De ParapIü - Kölsch AGs

Kölsch Karaoke
Kölsche Kinderlieder
Zusammengestellt von Wolfgang Jaegers
1. Der Paraplü
2. Nohbersch Pitter
3. Jan un Griet
4. Kölsch Hännes´che
5. E paar Grosche för Ihs
6. Dun Sie mer för ne Grosche Kamelle
7. Ich will e Auto met nem schwatze K
8. Do steiht ne Schutzmann
9. Kinder (Pänz)
10. Carousellchesleed
11. Kirmesleed
12. Wenn ganz Kölle fiert
13. Ene Besoch em Zoo
14. Dä Klein dä muß ene Nüggel han
15. Kinddauf Fess unger Krahnebäume
16. Kinderfasteleer
17. Kölsche Pänz
18. Kunibäätspotze-Leed
19. Alt Kölle
20. De kölsche Schusterjunge
21. Dat Glockespill vum Rothuusturm
22. Däm Schmitz sing Frau es
durchgebrannt
23. Die Wienanz han nen Has em Pott!
24. Sag ens Blootwoosch
25. Drei Klein Müüs
26. Sohß e Ääpche om Treppche
27. Mer singe Kölsch
28. Fresche Maifesch
1. De ParapIü
T&M: unbek.
Vorsänger:
Es dat nit jet för d'r Doosch?
Alle:
Jo, dat es jet för d'r Doosch.
Vorsänger:
Es dat nit en leckere Woosch?
Alle:
Jo, dat es en leckere Woosch.
Leckere Woosch, för d'r Doosch,
Refrain:
<i>Oh du schöner, oh du gröner,
oh du schöner Paraplü!</i>
Es dat nit ene Kindernüggel?
Jo, dat es ...
Es dat nit ene leere Büggel?
Jo, dat es ...
Leere Büggel, Kindernüggel,*
<i>Oh du schöner ...</i>
Es dat nit jet för ze heize?
Jo, dat es ...
Es dat nit jet för ze reize?
Jo, dat es ...
För ze reize, för ze heize,
<i>Oh du schöner ...</i>
Es dat nit en äde Pief?
Jo, dat es ...
Es dat nit en Köcheriev?
Jo, dat es ...
Köcheriev, äde Pief,
<i>Oh du schöner ...</i>
Es dat nit för Zäng zu putze?
Jo, dat es ...
Es dat nit jet för ze futze?
Jo, dat es ...
För ze futze, Zäng ze putze,
<i>Oh du schöner ...</i>
Ab der 2. und jeder weiteren Strophe
können die Gegenstände der vorigen
Strophe(n), hier wiederholend, angeführt
werden.
2. Unse Nohbersch Pitter
T&M: trad.
Unser Nohbersch Pitter wollt' ne Ritter
wäde.
Hatt hä keine Pädche,
kunnt hä keine wäde.
Nohm de Mutter ne Hippenbock,
un satz dä Pitter bovven drop:
Hippenbock - Pitter drop.
War das nicht ne schöne Reiterei?
Ja, das war ne schöne Reiterei!
Unser Nohbersch Pitter wollt' ne Ritter
wäde.
Hatt hä keine Mantel,
kunnt hä keine wäde.
Nohm de Mutter de Jadedör,
hung se dem Pitter hingen un vör.
Jadedür - hingen un vür,
Hippenbock - Pitter drop.
War das nicht ne scliöne Reiterei?
Ja, das war ne schöne Reiterei!
Unser Nohbersch Pitter wollt' ne Ritter
wäde.
Hatt hä keine Zabel,
kunnt hä keine wäde.
Nohm de Mutter de Ovvenspief,
hung se dem Pitter öm d'r Liev.
Ovvenspief - öm d'r Liev,
Jadedür - hingen un vür,
Hippenbock - Pitter drop.
War das nicht ne schöne Reiterei?
Ja, das war ne schone Reiterei!
Unser Nohbersch Pitter wollt' ne Ritter
wäde.
Hatt hä noch kei Mötzche,
kunnt hä keine wäde.
Nohm de Mutter dä Kammerpott,
satz hä dem Pitter op de Kopp:
Kammerpott - op d'r Kopp,
Ovvenspief - öm d'r Liev,
Jadedür - hingen un vür,
Hippenbock - Pitter drop.
War das nicht ne schöne Reiterei?
Ja, das war ne schöne Reiterei!
Unser Nohbersch Pitter wollt'ne Ritter wäde.
Hatt hä keine Schnäuzer,
kunnt hä keine wäde.
Nohm de Mutter dä Stätz vum Has:
bung en dem Pitter unger de Nas.
Stätz vum Has - unger de Nas,
Kammerpott - op d'r Kopp,
Ovvenspief - öm d'r Liev,
Jadedür - hingen un vür,
Hippenbock - Pitter drop,
War das nicht ne schöne Reiterei?
Ja, das war ne schöne Reiterei!
Unser Nohbersch Pitter wollt' ne Ritter
wäde.
Hatt hä noch kei Stivvele,
kunnt hä keine wäde.
Nohm de Mutter de Botterkeen,
stallt se dem Pitter vör de Knee:
Botterkeen - vör de Knee,
Stätz vum Has - unger de Nas,
Kammerpott - op d'r Kopp,
Ovvenspief - öm d'r Liev,
Jadedür - hingen un vür,
Hippenbock - Pitter drop,
War das nicht ne schöne Reiterei?
Ja, das war ne schöne Reiterei!
Unser Nohbersch Pitter wollt' ne Ritter
wäde.
Hatt hä nix zom Scheeße,
kunnt hä keine wäde.
Nohm de Mutter de Bessemstill,
d'r Pitter meint, et wör jet vill:
Bessemstill - es jet vill,
Botterkeen - vör de Knee,
Stätz vum Has - unger de Nas,
Kammerpott - op d'r Kopp,
Ovvenspief - öm d'r Liev,
Jadedür - hingen un vür,
Hippenbock - Pitter drop.
War das nicht ne schöne Reiterei?
Ja, das war ne schöne Reiterei!
War das nicht ne schöne Reiterei?
Ja, das war ne schöne Reiterei!
3. Jan un Griet
T: Carl Cramer
Eigene Melodie von W. Franz oder Kirmes-Melodie
1. Zo Köln em ahle Kümpcheshoff
Wonnt ens nen Boerschmann;
Dä hatt 'en Mähd, de nann sich Griet,
Ne Knääch, dä nannt sich Jan.
2. Dat Griet, dat wor en fresche Mäd,
Grad we vun Milch un Blood,
Dä Jan, dat wor ne starke Poosch
Däm Griet vun Hätze good.
3. Ens säht hä: "Sag", esu säht hä,
Sag Griet, ben ich Deer rääch?
Nemm mich zom Mann, Do beß en Mäd
Un ich, ich ben ne Knääch."
4. Do säht it: "Jan, Do beß ne Knääch,
Un ich en schöne Mähd,
Ich well 'nen däft'ge Halfer han
Met Öhß un Köh un Pähd.
5. Un als dä Jan dä Kall gehoot,
Do trohk hä en dä Kreeg,
Schlog immer düchtig en dä Feind,
Holf wenne mänche Seeg.
6. We widder hä noh Kölle kohm,
Sohß hä op staatsem Päd;
Dä Jan, dä wor ne Feldmarschall,
Dä große Jan vun Wäth.
7. Un we hä ahn de Pohz no kohm,
Sohß en der Pohz dat Griet;
It sohß vör einem Appelkrohm,
Wo it Kuschteie briet.
8. Un als dä Jan dat Griet dhät sinn,
Leht stell sih Päd hä stonn,
Un größten it un säht zo im:
"Griet, wer et hätt' gedonn!"
