’ny lanitra dia amin’arivony heny mihoatra noho ny tany.
Misy zavatra fahita ety an-tany ihany koa any, ohatra : lalana, trano, hazo, biby, vatolampy, voninkazo.
« Ry zanakovavy, efa nasehoko anao ny ranovelona sy ny Jerosalema vaovao. Ireo trano izay hitanao
dia ato Jerosalema, tanàna masina. Ampahafantaro fa izany tanàna izany dia efa voaomana ho an’ny
zanako ». (Choo Thomas)
- Nanoloana tanàna mahafinaritra be aho, tsy nataon’ny tanàn’olombelona fa ny Mpanjakan’ny Mpanjaka,
Tompon’ny Tompo. Ny tao an-tsaiko ny hoe tsy afaka hiditra ao aho, nefa nijery ahy ny Tompo sady
nilaza hoe : Te-hiditra ianao ? Oh ! eny Tompo izany no faniriako. Tsara izany hoy izy fa izaho no
vavahady. Niditra tao amin’ilay zaridaina aho, dia nioty voninkazo ary nataoko am-pehezany dia
nihazakazaka tany amin’ny faran’ilay zaridaina toy ireny zazavavikely ireny. Ny voninkazo dia maro loko
sy manana fofona hafa mihintsy. Rehefa nandao ny zaridaina dia nandia lalana volamena. (Bernarda
Fernandez)
- Volamena tena mamiratra ny any, mitovy amin’ny fitaratra volamena avokoa ny toerana sy izay rehetra
alehanao. Tsy misy masoandro sy volana any, fa fahazavana sy famirapiratana tsy hay jerena no eo
ambony. (Fabiola)
NY TRANO
- Misy karazan-trano maro samihafa hoy ny Anjely tamiko, io trano io dia trano tsy nataon-tanana sady
samy manana sokajiny, arakaraka ny ara-panahin’ilay olona ihany koa ny hangezany na ny hakelin’ny
trano misy azy. Ireo trano ireo dia milahatra ka ao no vita amin’ny vato kristaly fotsy sy mangirana no
sady madio no mahafinaritra, ao koa ireo vita amin’ny vatosoa sarobidy
mangamanga, maintso, mena, mavo tena tsara. Ireo hoy ny Anjely dia
tranon’olom-boavonjy. Misy amin’izy ireo olona mbola any ambonin’ny
tany fa miandry azy ho tonga aty. (Fabiola)
- Efa nahita fanorenana maro mampitolagaga ny hakantony teto an-tany
aho fa tsy misy an’ireny hampitahaina ny hatsaran’ilay honenantsika
rahatrizay, efa homanin’i Jesosy ho antsika. Hitako ny tranon’i Apostoly
Paoly. Trano tsara be no hipetrahany ary ny kapaotin’ny Tsitoha no
manarona azy. (Collet Percy)
Page 10
- Noentin’i Jesosy tamin’ny lalana fotsy madio manganohano aho. Nahatsikaritra trano fotsy maromaro
izay tena kanto tokoa aho teo an-daniny roa. Ny arabe dia mamirapiratra toy ny fitaratra. Ny fefy
manodidina io toerana io dia tena avo tokoa noho ireo trano.
Nanantona ny anankiray tamin’ireo trano ireo izahay. Nisy varavarana nikopa-droa izay voadidina
fitaratra ary ny sisiny dia voadidina volamena, ny zavatra voamariko manokana dia volamena ny
« Poignet ». Ireo toerana rehetra notsidihanay sy ny Tompo tao dia misy toerana malalaka izay tena tsara
tsy hay faritana. (Choo Thomas)
- « Avia fa hasehoko anao ny fonenanao ». Nidina ny arabe faran’izay tsara tarehy indrindra izahay, ka
tsy mbola hitako na azoko nofy izay toy izany ! Tery afovoany dia nisy lalambe tsara voaravaka fotodrofia sy voninkazo isankarazany rehetra. Teny andaniny roa dia nisy rofia sy voninkazo maro kokoa, ary
trano fonenana malalaka sy tsara tarehy maro. Tsy nisy roa nitovy, nefa samy sahala tamin’ny hakanto,
ary samy nahasarika izy rehetra.
Rehefa avy nentina niditra hizaha maromaro tamin’ireo i Nenitoa Maria (tsy nahitàko olona na dia iray
aza tao amin’ireo), dia hoy izy : « Mba afaka hanana trano anankiray tahaka an’ity ve aho ? ». Eny, hoy
ny valinteny. Tsy tsaroanao ve fa nilaza Jesosy hoe : « Ao an-tranon’ny Raiko misy fitoerana maro ? »
Ireo dia fanomezana maimaimpoana avy tamin’Andriamanitra avokoa. Tsy nanampy akory ianao mba
hahavitana azy ireo. Tsy misy olona afa-manao izany.
Dia nankao amin’i Nenitoa Maria izahay, ary rehefa avy nitety sy nizahazaha be ihany tamin’izany, dia
henoko izy nametra-panontaniana : « Fomba ahoana no mahatsara fanaka lavitra ny sasany noho ny
sasany ? » Namaly tsotra ilay anjely, « Tsy tsaroanao ve fa nilaza taminareo Jesosy hoe : Miharia
harena ho anareo any an-danitra ? » Ireo fanaka ireo dia tsy inona fa ny harena izay nalefan’ny tsirairay
ho aty an-danitra nandritra ny taona nifandimby. Tsaroanao ? Tsarovy---« Na dia rano mangatsiaka
eran’ny kapoaka aza noho ny Anarako ».
Raha nijoro nibanjina rindrina iray lehibe tsy misy na inona na inona tao an-trano madio i Nenitoa Maria,
dia nitodika teny amin’ilay anjely izy ka nanao hoe : « Mba maniry hanana anankiray amin’irony sary
hosodoko tsara tarehy sady be velarana tahaka izay hitako tao amin’ny iray tamin’ireo trano hafa re
aho, mba hataoko tandrify etsy ». Namaly ilay anjely : « Ireny dia tamin’ny alàlan’ny fanaovan-tsorona
be indrindra no namoronana azy ka tara be loatra izao ; efa dila ny andro azonao nararaotina ». (Past
Renus Olson)
- Nahita Anjely aho variana mandrafitra diamondra ngezabe ary mametraka izany amin’ny foto-trano tsara
dia tsara. Mirefy 30cm ny hateviny ary 60cm ny halavany. Kanto dia kanto izy ireo. Isaky ny mahazo
fanahy iray Andriamanitra, dia miampy iray ny diamondra apetraka amin’ny tranon’ilay nahazo fanahy
iray. Tsy misy asa foana, rehefa natao ho an’ Andriamanitra. (Mary Baxter)
- Saika manana ny tranony avokoa ny olona any am-paradisa (Jao 14. 12), na izany aza, dia misy ihany koa
ireo tsy manana. Ireo ankizy ihany dia tsy manana. Nanontany ny anton’izany tamin’ny Anjely aho dia
hoy izy : Toy ny olona eny an-tany manangona ireo fitaovana ilainy mba hanorenany ny tranony dia toy
izany ny aty an-danitra. Ireo ankizy dia mbola tsy afaka ny nanao izany satria mbola tsy tonga tamin’ny
taona maha-tompon’andraikitra azy. Nanontany aho hoe : Inona avy ary ireo fitaovana ilaina hanorenana
ny trano. Misy zavatra fito ireto tokony ataon’ny olona mba ahafahany manorina izany, hoy ny Anjely.
1- Ny fanaovany fiderana sy fanandratana an’Andriamanitra. 2- Ny fotoana laniny amin’ny famakiana
Baiboly. 3- Ny fotoana laniny hivavahana. 4- Ny fotoana laniny hitoriana filazantsara ho an’ny olona. 5Ny fanatitra ho an’ny Tompo. 6- Ny fanajany ny ampahafolon-karena. 7- Ny fotoana laniny hanaovana
amin’ny asan’ny Tompo ao am-piangonana amin’ny lafiny rehetra. Ireo no asa mendrika entina
hanangonana fitaovana hanamboarana ny fonenana any an-danitra. Raha misy tsy manaja izany dia tsy
mba manana fitaovana hanorenany trano izy. Nahita olona maro tsy nanan-trano aho. Nisy tamin’izy ireo
Pastera, Diakona, Loholona, sns…
Samihafa ny atao hoe famonjena sy valisoa. Nandeha tamin’ny toerana iray aho, ary nahita trano
fonenana maro vita tamin’ny vatosoa sarobidy sy tsy fahita firy aho. Ireo dia an’ireo olona izay nanompo
an’Andriamanitra marina tokoa fony izy tety an-tany. Ny sasany dia avobe mihoatra ireo trano
mijoalajoala ety an-tany. Tao amin’io toerana io dia tanora teo ho eo amin’ny 20-30 taona ny olona, tsy
nisy lahy sy vavy, tsy nisy marary na antitra na mandringa.
Page 11
Ny toerana manaraka izay hitanay dia ho an’ireo izay voavonjy tamin’ny fomba mahamenatra. Io
tanàna io dia lehibe lavitra noho ny tanàna izay misy ireo trano feno vatosoa sy tsy fahita firy. Lavitra ireo
toerana mahafinaritra hitako tany an-danitra io tanàna io.
Nahita tany efitra sy saha aho, ka nanontany ny Anjely hoe : Maninona no tsy mahita trano aho. Hoy ny
navaliny : Trano ireo hitanao ireo. Ary dia nahita trano lehibe fisaka
aho, toy ireny tranon’akoho na toerana fampiriman’entana ireny
aho. Tsy misy voninahitra no sady ratsy ireo trano. Ny tanàna sy ny
trano dia natokana ho an’ireo fanahy voavonjy tamin’ny fomba
mahamenatra. Nasehon’ny Anjely trano roa aho. Ny trano eo
ankavanana hoy izy dia ho an’ireo Mpitandrina teny an-tany. Ny
trano eo ankavia kosa dia ho an’ireo loholona fony teny an-tany.
Nanoloana ireo trano ireo izahay ary tena mahatalanjona tokoa. Ny zavatra tsapako voalohany raha
nanokatra ny varavarana hiditra tao izahay dia toy ireny toerana fasiana akoho ireny. Raha tokony ho
akoho no tao anatin’ilay trano kely dia fanahy no hitako. Nasain’ny Anjely nijery tsara aho satria maro
ireo Pastera malaza, manan-tantara no tao. Nanontany ny momba ity pastera koreana iray fantatro
hitako tao tamin’ny Anjely aho. Nalaza tokoa tamin’ny asan’ny Tompo izy io. Tsy fantatro hoe naninona
izy no tao ? Nilaza ny Anjely fa tsy nanome fitaovana nanorenana ny tranony mihitsy izy. Izany no
mahatonga azy monina ao amin’ny toerana iombonana. Liana ny te-hahalala aho ka nanao hoe : Fa
ahoana no mahatonga izany ? Maninona no tsy nisy fitaovana ? Hoy ny Anjely : na dia nanatanteraka ny
asa maha-mpitandrina azy aza izy dia tiany ny noderaderain’ny olona. Tiany ny hajaina sy hotompoina.
Tsy nisy fikirizana sy asa fanetre-tena. Tena noderaina fatratra tany Korea izy ary nataon’ny olona ho
tsangambaton’ny fivavahana kristiana tao Korea. Kanefa dia tsy nahazo valisoa !!
Nandeha tamin’ny toeran-kafa izahay ary naheno anjely iray aho nikiaka hoe : Misy fitaovana vao tonga.
Nanontany ilay Anjely teo ankavanako aho, ary hoy izy : Ireo dia an’ny diakona vavy iray ao amin’ny
fiangonana kely iray izay mpiray tanindrazana amiko. Mahazo fitaovana isan’andro izy aty. Na dia
mahantra aza izy dia tonga foana amin’ny asa fanompoana isa-maraina. Mivavaka ho an’ireo
mpikambana 87 tao am-piangonana isan’andro izy. Rehefa vita ny vavaka ataony dia manadio ny
fiangonana izy. Naheno kiaka nataon’ny Anjely iray koa aho : « livraison spéciale ! » Ny zanak’io diakona
io dia nanome ny vola kely tany aminy ho an-dreniny. Kanefa, tsy nolaniany ho azy izany fa novidianany
atody 5 sy bà kiraro 2 ho an’ny Mpitandrina ny fiangonana. Azo lazaina hoe fanatitra kely aza izany
kanefa dia nomeny avokoa izay rehetra nananany nandritra ny tontolo andro. Izany no maha-fitaovana
manokana azy ho an’ny tranony any an-danitra.
Nanontany kosa ny tranoko tamin’ny Anjely aho, ary niangavy ny hahita
izany saingy tsy nahazo alalana izy hoy ny navaliny. Rehefa nitalaho
fatratra aho dia hoy ny Anjely : Tsy maninona fa efa nomen’ny Tompo
fahafahana hijery izany indray ianao. Nandeha tamin’ny toerana lavitra
iray izahay ary dia feno fanantenana aho. Nefa toy ireny toerana andalam-panorenana izay tsy misy afa-tsy fototra fotsiny ilay izy. Nikiaka
aho : Fa nahoana no manao izany amiko ianao ? Fa inona no nitranga ?
Nahoana ny tranoko no anaty toeram-panamboarana ? Na dia nisy aza
ny ady tao Corée, izaho dia nivarotra ny hany trano fonenako mba
hanamboarana fiangonana. Efa mahatratra ho 5 000 ny isan’ny
mpikambana ao amin’ny fiangonana. Nanoratra boky maro araka ny
fitarihan’ny Fanahy Masina aho, ary be mpividy tokoa izany. Nanokatra sekoly kristiana tamin’ny vola azo
tamin’izany aho. Ny sekoly dia namoaka Mpitandrina 240 isa. Nandritra ny naha-mpitantana aho tao dia
nanome vatsim-pianarana tamin’ny ankizy mahantra miisa 400 aho. Nanorina trano ho an’ny mpitondra
tena aho. Volabe tokoa no nanaovako izany. Ary dia tena vala-ketraka aho. Hentitra ny valin-tenin’ny
Anjely tamiko : « Tsy mendrika ny honina toy ny iray amin’ireo trano tsara ireo ianao satria
nasandratry ny olona foana ianao. Isaky ny nahatsangana na nanao zavatra tsara ianao dia
noderaderain’ny olona. Noho izany dia zava-poana ny asanao ». (Voasoratra ao amin’ny Mat 6 . 1).
Tsy nisy afa-tsy rihana 3 ny tranoko. Feno efitrefitra kely ny trano teo amin’ny rihana 2 voalohany.
Nanontany ny Anjely aho fa maninona no feno efitra kely ? Ho an’ny zanakao ireo hoy ny navaliny. Efatra
ny zanako hoy ny navaliko. Tsia, tsy ny zanakao ara-nofo izany fa ho an’ireo olom-boavonjy izay
nitorianao filazantsara. Aiza ny tena efitranoko ? Eo ambony tafo hoy ny navalin’ny Anjely. Sadaikatra
Page 12
aho. Tsy mbola vita ny trano. Somary tsy faly aho ka niteny hoe : Maninona no kely sady sarotra vitaina ?
Hoy ny Anjely : Tsy mbola maty ianao. Tsy afaka mamita ny trano izahay na ny efitra satria tsy fantatray
raha mbola misy fitaovana azo indray. Azonao angamba izany ?
Rehefa niditra tao amin’ny efitrano izahay dia nahitra maripankasitrahana roa nihantona tamin’ny rindrina aho, ary
namaky izany. Ny voalohany dia tamin’ny izaho fony 18 taona
niaina tamin’ny toerana fitaizana zaza kamboty. Andro noely
tamin’izay, handeha hody iny indrindra aho rehefa avy nivavaka
maraina dia nahita olona antitra iray matin’ny hatsiaka teo andalana, nesoriko ny ankajo mafanako ary nomeko azy. Izany
zavatra izany dia nahazoako fankasitrahana tany an-danitra. Ny
mari-pankasitrahana faharoa kosa dia mitantara ny zava-nitranga tamin’ny nividianako mofo kely
tamin’ny vola kely tany amiko ho an’ny olona antitra iray. Tsy ny habetsahan’ny vola no resaka fa ny asa
izay natao tamin’ny finoana. (Rév Park Yong Gyu)
- Rehefa nandeha amin’izay izahay, dia hoy Jesosy: Izaho efa niteny taminao “Fa hasehoko zavatra
mahagaga tsy ho takatry ny saina ianao.” Vita izay teniny izay, misy trano be tonga dia mitsonika ho
azy. Misy maniry kely indray dia mitsonika. Hoy aho mantsy Azy: “Fa inona izao?” Hitanao iny trano
nitsonika iny? Misy olona miverin-dàlana eny ambonin’ny tany. Tonga dia mitsonika ao anatin’ny indray
mipi-maso izany trano izany. Misy maniry kely indray avy eo. Ary rehefa mandinika aho, ireo olona
sasany efa noentin’ny Tompo tany an-danitra koa, dia milaza hoe: miaina ny any. Fa ny fijeriko azy tsy
miaina ilay izy fa izay angamba ilay maniry ary tonga dia mitsonika. Ary toy izay foana.
Vao nihodina izahay ka nandray ny làlana ankavanana amin’izay, dia tena taitra be aho. Ary izay no
anisan’ny zavatra tena nahafaly ahy indrindra, fa nanoloana ahy teo nisy varavarana ary misoratra
amin’ny volamena ny “Nom” sy ny “Prénom”-ako. Tamin’izay fotoana izay, nentiny niditra tao aho.
Raha manontany ahy ianao hoe: Manahoana ny tao? Misy latabatra, misy fanaka ve? Tsy haiko ny milaza
azy ry zareo a! Fa tsara izany ary tena tsara. Io tany io hoatra ny “crystal” mangirangirana be, ary misy
vatosoa be dia be eny amin’ny rindrina. Tamin’izay fotoana izay hoy Jesosy: Hitanao, itony no irin’olona
fatratra: vatosoa, volamena eny ambonin’ny tany. Fa ahy ny vatosoa sy ny volamena hoy ny Tompo.
