SAMLA SAKSFRAMSTILLING

Side 1
SAMLA SAKSFRAMSTILLING
Arkivsak: 09/989-3068/11
Saksbeh.:
Arkivkode:
Saksnr.:
17/11
Utval
Formannskap/ plan og økonomi
Kjersti Næss Finne
PLAN soneinndeling
Møtedato
01.02.2011
SAMLA SAK - OPPSTART AV REGULERINGSDENDRING TVILDEMOEN, P-ID
09014
Administrasjonen si innstilling:
1. Med heimel i plan og bygningslova § 12-9 vedtek FPL at planprogram for
reguleringsendring Tvildemoen P-ID 09.014, datert 24.01.11 vert lagt ut til offentleg
ettersyn.
2. Med heimel i plan og bygningslova § 12-2 vedtek FPL opptart av reguleringsendring for
offentleg områdereguleringsplan for Tvildemoen P-ID 09.014.
3. Vedtak om oppstart skal kunngjerast og varslast i samsvar med krava i plan og
bygningslova § 12-8.
Formannskap/ plan og økonomi den 01.02.2011 sak 17/11
Behandling i møte:
Administrasjonen si innstilling vart samrøystes vedteken.
Vedtak:
1. Med heimel i plan og bygningslova § 12-9 vedtek FPL at planprogram for
reguleringsendring Tvildemoen P-ID 09.014, datert 24.01.11 vert lagt ut til offentleg
ettersyn.
2. Med heimel i plan og bygningslova § 12-2 vedtek FPL opptart av reguleringsendring for
offentleg områdereguleringsplan for Tvildemoen P-ID 09.014.
3. Vedtak om oppstart skal kunngjerast og varslast i samsvar med krava i plan og
bygningslova § 12-8.
Administrasjonen si utgreiing:
2. DOKUMENT SOM BAKGRUNN FOR SAKA:
Dokument merka med * ligg ved.
*Framlegg til planprogram Tvildemoen 24.01.11
*Referat frå referansegruppemøte 30.11.10
Tvildemoen – utredning for Voss kommune (muligheitsstudie)
Voss kommune
Voss kommune
Mama arkitekter
Side 2
3. SAMANDRAG AV SAKA:
Det vert lagt fram forslag om oppstart av arbeidet med ein offentleg områdereguleringsplan
for Tvildemoen. Det er utarbeida eit planprogram for reguleringsarbeidet. Dette skal leggjast
ut til offentleg ettersyn samtidig som oppstart skal varslast.
Føremålet med planarbeidet er å legge til rette for ei framtidsretta sentrumsnær utvikling for
bustadbygging, næringsføremål, kulturføremål og tenesteyting. Vurdering av utnyttingsgraden
er ein viktig del av planarbeidet. I tillegg må ein sikre gode trafikkløysingar både eksternt og
internt for biltrafikk og mjuke trafikantar.
Planområdet omfattar heile eksisterande reguleringsplan, samt at det er teke med noko meir
areal i randsonene. Ved godkjenning av ny plan vil denne erstatte dagens reguleringsplan for
området.
Heine Tvilde er grunneigar på mesteparten av det ubrukte arealet på Tvildemoen, men det
kommunale eigedomsselskapet Voss Eigedom leiger store delar av området gjennom
langtidsleige. I tillegg disponerer grunneigar sjølv ein del av arealet. Det er også tomter med
private eigarar både på Tvildemoen og i randsonene.
4. FAKTA OM SAKA:
Bakgrunn
Sidan forsvaret frigav Tvildemoen på midten av 90-talet er området delvis utbygd og tatt i
bruk til ulike næringsføremål, undervisning innan kultur- og tradisjonsfag, bustader og
barnehagar. Det ligg føre ein reguleringsplan frå 1999. Føresetnaden som låg til grunn då
planen vart godkjent, har endra seg. Fleire av nyetableringane på Tvildemoen dei seinare åra
har ikkje vore i samsvar med den opphavlege planen. Det har også kome fram forslag til ny
arealbruk på Tvildemoen, som til dømes kommunale omsorgsbustader og reiselivsaktiviter.
På bakgrunn av dette gjorde formannskap/plan og økonomi den 25.06.2009 sak 69/09, vedtak
om å starte eit utgreiingsarbeid som kunne ende opp i varsel om ei reguleringsendring. Mama
arkitekter vart engasjert til å gjennomføre eit muligheitsstudie hausten 2009. Som ei
vidareføring av dette ynskjer ein no å starte arbeidet med ei reguleringsendring for
Tvildemoen. Voss kommune vil vere tiltakshavar for ein offentleg områdereguleringsplan
som skal erstatte reguleringsplanen frå 1999. Muligheitsstudiet frå 2009 vil vere eit viktig
grunnlag for arbeidet med ein ny reguleringsplan.
Reguleringsplan og bruk av området i dag
I gjeldande reguleringsplan er Tvildemoen regulert til konsentrerte bustadområde, område for
blanda føremål (kultur, fritid, offentleg, kontor, verkstad, industri og lager), vegar og
friområde. Ei bru over til Brynavollen skulle gje ei nærare tilknyting til sentrum(sjå
planprogrammet-vedlegg 2).