9. Un als dat Griet dä Jan dhät sinn,
Su blänkig usgeroß,
Do größt' it in un säht zo im:
"Jan, wer et hätt gewoß!"
10. Ehr Mädcher all, och merkt üch dat,
Un sidd nor nit zo fried;
Gar mäncher hät et leid gedonn,
Dat Leed vum Jan un Griet.
3. Jan un Griet
T: Dr. Wilhelm Schneider-Clauß
Johre gonn un Johre kumme,
Wie de Minsche, kromm un grad:
Fahne, Fleute, Trööte, Trumme,
Un der Hendrich wor Zaldat.
Hätt ob Dich ich welle wade,
Wöd ich wal nen ahle Stock,
Han de zwanzig ald gelade,
Un do eez der bunte Rock.
Zo Berlin stund bei de GardeGrenadier hä stolz un groß,
Vun der Fääsch bes zor Kukarde
Sechs Foß sibbe Zoll hä mooß.
Wör ze alt för Dich gewode,
Un do woosch su wick un fän,
Un der Müller eß ne gode
Leeve Minsch un hät mich gän."
Als hä Orlaub hatt gekräge
Un ob Ost're kom noh Hus,
Lot vun fäns im ald entgäge
Nohbersch Züff am Finster 'rus.
Stief wie zo'r Parade stund do
Hendrich en Verbaserung
Dann su flöck begriefe kunnt jo
Hä nit die Veränderung.
"Dag, leev Züff", deit hä et größe,
Bliev bei im am Finster stonn,
Liet et Aug vun Kopp zo Föße
Im, - dann en et Zemmer gonn.
Doch wie hä sich jet bekümmelt
Hatt die Saach no un kapeet,
Dat e Mädche nit gän schimmelt,
Hät hä fründlich grateleet.
Un et Züff, dat weed verläge,
Kritt wie Schudder jet un Froß,
Un eh it sich hät erkräge,
Frög der Hen: "Wat eß hee loß?
"Züffge", säht hä, "bloß dat
Eine sag mer: Beß dann glöcklich do?"
Un et Züffge säht: "Ich meine ...
Nä, ich weiß et, Hendrich: Jo!"
Un wäm höt" - sing Auge bevve
En et Zemmer - "do die Weeg
Un wat dren eß?? - Kanns do gevve
Meer en Antwoot drob villeech?"
"Gott sei Dank!" Us vollem Hätze
Kom dem Henderich dat Woot!
Un hä daach un saht: Lang hätt se
Ob inn wade noch gemoot.
Laach et Züff un säht: "Woröm nit?
Der Frau Müllersch höt dä Klein;
Ärgern darfs do dich doröm nit,
Grad wie do su heisch hä - Hein!"
Doch als Nohberschkinder wollte
Treu se blieve Wand an Wand,
Un ehr Fründschaff störe sollte
Lück un Leid nit. - Drob de Hand!
"Wä es dann", deit wigger froge
Ärg verwundert der Zaldat,
"Die Frau Müllersch?" - dann geloge,
Meint hä, wör su bloß ald dat.
"De Frau Müllersch", met nem Schnippche
Säht et Züffge, dat ben ich,
Un hee dä, dat leckre Trüppche,
Unsen Äldsten, Henderich!
3. Jan un Jriet, fresch op-poleet!
T: Henner Berzau
M: Trad. (Von den Blauen Bergen kommen wir)
Wor ne Booreknääch en Kölle,
dä heesch Jan, dä Mann!
Wor ne Booreknääch en Kölle,
dä heesch Jan, dä Mann!
Wor ne Booreknääch en Kölle,
wor ne Booreknääch en Kölle,
wor ne Booreknääch en Kölle,
dä heesch Jan, dä Mann!
Hä sohch Jriet, un unse Jan wor
opjedriht vum Jriet!
Hä sohch Jriet, un unse Jan wor
opjedriht vum Jriet!
Hä sohch Jriet, un unse Jan wor,
hä sohch Jriet, un unse Jan wor,
hä sohch Jriet, un unse Jan wor
opjedriht vum Jriet!
Ävver Jriet wor stolz un leef am
Jan vorbei, dat Ei!
Ävver Jriet wor stolz un leef am
Jan vorbei, dat Ei!
Ävver Jriet wor stolz un leef am,
ävver Jriet wor stolz un leef am,
ävver Jriet wor stolz un leef am
Jan vorbei, dat Ei!
Jan daach: Leever wie die Mäd well
ich e Pääd - e Pääd!
Jan daach: Leever wie die Mäd well
ich e Pääd - e Pääd!
Jan daach: Leever wie die Mäd well,
Jan daach: Leever wie die Mäd well
Jan daach: Leever wie die Mäd well
ich e Pääd, e Pääd!
Met däm Pääd wor unse Boreknääch
dann flöck - op Jöck!
Met däm Pääd wor unse Boreknääch
dann flöck - op Jöck!
Met däm Pääd wor unse Bore-,
met däm Pääd wor unse BoreMet däm Pääd wor unse Boreknääch
dann flöck op Jöck!
Hät em Kreech sich als ne störe
Kopp jeklopp - fass drop!
Hät em Kreech sich als ne störe
Kopp jeklopp - fass drop!
Hät em Kreech sich als ne störe,
hät em Kreech sich als ne störe
Hät em Kreech sich als ne störe
Kopp jeklopp, fass drop!
Eines Dachs do woodt dä Jan dann
Jineral - dä Ahl!
Eines Dachs do woodt dä Jan dann
Jineral - dä Ahl!
Eines Dachs do woodt dä Jan dann,
eines Dachs do woodt dä Jan dann
Eines Dachs do woodt dä Jan dann
Jineral, dä Ahl!
Met vill Jlöck kom hä noh Kölle
ens zeröck - jejöck!
Met vill Jlöck kom hä noh Kölle
ens zeröck - jejöck!
Met vill Jlöck kom hä noh Kölle,
met vill Jlöck kom hä noh Kölle
Met vill Jlöck kom hä noh Kölle
ens zeröck jejöck!
Jriet dat soß noch janz verjnöch un
hät jeschwadt - om Maat!
Jriet dat soß noch janz verjnöch un
hät jeschwadt - om Maat!
Jriet dat soß noch janz verjnöch un,
Jriet dat soß noch janz verjnöch un
Jriet dat soß noch janz verjnöch un
hät jeschwadt om Maat!
»Süch ens aan!«, saht
Jineral: - »Die Ahl!«
»Süch ens aan!«, saht
Jineral: - »Die Ahl!«
»Süch ens aan!«, saht
»Süch ens aan!«, saht
»Süch ens aan!«, saht
Jineral: »Die Ahl!«
do dä staatse
do dä staatse
do dä staatse,
do dä staatse
do dä staatse
Un se hann sich noch jekannt un
nit jeschannt - jeschannt!
Un se hann sich noch jekannt un
nit jeschannt - jeschannt!
Un se hann sich noch jekannt un,
un se hann sich noch jekannt un
Un se hann sich noch jekannt un
nit jeschannt, jeschannt!
»För et Standesamp, do ess et«,
säht die Mäd - »ze spät!«
»För et Standesamp, do ess et«,
säht die Mäd - »ze spät!«
»För et Standesamp, do ess et«,
»För et Standesamp, do ess et«
»För et Standesamp, do ess et«,
säht die Mäd, »ze spät!«
Op e Postament hät mer dä
Jan jestallt - steinalt!
Op e Postament hät mer dä
Jan jestallt - steinalt!