Hitako ilay tranoko dia nanana eritreritra aho hoe hijanona. Tena tsara ilay izy, ary na iza na iza angamba
mahita izany, tsy hisy hiteny intsony hoe: mbola hiverina aho fa hijanona daholo. Vita izay dia fantany ny
eritreritro hoe: hijanona aho.
Misy trano maromaro teny ampita, fa nisy anankiray izay mi- “décoré” tsara be ary misy sary sikotra
volamena sy zavatra hafa. Fa maninona no tsy mitovy ilay izy Jesosy? Hitanao io trano io ry Yves a! Io dia
natokako ho an’izay olona izay. Ny ataon’io olona io eny ambonin’ny tany dia manohana
Asan’Andriamanitra fotsiny. Ireny hitanao mitsonika ho azy ireny, fafan’ny Anjely ao anatin’ny Bokin’ny
fiainana ny anarany. Mampihetsi-po be ilay izy. Miteny amintsika fa raha te-hamantana trano tsara
ianao, TOHANO NY ASAN’ ANDRIAMANITRA. (Yves 2ème voyage)
NY TRANO NATOKANA HO AMIN’NY FAMPAKARAN’NY
ZANAK’ONDRY
- Andao fa hasehoko zavatra ianao, raha nandeha izahay dia nisy
tohatra miakatra, ary eo ambany eo misy trano fitaratra. Nojereko
ilay izy, misy latabatra mahitsy be ary io latabatra io misy vera ary
feno divay. Nijery tao an-kafa indray aho, io hoy Jesosy ny trano
handraisana rehefa tonga ny fampakarana. Ary efa vonona ny
zavatra rehetra ny amin’ny fampakarana. Ny zavatra nahagaga ahy,
ilay vera volamena dia efa feno divay avokoa. Hoy JESOSY, efa
vonona ny andro fampakarana fa ato amin’ity trano ity no
handraisana ny olona ampiakarina rehetra. (Yves 2ème voyage)
NY LAPAN’NY FIDERANA
Page 13
- Io no atao hoe “palais de louange”. Rehefa misy olona iray miova fo ka manolon-tena marina ho
an’Andriamanitra any an-tany any dia misy fiderana be ataon’ny anjely ao amin’io toerana io.
Misy zava-maneno maro be ilay toerana ary vita amin’ny volamena avokoa ireo zava-maneno ireo. Tsy
mbola misy fiderana aloha ao zao, hoy Jesosy mantsy an’i Yves, satria mbola tsy misy miova fo amin’izao
fotoana handalovanao eto izao. “Tena gravy be izany”, hoy Yves : Tany amin’ny helo, mirotsaka ohatra ny
“jackpot” ny olona, kanefa aty an-danitra toa mangina be…! Mbola vitsy ny olona miova fo marina ho
an’Andriamanitra. Mampihorin-koditra!, hoy ihany izy. (Yves 1er voyage)
NY ZAZAKELY MATY
- Raha misy reny namoy ny zanany, na ihany koa nafoy alohan’ny fotoana tokony hahatongavany eto antany (tsy tonga volana) dia miahy azy ireo Aho satria mahalala ny zavatra rehetra.
Amin’ny fotoana izay isian’ny aina ao an-kibon’ny reny, dia efa fantatro izany.
Fantatro avokoa ny amin’ireo zaza izay vonoina ao an-kibon’ny reniny. Ireo fanalanjaza ho an’ireo zaza tsy niriana, dia fantatro. Fantatro ihany koa ireo izay maty eo
am-piterahana ary ireo izay teraka ka tsy zarizary ny taova. Amin’ny fotoana
hiforonany, dia misy sahady ny fanahy. Ny Anjeliko dia midina eny an-tany ary
mitondra ireo zaza izay vao nindaosin’ny fahafatesana. Manana toerana aho izay
ahafahany mivelatra, mitombo, mahazo fahalalana ary ho tiavina. Omeko vatana
manampy ireo izay faritra banga aminy izy ireo. Omeko vatana omem-boninahitra
izy ireo. (Mary Baxter)
- Noentin’ny Tompo tamin’ny toerana iray feno zazakely miakanjo fotsy izay midera an’Andriamanitra aho.
Hitanao ve ireo zaza ireo hoy ny Tompo ? Ireo dia zazakely nalan’ny ray aman-dreniny sy ireo dokotera
mpamono olona. Ireo zazakely izay vonoina isan’andro ao an-kibon-dreniny ary hita eny amin’ny
fanariam-pako sy eny amoron-drano ireo. Aty izy ireo. Vao miforona ao an-kibon-dreniny ny zaza dia efa
misy aina sahady, maro nefa no toa manana saina mifanohitra amin’izany. Vao manan’anaka ao an-kibo
ny reny, dia efa manomboka ny fiainan’ilay zaza. (Bernarda Fernandez)
- Misy toerana lehibe voatokana ho an’ny zaza ao an-danitra « Fa an’ny toa azy ny
fanjakan’Andriamanitra». Lio 18. 16. Tsy misy lavin’Andriamanitra ireo zaza ireo, na inona na inona
fahotana izay nanodidina ny fahaterahany satria voasaron’ny fanavotana izy ireo. Na iza reniny, eny na
inona zava-bitany na niaretany, ny fiainana dia fiainana. Ny zaza maty teo am-piterahana dia efa aina. Ny
zaza nalana dia efa aina. Holazaiko aminareo ny amin’ireo zaza any an-danitra fa mahafinaritra. Omen’ny
Tompo fiainana izy ireo ary ataony mahatratra ny tsanganan’ankizy eo amin’ny 8-9 taona. Niantso ankizy
iray ny Tompo. Nantsoiny tamin’ny anarany izy (ireo izay tsy manana dia mahazo avy amin’i Jesosy), ary
avy eo dia nampofoany.
Vao torotoroina ny zaza dia tsy maty ny ainy fa miakatra avy hatrany ho any an-danitra. Ny aina izay
miatomboka dia tsy maty satria Andriamanitra no mpanome izany. Any an-danitra miaraka amin’i Jesosy
avokoa ireo zaza nalàna. Niaraka tamin’ny zaza iray mainty hoditra aho tany an-danitra, nijery ahy
tamin’ny masony mahafinaritra izy ary niteny tamiko. Fantatrao ve ny nolazainy ? : « Tiako ianao, tiako
ianao ! » Hiaina ny toa izany ianao rehefa tonga any. (Collet Percy)
- Ny arabe dia feno zazakely, ary matetika izy ireo miaraka amin’ny Anjely sy ireo reny mahatoky na olonkafa izay misahana ny fikarakana azy ireo. Faly avokoa izy
ireo. Ao anatin’ny fahasambarana tanteraka izy ireo, ary
hita misoritra amin’ny fitsikiny sy ny resaka mahafinaritra
ataony izany. Tsy misy sento na alahelo intsony any andanitra. Raha mba hitan’ireo reny ety an-tany mantsy hoe
manao ahoana ireo zaza izay nafoiny ankehitriny, dia tsy
hitomany intsony izy ireo fa kosa handray ny fepetra
rehetra mba hahatongavany any.
Misy zazakely maro trotroin’ny Anjely na ireo reny hafa
satria mbola tsy mandeha ny tongony.
Page 14
Mitombo hatreo amin’ny taona fahamatorany ireo zaza ireo any an-danitra. Misy Sekoly koa natao
hampianarana ireo zaza ka ny Anjely, ny Loholona ary ireo izay manana traikefa no mampianatra azy ireo
momba ny lanitra sy ny hira fiderana.
Voavonjy avokoa ireo zaza naterak’ireo tsy mpino na kristiana eran’ny tany rehetra raha mbola tsy
nahatratra ny taona maha-tompon’andraikitra azy izy ireo. Ireo zaza maty tamin’ny fahazazany sy ny
fahatanorany tao anatin’ny tsy fahalalana ny lalàn’Andriamanitra izay miteraka fanamelohana dia
mahazo fahasoavana maimaimpoana avy amin’ny fanjakan’Andriamanitra satria teraka tao anatin’ny
firenena tsy kristiana mbola tsy niposahan’ny mazava izy ireo. Saingy ireo izay teraka tao anatin’ny
firenena kristiana efa niposahan’ny mazava kosa dia manana adidy lehibe eo anatrehan’Andriamanitra
ary ny taona maha-tompon’andraikitra dia lasa aloha fa tsy mitovy. « Nahoana no maro ny ankizy avy
amin’ny firenena tsy kristiana no voavonjy kanefa ny Ray aman-dreniny dia very ? » Hoy ny
fanontanian’i Maria tamin’ny reniny. Ny Ray aman-dreniny hoy izy dia efa nahatratra ny taona mahatompon’andraikitra azy teo anatrehan’ny fahalalana sy fanapahan-kevitra tokony efa noraisiny.
Ny fampianarana ireo zaza dia hatrany amin’ny zavatra kely indrindra momba izao vanim-potoanan’ny
sivilizasiona moderina izao, ary koa ny tantaram-pamonjena. Ireo zaza hitanao ireo dia mbola kilasy
Maternelle sy ambaratonga voalohany toy ny ety an-tany. Mbola mila ampianarina zavatra maro izy ireo
mba hivelaran’ny sainy sy ny fanahiny. Fa ny mahagaga dia vetivety ny fandrosoany amin’ny fotoana
maha-zazakely azy ka hatramin’ny maha-olo-masin’ny lanitra tanteraka azy. (Seneca Sodi)
NY ANJELY
- Nahita Anjely nanara-maso ny dian’ny olom-boaavotra aho. Ngezabe io Anjely io. Tsy misy elatra ilay
Anjely. Ny fijeriko ny fitafiny dia fotsy ohatra ny rahona fotsy ireny. Ny tarehiny tsy hay jerena satria
mamiratra ohatra ny volamena. (Rambelo Gaby)
- Teo anilan’Andriamanitra sy Jesosy teo amin’ny seza fiandrianana, nisy Anjely anankiroa : Gabriela sy
Mikaela. Ny antony nahafantarako ny anarany dia satria misoratra amin’ny volamena eo amin’ny
andriny. (Jennifer Perez)
- Nasehon’i Jesosy ahy fa misy hetsika goavana ataon’ny devoly ary misy hetsika lehibe koa any an-danitra.
Nahita Anjely marobe tsy voatanisa aho vonona hiady hanohitra azy ireo. Ary hoy ny Tompo : « Halefako
ho any an-tany ireo Anjely marobe ireo. Hiaro ny vahoakan’Andriamanitra, hiaro azy amin’ny
fanafihan’ny devoly. Aza hadino hoy izy fa Andriamanitra mahery, raha miray aminy dia tsy hisy hanjo
anao ». Hoy ny Tompo : Hitanao ity no Arikanjely Mikaela, izy no mpitari-tafiko. Nahita tafika mahery
niaraka tamin’ny soavaly ihany koa aho. (Bernarda Fernandez)
- Nisy Anjely nitondra ahy nivaoka dia niaraka izahay dia nilaza izy fa Mikaela no anarany, lehiben’ny
mpitari-tafikin’ny lanitra izy. Izy no niady tamin’ny satana ka nanjera azy tety ambonin’ny tany noho ny
herin’ny ran’i Jesosy Kristy sy ny filazana Azy. Lehilahy lava ranjanana sady tsara tarehy ary vaventy, avo
noho ny Anjely rehetra. (Fabiola)
- Nahita anjely aho namaky ny horonan-taratasy mirakitra ny nataontsika tety an-tany aho. Ny anjely
sasany dia misy elatra, ny sasany tsy misy, ny sasany goavana, ny sasany kely, fa ny tarehiny dia samihafa
daholo, mitovy amin’olombelona ety an-tany. Azo nofantarina tamin’ny tarehiny ny anjely. (Mary
Baxter)
- Naseho ahy tohatra lava iray mampitohy ny paradisa
amin’ny lanitra eny ambony. Tsy mitohoka amin’ny tany fa
mihevaheva eny ambony. Nahita Anjely maro teo amin’io
tohatra io aho, ny sasany mankany amin’ny Paradisa, ny
sasany midina ny tohatra, seriny dia seriny avokoa izy
rehetra. Nanontany aho hoe: maninona izy ireo.
Irak’Andriamanitra ireo.
Page 15
Miverina manao tatitra aty an-danitra ny anaran’ ireo izay mino an’i Jesosy sy ny tsy mino Azy izy ireo.
(Moine Boddhiste iray)
- Nahita tohatra midina avy any an-danitra aho tonga ety an-tany, amin’ny tampony dia misy anjely midina
ety an-tany ary amin’ny tampony ilany misy ny miakatra any an-danitra, Ireo anjely ireo dia tsy manana
elatra fa samy manana boky iray avy izay misy anarana eo amin’ny fonony. Toa misy anjely manoro
toerana ny anjely sasany ary mamaly ny fanontaniana apetrak’ireo. Rehefa voavaly ny fanontaniana dia
tsy hita izy ireo. Miaka-midina izy ireto. Mpitondra Tenin’ Andriamanitra izy ary manatanteraka ny
Baikony. Hentitra sy feno fahasahiana ny fivezivezin’ izy ireto. (Mary Baxter)
« Ho hitanareo ny lanitra misokatra sy ny anjelin’Andriamanitra miakatra sy midina eo ambonin’ny
Zanak’olona » Jao 1. 51
«Indro, nisy tohatra niorina tamin’ny tany, ka nipaka tamin’ny lanitra ny lohany ; ary, indreo, nisy
anjelin’Andriamanitra niakatra sy nidina teo aminy » Gen 28. 12
NY AKANJO FOTSY
- Nijery niharihary ny tenany izy. Ny tsapany voalohany dia nanao akanjo fotsy lava tsy misy pentina izy
(Past Renus Olson).
- Nanolotra akanjo rongony fotsy ho ahy ny Tompo, ary niangavy ahy Izy mba hitafy izany. Nijery ny tenako
aho, ka hoy Izy tamiko : « Tsy misy maloto na miforitra, sa ahoana hoy ianao ? » Tsy misy olona mahazo
miditra ny vavahady, na mandray toerana amin’io latabatra io, raha tsy efa mitafy ity akanjo ity. Izay
fiainana tsy ho hitan’ izay lavitra an’Andriamanitra. Maro ireo olona eny an-tany no mandoto ny
akanjony, ny an’ny sasany haforiporitiny, ny an’ny hafa indray avelany hipirina ka adinony. Lazao
amin’ny oloko fa izao no fotoana : hanasana ny akanjo ho an’ireo izay nandoto izany, hipasohana azy
ihany koa ho an’ireo namoritra izany, ary handraisana azy ho an’ireo izay nanadino izany. Tokony
hangataka mandrakariva ny Fanahy Masina izy ireo hanampy azy mba ho vonona mandrakariva izany
akanjo izany. Fa efa akaiky ny andro izay ankalazaina ny fampakaram-badin’ny Zanak’ondry ao amin’ny
fanjakan’Andriamanitra. (Bernarda Fernandez)
- Tianao ho hita ve hoe : Aiza no karakaraina ny akanjo mahafinaritra fitondra amin’ny andro lehibe ny
fampakarana ? Ohatra niherika kely aho dia nahita ny Anjely manjaitra azy amin’ny fanjaitra. Asa
faran’izany lafatra indrindra tsy mbola fahita mihitsy. Ny tanan’ny Anjely no manamboatra izato akanjo.
(Collet Percy)
NY SATRO-BONINAHITRA
- Nisy satro-boninahitra teny an-tanany, ary napetrany am-pifaliana teo ambonin’ny lohako. Avy eo aho
nentiny tamin’ny toerana iray atao hoe : Fitaratr’Andriamanitra. (Bernarda Fernandez)
- Rehefa mitaona olona maro ho any an-danitra ianao dia lehibe sy feno kintana ny satro-boninahitrao.
Samy manana ny azy ny tsirairay avy fa tsy mitovy akory. Ny an’ny sasany tena feno kintana mamiratra
maro sady lehibe. Ny an’ny hafa kosa zara raha misy kintana telo. Ny tsirairay dia manana kintana. Ireo
dia arakaraka ny fanahin’olona voataonanao ho an’Andriamanitra. (Ra-Tiana)
- Dia nentin’ny anjely tamin’ny tànany Nenitoa Maria ho any
amin’ny EFITRANO FANASATROHAM-BONINAHITRA. Eto dia
feno satroboninahitra kanto dia kanto ireo etazera, ary raha
nandinika azy ireo i Nenitoa Maria, dia nanontany hoe :
« NAHOANA ny sasany no manana vatosoa betsaka kokoa
noho ny hafa, ary ny sasany indray dia tena tsy misy
vatosoa mihitsy ? ».
Page 16
Tsy mba nahita izay singam-batosoa teo amin’ny satroboninahitr’i Nenitoa Maria aho. Nefa na izany aza
dia tena tsara tarehy izany, ary rehefa avy namaly azy ilay anjely tamin’ny hoe : « Ny vatosoa dia ny
fanahin’olona izay azonao ho an’i Kristy », dia napetany teo an-dohan’i Nenitoa Maria ilay
satroboninahitra ka omby azy tsara, ary hita toa afa-po izy. (Past Renus Olson)
Rehefa niala teo izahay dia nahita satro-boninahitra tao amin'ny trano teo akaiky teo ihany, tena
namiratra tokoa ireo sady maro karazana, fa tsara mihoatra noho ny tena volamena aza, fa saingy misy
kely dia misy lehibe, misy kintana maro mandravaka azy ireo arakaraka ny olona nitorianao ny
fahamarinana ka nibebaka niala tamin'ny ratsy fanaony ka nandray an'i Jesosy Kristy ho Tompo sy
mpamonjy ny fiainany manokana, dia ny isan'ny fanahin’ olona notaominao no isan’ny kintana eo
amin'ny satro-boninahitrao. Marihina fa ny olona tompon'ireo seza sy satro-boninahitra ireo dia tena
Kristiana marina mbola eny ambonin'ny tany fa amin'ny fotoana hialany dia omen’I Jesosy azy ireo, ka
satrohany ny lohany. (Fabiola)
NY FIHAONANA TAMIN’IREO OLON’NY LANITRA
- Ary ny Tompo niteny tamiko hoe : Izao hitanao izao no Paradisa. Hitako ireo Apostoly rehetra niaraniaina tamin’i Jesosy tety an-tany. Nanontany an’ny Tompo aho hoe : Aiza i Abrahama ? Nanantena
hahita lahiantitra iray aho. Kanjo hitako, iny tovolahy 25 taona eo ho eo.