Området regulert til bustadføremål er stort sett ferdig utbygd med til saman ca 130 bueiningar.
Det er etablert tre verksemder med handel med plasskrevjande varer på arealet nærast riksveg
13. Mange av bygningane som tidlegare var nytta av Forsvaret er tatt i bruk til ny aktivitet
som kontor, næringsføremål, undervisning, kunst og handverk, barnehage mm. Det er også
bygd ein ny kommunal barnehage på Tvildemoen. Sjølv om arealet på Tvildemoen er både
sentrumsnært og attraktivt er det framleis mykje ledig utbyggingsareal. Om lag 1/3 av område
Side 3
regulert til blanda føremål (kultur, fritid, offentleg, kontor, verkstad, industri og lager) er ikkje
tatt i bruk.
Det er etablerte turvegar og stiar både langs delar av vassdraget og langs dei ulike platåa på
Tvildemoen. Desse er mykje nytta, og utgjer verdifulle kvalitetar i området. Eit gamalt
lagerbygg er bygd om til skatehall. Dette er ein populær aktivitet for litt større ungar og
ungdom, ein aldersgruppe som i dag ikkje har andre tilrettelagte tilbod på Tvildemoen.
Planavgrensing og eigartilhøve
I forslag til planavgrensing for reguleringsplanen som ein no går i gang med, er området
utvida i forhold til dagens reguleringsplan. I nordaust tek ein med seg Raberget, området på
andre sida av rv 13 i nordaust. I tillegg tek ein med seg ein korridor langs rv 13 eit stykke mot
Palmafossen og vidare ned mot sentrum. Bakgrunnen for desse utvidingane er for det første
ynskje om å vurdere moglegheiter for næringsareal langs rv 13 ved Raberget. Ved å ta med
seg ein korridor langs rv 13 mot Palmafossen og mot sentrum, ynskjer ein også å sjå på gode
løysingar for tilkomstvegar til og frå Tvildemoen, både for biltrafikk og mjuke trafikantar.
Områda langs riksvegane som ikkje vert regulert til alternative tilkomstvegar vil etter kvart
verte tatt ut av planområdet.
Det ubrukte arealet på Tvildemoen er i hovudsak fordelt på det kommunale
eigedomsselskapet Voss Eigedom, som disponerer store deler av området gjennom
langtidsleige, og grunneigar Heine Tvilde. Resten av området består av sjølveigande mindre
tomter eigd av privatpersonar, nærings- og utbyggingsaktørar, stilftingar osb. Johannes Tvilde
og Heine Tvilde er grunneigarar på Raberget. Langs rv 13 mot Palmafossen og mot sentrum er
det private bustadtomter og næringsutøvarar innafor planavgrensinga.
Føremål med reguleringsendringa
Det skal utarbeidast ein områdereguleringsplan for Tvildemoen, som skal legge til rette for ei
framtidsretta sentrumsnær utvikling av området. Føremålet med planarbeidet er å
1.
2.
3.
4.
5.
6.
vurdere blanda føremål med bustad, næring, kultur, tenesteyting
legge til rette for nye bustadområde med gode kvalitetar
legge til rette for gode vilkår for næringsutvikling og aktivitetar knytt til kultur
vurdere eigna utnyttingsgrad i området
legge til rette for ei trygg og effektiv trafikkavvikling både internt og eksternt
sikre gode forbindelsar mellom Tvildemoen og Vangen, og mellom Tvildemoen og Raberget,
Tvilde, Palmafossen og Bømoen for mjuke trafikantar
7. vidareutvikle grøntdrag, vassdragsbelte, turstiar og møteplassar for barn, ungdom og vaksne
Planprogrammet
Det er utarbeida eit framlegg til planprogram for reguleringsarbeidet som omhandlar
informasjon om planområdet, føremål med planarbeidet, tilhøve til andre planar, viktige
problemstillingar og utgreiingstema, planprosess, framdriftsplan og medverknad.
Viktige problemstillingar er:
Utgreiingstema for planarbeidet er:
Ein ynskjer å vurdere alternative
løysingar for:
- trafikk og infrastruktur
-
infrastruktur og trafikkanalyse
-
utbyggingsstruktur,
utnyttingsgrad og identitet
trafikk og infrastruktur
-
utbyggingsstruktur,
utnyttingsgrad og identitet
-
-
bustadbygging og bukvalitet
-
kulturminne og kulturmiljø
-
-
bustadutbygging,
næringsutvikling og blanda
føremål
utvikling av grøntområde,
Side 4
fellesområdet og felles
møteplassar
-
næringsutvikling og reiseliv
grøntstruktur og vassdrag
-
energi og miljø
risiko- og sårbarheit
5. ADMINISTRASJONEN SI VURDERING:
Tilhøve til kommuneplanen
I gjeldande kommuneplan er Tvildemoen regulert til bustad- og næringsføremål. Dette er
vidareført i framlegg til ny kommuneplan. I framlegg til ny kommuneplan står det i
samfunnsdelen om Tvildemoen:
Nesten alle område som er avsett til bustadføremål innafor reguleringsplanen på
Tvildemoen er no bygd ut og sluttført. Det vil i komande planperiode bli arbeida med
endring av gjeldane reguleringsplan for Tvildemoen som kan gje fleire bustader. Tal
einingar må utgreiiast nærare i planarbeidet.