Op e Postament hät mer dä,
op e Postament hät mer dä
Op e Postament hät mer dä
Jan jestallt steinalt!
Un et Jriet verkäuf noch immer
Jan ze Föß - Jemös!
Un et Jriet verkäuf noch immer
Jan ze Föß - Jemös!
Un et Jriet verkäuf noch immer,
un et Jriet verkäuf noch immer
Un et Jriet verkäuf noch immer
Jan ze Föß Jemös!
Nemmt et Sackdoch, schnäuzt met janz
bedrövtem Senn - erenn!
Nemmt et Sackdoch, schnäuzt met janz
bedrövtem Senn - erenn!
Nemmt et Sackdoch, schnäuzt met janz be-,
nemmt et Sackdoch, schnäuzt met janz beNemmt et Sackdoch, schnäuzt met janz
bedrövtem Senn erenn!
4. Kölsch Hännes'che
Altkölnische Volksweise
Wann alle Pöppcher danze,
zom tri, zom, tru, zom tralala,
dä Schäl geit op et Ganze,
zom tri, zom trudera.
Un wann dä Mählwurms Pitter
su löstig spillt de Zitter,
un wann et Hännes'che se all
dann öm de Lappe schleit,
Jung, dann ha'mer Freud,
Jung, dann ha'mer Freud,
wann et Hännes'che se all
dann öm de Lasppe schleit,
Jung, dann ha'mer Kinder Freud!
4. Kölsch Hännesche
T: Albert Schneider
V: EMI
Et schönste Kreppche, wat et gitt,
dat gitt et doch zo Kölle.
Wat saht ehr do? Ehr kennt dat nit?
Dann muss ich et üch verzälle.
Uns Kölsch Thiater es bekannt
un vill gerühmp en Stadt un Land,
der Stöckcher spillt et allerhand,
ehr dürft huh Aanspröch stelle.
Es och vun Holz un Stoff sing Welt,
et uns doch god gefällt:
Grad wie beim kölsch Kumedespill,
su geiht et off em Levve.
Der Stöckelcher, der gitt et vill,
die hee wie do se gevve.
No süch se dir doch aan, de Lück!
Dä ein, dä hät mem andere Strigg,
bes dat am Engk dann vun nem Stöck
et ööntlich Ress gegevve.
Schlonn se sich och de Auge blau,
mer luure ruhig zo:
Refrain:
<i>Wann alle Pöppcher danze,
zom tri-, zom tru-, zom tralala,
der Schäl geiht op et Ganze,
zom tri-, zom trudera.
Un wann der Mählwurms Pitter
su löstig spillt de Zitter,
un wann et Hännesche
se all dann öm de Lappe schleiht,
Jung, dann ha' mer Freud,
Jung, dann ha' mer Freud,
wann et Hännesche
se all dann öm de Lappe schleiht,
Jung, dann ha' mer Kinder Freud!</i>
<i>Wann alle Pöppcher ...</i>
Et Hännesche, dä löstige Fant,
dä mäht et Haupfigürche.
Dä Schäl, dat es der Intrigant,
der Baas setz em Kontürche.
Et Bärbche un de Bestemo,
och der Speimanes, dä es do;
der Tünn em Kammesölche blau
en Nas hät wie e Füürche.
Geiht endlich dann der Vörhang op,
dann juuzen Weech un Stropp:
<i>Wann alle Pöppcher ...</i>
Uns Poppespillche hät en Plaaz
en jedem Kinderhätze.
Dat Bildche es jet ganz Apaats,
süht mer die Quös do setze.
Met rude Backe, heiße Köpp,
su staune klein un große Ströpp;
wann et do bovve richtig stöbb,
vermaache sich die Fetze.
Us jedem helle Kinderbleck,
do strohlt e sillig Glöck:
<i>Wann alle Pöppcher ...</i>
4. Kölsch Hännesjeleed
T&M: Toni Steingass
V: Toni Steingass MV
Et jitt schon alles zichmol,
jedoch lohrs do och krütz un quer
uns Hännesje jitt et nor eimol,
jenau wie dä kölsche Fasteleer
Dat Hännesje lieben am Rhing
de Minsche ov ärm oder fing.
Froch räuich jede Quos
als Antwoot säht selvs uns Groß:
Refrain:
<i>Nohm Hännesje, nohm Hännesje
jonn meir all su jähn.
Em Poppespill, em Poppespill
do es et wunderschön.
Un wenn et Hännesje däm Düvel Knuuze jitt
dann schreit begeistert met
die janze Kinderschwitt:
“Jevv im Knuuze, jevv im Saures
schlag in kradeplatt,
hau mem Knöppel, hau mem Knöppel
im die Büjelfalde jlatt.</i>
Belieb es dä Speimanes
jenau su wie’t Maritzenbell,
die drei drei drei Knollendorfs Booresäu
zerschlonn sich ob Kirmes ob en neu.
D’r Besteva dat es der Baas
et funkelt dem Tünnes sing Nas.
D’r Schutzmann süff für lau,
dröm denken die Schutzlück janz schlau:
<i>Nohm Hännesje, nohm Hännesje...</i>
Häs us deäm Sachseländche
ne Imi do als leeve Jaß
dann schnapp dir dat Kälche bei Hängche
un führ in nohm Poppespillpalaß..
Ich maache met dir jede Wett,
dä Fremde fingk dat arch nett.
dröm säht zom jode Schluß
dä Imi aus voller Bruß:
<i>Nohm Hännesje, nohm Hännesje...</i>
5. E paar Jrosche für Ihs
Text und Musik: M.L. Nikuta
Arr.: R. Schmitz
Verlag: Gerig
Neulich moht ich
met dem Klein zum Doktor jonn,
woröm dat sinn moht,
kunnt et jo noch nit verstonn.
Ich saht, mi Schätzje,
bahl es et widder joot,
un maht em dann
met einem Leed e beßche Moot.
Refrain:
<i>E paar Jrosche für Ihs,
e paar Jrosche für't Schöckelpäd,
dat es für die kleine Pänz
dr Himmel op dr Äd.
E paar Jrosche für Ihs,
e paar Jrosche für't Schöckelpäd,
dat es jet, wat Kinderhätzjer
fruh un jlöcklich mäht.</i>
Kauf ich en dr Stadt
su av un zo a Kleid,
dann jet et für dat Klein
bestemmp en Kleinigkeit.
Wat et am leevste hät,
das weiß ich janz jenau,
ich treck et Portemonnai,
un dann, dann ich Rauh.
<i>E paar Jrosche für Ihs, .....</i>
An ming Kinderzick
denk ich su off zoröck,
ne Jrosche jo, dat wor
für uns et jrößte Jlöck,
Un wenn dr Ihsmann dann
met singer Jlock jeschellt,
do hammer für ne Jrosche
Ihs bei ihm bestellt.
<i>E paar Jrosche für Ihs, ..... </i>
6. Dunn se mir für ne Jroschen Kamelle
I: Lotti Krekel
T&M: Hans Knipp
V: EMI
Drei kleine Fätze kräächten
bei Lumpenhändler Brei
für Altpapier drei Jrosche,
do freuten sich die drei.
Se leefen schnell zum Büüdche
vum ahle Fräulein Drök;
Op dö ihr Frooch: Wat kritt ihr?
Do saat de eetste flöck:
Refrain: (2x)
<i>Dunn Se mir für ne Jrosche Kamelle
vun dänne, die do janz ovve stonn,
dunn Se mir für ne Jrosche Kamelle,
ich muß nämlich flöck widder jonn.</i>
Et Drök wor ropjekomme
un möhsam widder raff,
et joov ihm die Kamelle,
et wor noch janz jeschaff.