Hoy ny Tompo : Ity Abrahama rain’ny finoana. Aty an-danitra mahafinaritra dia tsy misy ambony noho ny
hafa fa mitovy avokoa. Izay rehetra aty dia samy midera sy mankalaza an’Andriamanitra.
Niantso vehivavy iray izay ny Tompo, tena fatratra ny hatsarany fa tsy toy ireo vehivavy hitako tany. « Ity
no Maria » hoy Izy. Lazao amin’ny olon-drehetra fa tsy mpanjakavavy ny lanitra izy akory. Ny mpanjaka
aty an-danitra dia Izaho Mpanjakan’ny Mpanjaka, Tompon’ny Tompo. (Bernarda Fernandez)
- Hita tao avokoa ireo olom-boaavotra maro, tsara tarehy, mitovy avokoa ny fitafian’izy ireo, fotsy lava be.
Olona maro be tena feno tsiky sady tsara tarehy indrindra. Madio feno ny voninahitr’Andriamanitra.
Ohatra ny olona tsy nitoetra tety an-tany ny fahitana an’izy ireo. Hafa mihitsy ny fomba fiainany. Betsaka
ny olona any fa ny zaza sy ny lehilahy no tena maro, fa ny vehivavy kosa vitsy ihany. Nisy vehivavy iray
izay navelan’ny Anjely niresaka tamiko. Hoy izy : « Izaho no vehivavy mahantra indrindra aty andanitra, satria betsaka ny olona no manandratra ahy ho Andriamanitra ». Raha ny marina dia
hivavahan’ny olona ity vehivavy ity. Maria io. (Fabiola)
- Nahalala ireo olon’Andriamanitra maro nanana ny naha-izy azy aho tany any an-danitra. Hitako tany ireo
Pasitera mendrika sy Patriarka (Raiamandreny), ireo Apostoly sy ireo Mpaminanin’i Tompo Jesosy.
Nifanena tamin’i Joba, ilay patriarka aho izay nitenenan’Andriamanitra hoe : « Taiza àry ianao (ry Joba),
fony aho namorona ny tany ? » (Joba 38. 4). Hitako Simeona ilay nandray an’i Jesosy zaza ka niteny
hoe : « Tompo ô, ankehitriny ny mpanomponao dia alefanao amin’ny fiadanana araka ny teninao ; fa
ny masoko efa nahita ny famonjenao… » (Lio 2. 29-30)
Hitako ihany koa ny Apostoly Paoly. Tena olona manana ny maha-izy azy any an-danitra. Eo
anatrehan’Andriamanitra Abrahama, hitako tany izy sy Saraha vadiny. Teo anilako Elia, Elia ilay
nampakarina tamin’ny kalesy afo. Ireo olona mainty hoditra sy sinoa, frantsay sy Rosiana ary Jiosy dia
samy any avokoa, tena finaritra izy ireo any an-danitra.
Avy eo, indro hitako nanantona ahy ny reniko. Nifampiarahaba izahay ary nanoraka ahy izy. Avia handihy
ry Percy dia nandihy izahay, tena dihy izany. Marihiko fa tsy mba nandihy mihintsy izy fony teny an-tany,
ary tsy misy antony nandihiziny na nieritreretany izany akory.
Ny fiverenako tany an-danitra telo andro ohatra ny ety an-tany dia niresaka tamin’ireo olona tany aho.
Anisan’izy ireo ny reniko ary koa Maria renin’i Jesosy. Sambatra aho aty ry Percy. Tsy fantany fa efa
hiverina ho aty an-tany. Nangataka taminy aho hoe : mama, tsy tianao ve raha hiaraka hiverina amiko
ianao ? Hoy ny valin-teniny : Tsia, tsia, tsia, tsy te-hiverina any amin’ny toerana feno fahoriana iny aho.
Nisy tamin’izy ireo ihany koa noresehiko lahatra mafy tsirairay. Fa tsy nisy na dia iray aza te-hiaraka
amiko hiverina ho ety an-tany. (Collet Percy)
Page 17
NY SEZA FIANDRIANANA
- Avy eo dia nahita ny seza fiandrianana aho, feno Anjely ny manodidina azy. Ireo Arikanjely sy Serafima,
izay tsy mitsahatra manome voninahitra an’ilay mipetraka eo amin’ny seza fiandrianana. Hoy izy ireo :
« Masina, masina, masina Jehovah Tompon’ny maro. Henika ny voninahiny ny tany rehetra. Amen ! »
Misy rano velona mivoaka avy eo amin’ny seza fiandrianany. Hitako ny hazon’aina, nahita avana sy
ranomasina toy ny kristaly ihany koa aho. Nanontany an’ny Tompo aho : « Iza io mipetraka eo amin’ny
seza fiandrianana io ? » Hoy ny navaliny : « Io no Raiko, Ilay Tompon’ny tafika ». Avelao aho mba ahita
ny Ray mantsy Azy. Tsia hoy Izy : Tsy mbola fotoanany izao. (Bernarda Fernandez)
- Niditra tamin’ny trano iray izay tena tsara izahay, tsy nataon-tanana ny fahitako azy. Rehefa niditra izaho
sy ilay anjely, dia nisy feo nilaza taminay hoe manatona aty, dia nisy hery nanintona ahy ho eo
anatrehan’ ilay olona, ka lavo niankohoka aho, potraka tsy nahajery Azy aho, dia hoy Izy: "mitrakà" dia
nitraka aho, ka nahita lehilahy nitoetra tamin'ny seza fotsy lehibe, lava ranjanana, manao lamba fotsy
madio manjopika sady misy sikina volamena eo amin'ny tratrany. Tahaka ny masoandro mamiratra
amin'ny heriny ny tarehiny, toy ny lela afo mirehitra ny masony, ary ny tanany sy ny tongony kosa dia
toy ny lokom-barahina manganohano madio. Ny feony dia toy ny feon’ olona maro be, mampatahotra
ny mahita azy. Tsy vitan'izany fa misy avana maro loko manodidina Azy, misy anjely marobe ao
aoriany izay mitazona trompetra volamena sy volafotsy. (Fabiola)
- Ny lalana mankany amin’ny seza fiandrianan’ny Ray dia vatosoa tsara tarehy avokoa. Hitako ilay seza
fiandrianan’ny Ray izay volamena. Nipetraka teo ambonin’io seza io Izy, manjelatra be ny lohany, tsy hay
jerena izany fa ny tongony no hitako. Teo ankavanan’izany seza nisy ny Ray masina izany dia nisy seza
volamena iray tsy nisy an’iza na an’iza izany. Mazava ho azy satria Jesosy mbola niaraka tamiko nanao
« visite ». Nanontany aho hoe : « Inona Jesosy no ataon’ireo olona manoloana
ny seza
fiandrianan’Andriamanitra Ray ireo ? » Toa miankohoka miaraka ny Anjely. Hoy ny navaliny :
« Mivavaka isan’andro isan’alina ho an’ny olona eny an-tany ka mitondra am-bavaka ny olona izy
ireo. » (Yves)
- Rehefa nijery aho dia hitako ny Ray teo anoloako. Tsy afaka nijery ny tarehiny aho noho ny voninahiny.
Tena mahafinaritra sy mamirapiratra be. Ny fahazavany no manazava ny lanitra. Tsy misy masoandro na
volana na kintana any. Izy no fahazavana. Hitako ny tenany, ary ny tenany dia ao amin’ny Zanaka. Iray izy
ireo (ny Ray sy ny Zanaka). (Jennifer Perez)
- Rehefa nanohy ny dianay izahay dia nihamafy ilay feon-kira. Tsy ela dia hitako ilay noheveriko. Seza
fiandrianana fotsy lehibe manjopika toy ny diamondra. Tsy azoko nofaritana raha nisy nipetraka teo
ambonin’ny seza fiandrianana na tsia. Mamiratra loatra izany ka sarotra tamiko ny mibanjina azy. (Past
Renus Olson)
- Tazany ny mpamonjy teo ambonin’ny seza fiandrianana feno famirapiratana sy voninahitra.
Nodidinin’ireo olona efatra ambin’ny roapolo sy olona marobe tsy tambo isaina. Teo anivon’izany ireo
Patriarka, Mpaminany, Apostoly, ary ireo Misionera efa maty tao anatin’ny fanjanahantany. Ankoatra ny
maro hafa izay nolazaina. Ary dia notronon’ilay Anjely izay nanompo azy. Ny anaran’ireo antokon’olona
ireo sy ny fahitana azy ireo dia hahafantarana azy. (Misionera Robert Young)
NY TOERAM-PITSARANA
- Nahita trano lehibe iray izahay, trano boribory vita amin'ny vatosoa maro loko sady mitovy amin'ny trano
fitaratra nefa vita amin’ ny vato ka mangarangarana sady madio no mamirapiratra ery ny endriny, io no
tranon’ireo loholona 24 hitsara ny firenena rehetra, izy ireo dia mitoetra amin'ny seza fiandrianany
tsirairay avy, ka misy vato fïsaka roa lehibe, izay misy ny didy folo ary misy karazana zavatra manan’aina
isan-karazany eo anoloan’izy ireo. Nilaza ilay anjely fa raha misy olona tsaraina dia mijoro eo
anatrehan'izy ireo ka ny anjely eo ankilany avanana ary satana eo amin'ny avia ka raha Kristianina marina
izy, dia Jesosy Kristy no mpisolo vava mifona ho azy eo anatrehan'ny Ray.
Page 18
Fa raha Kristianina tsy marina izy dia afatotra dia atsipy miaraka amin'ny fatorana any amin'ny helo, fa
any no misy fitomaniana sy fikotroha-nify. (Fabiola)
NY FIDERANA
- Nitohy nandroso ihany izahay ho eo amin’ny trano lehibe iray izay feno olona maro tao anatiny. Ny
fantatro dia ny olo-masina izay nofidian’Andriamanitra ireo. Nidera sy nanome voninahitra an’i Jesosy
mipetraka amin’ny seza fiandrianana izy ireo. Nidera an’Andriamanitra tamin’ny fony izy ireo no sady
mandihy, manandran-tanana ary mandohalika. Tao anatin’ny foko dia niteny toy izao aho : « Raha mba
midera sy manome voninahitra an’Andriamanitra tahaka izao ny eny ambonin’ny tany dia ho faly
Andriamanitra ». Nahita olona maro nitomany teo am-piderana an’Andriamanitra aho. Dia nitsiky Jesosy
mahita azy ireo midera Azy amin’ny fony rehetra. Manangana ny tanany manandrify an’i Jesosy izy ireo,
ary Izy kosa dia mitahy sy mitso-drano azy. Taorian’ny fanompoam-pivavahana dia niaranitsangantsanana taminy Jesosy ary namafa ny ranomasony rehetra. (Brani Duyan)
- Nahita seza maro izahay teo aoriana, teo ankavanana sy ankavian’ ny seza fiandrianana. Manao
ambaratonga toy ireny amin’ny trano fanaovam-pety ireny ireo seza. Hitany fa feno ireo mpihiran’ny
lanitra izany. Teo am-pidirana ireo mpihira ary milahatra manaraka laharana mirindra tanteraka izy ireo.
Samy mitondra « harpe » volamena ny tsirairay. Avy eo dia feno ny seza. Ireo mpihira ireo dia ireo
mpitarika antokom-pihira mahatoky fony teny an-tany. Nefa maro tamin’izy ireo ihany koa no mbola tsy
nihira mihitsy tamin’ny fampisehoana teny an-tany. Noho ny hakanton’ny feony any an-danitra, izay efa
notaizany ihany koa tamin’ny fiderana an’Andriamanitra fony tety an-tany dia voafidin’ireo loholona izy
ireo tamin’ny fotoan-dehibe izay natao hitahiana ireo fanahy any an-danitra. Nijery tsara aho, ary indro
hitako ny ankamaron’ireo loholona naka toerana. Maro tamin’ireo izay hitako no tao, ary niarahaba ny
rehetra tao tongasoa izy. Nianoka tanteraka tao anatin’ny hatsaran’ny fiderana aho. Indro tonga teo
amin’ny seza fiandriana ny Tompo Jesosy, niaraka tamin’i Mosesy sy Paoly. Naka toerana teo
anilan’Andriamanitra Ray izy. Fa i Paoly sy Mosesy kosa dia naka toerana teo amin’ny loholona. (Seneca
Sodi)
- Nentiny ho ao amin’ny trano anankiray aho, fa talohan’ny nidiranay tao dia indro henoko ny fiderana
HALELOIA tsy mijanona. Ary misy lehilahy iray mitsoka “flute” sady mandihy. Iza io hoy aho tamin’ny
JESOSY? Ho fantatrao ihany ny anaran’io any aoriana any. Misy Groupe adorateur de louange any. Ny
zavatra mahagaga ahy, tsy misy ratsy feo izany any. Mihira eo ry zareo, ary tena tsapanao fa izany ny
hoe: tena “Adoration” na “fiankohofana”. Hitanao izao ry Yves, hoy Jesosy, Izao no “Atmosphère” an’ny
lanitra. Ary io zavatra io ilay nampanantenaiko anareo. (Yves 2ème voyage)
NY HELO
NY TOERAM-PIJALIANA
- Ny varavarana misy rojo be. Nanantona ilay varavarana ny Tompo dia nalany ireo roJobae. Nasainy
niditra aho, sady maika izy. Tonelina lava be ka tsy hita izay hiafarany. Talanjona aho raha nahita ireo
zavatra nisy hitan’ny masoko. Nahita olona maro tsy tambo isaina aho, mitanondrika, efa rovidrovitra ny
akanjony, mifatotra roJobae ary nihiakiaka mafy tsy ifandrenesana noho ny fahoriana mangeroka
mahazo azy. Dia hoy aho tamin’ny Tompo : Fa inona no dikan’izao Tompo. Dia hoy izy namaly ahy :
Fanahin’olona ho any amin’ny Helo ireo. (Bernarda Fernandez)
- Hoy Jesosy : Ry Zanako, ny fahoriana rehetra eny ambonin’ny tany raha atambatra amin’ny toerana iray
dia tsy misy dikany mihoatra ny fahorian’ny fanahin’olona iray aty amin’ny helo. Eny an-tany dia azo
lalaovina ny afo, any amin’ny afobe : tsy misangy. Ampijaliana amin’ny hetaheta tsy zaka, tsy mety afa-po
izany hetaheta izany tahaka ilay mpanankarena sy lazarosy. (Kolombiana 7 mianadahy)
Page 19
- Ny Helo dia misy afobe miredareda, 20 metratra eo ho eo
no haavon’ny lelafo ka mandoro sy mampijaly. Tena mijaly,
mikotro nify ny fanahin’olona any. Ny Helo afo dia farihy na
fotaka mainty sady maimbo no maloto, hatreo amin’ny
valahan’ny olona. Misy kankana madinika hatreo amin’ny
tenda na vozon’olona. Lazaiko anao fa ny kankana dia
mampijaly an’ireo fanahiny ireo. Miditra amin’ny orona,
mivoaka amin’ny vava. Miditra amin’ny maso, mivoaka
amin’ny sofina. Goaka mihintsy ny maso sy ny orona ary ny
vava. (Fabiola)
- Nahazo iraka aho, hoy ilay anjely, dia ny hitondra anao indray ho any amin' ny tontolo any ambany, any
amin' ny faritry ny tanin' ny mpanjakan' ny fahamaizinana. Hahitanao ny tambin' ny ota, sy ny zavatra
nomanin' Ilay Fahamarinana mamerovero ho fitsarana ny fihodinan' izy ireo, izay naniry hanandratra ny
tenan'izy ireo ho ambonin' ny seza fiandrianan'ny Avo Indrindra. Any no misy an’ireo fanahy
mpampihemotra eny amin’ny rivotra, mampatahotra ny endriny. Voadidin’ny aizim-pito mbola mainty
noho ny alina, miaraka amin’ny fofona tena ratsy. Manempotra lavitra ny solifara mirehitra. Mandilo
sofina ny fikiakiakany, mampatahotra ireo fanahy voazona. Ny halozan’ireo mpampahory dia zavatra
hafa, izay manampy trotraka ny fangirifiriany. Ny mpampahory dia devoly tsy misy fitserana, satria mijaly
koa izy ireo dia mba maka fahafinaretana amin’ny fampahoriana ireo fanahy very. (John Bunyan)
NY FAHATONGAVANA ANY AMIN’NY HELO
- Naheno feo mikorintsana toy ireny masinina filokana
ireny aho (Jackpot). Nanontany an’i Jesosy aho hoe :
Inona izany ? Andao, fa entiko any mihitsy ianao izao
hoy Jesosy. Niditra teo amin’ilay efitra nahenoana
an’ilay feo izahay. Akory ny hatairako nahita ny
filatsahan’ireto olona tety an-tany ho any amin’ny
helo. Toy izao no fahatongavan’ny fanahin’ireto
olona ireto aty amin’ny helo hoy Jesosy. Tsy
mahatsapa mihitsy izy ireo amin’ny voalohany hoe
tonga aty amin’ny helo. Rehefa sarangotin’ny devoly
vao tonga saina hoe : Tena aty amin’ny helo aho.