I gjeldande kommuneplan ligg Raberget og området bak inne som areal bandlagt av Forsvaret.
I ny plan er Raberget regulert til næringsareal, området bakom er mellom anna lagt inn som
bustadareal. Forsvaret disponerer framleis heile dette området. I samband med offentleg
ettersyn av kommuneplanen, har Forsvarsbygg i brev datert 22.12.10, kome med følgjande
uttale:
I samband med reguleringsarbeidet må det gjennomførast ein dialog med Forsvaret for å prøve
å få fristilt heile eller delar av næringsarealet på Raberget.
Oppstart av arbeidet med ei reguleringsendring er i tråd med framlegg til ny kommuneplan.
KU-vurdering:
Ved oppstart av planarbeid skal det gjerast ei vurdering av behovet for konsekvensutgreiing.
Planarbeidet er vurdert etter ”Forskrift om konsekvensutgreiingar (26.06.09). Planen fell inn
under § 3 ”Planar og tiltak som skal vurderast etter § 4. Sidan dette er ei omregulering av
eksisterande regulert område, meiner ein at det ikkje er trong for ei full konsekvensutgreiing.
Nokre tema er likevel viktige å få utgreidd i planarbeidet. Det er difor utarbeidd eit
planprogram som mellom anna omhandlar utgreiingstema.
Eksisterande plan er planlagt etter gamal plan- og bygningslov. Ein del av planarbeidet vil
difor også vere å tilpasse eksisterande plan til ny plan- og bygningslov, og ved godkjenning av
ny plan vil denne erstatte den eksisterande plan for området.
Planprogram, planprosess og medverknad:
Planprogrammet gir ei oversikt over planområdet, innhald, problemstillingar, planprosess og
medverknad. Dei viktigaste utgreiingstemaene er knytt til trafikkavvikling og
utbyggingsstruktur, utnyttingsgrad og identitet.
Side 5
Det er ynskjeleg med ei stor grad av medverknad undervegs i planarbeidet. I september 2010
vart det halde eit ope møte der ein informerte om muligheitsstudie (2009) utarbeidd av Mama
arkitekter, bygging av vindtunnel og planar om oppstart av arbeid med reguleringsendring.
Rundt 40 personar deltok på dette møtet. Det er allereie etablert ei referansegruppe med
deltakarar frå ulike interessegrupper på Tvildemoen. I samband med utlegging av
planframlegg til offentleg ettersyn vert det lagt opp til eit nytt informasjonsmøte.
Ein ynskjer å ha ein særskild fokus på barn og unge i planarbeidet. Det er allereie i dag
etablert mange bustader på Tvildemoen. Det er fleire leikeplassar for dei minste, men
tilrettelegging for litt større ungar og ungdom er mangelfull. For å få innspel til planarbeidet
frå denne målgruppa, ynskjer ein å opprette dialog med miljøet rundt skatehallen og
ungdomsrådet i kommunen.
Formannskap/plan og miljø som planutval vert styringsgruppe for planarbeidet. Det vert lagt
opp til jamnleg orientering frå planarbeidet, og medlemmer i FPL kan delta på
referansegruppemøta etter ynskje. Ei administrativ arbeidsgruppe består av ein person frå
næringsavdelinga og to frå plan.
Det er aktuelt å leige inn eksterne konsulentar til ulike utgreiingar. Dette skal finansierast
innafor eksisterande økonomiske rammer.
I planprogrammet er det lagt opp til ein prosess med utgreiingar og utarbeiding av planforslag
i 2011, og ei slutthandsaming av planen våren 2012. Avgjerande spørsmål knytt til både
næringsutøving og kommunale omsorgsbustader skal vurderast i planen, og det er difor viktig
å halde ein god framdrift på planarbeidet. I tillegg utgjer manglande bruk av regulert areal på
Tvildemoen store kostnader for Voss Eigedom. Framdrift av planarbeidet vil mellom anna
vere avhengig av bruk av konsulentar og kapasitet på planavdelinga.
Konklusjon
I planprogrammet for offentleg områdereguleringsplan for Tvildemoen er det lagt fram
føremål, problemstillingar og planprosess for arbeidet med planen. Gjennom planarbeidet skal
ein gjere ei vurdering av utbygging og utnyttingsgrad, trafikkløysingar og vidareutvikling av
grøne strukturar.
Administrasjonen rår til at framlegg til planprogram vert sendt på høyring og lagt ut til
offentleg ettersyn, og at det setjast i gang eit arbeid med ein områdereguleringsplan for
Tvildemoen.