Dä zweite wor am laache,
als it ihn frooge däät:
dat kammer och bejriefe,
denn weßt ihr, wat dä säät?:
<i>Dunn Se mir für ne Jrosche Kamelle
...</i>
Et Drök wor ußer Oodem
dann noh dä zweite Tour
un et woor zo rääch och
op die zwei Pooschte suur.
Et wollt sich jrad jet setze,
do koom dä letzte dran:
"Hat ihr mich denn verjesse?
Ich well dieselve han!"
<i>Dunn Se mir für ne Jrosche Kamelle
...</i>
7. Ich will e Auto met 'nem schwatze K
T: De ärm Söck
Ich will e Auto met 'nem schwatze K,
dat schwatze K, dat heisch Colonia,
un dann jonn ich domet,
op große Fahrt,
no'm Dom, no'm Rothuus
un no'm Aldermaat.
8. Do steiht ne Schutzmann
T: Ton Steingass
M: Jakob Kümmerle
V: Ton Steingass MV
Refrain:
<i>Do steiht ne Schotzmann, do steiht ne
Schotzmann,
dä hät der ganzen Dag noch nix gedon.
Do steiht ne Schotzmann, do steiht ne
Schotzmann,
dä hät der ganzen Dag noch nix
gedonn.</i>
Der Poliziss, dein Freund und Helfer,
dä kütt zor Hilf gejöck,
wo mer sich zänk un klöpp.
Hä regelt fründlich der Verkehr
un trotzdäm singk
so mänche Dusel vör sich her:
<i>Do steiht ne Schotzmann,
do steiht ne Schotzmann...</i>
2. Der Herr Gendarm vör hundert Johre,
dä wor nit so charmant
wie hügg en Stadt un Land
Em Volksmund heeß hä Schotzmann Knoll
Un öfter nor wie eimol sung hä stäänevoll:
<i>Do steiht ne Schotzmann,
do steiht ne Schotzmann...</i>
Doch hüggzodags uns leeve Schotzlück,
die sin ganz schön op Zack,
em Knies mem Gaunerpack
Un jedem Lump et winnig nötz,
Singk hä bei Wasserzupp un Brud em
Klingelpötz:
<i>Do steiht ne Schotzmann,
do steiht ne Schotzmann...</i>
9. Pänz, Pänz, Pänz (Dance, Dance, Dance)
Originaltext und Musik: Neil Young
Subtext: Bläck Fööss
Copyright Silver Bow Funding LLC / Melodie
der Welt J. Michel KG für Deutschland,
Österreich und Schweiz
Aus: „Das kölsche Liederbuch / sing doch
eine met XXL“ Gerig-Verlag
Thema: Pänz
Spille m´r em Hus oder och em Keller
Et is ganz egal, wie m´r et mäht.
Op m´r sich nun zänkt oder leis däht
schwade,
kütt dann ganz bestimmt einer der säht:
Refrain:
<i>Pänz, Pänz, wo m´r geht un steht nur
Pänz, Pänz, Pänz.
Maht üch fort, he hat ihr nix verlore,
ihr verdammte Pänz, ihr verdammte
Pänz!</i>
Spille m´r em Park, en de grünanlage,
schmieße dicke Stein en d´r Rhing erenn.
Jo, do bruche mir ja nit lang ze waade
Un et kütt von boven widder die Stemm:
<i>Pänz, Pänz...</i>
Eimol im Johr aäver eß et anders
wenn d´r Papa d´r hillige Mann mäht.
Dann sin mir die liebste Pänz op Ääde
Un et git kei Minsch, dä zu uns sät:
<i>Pänz, Pänz...</i>
10. Caroussellchesleed
T&M: Joseph Roesberg
Ehr Hähren un Mammsellcher,
Kutt her vun fähns un noh,
Der Mann mem Carussellche,
Pitt-Jüppchen, dä eß doh!
Pitt-Jüppchen drieht am Rädche,
Sing Frau die schleit de Trumm,
De Urgel hält Janettche
Un Settchen de Lavumm,
De Urgel hält Janettche
Un Settchen de Lavumm.
Jedes Pähdche kritt ne Jung,
Füßche, Schimmel, Bläß ov Brung.
Tschimmla, tschimmla, hopsassa,
tchimmla-tschim, Partie!
Doh sitz als we ne Ritter,
Un hinger sich de Mahd,
Dä Meisterknääch, der Pitter,
Gar stolz op singem Päd
Se hält inn faß ömschlunge,
Hä stich met singer Lanz
Vor all dä andre Junge
Grad mezzen durch der Kranz,
Vor all dä andre Junge
Grad mezzen durch der Kranz!
Un dat Kohstalls-Annemarie
Juhz un hält der Pries en de Hüh:
Tschimmla, tschimmla, hopsassa,
tchimmla-tschim, Partie!
Wann Kirmeß oder Maat eß,
Dann kütt dä Pädchesmann
Met singer gröne Wagekeß
En jedem Dörpche an.
Drus loore, wie de Pürke,
De Kopp un och de Stätz,
Vun all dä hölze Stirke,
We laach uns doh et Hätz,
Vun all dä hölze Stirke,
We laach uns doh et Hätz!
Kinder, Vah un Ühm un Möhn,
Roofen, juzen: och we schön!
Tschimmla, tschimmla, hopsassa,
tchimmla-tschim, Partie!
Hätt Jüppche voll et Büßche
Un eß de Kirmes us,
Spazeere Schimmel,
Füßche ruh en ehr holzen Huus.
De Jungen un de Mädcher,
De sinn wahl ärg bedröv,
Bes Jüppche met de Pädcher
Zorn Abschied inne rööf,
Bes Jüppche met de Pädcher
Zorn Abschied inne rööf:
Kumm' ich widder met Bläß un Brung,
Hätt jed' Mädche singe Jung!
Tschimmla, tschimmla, hopsassa,
tchimmla-tschim, Partie!
Wer nor en Geiß em Ställche,
Un noch vsu ärm eß dran,
Muß Kirmesweck un Geldche
Doch för de Pädcher hann.
Dann, süht hä dat Vergnöge,
Wat et dä Kinder mäht,
Su durch de Looch zu fleege
Op ehrem hölze Päd,
Su durch de Looch ze fleege,
Op ehrem hölze Päd,
Trick dä Ahl der letzte Fuß
Us dem Wammes noch eruus.
Tschimmla, tschimmla, hopsassa,
tchimmla-tschim, Partie!
11. Kirmesleed
T&M: altkölnisch
1. Morge fängk uns Kirmes aan,
hör ens dat Gebimmel!
Wäede meer e Levve han
wie nen Boor em Himmel!
7. Brandewing met Zucker dren
es uns Kirmesdröppche!
Pruß, mie Leev, wat bes de schön,
wat glöht dien sillig Köppche!
Refrain:
<i>Bimmelimmelim bam bimbam bei,
bimmelimmelim bam beier<sup>1</sup>!
Bimmelimmelim bam bimbam bei,
bimmelimmelim bam beier!</i>
Refrain
2. Unser Nohber Tünnemann
deiht de Stroße zeere,
Girlangs met vill Flaast're draan,
all vun bunt Papeere.
Refrain
3. Brode, Platz un Schinke fresch,
Mainzer Kies met Kümmel
steiht vollop op unserm Desch,
fählt och keine Grümmel.
Refrain
4. Jo, dann gitt et Appeltaat,
Nonnefützcher, Moppe!
Mallich deiht, dat es en Staat,
op de Lukas kloppe!
Refrain
5. Meddsen dren e Bildche hängk, —
es doch för ze laache! —
wo sich Mann un Frau zerschängk,
dat de Balke kraache.