Tora-kovitra nefa tsy afaka ho aiza intsony. (Yves)
- Nitohy nandroso hatrany nanaraka an’i Jesosy izahay. Eny lavitra eny dia nahita zavatra marobe
milatsaka tahaka ny potin-jazatra. Rehefa nanantona izahay dia olona milatsaka ho any amin’ny helo.
Olona marobe vao maty nefa tsy nanana an’i Jesosy ho Tompo sy Mpamonjy ny fiainany. Nahita devoly
marobe izahay nihazakazaka nanantona tovolahy iray. Nanomboka namotika ny vatany, teo ihany dia
feno kankana ny tenany. Nikiakiaka izy hoe : Tsia inona ireto ! Ajanony tsy haniry aty aho ! Ajanony izao
nofy ratsy izao ! Esory aty amin’ity toerana ity aho. Tsy fantany akory fa efa maty izy. Ary maty tsy
nanana an’i Jesoa. Nipoitra teo amin’ny andriny ny marika 666 (Apok 14. 11) ary ilay takelaby teo
amin’ny tratrany. (Kolombiana 7 mianadahy)
«Taitra ny fiainan-tsy hita any ambany noho ny aminao mba hitsena anao amin’ny fihavianao.»
(Isa 14. 9)
«Midina any amin’ny vavahadin’ny fiainan-tsy hita.» (Joba 17. 16)
«Ny fiainan-tsy hita sy ny fandringanana tsy mety voky.» (Oha 27. 20)
«Ary ny setroky ny fijaliana dia miakatra mandrakizay mandrakizay.» (Apok 14. 11)
Page 20
NY FITIAVAM-BOLA
- Fanahy very anankiroa nampahorian’ny demonia iray izay tsy mitsahatra nandetika azy ireo tao anaty afo
mitsiranoka ary mirehitra solifara. Mifampiampanga sy mifanozona noho ny fitiavam-bola sy ny
fisolokiana izy roalahy. Hoy ny iray tamin' ilay namany niara-nampahoriana sy niara-nampijaliana taminy
: Ho voaozona anie ny tavanao, mba tsy ho hitan' ny masoko mandrakizay ! Ny fijaliako dia avy taminao ;
ho afa-misaotra anao noho izany aho, fa ianao no namandrika ahy toy izao. Ny fitiavam-bolanao sy ny
fisolokianao ary ny fampahorianao sy ny fanorotoroanao ny mahantra no nitondra ahy ho aty. Raha
mba nanome ohatra tsara ahy ianao tahaka izay nanomezanao ohatra ratsy ahy dia mba ho tany andanitra aho toy izay, ary ho sambatra tany, tahaka izay ahantrako aty ankehitriny. Saingy indrisy fa
nahantra aho ! Ny fanarahako ny dian-tongotrao dia nahatonga ahy ho amin' izato fahantrana izato, ka
nanimba ahy mandrakizay. Eh ! raha mba tsy nahita ny salovan-tavanao aho, na inay anie ianao mba tsy
nateraka mihitsy hanisy ratsy ny fanahiko toy izay efa nataonao. (John Bunyan)
NY MPILOKA
- Ny mpiloka dia miloka karatr’afo mandrakizay. (Fabiola)
- Nahita karazam-pilokana lehibe indrindra izay tsy hay heverina na oviana na oviana aho. Nangorovitsika
aho. Fomba filokana izay azoko antoka fa tsy mbola nampiasaina tety ambonin’ny tany no tao. Nisy
antontam-bolamena sy volafotsy ary vatosoa nisavovona, ary dia nilokan’ireo fanahy very izany. Niloka
an-katezerana fatratra izy ireo. Isak’izay mikasika ny vola dia mahamay izany, ka mihemotra izy ireo. Nefa
misy hery tsy hay tohaina mitarika azy ireo hiloka indray. Nankaleo azy ireo izany, nankahalainy, niriny ny
handositra izany, nefa tsy azony natao. Toy ny misy herin’andriamby nihazona azy tamin’ilay toerana.
(Lorne Fox)
- Teo amin’ny toerana voatokana ho an’ny mpiloka izahay. Io toerana io dia mitovy ny any amin’ny
toeram-pilokana ireny, misy latabatra, roulette, eny na ny teny ampiasain’ny mpampiloka ao aza dia
mitovy ny any mihitsy. Ny maha-samihafa azy dia izao: iny karatra hitanao ety an-tany iny dia miova ho
afo, ary tsy maintsy milalao an’iny karatr’afo iny ilay olona. Ny any amin’ny “roulette” indray dia ny
“jeton” izay solon’ny vola ampiasaina dia miova ho vaingan’afo ihany koa. Asain’ny devoly mandray an’io
ary asainy apetraka amin’ny marika eo ary tsy maintsy mandray izany. Raha misy tsy mandray izany dia
misy devoly eo akaiky eo izay mitazona vy lavabe feno tsilo ka velesiny amin’io, ary dia miraikitra amin’ny
nofon’ilay olona ilay tsilo ary sintominy indray avy eo. Manaintaina mafy izy ireo amin’izany. Ny mpilalao
kodia kely dia milalao izany ary hita eo ny tarehimarika 1,2,3,4,5,6 saingy miova ho vaingan’afo izany
nefa dia tsy maintsy raisina ary dia may izy ireo avy eo. Rehefa avy eo dia entiny fatorany eo amin’ny
“Poteau” iray ilay olona, ary misy zavatra tsindriany dia mivoaka afo be ilay toerana. Vokatr’izany dia
mitsonika ka miraraka ny nofon’ireo olona ireo. Karana sisa no hita eo, nefa afaka 3 sengondra dia
maniry nofo indray. Avy eo dia atsipiny ao amin’ny farihy afo toy ireny volkano ireny ka karana sisa no
tavela. Vita izay dia averiny milalao indray ao amin’ny toeram-pilokana. (Ra-Tiana)
NY MPANGALATRA
- Nahita vehivavy feno fotaka aho, ary ilay fotaka feno kankana. Volo vitsy sisa tavela teo amin’ny lohany.
Ny kankana mihinana sy manaikitra azy. Nikiakiaka izy hoe : Tompo ô ! mamindrà fo amiko, ary mamelà
ny heloko. Jereo aho ! mijaly loatra aho. Esory ireto kankana ireto, esory amin’ity toeram-pijaliana ity aho
fa marary loatra. Nitondra takela-by ihany koa izy. Tahaka an’ireo fanahin’olona tao amin’ny helo. Ny azy
misy soratra hoe : Aty aho noho ny halatra. Nanontany azy ny Tompo hoe : Magdalena fa maninona
ianao no aty ? Namaly izy hoe : Tsy mampaninona ahy ny mangalatra satria ny tena zava-dehibe amiko
dia ny firavaka sy ranomanitra lafo vidy. Tsy mampaninona ahy mihitsy ny mangalatra fa rehefa tsara
tarehy dia tsy olana. (Lupe Kolombiana 7)
- Rehefa nisokatra ny varavarana dia nahita rindrina lehibe aho. Misy olona amin’arivony maro mihantona
amin’ny faraingo ka mifatotra amin’ny rindrina. Nahita olona marobe mitsangana tao anaty afo koa
izahay. Rehefa niresaka izy dia fantatro fa lehilahy. Akanjona Pretra rovidrovitra be no nanaovany.
Page 21
Ny kankana mandehandeha eran’ny vatana, ivelany sy anatiny, kila ny afo tanteraka izy. Mivoaka ny
fitoeran’ny masony ny kankana, miempo ny hodiny ka miraraka amin’ny tany. Rehefa miraraka ny hodiny
dia mitsiry indray. Hoy izy : Tompo ô ! mamindrà fo amiko, miangavy aho. Alao aho hivoaka ato na dia
fotoana fohy fotsiny aza, na dia iray minitra aza. Nanontany azy Jesosy hoe : Iza no anaranao ? Andrew
hoy izy. Hoy ny Tompo : hafiriana ianao no taty ? Efa ela be tokoa. Nolazainy fa izy no niandraikitra ny
fitantanana ny ampahafolony (dîme) ary niandraikitra ny fizarana ny vola ho an’ny sahirana tao amin’ny
fiangonana katolika nisy azy nefa dia nangala-bola izy tamin’izany. (Sandra - Kolombiana 7)
- Nasehon’ny Tompo ahy vehivavy anankiray fantatro, tokony ho 50 taona eo ho eo. Lozam-piarakodia no
nahafaty azy tamin’ny fiandohan’ny taona 2005. Tena tohina mafy aho nahita io vehivavy io any amin’ny
helo satria fantatro fa tena olona natahotra sy nanana fitiavana an’Andriamanitra izy teo amin’ny
fiainany. Niteny tamiko ny Tompo fa io vehivavy io dia tia Azy ary Izy koa dia tia azy. Nanompo Azy izy
tamin’ny fahavelomany teny ambonin’ny tany, ary nahataona olona maro ho an’ny Tompo izy ary
nahafantatra tsara ny Tenin’Andriamanitra. Nanohina ahy indray izany Tenin’ny Tompo izany, ary
nanontany Azy aho hoe nahoana no olona tena nanompo Azy teny ambonin’ny tany no hamarana ny
fiainany sisa aty amin’ny helo.
Nangataka tamin’ny Tompo aho hanambara amiko ny fahotàna izay nataon’io vehivavy io tamin’ny
fahavelony. Dia nanazava Izy: “ Io vehivavy io dia nanana namana infirmier tao amin’ny Hopitaly
Oshakati”. Rehefa marary izy, dia tsy mba nihevitra ny handoa ara-dalàna ny saram-pitsaboana azy.
Miantso ilay namany izy mba hikarakara ny fanafody itsaboana azy. Ary nanontany azy ilay namany izay
fotoana mampalalaka azy handehanany aty amin’ny Hopitaly. Tamin’ny voalohany dia nanaiky ny lainga
sy ny fitaky ny devoly izy ny amin’ny fahotàna kely sy lehibe ary nandà ny fahamarinako. Nitarika olona
hafa ihany koa izy hanota, hangalatra ho azy. Ny tena zava-doza, dia nampalahelo ny Fanahy Masina izy.
Izany no antony nahatonga azy aty amin’ny helo. (Victoria Nehale)
NY MPANDAINGA
- Nandalo teo anoloan’ny fanahy maro izahay, ary nisy tanana afo maro nanantona an’i Jesosy. Tsy misy
afa-tsy taolana izay efa mandevom-potsin’ny afo sisa. Ao anatin’izany dia misy fanahy tena efa levon’ny
afo ka migadra ao mandrakizay. Tsapa mihitsy ao anatin’ny hikiakany ny zavatra iainany ao anaty afo sy
kankana sy ny fahoriany ary ny fahamoizam-pony. Nisy vehivavy iray nangataka an’i Jesosy hanala azy
tao anaty afo. Nijery azy tamim-pitiavana Jesosy. Hoy Jesosy : Imbetsaka aho no niantso anao, fony
mbola teny an-tany ianao. Niangavy aho hametrahanao ny fiainanao amiko dieny mbola tsy tara.
Imbetsaka aho no namangy anao tamin’ny sasak’alina hoe : tiako ho ahy ianao, dia hoy ianao hoe : Eny
Tompoko hanaraka anao, nefa teo amin’ny molotra ihany izany. Nandefa hafatra aho mba hialanao
amin’ny toetra ratsinao, nefa tsy nety ianao.
Dia hoy ravehivavy : Izaho anie mpakany am-piangonana foana, sady tena tsara fanahy e ! mpikambana
teo amin’ny sampana aho. Fantatro fa nisy antso nampanaovinao ahy tao. Nanaiky aho sy nanoa
tamin’izany antsonao izany tamin’ny fomba rehetra. Hoy Jesosy namaly azy : Ravehivavy ny fiainanao
feno lainga sy fahotana. Nantsoiko ianao fa tsy nety nihaino. Marina tokoa fa mpikambana tao amin’ny
sampana ianao fa tsy nitondra anao tany an-danitra izany. Betsaka ny fahotanao nefa ianao tsy nety
nibebaka fa nanalavitra ny teny. Izay olona nahatezitra anao tsy nisy navelanao. Mody miseho hoe :
mpanompoko ianao sady tia ahy eo imason’ny olona rehefa any am-piangonana sy ny Kristiana.
Ankoatra izay dia mampiasa ny lainga sy ny fitaka ary ny halatra ianao. Fanahy roa no nampiasainao
nefa fantatrao ny lala-marina. Nolazainao tamin’ireo ralahiko sy anabaviko fa hoe : ianao no marina
kokoa noho izy ireo. Mitsaratsara olona ivelany ianao. Masiaka amin’izy ireo ianao. Manaiky amin’ny lela
ianao fa ny fonao manalavitra ahy. (Mary Baxter)
- Nanohy ny dia niaraka tamin’ny Tompo izahay, ary indro nisy andry lehibe iray feno kankana. Nanodidina
an’io andry io dia nisy lalam-pikorisana vita amin’ny vy mena mahamay.Nisy takela-by famantarana
mirehatra nihantona teo amboniny ary hita na aiza na aiza ny soratra hoe : TONGA SOA NY
MPANDAINGA SY NY MPAMPIELY TSAHO REHETRA. Eo amin’ny faran’ilay fikorisana dia nisy farihy
mangotraka be. Mitovy amin’ireny solifara mirehitra ireny ilay izy. Nahita lehilahy iray niboridana
tanteraka aho, nigorisa tamin’ilay lalam-pikorisana.
Page 22
Teny am-pidinana dia niala ny hodiny ary nipetaka tamin’ilay vy mahamay. Rehefa latsaka tao anatin’ilay
farihy mangotraka izy ireo dia nivoaka ny lelany mandram-pipaokany. Avy eo dia ny kankana no maka ny
toeran’ny lelany. Izany no fiandohan’ny fijaliana. (Lupe – Kolombiana 7 mianadahy)
NY MPISOTRO TOAKA
- Misotro ranon’afo foana no ataony any. Efa gaoka ny tendany fa tsy
azony atao ny mitsahatra fa tsy maintsy misotro foana na tiany na
tsy tiany. (Fabiola)
- Nahita latabatra iray toa tsy may ny afo aho. Misy toa tavoahangy
labiera teo amboniny. Ohatra ny mahafinaritra manala hetaheta ny
fijery azy nefa feno ranon’afo ao anatiny. Raha mbola nijery aho dia
indro nahita lehilahy iray nipoatra tampoka. Rotidrotika ny nofony
ary izay sisa tavela tamin’ny akanjony dia feno fotaka may. Tsy
manana maso sy vava ary volo intsony izy noho ny afo. Afaka nahita ahy nefa izy, na dia tsy manana
maso intsony aza. Nampandrifiny an’i Jesosy ny tanana mahia dia mahia ary nitomany izy no nilaza hoe :
« Tompo ô ! mamindrà fo amiko, mijaly loatra aho, may aho, miangavy re ! Esory ato aho ». Nalahelo ny
Tompo nijery azy ary nahatsapa zavatra mafana aho tao amin’ny tanako. Rehefa nojereko dia indro fa rà
avy amin’ny tanan’i Jesosy nalahelo ity lehilahy mijaly tao anatin’ny afo (marihako fa nifampitantana
tamin’i Jesosy aho).
Nijery ilay latabatra nisy labiera ilay lehilahy dia nandroso nankeo. Nalainy ny iray tamin’ireo tavoahangy.
Raha iny handeha hisotro iny izy dia nisy setroka nivoaka tao. Nihemotra
izy ary nihikiaka mafy tamin’ny fitarainana mbola tsy fahenoko
hatramin’izay. Kiakiaka feno fanaintainana, ary nosotroiny ny tao
anatin’ny tavoahangy. Ilay tavoahangy feno asidra ka simba tanteraka ny
tendany. Hitako mihitsy ilay asidra namotika ny vavoniny. Nisy
tarehimarika 666 teo amin’ny handriny ary karazana takelaby tsy
levon’ny afo no teo amin’ny tratrany sady tsy simban’ny kankana. Misy
soratra tsy fantatra ilay takelaby. Noho ny famindrampon’ny Tompo
lehibe dia nampahafantariny ahy ny dikany : « ATY AHO SATRIA AHO
MPISOTRO TOAKA ». (Lupe – Kolombiana 7)
Tao anaty lavaka manaraka dia nisy lehilahy nitafy ny karany ka nikiakiaka tamin’i Jesosy no sady
nitomany. Tompo, ampio aho hahafantatra ny antony nahatonga ahy aty. Tomoera amin’ny fiadanana,
mitonia ianao, hoy Jesosy, fantatrao tsara ny antony nahatonga anao aty!
~ Ho tsara fanahy aho, fa avelao aho handeha, hoy izy nitalaho.
~ Na dia efa aty amin’ny helo aza ianao, mbola mandainga ihany, hoy ny Tompo.
Nitodika tamiko Jesosy: Tamin’io lehilahy io 23 taona no tonga taty. Tsy te hihaino ny Filazantsara izy. Efa
imbetsaka izy no naheno ny Teniko. Tonga matetika tao an-tranoko izy. Nanasa azy Aho tamin’ny
alalan’ny Fanahiko, mba handraisany ny famonjena, nefa naleony nifidy izao tontolo izao sy ny
fahafinaretany. Tia misotro izy. Tsy nandraharaha ny antsoko izy. Teraka tao amin’ny Fiangonana izy nefa
tsy nety ny hametraka ny fiainany Amiko. Hoy izy indray andro: Jesosy ô, atolotro ho Anao ny fiainako,
nefa io indray andro io dia tsy tonga mihitsy. Indray alina rehefa avy nanao fety takariva izy, dia voan’ny
lozam-pifamoivoizana ka maty teo noho eo. Nofitahin’iI satana hatramin’ny farany izy. Tsy tia nihaino ny
antsoko izy. Olona maro hafa koa no nindaosin’ny fahafatesana tamin’io loza io. Ny asan’i satana dia ny
hamono, hangalatra, hanimba. Raha mba nihaino mantsy io lehilahy io. Tsy sitrapon’ Andriamanitra ny
ahafatesan’ny olona. Ny fanahin’io olona io no ilain’i satana ka nosimbainy tamin’ny alalan’ny tsy
fahatsiarovan-tenan’ ny fahotana sy ny toaka. Maro ny tokantrano, ny aina izay simba isan-taona noho
ny zava-pisotro mahamamo. (Mary Baxter)
Page 23
NY MPIFOKA SIGARA / NY MPIHINANA PARAKY
- Mifoka sigara afo ary na dia efa bory aza ny molotra dia tsy maintsy
mifoka foana. Terena mihitsy hifoka an’io. Izany no atao
mandrakizay.