Refrain
6. Han se no d'r ganzen Dag
sich dedörch gegesse,
weed bes en de späte Naach
em Bräues dann gesesse.
Refrain
8. Un su gingk uns Kirmes uus
met noch jet Gebimmel,
un meer hatte bluß als Truuß
uns drei Dääg Kirmeshimmel.
Refrain
1) "beiern" war die besondere, in Erinnerung
an die Einweihung der Glocken vollzogene
Art zu Läuten. Mit Hämmern wurden die
Glocken in dem einer jeden Pfarre eigenen
Rhythmus angeschlagen.
11. Kirmesleed
De Räuber
T&M: Karl-Heinz Brand
Wenn de Kirmes kütt, wenn de Kirmes kütt
dann hätt unser Bett ens Rauh
Doch wie lang dat duhrt, jo wie lang dat
durht
dat wesse mer nie janz jenau
En weiße Botz, ne jröne Rock
ne Hoot met Fedder op dä Kopp
de schwarze Schoh lackeet
un dann weed stramm mascheet
Morje fängk de Kirmes ahn he bei uns am Rhing
Och wat wäde mer e Levve han he bei uns am Rhing
Morje weed d’r Hahn jeköpp he bei uns am Rhing
Un dann weed op de Trumm jeklopp
em Kirmessunnesching
Wenn de Musik spellt, wenn de Musik spellt
määt em Zelt de Sektbar op
Jo dann maache mer, jo dann maache mer
och noch d’r letzte Jrosche drop
Ne Brotfesch en d’r Buch jestopp
10 Bier un fuffzehn Klore drop
Donoh om Karussel
verdaut mer jo su schnell
12. Wann ganz Kölle feert
T: Ludwig Sebus
M: Gerhard Jussenhoven
V: Bosworth
Refrain:
<i>Wann ganz Kölle feert,
dann feere och meer Pänz.
Wann ganz Kölle fe-ert,
weed ens de Schull geschwänz.
Wenn ganz Kölle fe-ert,
dann laach sugar d'r Dom,
un eß de Aufgab nit gemaht,
gitt et nen decke Schrom !</i>
1. Strophe:
En minger Klass,
do gov et Spass,
denn uns're Lehrer kom öntlich en Brass.
Statt däm Diktat,
han meer gesaht,
weed jitz en Stund "Kölsche Disco" gemaht.
D'r Lehrer leef,
noh'm Rektor röf,
doch dä Här Rektor wor garnit bedröv,
maht keine Kraach,
hät nor gelaach
un bei sech gedaach:
<i>Wann ganz Kölle feert...</i>
2. Strophe:
Bes aan de Deck
han meer't gejöck
un och däm Lehrer qualmten de Söck.
Et Fräulein Schnock,
stief, wie nen Stock,
hät dann mem Rektor
ne "Break-Danc" gerock.
Denkt üch et kom
och d'r Kaplon,
gov op d'r Trööt aan d'r richtige Ton.
Fasteleer eß
för Pänz gewess,
doch et schönste Feß !:
<i>Wann ganz Kölle feert...</i>
13. Ene Besoch em Zoo
T&M: Hans Knipp
V: PRESTO MUSIKVERLAG HANS GERIG KG
Leider hat uns der Gerig Musikverlag die
Veröffentlichung des Textes untersagt.
Refrain:
<i>Ene Besoch em Zoo
oh oh oh oh
Nä, wat es dat schön
Nä, wat es dat schön
Ene Besoch em Zoo
oh oh oh oh
Dat es esu schön
Dat es wunderschön.</i>
Wenn de renküss, siehs de de Kamele
nä, wat sin die groß,
nä, wat sin die groß,
Un die Buckele op ehrem Rögge
die sin esu groß
die sin unwahrscheinlich groß.
<i>Ene Besoch em Zoo ...</i>
Un wigger durch, da sin de Elefante
nä, wat sin de deck,
hooch, die sin deck.
Un beluur dir denne ens ehr Quante,
die sin esu deck,
die sin unwahrscheinlich deck.
<i>Ene Besoch em Zoo ...</i>
Jo, un ganz am Eng do kütt mer zo de Aape
nä, wat sin dat vill,
owei, dat sin esu vill
Jo, un die süht mer nor der ganzen Dag röm
höppe
un bei denne mäht
jo jede, wat hä well. Dä!
<i>Ene Besoch em Zoo ...</i>
Dat es wunderschön, eja
wenn ich der dat sage, dat es schön
dat es noch schöner
14. Dä Klein, dä muß ene Nüggel han
T&M: Willi Ostermann
Irgendwo, ich weiß nit, op 'ner Läuv,
Woht vör veezehn Dag e Kind gedäuf,
Un an jedem Finster ahn däm Huhs,
Hing vor luuter Freud de Fahn erus.
Hät dä kleine Fätz d'r ganzen Dag
Anders nix gedonn als wie gelaach,
Gov op eimol avv da Rölleköll
Medden en der Naach 'ne Bröll.
Dä Ahl springk schnell jetz uhs däm Bett,
Un för sing Frau hä säht:
Refrain:
<i>Jo wat hätt hä dann un wat well hä
dann,
Dä Klein dä muß ene Nüggel hann,
Dröm gevv im wat hä well
Dann es hä widder stell!
Jo wat hätt hä dann un wat well hä dann,
Dä Klein dä muß ene Nüggel han,
Dröm gevv im watt hä well
Dann es hä widder stell!</i>
Wenn die Kinder schreie es nit schlemm,
Komm mer driehe jetz dä Klein eröm,
Jedenfalls hat hä sich wund gelaht,
Et kann och sinn dat hä sich naaß gemaht.
„Eß et möglich dat hä Zängcher kritt?"
..Ahle Stockfesch, nä su fröh noch nit",
Un su geiht dat froge hin un her,
Schreie deiht hä wie 'ne Bär.
Dä Vatter spillt däm Klein am Kenn,
Un singk met frühem Senn:
<i>Jo wat hätt hä dann ...</i>
Immer mie dä Klein Spektakel mäht,
Grad als wöht e 'Wützge' ömgebraht
Un die Wiever durch däm Fätz sing Stemm
Stonn em „Punejel“ all em Flur eröm
Jösses nä, wat hat mer ahn dä Gäng,
Hück do eß et met däm Schlof am Engk,
Kutt mer gon zosamme jetz erop,
Dann kritt hä de M'uhl gestopp.
Em Nu do gingk. em ganzen Huhs
Dä Klein vun Schuuß zu Schuuß:
<i>Jo wat hätt hä dann ...</i>
15. Kinddauf-Fess unger Krahnebäume
T: Willi Ostermann
Eß mer op en Kinddauf engelade,
Dat kann nix schade, do geiht mer hin,
Denn vun Hätze kann mer sich vermaache,
Et gitt ze lache un vill zo sin.
<i>So'n Fest ist edel, em richt'ge Veedel,
die ganze Naach, do geiht et trallala la-la!
So'n Fest ist edel, em richt’ge Veedel,
die ganze Naach, do geiht et tralala lala!</i>
Mein Empfang war allerdings kein feiner,
Tireck reeff einer: „Komm drink ens met".
En der Weeg dat Kind drunk och en
Drööppche,
Dat Wasserköppche, Geseechter schnett.
<i>För Freud däht danze, die Ahl vum
Ganze,
un sung so 'n bischen trallala la-la!
För Freud däht danze, die Ahl vum Ganze,
un sung so'n bischen trallala la-la!</i>
Das Konzert, das ging nun jetz vonstatte,
Zwei Mann, die hatte 'ne Kamm gepack.
Einer spillten dann om Quätschenbüggel,
Dat Klein m'em Nüggel dat schlog der Tack.
<i>Un dann der Pitter, dä spillte Zitter,
so'n bischen trallala la-la!
Un dann der Pitter, dä spillte Zitter,
so’n bischen tralalala-la-la!</i>
Weil no zwei jetz vun dä Musikante
Kein Musik kannte, du ahnst es nich,
Fing sich alles ahn zu expleziere,
Un wie die Diehre, do hatten sich.
<i>Jetz, met de Flosse, die Festgenosse
ganz öhntlich trallala la-la!
Jetz met de Flosse, die Festgenosse,
ganz öhntlich tralala la-la!</i>
Einer wor der andre durch am bläue,
Mer hoht nor schreie: „Et Kind eß fott!"
,,Hölp' die Mutter reef, „wo eß mie
Klümpche,
Wo eß mie Stümpche, do leever Gott!"
<i>Do looch et Gretche em
Naakskommödche
un wor am trallala la-la!
Do looch et Gretche em Naakskommödche
un wor am trallala la-la!</i>
Kinddauf fiehre soll mer nit versäume
En 'Krahnebäume', et eß zo nett.
Han se sich des Ovends och m'em Krage,
Dunn sich zerschlage, do öm de Wett
<i>In diesem Falle sind nachher alle
ein bischen trallala la-la!
In diesem Falle sind nachher alle
ein bischen trallala-la-la!</i>
16. Kinderfasteleer
T: Wilhelm Hoßdorf
M: Hans Bauer
Schnaaftig op de Trumm geschlage!
Hück steiht Kölle op dem Kopp!
Selvs dat Klein em Kinderwaage
blös vör Freud de Bäckcher op.
Sag, wat dunn mer uns maskeere,
Räuber, Kluth ov Plutemann?
Seht, wer räch uns Feß well feere,
dräht en Botz met Frensele dran.
Un dann geiht de Trumm:
Zim - ta, zim - ta - bumm!
Refrain:
<i>Kinder, loß mer Freund uns maache,
he gonn meer su bal nit fott!
Wann am Engk uns och för Laache
Rieß'et Bötzge bal kapott!</i>
Reck mer ens dat alt Kaströllche,
bruchen dat als decke Trumm!
Un mie Schwesterche, et Bellche,
dat schleiht löstig die Lavumm.
Pittermann, maach nor kei Pännche!
Oder eß ding Tröt ze schwer?
Komm, mer bränge doch e Ständche
vör dem Huus vum Kommessär.
<i>Kinder, loß mer Freund uns maache
...</i>
Fruh weht dann e Leed gesunge
und geblose wahl wie geck:
Kölsche Mädcher, kölsche Junge
han et Hätz om räächte Fleck!
Wer zor Faßnaach nit deit roose,
en de Nas de Finger däut,
och, dä kann uns ald jet blose,
su ne Höösch, dä deiht uns leid,
wann dann geiht de Trumm:
Zimta, zimta-bumm!
<i>Kinder, loß mer Freund uns maache
...</i>
17. Kölsche Pänz
T: Henner Berzau
M: Gerold K+rten
Refrain:
<i>En Kölle sin mer Pänz, mer Pänz
met ärch vill Usdröck rich bekränz!</i>
Dat Klein ess do un hö't: Mi Hätzje!
Mi Weckelditzje, Pannestätzje!
Leev Babaditzje, Schnüggelche,
et Binzje kritt si Nüggelche!
Da Knagewarius, Kackedotz,
dä Botzendresser dräht sing Botz.
Uns Stubbeditzje, Büselche,
klei Müsje, Häsje, Schnüselche.
<i>En Kölle sin mer Pänz ...</i>
Schreibäätes, avjetrocke Has,
bal lecker Deerche, Vörwetznas,
Kabänes, Knaggedotz met Hätz,
dann Fitzemann un Wibbelstätz.
Lumpsack un Fräuche, janz alät,
sin flöck als Föttche-aan-der-Äd,
sin Spring-op un sin Waggelditz,
och welde Stropp un klein Krabitz.
<i>En Kölle sin mer Pänz ...</i>
Dä Stinkadores ess et Stümpche!
Et Mütterche ess och ens Lümpche.
Ne Kruffes weed zom Botzemann,
zom Lotterbov un Futzemann.
De Pänz un Puute, Bälch un Blage
unger der Nas ehr Kääzjer drage.
Us Spenneflecker wäde Quante,
Trabante, jung Jesöms un Fante.
<i>En Kölle sin mer Pänz ...</i>
De Krött un Ströpp un Köttele
als Struwwelköpp sich schöddele.
De Fetze, Junge, all die Quös
sin och ens stoor, stonn en de Föß.
i-Dötzjer, Kälcher sin off flöck,
de Brot, die triez och jän am Stöck.
Schriev meer e Pööschje e Jedeech,
dann ben ich allt e lecker Weech!
<i>En Kölle sin mer Pänz ...</i>
18. Kunibäätspötzeled
T: Peter Felten
M: Alfred Beines
Jo, als vör ville Johre
de Welt geschaffe wohd,
do hät d'r Herrgott secherlich
dat Werk sich och beloot.
Dät Ev un Adam setzte
als Ehepaar dorenn,
se sollte Kinder kriege do,
genau noh singem Senn.
Refrain:
<i>Us däm kleine
Kunibäätsepötzge<sup>1</sup>
kome all mer ohne Hemb un Mötzge,
jo dä Storch, dä hät uns all gebraht
un hät uns bei d'r Mam
do en et Bett eren gelaht.</i>
En Kölle ess et anders,
doför han mer ene Pötz,
Dä hunderte vun Johre
d'r Welt hät got genötz.
Dorenn sinn nor klein Kinder,
ov Mädche un ov Jung,
Do kann mer sich bestelle
jo en öhntlich kölsch Fazzung.
<i>Us däm ...</i>
Dä Storch, dä deit se bränge,
ov ein, villeich och zwei,
Et kann jo och passeere,
dat hä sugar brengk drei,
Em Pötz, do eß e Wasser,
dat gitt de Fraue Truus ...
Un Freud un och viII Levven dann
e Kind brengk en et Huus.
<i>Us däm ...</i>
1) Nach altem Volksglauben kommen die
Kölner Kinder aus dem Kunibäätspötz
18. Nor am Dreikünningepöötzje!
T&M: Karl Berbuer
V: Melodie der Welt
Fröher kannt die Oma ungeloge
em ahle Kölle Wäg un Stäg.
Hück dogäge muß sei immer froge,
hück fingk sei nirgends sich zoräch.
Fott sin all die Gäß'cher und die Stroße,
doch wo eß sei noch wie zo Huus,
wo föhlt die Oma sich nit verlosse,
wo fingk sei noch e' bes'che Truus?
Refrain:
<i>Nor am Dreikünningepöötzge,
do weiß die Oma noch Bescheid,
denn am Dreikünningepöötzge
hät sei als Mädche su vill Freud.
Ävver söns eß alles anders,
wenn do hück durch Kölle wanders.
Nor am Dreikünningepöötzge,
do weiß die Oma noch Bescheid.</i>
Mag die Oma spingse un och waade,
Platz Gabecks Zung süht sei nit mieh,
wohl motorisete Nümaatskraade,
die Päädsköpp ävver sin futtü,
Göbbelcher met Fleutcher sei möch kriesche,
sin der moderne Jugend fremb,
doch en der Mannsbotz danz et Marieche,
d'r Hippelepipp sei kritt de Krämp.