Ny mpihinana paraky dia mihinana vovok’afo, tsy maintsy mihinana
na mandrapaka vovok’afo mandrakizay. (Fabiola)
- Naseho ahy lehilahy roa izay nijaly tao amin’ny helo vokatry ny
fifohana sigara. Aoka ho fantatry ny olona fa ny fanaovany izany dia
mitondra azy ho an’ny amin’ny helo. (Emmanuel Egyarko)
NY MPIJANGAJANGA / MPIVAROTENA
- Matory ambonin’ny farafara afo, ka misy menarana vaventy feno tsilo
afo mijangajanga amin’io mpijangajanga io. Mivoaka sy miditra amin’ny
tenany io. Mampahory azy mandrakizay io menarana lavabe io. (Fabiola)
- Avy ao anaty efitra figadrana iray dia nisy feom-behivavy niteny tamin’i
Jesosy. Nijoro teo afovoan’ny afo izay mandrakotra azy tanteraka izy io,
feno olitra ny taolany ary ny nofony dia efa simba. Nanolotra ny tanany
tamin’i Jesosy izy sady niantsoantso hoe : « Avoahay ato aho fa omeko
anao ny foko. Ankehitriny Jesosy ô, ambarako ho an’ny olona ny
famindramponao. Handeha hitory anao aho, miangavy re, mitalaho re !
Avelao aho hivoaka ato. »
Ny teniko hoy Jesosy dia « fahamarinana ». Nilaza izy fa tsy hamerina ny fahadisoany nefa izy niverina
amin’ny fahotany. Azony nataony tsara ny niala ny fidiran’ny fiainany aty amin’ny afobe. Avy amin’ny
rako no misy ny famelan-keloka, afaka nanadio azy tamin’ny fahotany rehetra. Tsy miova aho, ary
mitsara marina, ka mamela heloka izay manantona Ahy. Nitodika Jesosy nijery ilay vehivavy ka niteny
hoe : « Raha nihaino Ahy ianao, raha nanaiky nanatona Ahy ianao, raha nibebaka ianao, dia namela
anao Aho». Hoy ilay vehivavy : « Tompo ô ! tsy misy hevitra intsony ve ? » Hoy Jesosy tamin’ny feo
malefaka « Ravehivavy, efa imbetsaka ianao no nasaina niala tamin’ny fahotanao nefa nanamafy ny
fonao ianao ». Fantatrao tsara ny Teniko fa ny mpijangajanga dia manana ny anjarany ao amin’ny farihy
afo.
Nitodika nijery ahy Jesosy dia nanao hoe: Betsaka ny lehilahy nentin’io vehivavy io tamin’ny fakampanahy. Tokantrano maro no efa vaky, potipotika noho izy. Na dia izany aza, tiako foana izy. Tonga tany
aminy aho tsy hanameloka azy fa hanampy azy.
Naniraka ny mpanompoko maro aho hanambara azy ny tokony hialany amin’ny lalan-dratsy nizorany
nefa tsy nety izy. Raha mbola tanora izy dia efa niantso azy Aho. Nefa nanohy nanao ny ratsy fanaony
ihany izy. Nanao zavatra tena ratsy izy. Satriko indrindra ny hamela ny helony raha nanatona Ahy izy.
Niditra tao aminy satana, ka lasa feno fankahalana izy, ary tsy mamela heloka na iza na iza. Ny antony
nandehanany any am-piangonana dia ny hifankahitany amin’ny lehilahy sy ny hanodina azy. Raha
nanatona Ahy izy, dia voasasa tamin’ny Rako ny helony. Misy ao anatiny anefa nanana faniriana ny
hanompo Ahy, nefa ny olona tsy afaka ny hanompo an’ Andriamanitra sy satana miaraka. Ny olona
tsirairay tokony mifidy izay tiany hotompoina. (Mary Baxter)
- Nifindra toerana iray izahay, ary niresaka tamina vehivavy iray. Tena mijaly tanteraka izy satria may ny
afo ny tenany toy ireny hendin’akoho (Poullet grillé) ireny. Mivoaka kankana ny masony roa, ary misy
bibilava miditra eo amin’ny fivaviany dia mivoaka eo amin’ny vavany, tena mijaly be. Hitanao io vehivavy
io ry Yves hoy Jesosy : ie, hitako io Jesosy. Toy izao no mahazo ny vehivavy izay feno hajejojejoana
mazava alina na makorelina dia ireo mpijangajanga tamin’ny fahavelomany. (Yves)
- Nahita vehivavy iray aho, vao nahita an’i Jesosy izy dia niantsoantso hoe : « Tompo ô, miangavy re !
Mamela ny heloko, esory ato aho ! »
Page 24
Nijaly be tokoa izy ary niezaka nanolotra ny tanany manandrify ny Tompo. Tsy niakanjo izy sady feno
fotaka. Maloto be ny volony, ny kankana mandehandeha eraky ny vatany. Niezaka nanala izy nefa rehefa
mahavita manala vitsivitsy dia vao mainka mirongatra marobe ny kankana mameno azy. Mirefy 15 cm
hatramin’ny 20 cm ny halavan’ireo kankana. Mampalahelo ny mahita an’ity vehivavy izay mikiakiaka
rehefa hohanin’ireo kankana ny nofony. Misy takelaby izay tsy mety simban’ny afo eo amin’ny tratrany.
Ny soratra dia « ATY AHO NOHO NY FIJANGAJANGANA ». Noho ny
fijangajangany dia voatery mijangajanga amin’ny menarana mahatsiravina be
ilay vehivavy any amin’ny helo. Misy tsilo marobe mirefy 15 cm hatramin’ny
20 cm ilay menarana. Miditra eo amin’ny fivaviany ilay menarana ka tonga
hatrany amin’ny tendany.
Mihikiaka tsy misy ohatran’izany ilay vehivavy isaky ny miditra ao anatiny ilay
menarana. Tena miangavy mafy tokoa an’i Tompo izy hanala azy tao. Tompo
ô, aty aho satria nijangajanga. Efa 7 taona aho izao no taty, nanomboka aho vao maty ny Sida. 6 mantsy
no isan’ny vadikeliko. Any amin’ny helo izy dia voatery mamerina tsy misy farany ny fahotana natao tety
an-tany.
Niezaka nanolotra ny tanany an’i Jesosy izy. Nefa hoy ny Tompo « Ry Blanca », efa tara loatra ny anao. Ny
kankana no fandrianao sy handrakotra anao. Dia nisy firakotr’afo nanarona ilay vehivavy dia tsy hita
intsony izy. (Sandra – Kolombiana 7 mianadahy)
IREO LEHILAHY MANAMBADY LEHILAHY SY VEHIVAVY MANAMBADY VEHIVAVY
- Niakatra teny ambony havoana izahay ka nijery teny ambany aho. Hitako tamin’izany farihy iray
mangotraka. Tsy misy karazana afo sy devoly ary fanahy ratsy fa farihy lehibe. Ny sisin’ilay farihy dia
aizina ary hitako fa feno ra sy afo. Rehefa nijery tsara aho dia nahita fanahy maro, mifampitohy ohatra ny
rojo izy ireo. Hita ao anaty afo ireo fanahy ireo. Hitako tamin’izany ny taolan’izy ireo fa lasa lavenompotsy. Hoy Jesosy « Ireo dia lehilahy tia lehilahy sy vehivavy tia vehivavy ho vadiny ». Henoko ny
kiakiakany izay famoizam-po tao anatin’ny farihy ra mandriaka. Fanahy an’arivony no mandalo amin’io
farihy io. Tsy misy hevitra no ialana amin’izany fa milomano ao anatin’io afo farihy io. (Mary Baxter)
- Nisy lehilahy sy vehivavy tanora aman’hetsiny. Nahita mpifanelaka (Homosexuelle) sy mpimamo marobe
mijaly fadiranovana. Nihorohoro izahay nahita fa simba tanteraka ny vatan’ireo fanahy rehetra tao.
Kankana marobe no miditra sy mivaoka ny vavany sy ny sofiny ary ny masony izay efa loaka. Niditra
tamin’ny vatany koa ny kankana. (Kolombiana 7 mianadahy)
« Izany no nanoloran’Andriamanitra azy ho amin’ny filan-dratsy mahavoafady ; fa ny vehivavy tao
aminy nanova ny fanaony ho amin’izay tsy fanaony ; ary tahaka izany koa ny lehilahy, fa namela ny
fanao amin’ny vehivavy izy ka maimay tamin’ny fifampilany samy lehilahy nifanao izay mahamenatra,
dia nandray tao amin’ny tenany ny valiny izay tokony ho azy noho ny fiviliany. » Rom 1. 26-27
NY MPIHIRAN’IZAO TONTOLO IZAO
- Misy mpihira Malagasy ato, mpihira fiderana, fa tsy mandeha amin'ny fahamarinana sy fahamasinana,
nefa mahay midera an'i Jesosy eo anatrehan’ny olona ka mamitaka ny olona sasany, ka manala-baraka ny
voninahitr'Andriamanitra. Ka izy ireny no tena mafy ny sazy miandry azy aty amin'ny afobe aty, satria
misy andry (poteau) vainafo mitsangana eo afovoan'ny afo dia mihantona amin'io daholo ny mpihira
rehetra, ka mangotraka mihintsy ny vatantenan'ity mpihira ity, sady tonga mainty izy. Ny afo anefa aty
ambany aty miredareda mandoro, ny menarana miditra mivoaka avy amin'ny vava, mandeha amin'ny
orona, ary miditra amin'ny maso, mivoaka ny sofina. Izany no miandry ny mpihira fiderana izay tsy
manao ny sitrapon’Andriamanitra, fa mihirahira foana.
Ny micro eny an-tanany dia mivadika bibilava ka mihinana azy mandrakizay. Maharikoriko mihitsy ny
mahita azy. Mangotraka ny tenany noho ny hamain’ny tsato-kazo vain’afo misy azy.
Maro ny mpihira malagasy hitako tao. Tena mijaly tsy afaka miteny fa feno kankana ny vavany sy ny
masony ary ny sofiny. Ny orona sy ny loha feno olitra. (Fabiola)
Page 25
- Vehivavy iray feno afo ny tenany, mafy ny fijaliany. Niantso izy sady niangavy ny famindrampon’i Tompo.
Nangataka ahy hangina tamin’ny fanondrony Jesosy, ka hoy Izy : « Ry zanakovavy, Selena no fiantsoana
an’io vehivavy hitanao io ».
Rehefa nanakaiky azy izahay dia hoy izy : « Tompo ô, mba hiantrao re ! mamela ny heloko, alao amin’ity
toerana ity aho ». Hoy Jesosy nijery azy : Efa tara, tara loatra. Tsy afaka ny mibebaka intsony ianao.
Rehefa nahatazana ahy izy dia niteny hoe : « Miangavy aho, lazao amin’ny olona izay rehetra hitanao
aty amin’ny afobe, ataovy mafy ny feonao ary aza mitsahatra. Anaro mafy izy ireo tsy ho aty. Lazao izy
ireo tsy hitendry na hihira ny hirako. Nanontany aho hoe : Inona no antony tianao hitondrako izany
hafatra izany ? Satria hoy izy rehefa misy olona mitendry na mihira ny hirako dia mitombo ny
fijaliako». Ny olona izay mitendry na mihira ny hirako dia efa manambotra ny lalany ho aty amin’ny helo.
(Angelica)
NY MPANDIHIN’IZAO TONTOLO IZAO
- Mandihy ao anaty afo ka tsy mahazo mijanona tsy handihy, na dia iray minitra aza mandrakizay. (Fabiola)
- Nahita dihy nitohy tsy niato mandrakizay aho. Raha nanakaiky aho ka nahita ny
tavan’ireo fanahy very, dia nangoraka azy ireo tamin’alahelo lehibe ny foko,
satria TOROVANA SY RERAKA faraidiny tanteraka izy ireo. Mba nandahatra izy
hoe:” Moa tsy mba mahazo miato na dia fotoana fohy aza izahay?” Nefa tsy nisy
fijanonana. Ilay dihy mandrakizay dia nitohy hatrany hatrany, toy ny vilanibe
fanaovana dibera.
Tsy mbola nandany fotoana be nitoriana nanohitra ny fikoranan’izao tontolo
izao mihitsy aho, satria inoako fa rehefa VOAVONJY MARINA ny olona, dia
hesorin’ny Tompo ao anatin’ny fony ny FANIRIANA ny hanao zavatra toy izany.
Nefa hiato fotoana lavalava aho hilaza izao: Ny trano fanaovana dihy maoderina
no iray amin’ireo vela-pandriky ny devoly izay lehibe indrindra mitondra
mivantana ho any amin’ny helo. (Lorne Fox)
NY TSY MAMELA HELOKA
- Hoy aho: Misy amin’ireo fianakaviako ve lasa aty ? Niteny ahy izy sady latsaka ny ranomasony. Ry
zanakovavy eto anilanao aho. Matahotra ny fihetsem-ponao aho. Nentiny tamin’ny toerana iray aho.
Zavatra tsy noeritreretiko ny hahita ny havako tao. Vehivavy iray ao anaty afo hohanin’ny kankana ny
tarehiny ary tsatohan’ny devoly karazana sabatra ny tenany. Mitaraina mafy izy hoe : Tompo ô ! mba
hiantrao aho. Mamindrà fo, miangavy re, alao ato amin’ity toerana ity aho na dia iray minitra ihany aza.
Ireo devoly amin’izay mandatsa mafy hoe : Ankafizo, ankalazao fa izao no fanjakanao. Nanontany an’i
Jesosy aho : Tompo ô, fa nahoana no aty io renibeako io ?
Hoy Izy, ry zanakovavy, aty izy satria tsy mba hainy mihitsy izany mamela heloka izany. Rehefa nandao
ny toerana misy ny renibeako izahay dia nanomboka nandoro azy ny afo. (Angelica 1er voyage)
- Namaly ny antsoko izy nandritra ny taona maro, nitombo tamin’ny fahalalana Ahy. Nihaino ny feoko izy,
ary nanao zavatra tsara ho Ahy. Nianatra ny Tenin’ Andriamanitra izy, nivavaka matetika, ary maro
tamin’ireo vavaka nataony no voavaly. Nampianatra olona maro ny làlan’ny fahamasinana izy ary
nahatoky tamin’ny vadiny tao an-trano. Nandeha teny ny taona ary indray andro, tratrany fa hay manana
fifandraisana tamin’ny vehivavy hafa ny vadiny. Na dia nifona taminy aza ralehilahy, lasa niha-kivy izy. Tsy
namela ny vadiny, tsy nanavotra ny fanambadiany. Marina fa nanao fitondran-tena tsy mety taminy ny
vadiny. Nanao fahotana lehibe izy. Nefa io vehivavy io nahalala ny Teniko ary nahalala ny famelana.
Fantany fa ao anatin’ny fakam-panahy, misy foana ny fomba ialana. Nangataka ny mba hamelany azy ny
vadiny, fa tsy nety izy. Ny hatezerana no namaka tao anatiny no sady nihanitombo.
Tsy tiany nomena Ahy io olana io. Niha-kivy isan’ andro izy. Hoy izy tao am-pony: izaho ity manompo an’
Andriamanitra, fa ny vadiko manenjika vehivavy. Tsara ve izany Aminao? Hoy izy Tamiko.
Page 26
Tsia, tsy tsara ny nataony, hoy ny navaliko azy, fa efa nangata-pamelana taminao izy ary nilaza fa tsy
hamerina intsony. Nanontany azy Aho: “Ry zanako, diniho ny tenanao ary jereo raha tsy avy taminao no
nisian’izao toe-javatra izao”.
Tsia, tsy izaho ry Tompo, hoy izy. Izaho dia masina fa izy no mpanota. Tsy te hihaino Ahy izy. Nandeha
teny ny fotoana. Tsy te-hivavaka intsony izy, na hamaky Baiboly. Tezitra izy, tsy tamin’ny vadiny ihany fa
tamin’ny manodidina azy koa. Nitory ny Soratra Masina izy nefa tsy nety namela ny vadiny. Tsy nety
nihaino Ahy izy. Ny hakiviana sy fanenenana lalina no nitombo tao am-pony, ary dia nanomboka nisaina
famonoana izy fa tsy fitiavana. Indray andro dia novonoiny ny vadiny sy ilay vehivavy. Azon’ny satana
tanteraka izy dia namono tena. (Mary Baxter)
- Dia nentin’I Jesosy teo amin’ny toerana iray aho. Niteny tamiko Izy : Victoria, ireto antokon’olona ireto
dia ireo izay tsy mba nety namela ny heloky ny hafa. Efa niteny tamin’izy ireo imbetsaka aho mba
hamela ny heloky ny hafa, saingy nolaviny izany. Izaho anefa efa namela ny helok’izy ireo. Rehefa maty
kosa anefa izy ireo, dia izao lasa aty izao. (Victoria Nehale)
NY MANANA TROSA
- Nentiny tao amin’ny antokon’olona hafa indray aho, ary nolazainy fa izy ireo dia olona nanana trosa teny
ambonin’ny tany. Mbola mizarazara antokony samihafa ihany koa izy ireo. Ny fizarana voalohany dia
ireo izay tokony handoa ny trosany amin’izay nakany izany. Afaka ny nandoa izany izy ireo, saingy
nangatak’andro foana. Nanome toky izy fa handoa izany, saingy nihemotra lava, aleo rahampitso,
amin’ny herinandro, amin’ny taona ho avy, ary dia izao izy ireo tonga aty izao. Dia hijanona ato
mandrakizay izy ireo, ary mandrakizay mandrakizay, hioty ny vokatry ny asany.