<i>Nor am Dreikünningepöötzge ...</i>
Ganz geweß uns Kölle deiht sich wäge,
de Scheldergaß eß ald parat,
och de Huhstroß fängk sich ahn zu räge
die kritt en ganz modern Fassad'.
Trotzdäm muß vun manchem mer sich
trenne,
dat Ahle geiht, wat kütt eß neu,
do kann kein Oma sich dran gewenne,
et schönste Pläätzge bliev för sei:
<i>Nor am Dreikünningepöötzge ...</i>
19. Alt- Kölle
T: Peter Berchem
M: Gerold Kürten & Hans Winkel
V: Rheinvolk Verlag, jetzt Cassia Kuckelkorn
Et wor e Gäßge, kromm un schmal,
worenn ich stongeblevve,
sie Flaster wor wie Birg un Dal
un rund un glatt gerevve.
Do stund en Huus us aler Zick,
hatt noch ‘ne Trappegivvel
un hingk e beßche noh der Sick,
als hätt et jet em Stivvel.
Un bovven huh, bal en der Feesch,
do los ich ganz verwundert,
grad en ‘nem Striefe Sonneleech
de Johrzahl “Fuffzehnhundert”,
Veerhundert Johr! Wat kunnt dat Huus,
die Gass nit all verzälle!
Sohch doch us jeder Eck eruus
e Stöck vum ale Kölle!
Un wie ich do su stund
un daach an längs vergangne Zigge,
wie Bürgerstolz un Ritterspraach
ich sohch vorüvverschrigge,
do gingk am Huus e Finster op,
dran dät eruus sich böcke
e Möhnche met ‘nem griese Kopp
un an de Blömcher plöcke
Un vun ‘nem, Rüs’che Knopp un Blatt
meer feel verwelk zo Föße
Alt Kölle leet - su wor et grad zum Avschied noch ens größe
Alt Kölle leet - su wor et gradzum Avschied noch ens größe.
20. De kölsche Schusterjunge
(Kölner Schusterjungen-Polka)
T: Carl Wirts, M: Johann Franz Weber
Meer setzen bovven ungerm Daach
genöglich op d'r Läuv.
Dä Pechdroht flutsch, dä Spannreem kraach,
dä Schweiß driev uns vum Häuv.
Am Stivvelchen do fählt 'ne Stropp,
dä Schohn dä kritt de Mul gestopp,
he dä Pantuffel weed gebödt,
dä Stivvel kritt neu Ödt.
<i>Mer lappe, mer pappe,
schlon kräftig op dä Penn!
Denn all die Schusterjunge
han immer, han immer,
denn all die Schusterjunge
han immer löst'ge Senn.</i>
Wenn morgens de Frau Meistersch weck,
dann springen op mer flott.
Flöck eß dann och der Desch gedeck,
et dämp dä Kaffeepott.
Öm zehn Ohr geit dä Al dann hen,
schött jedem singe Knurvel en.
Wie schmeck zom Fröhstöck dä su nett
beim Schusterkotelett.
<i>Mer stecke, mer flecke,
schlon kräftig op dä Penn!
Denn all die Schusterjunge
han immer, han immer,
denn all die Schusterjunge
han immer gode Senn.</i>
Un wann dann öntlich hät geflupp
die Arbeit flink un fresch.
Dann kütt och Speck und Ääzezupp
des Meddags op der Desch.
Frau Meistersch eß en gode Frau,
se kennt ehr Junge ganz genau.
Wenn ehr et beß de Kinder dräht,
der grötste Teller hät.
<i>Mer öde, mer böde,
schlon kräftig op dä Penn!
Denn all die Schusterjunge
han immer, han immer,
denn all die Schusterjunge
han immer gode Senn.<i>
Frau Meistersch röf uns dörch de Döör:
"No, Hen und Mattheis, kutt.
Do, Hen, do schälls de Quallmänn mer,
do, Mattheis, drähs dä Puut.
Do, Pitterche, schötts hingerm Huus
die Bütt met drecklich Wasser uus!"
Ehr seht, 'ne junge Schusterschfant,
dä hät 'ne schwere Stand.
<i>Mer knuve, mer schruve,
schlon kräftig op dä Penn!
Denn all die Schusterjunge
han immer, han immer,
denn all die Schusterjunge
han immer gode Senn.</i>
Mer han vill Pech im Levve schon,
doch nit em Karresseer.
Uns Mädcher sin en Pension,
dohin jon mer no Feer.
De "Pensiun" am Baye geiht jo uus,
wann ovends Aach et schleiht.
Un wann et Sting un Klör dann kütt,
dann flöck noh'm "Dude Jüdd".
<i>Mer kloppe, mer stoppe,
schlon kräftig op dä Penn!
Denn all die Schusterjunge
han immer, han immer,
denn all die Schusterjunge
han immer gode Senn!</i>
Un kütt met däm Neujohr eran
de Zick vun Loß un Freud,
dann halden all mer met zor Fahn
bei der Genöglichkeit.
'nen echte kölsche Schusterjung,
dä hät och Horen op der Zung.
Un wer nit hält zom Fasteleer,
seht, dä zerschlage mer.
<i>Mer recke, mer träcke
dat Ledder kräftig uus!
Denn all die Schusterjunge
han immer, han immer,
denn all die Schusterjunge
han immer gode Senn!</i>
21. Dat Glockespill vum Rothuusturm
T: Jupp Schlösser
M: Gerhard Jussenhoven
V: Gerig
Weßt ehr noch, Ihr Mädcher un Ihr Junge,
wie dat Glockespill vum Rothuusturm
en däm ahle Kölle hät geklunge,
of bei Sonnesching, bei Rähn un Sturm?
En dä stelle Gäscher ginge Döör un Finster
op,
un om Aldermaat bleev alles stonn un loht
erop.
Jeder hät geluusch dä Tön,
jeder fung die Tön zu schön
un et säht dann selvs de ältste Möhn:
Refrain:
<i>Dat Glockespill vum Rothuusturm
hät 'ne wunderschöne Klang!
Dat Glockespill vum Rothuusturm
künnt' ich höre stundelangl
„üb’ immer Treu' und Redlichkeit",
wie klingk dat doch su schön,
Wenn et och av un zo donevve haut,
sin dat echte kölsche Tön!
Wenn et och av un zo donevve haut,
sin dat echte kölsche Tön!</i>
Johrelong mer schon dat Spill vermesse,
weil dä Rothuusturm en Trümmer ging.
Ävver Gottseidank eß ungerdesse
opgebaut dä Turm so Staats un fing.
Un mer wolle hoffe, dat et nit mieh doht zo
lang,
bes mer widder höre kann dä altvertraute
Klang.
Op dä Dag, ich sage Üch,
freue ich mich königlich,
wenn et widder heiß bei arm un rich:
<i>Dat Glockespill vum Rothuusturm ...</i>
22. Däm Schmitz sing Frau es
durchgebrannt
T&M: Willi Ostermann
Wat hückzedags em Augebleck
nit all passiere kann.
Däm Schmitze Chrestian sing Frau,
die kennt doch jedermann.
Noch gester woren beienein
en schönster Harmonie
dä Schmitz met singem Augetrus,
un hück eß sei futtü.
Un wo mer geit un steit,
mer bloß noch höre deit:
<i>Däm Schmitz sing Frau eß
durchgebrannt
traleralalalala,
wohin, dat eß noch unbekannt,
traleralalalala.
Zick gestern Ovend eß se fott,
traleralalalala.
Dä Schmitz, dä laach sich half kapott,
traleralalalala.</i>
Dä Schmitz hät keinen Hushalt mie,
hä jetz allein hanteet,
hä hät sing Sache all verkauf
un wunnt jetz möbeleet.