Ny antokony faharoa dia ireo izay nananana trosa, izay tsy nanan-kaloa nefa vonona ny hanefa izany.
Indrisy anefa fa natahotra olombelona izy ireo, satria raha miteny ny marina izy ireo, dia natahotra sao
dia ailiky ny fiaraha-monina, na higadra, na raha fantatry ny hafa ihany koa dia mety hataon’ny olona
tsinontsinona. Dia hoy Jesosy: « Tsy nisy tamin’izy ireo nanatona Ahy mba hangataka fanampiana.
Raha nanao izany izy ireo, dia nanampy azy Aho. Nampiasa ny fahaizany sy ny fahalalàny ary ny
fahendreny izy ireo, izay tsy nanampy azy velively. Amin’izao fotoana izao dia tonga eto amin’ity
fijaliana ity izy ireo, mibaby ny vokatry ny nataony ».
Rehefa izany dia nilaza tamiko Izy : « Ny karazany fahatelo dia ireo olona izay nanana trosa izay tsy
voaloany, tsy nisy tamin’izy ireo anefa nanatona Ahy sy nitaraina tamiko hoe tsy voaloa anie ny trosa.
Tahaka an’ireo hafa ihany koa, dia nampiasa ny fahendreny sy ny fahalalany izy ireo, ary dia izao aty
amin’ny toeram-pijaliana aty izao. Fadiranovana ny foko manoloana ireo olona ireo satria tiako dia tiako
izy ireo ». (Victoria Nehale)
NY MPIAVONAVONA / MALOTO FO / RATSY FANAHY / MASIAKA
- Nisy vehivavy iray izay nahafantatra ahy, niantso ahy izy ka izao no nambarany ahy: Marceline no
anarako , Kristianina nivavaka tamin'ny fiangonana fïfohazana iray aho, 8 taona izay no nanompoako
an'Andriamanitra, ary mpiandraikitra tena lehibe aho, ary tanan-kavanan'ny Pasiteranay, izao daholo no
andraikitro tamin'izany : mikarakara fanatitra sy mitazona volam-piangonana, mpitarika intercesseur, sy
vehivavy lehibe, mifady hanina isaky ny talata, mikarakara taratasim-piangonana, mamafa fiangonana sy
tokontany isa-maraina amin'ny 5 ora. Satria niavonavona aho sady naloto fo no masiaka, dia izao
hitanao tonga aty izao, fa hoy ny Tompo tamiko hoe : nandritra ny 8 taona nivavahanao ry Marceline dia
tsy mbola nahita ny tavako ianao na dia tao anatin'ny iray minitra monja aza noho ny fiavonavonanao sy
lotom-ponao satria mihevitra ianao fa manao asa betsaka dia mandova ny lanitra, nefa ianao maloto fo.
Dia nofatorana aho dia natsipy aty, dia izao hitanao tonga aty izao, efa marobe izahay izao tonga aty
daholo. Tandremo ny miavona sy maloto fo fa manetre-tena. Taitra sady nangovitra aho, raha nilazany
an'izany satria fantatro io vehivavy io, ary mpivavaka tsara no nahitako an'io, fa pasitera mihintsy no
niantsoan'ny olona an'io, sady diakona mpikarakara ny rehetra.
Page 27
Nandini-tena lalina aho dia hoy ilay anjely tamiko hoe: tsy mbola novakianao va ny tenin'ny Tompo ao
amin'ny Mat 7: 21 "Tsy izay rehetra manao amiko hoe : Tompoko Tompoko no hiditra amin'ny
fanjakan'ny lanitra fa izay manao ny sitrapon'ny raiko izay any an-danitra. " Ary koa ny ao amin’ny Mat
5:8 "Sambatra ny madio am-po fa izy no hahita an'Andriamanitra " Ka ny olona maloto fo dia tsy hahita
ny Tompo, ka marina ny nahatongavany aty noho ny helony.
Dia mbola nanafatra ahy Marceline hoe : tandremo ny manameloka olona marina, ary aza mirehareha,
indrindra ny fïavonavonana sy ny lotom-po, ary ny tsy fahamasinana, fa hitanao ny mahazo ahy izao, dia
izao lasa aty izao, tsy ny fanaovanao ny asan’ny Tompo ao ampiangonana akory na kely na be na maro na
vitsy no mety maha-voavonjy anao fa ny fanaovanao ny sitrapon'ny Ray izay any an-danitra. (Fabiola)
- Nahita rivotra nanodidina toy ny faribolana lehibe iray aho. Nanantona izahay hijery izay tao anatiny. Afo
no tao afovoany, ary misy fanahy maro milomano ao. Tsy misy devoly sy fanahy ratsy tao. Fanahy maro
main’ ny afo, ohatra ny ranomasina. Eo ivelan’ io faribolana io dia maizina be. Ny fidedadekan’ilay afo no
mitondra hazavana ao. Tao anatin’izany hazavana izany no nahitako fa miezaka hamonjy ny morona izy
ireo, saingy rehefa tonga izy dia misy hery misintona azy ireo ho any ampovoany. Rehefa nojereko tsara
izay niseho, dia hitako ny taolan’ireo fanahy ireo may lasa lavenona mangiram-potsy. Tsapako
tamin’izany fa isan’ny afobe io. Hoy Jesosy : Maro no tsy mino sy mihevitra fa tsara loatra Andriamanitra
ka mandefa lehilahy sy vehivavy any amin’ny afobe. Nefa lazao izy ireo fa ny teniko dia marina, fa ho
an’ireo masiaka sy olon-doza dia manana ny anjarany any amin’ny afobe. (Mary Baxter)
NY MPIREHAREHA
- Tonga tany amin’ny toerana iray izay nantsoinay hoe : Lohasahan’ny vilany vy lalin’aty izahay, feno
fotaka mangotraka be ireo vilany ireo. Nanantona ny iray tamin’ireo izahay. Ny fanahin’olona hitako
voalohany dia vehivavy. Mitsingevana ny vatany dia avy eo milentika amin’ilay fotaka mangotraka.
Rehefa nijery azy ny Tompo dia tsy nilentika izy fa nihantona teo amin’ny
valahany. Nanontany azy ny Tompo hoe : Ravehivavy, iza no anaranao ? Namaly
izy hoe : Rubiella no anarako. Feno fotaka mangotraka ny volony ary ny nofony
mihantona amin’ny taolana izay efa maintin’ny afo. Kankana maro no miditra ny
masony ary mivoaka amin’ny vavany ary miditra indray amin’ny orony ary
manimba ny sofiny. Rehefa tsy tafiditra ireo kankana ireo dia mandavaka ny
faritra hafa amin’ny vatany mba hiditra any anatiny. Izany dia miteraka
fanaintainana mafy tokoa. Nikiakiaka ravehivavy : Tompo ô ! miangavy re ! Esory
amin’ity toerana ity aho. Mamindrà fo amiko, tsy afaka hanohy toy izao intsony
aho. Tsy tantiko intsony, ajanony avokoa. Tompo miangavy re, mamindrà fo
amiko. Nanontanian’ny Tompo izy ny antony nahatongavany tany. Noho ny fieboeboana na
fireharehana no nahatonga azy tao. (Kolombiana 7 mianadahy)
NY MPANDOKO VOLO
- Rehefa may ny volo, dia misy menarana mampahory ny lohany. Misy olitra madinika maloto marobe
mitoetra eo ambonin’ny loha. Tsy miala eo mandrakizay ireo. (Fabiola)
NY LEHILAHY MIKAVINA
- Nahita tovolahy iray tao anatin’ny lavaky ny afo aho, ary nisy kavina ny sofiny. Nambarany tamiko fa
nandeha nitady hery izy mba ahafahany misintona ireo vehivavy mba ahatonga azy ireo ho tia azy. Nanao
peratra ihany koa izy, izay nampiasainy hisintomana ireo lehilahy sy vehivavy mba hanatanterahany ny
filan’ny nofony. (Emmanuel Agyarko)
Page 28
NY FITIAVANA FIRAVAKA SY RANOMANITRA MIHOATRA AN’ANDRIAMANITRA
- Teny an-tanan’i Rubiella dia nisy tavoahangy iray, rehefa jeren’ny masony izy io dia mitovy amin’ireny
ranomanitra sarobidy ireny. Tsy maintsy raisiny anefa io tavoahangy io izay feno asidra ary afafy amin’ny
tenany. Vokatr’izany dia mitsonika ny nofony ary miteraka fanaintanana ho azy izany. Miantsoantso izy
hoe : Tompo ô, mamindrà fo amiko ! Tsy afaka ny hijanona ato intsony aho na dia segondra iray aza. Tsy
milaza aminareo aho akory hoe fahotana ny mampiasa ranomanitra. Ny Tompo dia nanazava taminay fa
lasa any io vehivavy io noho ny ranomanitra.
Lasa any amin’ny helo izy satria ny hatsaran-tarehiny sy ny ranomanitrany ary ny fieboebony no nitondra
ny laharana voalohany teo amin’ny fiainany. (Sandra – Kolombiana 7 mianadahy)
- Nisy vehivavy iray tena nitaraina mafy satria ny zavatra tena tiany tety an-tany dia ny miravaka. Ny
firavaka fanaony tety an-tany dia nivadika kankana vaventy feno tsilo. Eo amin’ny tanany dia misy
peratra sy goromety, ireo nefa dia miova kankana misy tsilo mifantsika hatrany amin’ny lalina indrindra
eny amin’ny tanany. Sofina misy kavina, miova kankana feno tsilo maranitra ka mifantsika eo amin’ny
sofiny. Manageja sy mampijaly nefa tsy afaka esorina intsony. Ny rojo dia miova kankana misy tsilo ka
mifantsika eo amin’ny tratrany izay tsy miala fa mampahory azy mandrakizay. Mirehitr’afo ny volon’ity
vehivavy ity, ary rehefa lanin’ny afo izany dia misy menarana milelaka ny lohany. Ny menarana
manaikitra, ny lelafo mandoro. (Fabiola)
- Vehivavy iray teren’ny fanahy mampahory higoaka tsy mitsahatra solifara mirehatra midedadeda. Hoy ny
devoly : « Ity vehivavy ity nanana ny ampy tamin’ny voalamena nefa tsy nety afa-po mihitsy. Koa satria
ny volamena no andriamaniny dia rariny raha feno izany ny kibony aty amin’ny helo. (John Bunyan)
NY MPANAO FANATANJAHAN-TENA
- Ny mpanao fanatanjahan-tena dia izay ataony aty ihany no ataony, sady manandevo azy rehefa tonga
any amin’ny afobe. Ny antony mahatonga azy ireo any dia noho ny fanaovany ireo zavatra ireo ho
ambony noho ny fanompoana an’Andriamanitra ka nandaniany ny androny sy nanadinoany
an’Andriamanitra. Ny mpilalao baolina dia milalao baolina afo foana mandrakizay. (Fabiola)
- Nampahitana ekipa sy mpanohana mpilalao marobe mandeha any amin’ny tonelin’ny fahaverezana aho.
Ny ekipa voalohany hitako dia ny Chelsea Football Club, izay entin’i Ivanovic, ary manaraka azy avy eo
ankavanany ny mpilalao. Samy misy karazan-javatra maro ny tanany, ny sasany emboka, diloilo, peratra
voahasina sy zavatra maro samihafa. Naseho ahy fa izay miondana azy sy mankamamy io ekipa io
amin’ny fony dia manaraka azy ireo any amin’ny tonelin’ny fahaverezana.
Nasehon’ny Tompo ahy ihany koa avy eo Ronaldino sy ireo tovolahy kely eo amin’ny 8-13 taona.
Mianatra milalao ho toa azy izy ireo. Ary indro aho fa nahita devoly izay manana endrika hafahafa isankarazany, ao ny toy ny vehivavy, ragidro manan’elatra, ramanavy. Ireo devoly ireo no manampy azy mba
hilalao tsara. Rehefa mamerina ilay fihetsika ireo ankizilahy kely ireo dia indro fa ny devoly no miditra ao
aminy ary manetsika azy. Hitako avokoa ny mpanohana azy ary ireo ankizy izay mitady ny ho toa azy ireo
dia efa mizotra ihany koa any amin’ny tonelin’ny fahaverezana. (Emmanel Agyarko)
NY MPAMONO OLONA
- Nasehon’i Jesosy anay ity lehilahy iray namono olona 6 tamin’ny androm-pahavelomany. Manodidina azy
ireo olona 6 ireo, sady mihikiaka mafy hoe : noho ny aminao no nahatonga anay aty, noho ny
fahadisoanao. Miezaka manampina ny sofiny ilay mpamono olona, nefa dia reny hatrany ny kiakiaka
ataon’iretsy olona novonoiny. Any amin’ny helo dia matanjaka be ny retsim-pamantarana dimy (5 sens).
(Kolombiana 7 mianadahy)
Page 29
NY MPAMONO TENA
- Niditra tamina toerana figadrana iray izahay ka nahita tovovavy iray mijaly fatratra ao anaty afo. Miantso
vonjy izy, mikiakiaka mafy, tena mijaly loatra. Olona fantatro io asehonao ahy io hoy aho tamin’ny
Tompo. Eny hoy Izy. Olona fantatrao tokoa io fa andao ho any, fa misy tiako hohenoinao izay lazainy
amintsika. Inona no nahatonga anao aty amin’ny helo hoy Jesosy tamin’ilay tovovavy ? Nisy olona
nandratra ny foko tany ambonin’ny tany. Namono tena aho ka lasa aty amin’ny afobe. Hoy Jesosy : Iza
izany olona nandratra ny fonao izany. Any, izay olona atao hoe Yves izay. Tsy hitako izay atao, tehamonjy azy aho. Vao namindra 1 metatra nefa aho dia efa mahamay be tsy azo hidirana ilay toerana.
(Yves)
NY MPANAO MAZIA – MPAMOSAVY
- Vehivavy antitra iray mipetraka amin’ny seza misavilivily, nanomboka niova izy. Vavy antitra lasa lahy
antitra, avy eo lasa vehivavy tanora. Farany, niverina tamin’ny maha vavy antitra azy tamin’ny voalohany
teo izy nefa toy ireny vehivavy niaina tamin’ny taonjato faha-15 ireny. Nanontany tena aho hoe ahoana
no mahatonga izany. Rehefa nahita an’i Jesosy izy dia niteny hoe: -Tompo ô, mamindrà fo amiko. Esory
ato amin’ity toeram-pijaliana ity aho.
Nanakatra an’i Jesosy izy, nefa tsy nahazo Azy. Ny fiovana mandeha ihany, eny fa na dia ny akanjony aza
niova. Indraindray izy manao akanjon-dehilahy, avy eo tanora, avy eo antonony ary farany dia manao
akanjom-bavy antitra. Ireo fiovaovana ireo dia tsy maharitra ela fa minitra fohy ihany. Niteny indray ilay
vavy antitra: Tompo ô, avohay ato aho alohan’ny hiverenan’izy ireo. Efa
nitsangana tao amin’ilay toerana nigadrany izy ary namikotra ireo fefy vy
ny tanany. Hoy izy: Fantatro fa marina ny fitiavanao, avelao aho mba
hiala ato. Nikiakiakan’ ny tahotra ilay vehivavy ary hitako nisy zavatra
nanomboka nandrovitra ny nofon’ny tenany. Tsy araka ny toetra izay
hitanao ivelany io vehivavy io, hoy ny Tompo. Niverina nipetraka
tamin’ilay seza misavilivily ilay vehivavy fa tamin’ity indray mitoraka ity
dia karana tsisy nofo intsony ary feno laodaoka no hita mipetraka eo
ambony seza. Minitra fohy talohan’izao, dia nanana nofo tena izy no sady
niakanjo, fa ankehitriny kosa dia taolana mainty mitangorona sisa, may
no sady lavaka tsisy na inona na inona no nisolo toerana ny masony.
Taloha, hoy Jesosy, fony mbola teny ambonin’ny tany, dia mpamosavy io vehivavy io ary mpivavaka
amin’i satana, tsy vitan’ny namosavy izy fa nampianatra izany ihany koa ho an’ny hafa. Tamin’izy mbola
kely, nanao magie noire ny teo amin’ny fianakaviany. Aleon’izy ireo nisafidy ny aizina noho ny mazava.
Efa imbetsaka Aho niantso azy mba hibebaka fa nanaraby Ahy izy no nanao hoe: aleoko manompo an’i
satana. Te hijanona eo ambany fahefany aho. Nandà ny fahamarinana izy. Betsaka ny olona notaominy
hiala tamin’ny Tompo. Ny sasany tamin’ireo olona ireo dia miaraka aminy aty amin’ny helo amin’izao
fotoana izao. Raha nanaiky niala ny lalan-dratsiny izy sy ny fianakaviany dia novonjeko, nefa tsy nety
nihaino izy. Nofitahin’i satana io vehivavy io, nolazainy fa homeny fanjakana izy mba ho valisoany raha
manompo azy. Nolazainy taminy fa tsy ho faty mihitsy izy fa hiaina miaraka aminy mandrakizay. Maty teo
am-panompoana an’i satana izy. Rehefa tonga teto amin’ny helo izy dia nitaky ny fanjakany. Satana, ilay
rain’ny lainga nihomehy azy sady nanao taminy hoe : ”Heverinao fa hozaraiko aminao ny fanjakako”? Ity
ny fanjakanao, dia nentiny tao anaty efitra izy, toerana hampijaliana azy andro sy alina. Efa im-betsaka
Aho no niantso azy mba hamonjeko azy fa tsy nila Ahy izy. Mangataka famelana izy ankehitriny, nefa efa
tara loatra. (Mary Baxter)
NY MPILALAO ODY RATSY
- Misy vehivavy iray sendra niantso vonjeo ka nojereko, hay izy
ity nokapohin'ny devoly tamin'ny hazo misy fantsika marobe,
sady maranitra. Hoy ny devoly : ity vehivavy ity dia manao ody
ratsy, mamosavy sady manao ody fitia.
Page 30
Tsy mahalala nibebaka niala tamin'ny faharatsiana, ankehitriny izy mandray ny valin' asany.
Izao no valin' ny asa nataonao ka tanteso sady zakao tsara, miaraka amin'izay dia kapohiny, ary
mifandrombaka ny kankana mitsofoka amin’ny tenan'ilay vehivavy feno goaka mba hampahory azy.
(Fabiola)
NY MPANOMPO SAMPY
Kapohin’ny devoly amin’ny hazo feno fantsika ary avelany eo. Rehefa feno tomboka dia asainy
hohanin’ny kankana ary mifandrombaka mihitsy ny kankana miditra amin’ny laodaoka rehetra. Teren’ny
devoly tsy maintsy mihantona amin’ny tsatoka-na vain’afo. Ny loha ambany ary ny tongotra ambony.
Mitovy amin’io ihany koa no atao amin’ireo mpamosavy.
- Maharikoriko be, feno kankana ny vavany sy ny orony sy ny masony ary ny sofiny. Ny lohany feno
olitr’afo mahamay, feno fotaka maimbo. Ny olona rehetra ao dia mitabataba tsy hifandrenesana, ny
devoly mikapoka sady maneso. (Fabiola)
NY TSY MINO NY FISIAN’ANDIRAMANITRA
- Devoly maro dia maro no mampahory azy, izay tsy mitsahatra mikapoka ireto andiam-panahy mahantra
maro, amin’ny karazana karavasy mifanolana vita amin’ny vy mirehitr’afo. Izy ireo dia minaonaona
tamin’ny fikiakiaka maranitra loatra sady mahonena ka noheveriko fa afaka hampiempo ny fahalozàna
amin’ny tenany ho tonga fïtserana izany. Ary nahatonga ahy hiteny tamin' ny iray tamin' ireo
mpampahory hoe : "Eh, atsaharo ny tànanao, ary aza dia maneho halozàna toy izao amin' ireo
zavaboahary namanareo, izay angamba ny tenanareo ihany no namitaka azy ho amin' izao fijaliana
rehetra izao". Tsia, hoy ny navalin' ilay mpampahory tamin' ny feo nalefaka dia nalefaka, na dia ratsy aza
izahay dia tsy mbola nisy devoly ratsy tahaka ireto na oviana na oviana, na koa meloka tamin' ny
famonoana olona loatra tahaka azy. Satria izahay rehetra dia mahafantatra fa misy Andriamanitra, na dia
halanay aza Izy ! Fa ireto kosa dia tahaka ny tsy ho tonga na oviana na oviana amin' ny fiaikena (mandrapahatongany taty) fa misy izany Fisiana Iray izany. Anisan’izany Hobbs ilay nanoratra ny boky mitondra
ny lohateny hoe : Leviatana. (John Bunyan)
- Nahita olona tao anaty afo aho, lava volo, manao akanjo lava. Nanontaniako ny mpanjakan’ny helo : « Fa
iza moa io ? » Dia namaly izy hoe : Io ilay ivavahanareo dia i Gautama na i Bouddha. Gaga be aho nahita
an’i Gautama any amin’ny afobe. Dia nitaraina aho hoe : « i Gautama olona tsara toetra, nahoana izy no
aty amin’ny afobe ? Hoy ny mpanjakan’ny afobe : tsy dia misy antony loatra raha tsara ianareo. Tonga
ato amin’ity toerana ity izy satria tsy nino an’ilay Andriamanitra mandrakizay. (Moine Bouddhiste iray)
- Hitako ny kolonely Mouammar Kadhafi izay maty vao haingana novonoin’ny mpikomy tao Libye. Hoy ny
Tompo : aty izy satria tsy nino an’Andriamanitra. Nasehon’ny Tompo ahy ny fomba fiainan’io olona io
fony izy teny an-tany. Nanana rojo mahagaga izy izay nampiasainy mba handosirany rehefa manafika azy
ny tafiky ny OTAN sy ny mpikomy. Tamin’io fotoana io kosa anefa rehefa avy nandro iny izy dia adinony
ny nitondra an’io rojo io izay azony avy tany amin’ny sefon’ny mpisikidy tany Inde. Hoy ny teniny :
« Holazaiko amin’ny Libye rehetra na ny kely na ny lehibe mba hiova ho kristiana izy ireo ». (Emmanuel
Agyarko)
NY MANAO TSINONTSINONA NY FIVAVAHANA
- Navelan’Andriamanitra hijery fanahy iray izay tao anatin’ireo ohatra ny vilany vy izahay. Mihantona
mitsingolika izy ireo ary ny nofony amin’ny tarehiny miparitaka mikirazorazo. Nijery an’i Jesosy izy, dia
nikiakiaka niantso azy : Tompo ô ! miantrà re ! afaho amin’ity toerana ity aho. Tsy naniry hijery azy
Jesosy fa ny lamosiny no nomeny azy. Nanomboka nanozona sy niteny ratsy ny anaran’i Jesosy. John
Lenon, mpihira malaza tao amin’ny tarika Beatles io lehilahy io. Tamin’ny androm-pahavelomany dia
nihomehy sy nandrabiraby foana ny fivavahana izy. Nilaza izy fa ny tarika « Les Beattles » no malaza noho
i Jesosy. Ary ho foana ny fivavahana kristiana hoy izy, ka ho hadinon’ny olona i Kristy.
Page 31
Any amin’ny helo nefa io lehilahy io ankehitriny. Fa Jesosy Kristy mbola velona ary ny fivavahana kristiana
tsy foana. (Kolombiana 7 mianadahy)
- Ny iray tamin'ireo olona hitan-dRamatoakely D. tao anatin'ny fangirifiriana, dia zatra nanitsakitsaka ny
Sabatan'ny Kristiana, noho ny raharahan'izao tonolo izao. Mihoatra ny indray mandeha aho no
nananatra azy mafy ny amin'izany, nampitandrina azy ny amin'ny loza hanjo azy, ary nampirisika azy
handositra ny fahatezerana ho avy. Nekeny ny fahamarinan'ny fananarako, saingy toy ny maro, dia
nohazavainy ireo zavatry ny tany izay nihazona azy. Naneho fanantenana izy fa raha afaka fotoana tsy ho
ela, dia ho afaka hisotro ronono izy, ka hikarakara ny fanahiny! Indrisy, vehivavy mampalahelo ! Ny
fangatahan'andro dia efa nanimba fanahy maro loatra ary nanimba ny azy koa. Satria raha teo akaiky ny
hahatanteraka ny zavatra rehetra izay nirin'ny fisainan'ny teniny ela loatra sy fatratra loatra izy, ny iraky
ny fahafatesana kosa dia nanapaka tampoka sy tsy nampoizina ny fanantenany rehetra, ka namarana
tampoka ny fiainany mety maty. Ary hitan-dRamatoakely D. tany amin'ny helo izy nanandratra ny
masony tao anatin'ny fijaliana. (Misionera Robert Young)
IREO MANDA AN’I JESOSY: menatra ny mitory an’i Jesosy
- Isam-potoana dia nisy antsoantso, fikiaka, sento, na izay mety karazam-peo hafa. Isak’izay mandre ny
fipiapiaky ny lelafon’ny helo, ireo vahoaka mahonena, sarotahotra faraidiny ireo dia nitroatra niverina
nankany amin’ny aloka, mipararetra, mihorohoro. Ary marobe kokoa ny
olona amin’izany kilasy izany, raha ny hitako, noho ny amin’ny kilasy hafa
rehetra tafatambatra. Ireo hoy ilay iraka niaraka tamiko, no ireo vahoaka
an-tapitrisany izay sarotahotra loatra ny hanaiky an’i Jesosy Kristy
AMPAHIBEMASO sy niharihary. Ny tahony no nitondra azy ireo ho aty
amin’ny helo: tahotra fianakaviana, tahotra ray aman-dreny, taho-bady (na
lahy na vavy), tahotra namana na sakaiza mpiara-miasa, karazan-tahotra
an’itsy sy iroa. Dia very tany izy ireo, feno tahotra faraidiny izay
nampipararetra azy ireo, arakaraky ny nirehetan’ny lelafon’ny helo tsy nisy
farany. (Lorne Fox)
NY MPANIRATSIRA AN’I JESOSY
- Nahita toerana iray ngazana sady maina kilan’ny afo aho teo anoloako. Volon-tany sy bozaka maina no
misy amin’ilay toerana. Nahita fanahy amin’arivony aho. Ny fitafiny dia ohatra ny lokona fasika. Tsy
manan-tsafidy manoloana an’ity afo midedadeda handoro azy.
Mitanondrika izy ireo, tsapa fa resy tanteraka sady feno famoizam-po. Olona nahalala an’Andriamanitra
izy ireo sady kristiana fa tsy mpankato sy mpaniratsira. Betsaka no milaza fa kristiana nefa teny tsy
mitoetra ao aminy. Misy an’izy ireo no mihevitra fa indray mandeha isan-kerinandro ihany dia ampy no
mankany am-piangonana. Tsy mamaky Soratra Masina na Baiboly, tsy manao izay masina. Maro amin’izy
ireo no mahafantatra izay nolazaiko fa ny fon’izy ireo tsy mba niray tamiko. (Choo Thomas)
- Feon-dehilahy mitaraina: Tompo ô! Hiantrao re! Miaiky tanteraka aho fa diso. Jesosy, mamindrà fo
amiko, fa efa an-taonany maro no tato amin’ity afo ity aho. Miangavy re, alao ato aho. Mitomany mafy
ity taolana sisa tavela. Mitalaho re Jesosy ô! Avohay ato aho, hoy ny fitarainany. Nijery an’i Jesosy aho
ary hitako fa latsaka ny ranomasony.
Hoy ralehilahy: Jesosy Tompo ô, rehefa lasa any anaty afo lalina be any aho, tsy zakako intsony, efa 40
taona aho no taty. Hoy Jesosy, voasoratra hoe: ny marina amin’ny finoana no velona, ary ny
mpaniratsira sy ny tsy marina ho aty amin’ny afobe. Tsy te-hino ny fahamarinana ianao, maro ny olona
nalefa tany aminao hanitsy ny lalanao. Nihomehezanao fotsiny izy ireny sady nolavinao ny filazantsara.
Ho anao ny nahafatesako teo amin’ny hazo fijaliana. Naneso ahy ianao tamin’izany ary tsy te-hiala
tamin’ny fahotanao. Efa im-betsaka ny raiko no nanome fotoana sady niala nenina taminao. Raha mba
nihaino mantsy ianao! (Mary Baxter)
Page 32
NY MAMITAKA AN’I JESOSY
- Naheno feom-behivavy nitomany tamin’ny famoizam-po tanteraka aho. Hikiaka mafy etsy sy eroa. Tonga
teo amin’ny lavaka nisy an’io vehivavy io izahay.
Niangavy an’i Jesosy tamin’ny fanahiny mihitsy izy hanala azy ao. Hoy izy: Tompo ô! Mbola hijanona ela
ato amin’ity toerana ity ve aho? Tsy zakako intsony ny fahoriako, mitalaho re! Fony teny an-tany ianao
dia niantso anao ary niantso foana aho. Niangavy aho hanarahanao ny fitsipiko sy hamindra fo amin’ny
olona ary tsy hifikitra amin’ny fahotana. Im-betsaka aho amin’ny alina no tonga tany aminao. Nisintona
anao tamin’ny alalan’ny Fanahy Masina Aho. An-tendro-molotra ihany no nanekenao ahy fa ny fonao
tena nalavirinao ahy. Angaha tsy fantatrao fa tsy misy zava-miafina eo amin’Andriamanitra. Ny olona no
azonao fitahina fa tsy Izaho. Mbola naniraka olona tany aminao aho hialanao ny fahotanao. Tsy tianao
ny hihaino sy hahita azy ireny fa noroahinao tamim-pahatezerana izy ireny. Tsy nanenenanao sady tsy
nisy henatra kely akory. Ankehitriny very mandrakizay ianao. Raha mba izay mantsy ianao nihaino ahy.
(Mary Baxter)
IREO TSY NETY NANDRAY NY FILAZANTSARA
- Nahita fanahy iray izahay nandeha tamin’ny tetezana. Hitanay fa io fanahy io dia miendrika saribakoly
izay efa fahita ety ambonin’ny tany. Ny anaran’izy ireo dia antsoina hoe : « Treasures Trolls ». Samihafa
avokoa ny lokon’ny volon’izy ireo, ny tarehiny dia tarehin’antitra fa ny vatany kosa vatan’ankizy, ary tsy
manana taovam-pananahana izy ireo. Masiaka dia masiaka ny fijery ny
mason’izy ireo. Nohazavain’ny Tompo taminay fa fanahin’ny fahaverezana ireo
fanahy ireo. Manana lefona eny an-tanany izy ary mandeha miedinedina eo
amin’ilay tetezana, tahaka ny tompon’izany fanjakana izany.
Rehefa nandroso izahay, dia hitanay fa tsindrominy ny lefona avy aty ambony
ny olona. Manozona sy mandatsa azy ireo izy manao hoe : Tadidinareo ve
tamin’ny andro izay nijanonanareo tao ivelan’ny Fiangonana ka tsy nety
niditra ianareo ? Tsaroanareo koa ve tamin’ny fotoana nitoriana teny
taminareo nefa tsy nety nihaino ianareo ? Ary tamin’ilay fotoana nanomezana
anareo trakta kely, saingy narianareo izany ? Miezaka manampina ny sofiny
ireo fanahy very sady mamaly an’ireo devoly : Mangina ianao, Mangina ianao. Aoka izay, aza miteny
amiko tahaka izany intsony ! Tsy te hahafantatra an’izany intsony aho ! Mangina ianao ! Nefa mahafaly
dia mahafaly ny devoly ny manao izany satria mampahory dia mampahory ireo fanahy very ny mandre
izany
Ny iray amin’ireo sazy mihatra amin’izy ireo dia ny feon’ny fieritreretany : « Tadidinao ve raha nitory taminao
izy ireo ? Tsaroanao ve fa tamin’ianao nihaino ny Tenin’Andriamanitra dia nolazainy anao ny momba ny
Afobe. Dia nihomehy ianao tamin’izay ». Mampahory azy ireo ny feon’ny fieritreretany izay tahaka ny
kankana ihany koa mamakivaky ny vatan’izy ireo sy ny afo izay mandoro an’arivony heny noho izay
heverintsika aty ambonin’ny tany. Izany no valisoa omen’ny devoly hoan’ireo izay mitady azy sy
manaraka azy. (Kolombiana 7 mianadahy)
Ny Tenin’Andriamanitra ao amin’ny Apokalipsy 21 :8 dia milaza fa : « Fa ny osa sy ny tsy mino sy ny
vetaveta sy ny mpamono olona sy ny mpijangajanga sy ny mpanao ody ratsy sy ny mpanompo sampy
ary ny mpandainga rehetra dia hanana ny anjarany ao anatin’ny farihy mirehitra afo sy solifara. Izany
no fahafatesana faharoa ».
NY MPANAO TOMBON-KAVATSA (Tatouage)
- Nahita ankizilahy 17 taona iray teratany Amerikana tany amin’ny helo aho,
Phillip no anarany. Misy tombon-kavatsa sarin’hala eo amin’ny lamosiny.
Nambarany fa nisy namany nilaza taminy fa miaro azy amin’ny aretina io.
Nahita an’i Satana nandalo teo anilany aho ary naneso azy. Any amin’ny helo
izy ankehitriny noho ny fanaovana tombon-kavatsa.
Page 33
Niteny Losifera : « Izay rehetra manao tombon-kavatsa dia manompo ahy». Nahita olona maro izay tao
ihany koa aho vokatry ny fanaovany tombon-kavatsa tamin’ny tenany. Hitako fa indro Satana niova ho
toy ny tovolahy kely ary feno tombon-kavatsa sy kavina ny tenany, ary mandatsalatsa azy ireo (Lev 19.
28).
Any amin’ny helo dia misy vy metaly mahamay izay mena mivaivay apetaka eo amin’ireo faritra misy
tombon-kavatsa, ary dia tena mampijaly azy ireo izany. Nisy lehilahy iray niteny tamiko fa tsy fantany ny
ho vokatry ny zavatra nataony. Naka tahaka ny namany izay nanao toy izany fotsiny izy. Kanefa dia any
amin’ny helo miaina ao anatin’ny fanaintainana izy noho ny fisian’izany tamin’ny tenany. (Emmanuel
Agyarko)
NY FAHAFOLON-KARENA
- Nahita olona amin’arivorivony aho. Misy tanora, lehibe ary antitra mijaly ao amin’io toerana io. Tonga
teo amin’ny toerana iray tahaka an’ireny dobo filomanosana ireny izahay, feno lehilahy sy vehivavy
amin’arivony. Izy ireo dia samy mitondra takela-by eo amin’ny tratrany : « Ato amin’ity toerana ity aho
satria tsy mba nanome fahafolon-karena sy fanatitra ». Rehefa avy namaky izany aho, dia nangataka
tamin’ny Tompo nanao hoe : « Tompo o, inona no antony nahatonga ireto olona ireto ato noho izany
zavatra izany ? ». Namaly ahy ny Tompo : «Ny olona dia mihevitra fa tsy dia tena zava-dehibe ny
fahafolon-karena sy ny fanatitra na dia voasoratra ao amin’ny Teniko aza izany » (Mal 3 :10). Ao amin’ny
Mal 3 : 8 dia voasoratra hoe : « Handroba an’Andriamanitra va ny olona, no mandroba Ahy ianareo ?