Un läht hä sich des Ovends
och allein jetz en et Bett,
hä kränk sich wie die and’re nit,
dä Schmitz Charakter hät.
Un hööt hä bloß dat Leed,
dann singk hä selver met:
<i>Däm Schmitz sing Frau eß
durchgebrannt ...</i>
Die Nohberschaff, sie woß zoehz dovun,
do kom dä Floch,
denn wenn et de Frau Knöppchens weiß,
dann eß et wick genog.
Denn die, die hät et der gesaht
un die, die säht et der,
do wod dat Dinge vun däm Schmitz
oop eimol populär.
„Saht, hat ehr nit gehoht?” su gingk et em
Akkoot:
<i>Däm Schmitz sing Frau eß
durchgebrannt ...</i>
23. Die Wienanz han 'nen Has em Pott!
(Kölsch Katzeleed)
T&M: Willi Ostermann
Em Laurenzgittergäßge
do eß bekränz en Huhs,
Am ehhzte Stock vun bovve
kütt decke Qualm eruhs.
Die Kinder sin am springe
un zweschendurch wie doll
“Ja beim Souper“ am singe
en ,a'\ en „b" un „Moll".
Was mag das für ein Juja sein
en Freud un 'ne Buhei:
Wat wor dat för e Kische
un Rötsche op de Bänk,
Denn en d'r Schull die Pute
dat Laache nohm kein Engk.
Der Lehrer wor am schänge:
'Wollt ihr wohl ruhig sein,
Was habt ihr denn heut morgen,
was fällt euch Bengels ein?'
Do sung dä kleine Färdenand
met im die ganze Klaß:
<i>Die Wienanz han 'nen Has em Pott,
miau, miau, miau!
Da Höövelmanns ihr Katz es fott,
miau, miau, miau!
Dat Dhier, dat sohß noch gester Naach,
miau, miau, miau!
Met singem Bräutigam om Daach,
miau, miau, miau!</i>
<i>Die Wienanz han 'nen Has em Pott,
miau, miau, miau!
Da Höövelmanns ihr Katz es fott,
miau, miau, miau!
Dat Dhier, dat sohß noch gester Naach,
miau, miau, miau!
Met singem Bräutigam om Daach,
miau, miau, miau!</i>
Dä Has, dä jetz em Kessel
als Broode log zoräch,
Dä hät des Ovends vorher
'ne Schoß m'em Bässen kräg,
Natürlich wor für immer
des Naaks jetz en dr Kall
Et met de Randewühzger
un met d'r Liebe all.
Broch och däm ärmen Dhier et Hätz
die Hauptsaach dobei eß:
Esu en Feßlichkeite die sin nit alle Dag,
Och sitz zom Zobereite
nit immer jet om Daach.
Och broht mer nit zo froge,
wat eß dat för 'ne 'Gang'?
Ja, wer dat nit kunt ruche,
dä hoht et am Gesang,
Denn deef bes en de Naach eren
do heelten sie sich dran:
<i>Die Wienanz han 'nen Has em Pott,
miau, miau, miau!
Da Höövelmanns ihr Katz es fott,
miau, miau, miau!
Dat Dhier, dat sohß noch gester Naach,
miau, miau, miau!
Met singem Bräutigam om Daach,
miau, miau, miau!</i>
<i>Die Wienanz han 'nen Has em Pott,
miau, miau, miau!
Da Höövelmanns ihr Katz es fott,
miau, miau, miau!
Dat Dhier, dat sohß noch gester Naach,
miau, miau, miau!
Met singem Bräutigam om Daach,
miau, miau, miau!</i>
24. Sag' ens Blotwoosch
T: Jupp Schlösser
M: Gerhard Jussenhoven
V: Edition Capella
1. Mancher hätt als ganz nett
Kölsch geleet bei uns.
Un mer höt off genog,
dat es doch kein Kunz.
Doch e Woot, koot un goot,
kritt mer schläch parat.
Dröm wed he unger uns,
ens de Prob’ gemaat.
Alle Mann, alle Mann,
jetz geit et rann:
Refrain
<i>Sag’ ens Blotwoosch,
dat es doch gar nit schwer.
Sag’ ens Blotwoosch,
ich garanteeren der,
wer nit richtig Blotwoosch sage kann,
dat es ‘ne Imi, ‘ne Imi,
‘ne imitierte Kölsche ganz gewess!</i>
2. Jo dat hät, als ganz nett
för et esch geklapp.
Ävver he un och do,
wor et noch jet schlapp.
Dröm Kurasch, jode Moot,
nur nit lang scheneet.
Koot un goot, wed dat Woot
jetz noch ens probeet.
Alle Mann, alle Mann,
jetz geit et rann...
<i>Sag’ ens Blotwoosch ...</i>
3. Herrlich es, ganz geweß,
su’ne Heimatklang.
Dä ich künnt unbedink
höre stundenlang.
Doch wer meint dat die Prob’
he wör ömmesöns,
wemm dat Woot es ze schwer,
dä säht einfach Flönz.
Alle Mann, alle Mann,
jetz geit et rann...
<i>Sag’ ens Blotwoosch ...</i>
25. Drei klein Müüs
T: Richard Griesbach
Drei klein Müüs, drei klein Müüs,
wollte laufe gon, wollte laufe gon,
da sohchen se ne Schutzmann ston,
do kunnten se nit mih laufe gon,
Drei klein Müüs, drei klein Müüs.
26. Sohß e Ääpche om Treppche
T: trad.; Franz Peter Kürten; Alice
Herrwegen
Melodie "Kommt ein Vogel geflogen"
Das "Rudiridirallala" als Refrain ist bei allen
Fassungen gleich
Franz Peter Kürten schrieb folgende
Variante auf:
Sohß e Ääpche om Treppche
vör der Oma ehrer Döör,
hatt e Mötzje om Köppche
un e Hembche vun Papeer.
Sohß e Ääpche om Treppche
vör däm Schuster singer Döör,
hatt e Löchelche em Bötzge
un et Hembschleppche dervör.
Refrain:
<i>Rudiridi rallala, ralala, ralala,
ruderide ralala, ralalala.</i>
Soß e Äpche om Treppche
bei d'r Groß an d'r Dür,
hatt e Käppche om Köppche
un e Jaköbche vür.
Durch et Bötzche hing et Stätzche
un am Stätzche ne Quaß,
un dat Äpche om Treppche
putz sich domet de Nas.
Eine Variante In "Bim, bam, beier Volksreime
und Kinderlieder" Sonderheft "Jung Köln"
Sohß e Ääpche om Treppche,
vör der Großmutter ihrer Döör,
hat e Löckche om Köppche
un e Schellchen dervör.
Alice Herrwegen kennt folgende Variante:
Soß e Ääpche om Treppche
bei der Großmutter vör der Dör,
hatt e Löchelche em Hembche (Föttche)
un kunnt nix doför.
Eine weitere Variante wurde uns von
Helmut Keller geschickt (über 70 Jahre alt):
Soß e Ääpchche om Treppche
bei d'r Großmutter vür der Dür,
hät e Löchelche em Köppche,
held et Hängche dovür.
27. Mer singe Kölsch
T: Albert Schneider
V: Tonger Verlag
Mer singe Kölsch, dat eß doch klor!
Mer singe Kölsch et janze Johr!
Mer singe Kölsch et janze Johr!
28. Om Maat (Fresche Maifesch)
T: Richard Griesbach
Melodie "London's burning"
Fresche Maifesch,
fresche Maifesch!
Hollandsche Hering,
hollandsche Hering!
Eier, Eier - Eier, Eier!
Kühl un Spruute,
kühl un Spruute!