Nefa hoy ianareo : Amin’inona moa no androbanay Anao ? Amin’ny fahafolon-karena sy ny
fanatitra ».
Nohazavain’ny Tompo fa rehefa tsy mandoa ny fahafolon-karena ny olona, dia misy fiantraikany any
amin’ny asan’Andriamanitra izany, ary tsy voatory ny Filazantsara. Ny olona ao amin’io toerana io dia
mijaly lavitra noho ny amin’ny toerana hafa, satria efa nahafantatra ny Soratra Masina nefa tsy nankato.
(Sandra- Kolombiana 7)
- Nisy lehilahy iray nangataka famindram-po tamin’ny Tompo. Nanontany azy aho hoe fa maninona izy no
aty ary mangataka indrafo. Nangalatra tamin’ny Tompo aho hoy ny nambarany. Gaga aho satria tsy
azoko hoe ahoana no ahafahana manao izany! Nambarany ahy ny tantarany: Mpitarika fivavahana
nandritra ny 20 taona aho. Efa nahalala tsara an’i Kristy nandritra izany fotoana izany aho. Nambarany fa
ny volan’ny rakitra sy ny fahafolon-karena dia natao hanohanana ny mpitandrina ihany. Manenina aho
ankehitriny satria fantatro fa diso izany. Natao ho an’ny Tompo izany, izany no antony nitenenako hoe
nangalatra tamin’ny Tompo aho. Maro ny olona eny an-tany mangalatra toy ny nataoko. Ambarao fa izay
rehetra tsy manome ny fanatitra sy ny fahafolon-karena dia mangalatra. (Angelica 2ème voyage)
- Nahita Pastera lasa tany amin’ny helo aho noho ny tsy fanaovany fahafolon-karena. Albert no anaran’ny
iray ary Daniel ny iray, mpitandrina tao amin’ny fiangonana kristiana izy ireo. Daniel dia tsy nino ny
maha-zava-dehibe tsy maintsy anaovana ny fahafolon-karena amin’izao vaninandro izao, ary nambarany
tamin’ny mpivavaka izany. Any amin’ny helo izy satria tsy nandoa izany ary nisakana ny hafa ihany koa
tsy hanao izany.
Ny fiangonan’i Albert kosa indray dia manaiky ny fandoavana fahafolon-karena saingy nihevitra izy fa
natao ho an’ny mpino irery ihany izany fa tsy ho natao ho an’ny mpitandrina. Naniry ny hiverina eto antany izy mba hibebaka sy handoa izany.
Nisy mpitandrina roa hafa koa tsy nandoa izany. Ny iray dia nihevitra fa tsara ny tsy mandoa izany na dia
fantany aza fa tokony hanao izany izy. Ny iray indray nilaza fa tsy dia mafy loatra ny asa tanterahiny ka
nihevitra izy fa tsy dia ilaina ny fandoavana izany. (Emmanuel Agyarko)
- Fa izay rehetra tsy mandoa fahafolon-karena dia fahavaloko. Ary ny fahavaloko dia mandroba ahy, aty ny
toerana misy azy. Lazao izany ry Yves fa tsy misy sahy mitory an’izany amin’izao fotoana izao.
Page 34
Nefa tsy faniriako ny hahita ny olona lasa aty. Ambarao fa izay tsy mandoa ampahafolon-karena rehetra
dia aty ny toerana misy azy. (2ème voyage Yves)
IREO MIVAVAKA AMIN’NY MASINA SY SARY VONGANA
- Nahita olona tany amin’ny helo aho vokatry ny fivavahany tamin’ireo olomasina fony izy tety an-tany. Sokajiana ho fanompoan-tsampy izany ary
dia tena mijaly mafy izy noho izany. (Emmanuel Agyarko)
- Nasehon’ny Tompo ahy fa isaky ny sary vongana iray dia misy devoly ao
ambadikany. Izany no antony mahatonga ny olona manantona ny sary
vongan’i « Vierge de Guadalupe », « Vierge du Cinéma », « Vierge
Marie », eny na ny an’i « Jesoa Zaza » aza. Maro ny olona mangataka
zavatra amin’ireo ary mahazo fanasitranana. Saingy isak’ireo sary ireo dia
misy demony avokoa. Satana dia mihaino azy ireo ary manome fahefana
sandoka indraindray, manao zavatra izy mba hinoany fa misy zavamahagaga mitranga mba hahatonga azy hanohy ny fivavahana amin’ireo.
(Angelica 2ème voyage)
NY MPITONDRA FIVAVAHANA
- Nahita andiam-panahy voaozona tsy tambo isaina aho, nikotro nify vokatry haromontana sy fangirifiriana
fara-tampony indrindra. Ny devoly mampidina tsy an-kijanona ran’afo sy solifara. Mandritra izany
fotoana izany dia manozona an’Andriamanitra mbamin’izay teo akaikiny izy ireo. Fitenenan-dratsy
nataony tamin’ny fomba mahatsiravina indrindra. Izy ireo hoy ny devoly no tena mendrika tsara izao.
Ireo no mahantra voaozona izay te-ho mpampianatra ny hafa ny lalà-mahitsy ho any an-danitra kanefa
fatra-pitia ny fahotana ka nankaty. Ireo dia fanahy ngezalahy nampiasain’ny devoly fony fahavelony tety
an-tany. Tsy ny otany ihany no hanadinana azy any, fa ny an’ireo notarihany ho any amin’ny
fahaverezana ihany koa, na tamin’ny fampianarany na tamin’ny ohatra ratsy nomeny. (John Bunyan)
- Nentin’ny Tompo tamin’ny toerana nisy olo-malaza tety an-tany aho.
Taloha aho dia nihevitra amin’ny maha-kristiana ahy fa rehefa maty
ny olona dia mankany am-paradisa avokoa, indrindra ireo mpitondra
fivavahana. Diso aho raha nahita ity mpitondra fivavahana ngezalahy
tety an-tany any amin’ny helo. Nijery ny endriny aho dia fantatro
tsara izy. Hoy ny Tompo: Jereo tsara io mpitondra fivavahana io fa aty
amin’ny afo noho izy tsy nibebaka. Tsy aritro intsony ka nanontany
aho: Fa nahoana izy no aty nefa izy nitory tamin’ny olona maro?
Namaly ny Tompo: betsaka ny otany, tsy milaza ny tena marina io,
nefa fantany tsara ny fahamarinana.
Ny vola no nosafidiny noho ny fanavotana ny fanahiny. Raha nijery azy aho, dia hitako fa iny nisy
bibilava misy tsilo nanodidina ny tendany. Miezaka mafy izy manala an’io. Niangavy ny Tompo izy mba
hanampy azy. Izao no antsoantsony: Ampio aho, mba amindrao fo re, alao ato amin’ity toerana ity aho,
mamelà ny heloko, te-hiverina eny an-tany aho hibebaka. Nandinika azy Jesosy ka niteny hoe: Fantatrao
tsara ity toerana ity. Efa tara loatra, tsy misy azo atao intsony.
Hoy ny Tompo: Henoy tsara ry zanakovavy fa asehoko anao ny fiainan’io lehilahy io. Nasehon’i Jesosy ahy
tamin’ny fahitalavitra iray lehibe ny fanaon’io lehilahy io rehefa manao fanompoam-pivavahana
amin’ireo karazan-javatra maro samihafa ary ireo mpivavaka dia mankasitraka izany fatratra.
Page 35
Ry zanakovavy, jereo fa feno sampy ny toerana. Tsy mahavonjy ireo fa Izaho ireny ihany no Mpamonjy.
Hitako ny fomba nahazoany vola be sy ny fihazonany ho azy samirery izany ary dia tena mpanefoefo izy.
Hitako ny endriny nipetraka teo ambonin’ny seza fiandrianany. Nefa mbola te-hahita ankoatra ireo aho.
Marina fa tsy manambady io lehilahy io, nefa ampahafantariko anao fa miara-matory amin’ireo
mpivavaka ao izy ary vehivavy maro hafa koa. Izany zavatra izany ankehitriny no iainan’ireo olona maro
eny ambonin’ny tany sy ireo Pretra. (Angelica 1er voyage)
NY FANENENANA
- Naseho anay àry ilay farihy afo sy solifara. Tamin’ny ampahany ilan’io farihy io dia nisy toerana somary
kelikely kokoa. Nisy fanahin’olona aman’hetsiny maro izay mitomany sy midradradradra famindram-po
tamin’ny Tompo tao. Hoy izy ireo tamin’ny Tompo: Tompo ô, miangavy re! Esory ato izahay na dia
fotoana fohy fotsiny aza. Miangavy re, omeo fahafahana izahay. Nefa ny Tompo tsy afaka manao na
inona na inona.
Tao anatin’ireo olona an-tapitrisany ireo, dia navelan’ny Tompo handre ny eritreritr’ ity lehilahy iray ity
izahay, ny tapany ambany dia may ao anaty farihy afo. Mark no anarany. Ary tena nahazo lesona
mandrakizay tamin’ny fanambarany izahay, hoy izy: “Na inona na inona dia homeko mba ho toy ny
toerana misy anareo ankehitriny izao aho. Vidiko lafo be ny hiverina eny ambonin’ny tany na dia iray
minitra aza. Tsy raharahako na izaho aza no mahantra indrindra eny ambonin’ny tany, na ny marary
be indrindra na ny ankahalaina be indrindra. Vidiko lafo be ny hiverina eny ambonin’ny tany na dia
iray minitra aza”. Notazomin’i Jesosy ny tanako, ary hoy izy namaly ny eritreritr’i Mark “Fa maninona
ianao no maniry hiverina eny ambonin’ny tany na dia iray minitra fotsiny aza?” – Tamin’ny ranomaso sy
alahelo no namaliany an’i Jesosy hoe: “Tompo ô, maniry mafy ny hiverenako eny ambonin’ny tany aho
na dia iray sengodra aza mba hibebaka ary ho voavonjy. Rehefa ren’i Jesosy izay nolazain’i Mark dia
nahita rà nivaoka tamin’ny holatr’i Jesosy aho ary feno ranomaso ny masony. Nilaza ny Tompo: Tara
loatra ianao ry Mark. Ny kankana izao no hilafianao ary ny olitra no mandrakotra anao (Isa 14. 11).
Rehefa nilaza an’izany Jesosy dia nilentika tao anatin’ilay farihy afo sy solifara mandrakizay izy.
(Kolombiana 7 mianadahy)
Page 36
TENY FAMARANANA
Ry havako, “Ao ny andro ahaterahana, ary ao ny andro ahafatesana” (Mpit 3. 2). Ny fiainanjanak’olombelona dia teraka, miaina ety an-tany ary maty. Ataovy ao an-tsaina ny voalazan’ny
Mpitoriteny. “Efa hitako ny zavatra rehetra izay atao aty ambanin’ny masoandro; fa indro, zavapoana sy misambon-drivotra foana izany rehetra izany” (Mpit 1. 14)
Ny fahafatesana iraisan’ny manan’aina, fa aorian’ny fahafatesana dia samy hafa ny lalana. Roa ny
lalana, ny iray mankany an-danitra ary ny iray mankany amin’ny Helo na Afobe.
Efa hitanao sy renao ny tsara sy ny ratsy, hoy ny Tompo aminao: “Ry malala, aza ny ratsy no alaintahaka, fa ny tsara” (III Jao 1. 11a). “Fa ianareo kosa, ry malala, ataovy izay handrosoanareo
amin’ny finoanareo masina indrindra” (Joda 1. 20a). “Aoka ho matoky hatramin’ny fahafatesana
ianao, dia homeko anao ny satroboninahitry ny fiainana” (Apok 2. 10b). Fiainana mandrakizay
izany. “Izay maharesy dia havelako hiara-mipetraka amiko eo ambonin’ny seza fiandrianako”
(Apok 3. 21a).
“Ny fanjakantsika dia any an-danitra, ary avy any koa no iandrasantsika Mpamonjy, dia Jesosy
Kristy Tompo” Fil 3. 20. Lovantsika amin’ny fanompoana an’i Jesosy izany.
Hoy ny Tompo “Ary avy amin’ny tenanao ihany no mahatonga ny hamoizanao ny lovanao izay
omeko anao” Jer 17. 4a. “Ary tsy mba hiditra ao mihitsy izay tsy masina, na izay manao vetaveta,
na izay mandainga” Apok 21. 27
Tsy mba handova ny fanjakan’ny lanitra: “Ny osa sy ny tsy mino sy ny vetaveta sy ny mpamono
olona sy ny mpijangajanga sy ny mpanao ody ratsy sy ny mpanompo sampy ary ny mpandainga
rehetra dia hanana ny anjarany ao anatin’ny farihy mirehitra afo sy solifara. Izany no
fahafatesana faharoa” Apok 21. 8.
“Fa miharihary ny asan’ny nofo dia izao: Fijangajangana, fahalotoana, fijejojejoana, fanompoantsampy, fanaovana ody ratsy, fifandrafiana, fifandirana, adi-lahy, fiafonafonana,
fifampiandaniana, fisarahana, fitokoana, fialonana, fahamamoana, filalaovan-dratsy, ary ny toy
izany, izay lazaiko aminareo rahateo, tahaka ny voalazako fahiny koa, fa izay manao izany tsy
mba handova ny fanjakan’Andriamanitra” Gal 5. 19-21.
Efa voasoratra ao anatin’ity boky ity ny loza manjo an’ireo nanana izany toetra izany any amin’ny
afobe fa mahonena.
Miambena fa “Ny devoly fahavalonareo mandehandeha tahaka ny liona mierona mitady izay
harapany” I Pet 5. 8. “Kanefa amin’izany rehetra izany dia manoatra noho ny mpandresy isika
amin’ny alalan’ilay tia antsika” Rom 8. 7
Tsarovy fa io devoly io dia efa nataon’i Jesosy hoe: “Indro, hataoko tonga hiankohoka eo
anoloan’ny tongotro ireo” Apok 3. 9b
Tsarovy fa manana fahefana hamotika azy ianao. “Manohera ny devoly, dia handositra anareo izy”
Jak 4. 7.
Ataovy ao an-tsainao fa “mandalo izao fiainana izao sy ny filany; fa izay manao ny
sitrapon’Andriamanitra no maharitra mandrakizay”. I Jao 2. 17
Koa afoizo izao tontolo izao sy ny filany, aza manakim-po amin’ity tany ity izay ho potika sy ho
levona. “Ny tany sy ny lanitra ho levona, fa ny teniko tsy mba ho levona” Mat 24. 35
Aoka ho fantatrao “Fa Andriamanitra efa namboatra izay tsara lavitra antsika”. Heb 11. 40
“Ary izao no teny fikasana izay nataony tamintsika, dia fiainana mandrakizay” I Jao 2. 25
Ry havako, mialà amin’ny ratsy fanao rehetra amin’izao androm-pahavelomana izao. Aoka hifona sy
hibebaka, aza miverin-dalana ho any amin’ny afobe. Fa mizora mahitsy sy am-pahamasinana ho any
am-paradisa. Raha tanterakao izany dia hoy ny Tompo: “Ho hitanareo ny lanitra misokatra sy ny
Anjelin’Andriamanitra miakatra sy midina eo ambonin’ny Zanak’olona”. Jao 1. 51
Page 37
Voasoratra ity boky ity noho ny fitiavan’i Jesosy Tompo ahy sy ianao. Isaorako Jesosy fa Izy no
nanolo-tsaina ahy, ary nanome ahy ny Fanahy Masina nitari-dalana sy nanolo-tsaina.
Atolotro ho an’i Jesosy ity boky ity ary aza mankasitraka ahy ianao fa ny valim-pitia tsy ety an-tany
fa any an-danitra.
Rehefa mahazo ity boky ity ianao dia mba omeo koa ny hafa. Omeo maimaim-poana fa “Efa nahazo
maimaim-poana ianareo, koa manomeza maimaimpoana”. Mat 10. 8
Azonao atao dika mitovy ity, ary rehefa manao dia ataovy marobe fa aza manao kely izany.
Farany, ry havako malala ao amin’ny Tompo, tokana ny marina dia ao amin’i Jesosy Kristy zanany (I
Pet 5. 20). Izy no Andriamanitra marina sy fiainana mandrakizay.
Ho an’Andriamanitra irery ihany anie ny voninahitra
Rambelo Gaby
*********************************************************
IREO MPIJORO VAVOLOMBELONA
Angelica – Augusto Maquengo – Brani Duyan – Bernarda Fernandez - Carmelo Brenes – Choo
Thomas – Collet Percy – Emmanuel Agyarko - Fabiola – Jennifer Perez - John Bunyan Kolombiana 7 mianadahy - Lorne Fox – Mary Baxter – Moine Bouddhiste (Athet Pyan
Shinthaw Paulu) – Misionera Robert Young (Vehivavy Wesleyan iray) - Pasteur J. Joseph
Randrianatoandro – Pasteur Renus Olson - Ra-Tiana – Rambelo Gaby - Réverend Park Yong
Gyu – Victoria Nehale - Seneca Sodi – Yves Ratsimindramanana
Page 38

Vakiana manontolo - Hafatry ny lanitra

Transcription

Similar documents

Fixture - World Sports Betting

Tompon`andraikitra amin`ny obésité an`ny zanantsika isika

faharetan` ny tetik`asa? - Conservation International

Arahaba nahatratra ny PASKA 2015

Gazety N°03 - FLM Toby Fanantenana